*** محبي سهر القوافي بعد الحاج ***

[شجن البورت]

جمّع لكل الناس
شاهد القمر وسهيل
عبر الأثير ونّاس
في سهرة نص الليل
ومذيعا زول حسّاس
زولاً زمانو قبيل
عاش في زمان الناس
عاشو الزمن في خميل
كان المبادي أساس
جد كان غناهم أصيل
خلّد غناوي تراث
عاشت لجيل وراء جيل
سهر القوافي الماس
نحنا بنحبو عديل
بيجمع الإحساس
من أرض مليون ميل
ويعطّر الأنفاس
من زهرو من إكليل
بغناوي جد نبراس
واللّمة هي دليل
وقوافي ليها أجراس
تبقالنا نحنا ضليل
والله جد يا ناس
سهر القوافي جميل

شجن

[شجن البورت]

برنامج سهر القوافي على (إذاعة البيت السوداني fm100) .

يبث مساء كل أربعاء الساعة 10 مساءاً

تقديم الإذاعي الراقي : عمر محي الدين

يعاد : الأحد من كل أسبوع العاشرة صباحاً

فمقدمه الأستاذ/ عمر محي الدين ما يلفت الإنتباه أنه ينتقي

دواوين جميلة لكبار الشعراء هذا بالإضافة إلى أنه يعرض دواوين وقصائد لشعراء شباب فخلق من خلال البرنامج روح تواصل جميلة بين حروف الأمس واليوم

هذا بالإضافة إلى القوافي الملحنة والمغناة فهو يختار أغنيات سودانية جميلة ونادرة وقمة الذوق

عن الأستاذ عمر محي الدين أفردنا مساحة من قبل على المنتدى على الرابط أدناه :

من هنـــــــــــــــــــا أضغط :SugarwareZ-217: (http://adalhaj.com/vb/showthread.php?t=2441)


من أجمل البرامج التى قدمها في 2009م كان برنامج (فنان في البيت)

كان برنامج يحاور كبار الشعراء والفنانين والملحنين

في حوار جميل جداً وممتع كل ثلاثاء

وبعد هذا البرنامج أصبح يقدم (سهر القوافي) وأعتقد أنه أبدع فيه

لعلاقته الوطيدة بالشعر

فهو شاعر راقي ينتقي الحروف

ولعل من أشهر كتاباته التى إشتهر بها هي رائعته (بين خاطرين)

ومن برامجه أيضاً سهرة مع كاكوم



البرنامج أصبح جاذباً لكبار المبدعين في شتى المجالات ولهواة الشعر

أتمنى من كل الغالين بعد الحاج متابعة البرنامج والتواصل عبر هذا البوست

فهو حقيقي يشبه ذوق منتمى هذا المنتدى المسكونون بالإبداع والجمال


لكم كل الود ***

[شجن البورت]

أعرف أن أغلب الأعضاء بالمنتدى من الطيور المهاجرة لذلك لا يستطيعون متابعة البرنامج من خلال المذياع

ولكن يوجد الرابط الخاص بالإذاعة fm100 على الشبكة العنكبوتية فيمكنهم المتابعة من خلالها على الروابط أدناه

البث المباشر

http://www.sudanradio.info/media/fm100/


http://fm100.sudanradio.info/ar/index.php

متابعة طيبة أتمناها لكم :SugarwareZ-003:وجميل إستماع وإمتااااااااااااااااع:)


لكم كل الود ***

[λβoѕнєгOġ]

http://www.rufaaforall.com/board/uploaded/6054_1332761962.jpg

الله عليك ياغالية وانت دوما
تتحفينا بالروائع
بالجد سهر القوافي من اجمل البرامج
سوف نتابع البرامج
والاستديو التحليلي معك :D
شكرا لاتكفي بت البورت

[λβoѕнєгOġ]

width=600 height=350

[شجن البورت]

http://www.rufaaforall.com/board/uploaded/6054_1332761962.jpg

الله عليك ياغالية وانت دوما
تتحفينا بالروائع
بالجد سهر القوافي من اجمل البرامج
سوف نتابع البرامج
والاستديو التحليلي معك :D
شكرا لاتكفي بت البورت

الراقي دوووماً ** أبو شرووق

بل الشكر الجزيل للحضور الانيق دوماً

وأنت أحد محبي البرنامج الجميل

نتمنى من الجميع هنا المتابعة والمشاركة

في الأستديو التحليلي :)

فمنتمى عد الحاجات مميزين ومتميزين بالإبداع

وقد يصادف سهرة الغد سهرة غير لأربعينية وردية

بث خاص لأربعينية وردي وقد تأتي في زمن متأخر

في الحالتين بتمنى متابعة البيت السوداني

فورديات وردي ووردي الهرم يستحق .. وسهر القوافي الجميل أيضاً

يستحقاااااااااا المتابعة ...

في اليومين القادمين والبرمجة الخاصة المفتوحة على مدار اليومين الأربعاء والخميس

التي أعدتها أسرة البيت السوداني

ستكون هنالك نواااااااااااادر عن وردي سوى في حياته أو فنه

لأول مرة على fm100 بتمنى ما تفوتوا هذه الروائع

وبعدها نواصل الإبحار في سهر القوافي العذب



لك خالص التحايا والتقدير ***

[شجن البورت]

ملخص الحلقتين السابقتين

القبل السابقة

القوافي :
- شوق السنين لي زول حنين – خلف الله عبد الباقي
- يعني مكتوب لي أشقى – خالد أحمد الحاج
- ضيعت ريدك يا حبيبي
- ملت عواطفي الريد
- ما أظنك تاني ترجع – عمر محي الدين
- أنا العايش علي الاوهام
- إتعودت عيني
- كيف تنسى زول
- أنا بكرهك – نضال
- كسرت اليوم كل قلم – عمر محي الدين
أما الأغنيات :
- الشمس غابت – تاور
- الدار الما داري
- تسابيح – عثمان حسين ومحمد يوسف موسى وود الحاوي
- الأماني العذبة – خليل إسماعيل وأبو قطاطي
- ما إتغيرت – ثنائي النغم
- القرار – الطيب مدثر
- مشي أمرك يا قدر – صلاح مصطفى والحلنقي
- قاصدني ما مخليني – إبراهيم عوض ومحجوب سراج
- الحبيب العائد – وردي


***********************

الحلقة السابقة عن الأم

القوافي :
- تاني ياتو يجيبني ليك – حميد
- إخلاص وريدة
- معنى الحنان الحنان والطيبة
- ست الناس عديل
- سلامات يا قلب أمي
- مرثية ود المامور
- لو زمانك جار عليكا

الأغنيات :

- أمي يا أجمل كلمة بقولا – أطفال
- أمي الله يسلمك – ترباس
- إنتي يا أمي غالية عليَّ – حمد البابلي
- كيف أجازيك تسلمي يا يمة – سمية حسن
- ما لأنك إنتي أمي – أريج الربيع مع ود المامور

[شجن البورت]

حلقة سهر القوافي ستكون على غير العادة مساء الخميس بدلاً عن اليوم الأربعاء بسبب أربعينية وردي اليوم وستكون السهرة اليوم عن وردي ...

وعلى غير العادة أيضاً سيشارك في تقديم سهر القوافي غداً بإذن الله مع الأستاذ عمر محي الدين

الإعلامي الكبير من قناة الجزيرة لقمان حسن همام

والإعلامي المتمكن سعد الدين حسن من قناة النيل الأزرق

وسوف تكون ورديااااااااااااااااااااااات

أتمنى أن نتابعها معاً فسوف يكون التميييييييييز عنوانها


لكم كل الود ***

[شجن البورت]

ست الناس جميع وست الحبايب جملة
مأصلة من قبل دنيتنا تفضى وتملأ
بت أبرار ودين عقب فراسة ودولة
عادلين في الحكم حافظين كتاب المولى

سبحان الكريم شارع وكيفن قادر
سواك من تراب حسبتو طيناً نادر
عاطفة علي دوام وأنا ليكي ديمة مبادر
الله يديم صفاك الله الكريم القادر

شارة علي سلام من الشرور حاحيتي
عودذتي الخلوق بالناس عليَّ رقيتي
حافظة حدود مليك سامع إذا ناديتي
تسلمي يا هداي الحاشا ما ضليتي

أصيلة وبت رجال ترسوا القبيلة مهابة
عامرين بالذكر النفقة والتقابة
ربايين يتيم لين عريكة أصحابا
إن حرت عقب شادين سروج الغابة

كيفن أوفيك مديح وإنتي الأصول والشكرة
من زمناً قديم والدنيا كانت فكرة
يا بت العزاز اليوت بحلوا الوكرة
جمعتي الصفات كل القيم محتكرة

الزيك عدم منو البقرب قيفك
محمية عروض جودك طمح لي ضيفك
كل يابس عليك شابا ووراهو خريفك
ما إتقريف شكاك دايماً مكملو كيفك

أم نفل الدعاش منشرة فينا سحابة
غلتنا ودخل في حماها كل أحبابا
في دارا الكبير ما قفّلت أبوابا
قالت بي سرور الدنيا عمرت دابا

مبروكة وحكيم رايا التكنو السنة
سديد إن قالتو محال تشوبو مظنة
إن شبك الأمر ماها البتاخد صنة
كم حلت أمور بيها القدر محنّا

الله يسلمك يرعاك بصحة أكيدة
وعمرك في الوجود أيامو تبقى مديدة
كل ما أسألك ألقاكي ديمة شديدة
طوالة السجود حباً في الله وريدة

ممهولة الخلق راسية وديمة حكيمة
صبرك زاد سكات قوة ومعاها شكيمة
فوق لي داك كمان سمحة ورؤوفة رحيمة
المعدن دهب والناس عقب تلقيمة

سمحة جنس سماح نادرات جميلة خصالك
الزمن العجيب حين دج وأصبح حالك
نورتي الوجود والحسنة يوت في بالك
إنها عشرة ليك تجزيك ثواب أعمالك

يا ستري وغطاي شاملني دايماً حنك
دعوات الصلاح واصلاني جايات منك
بي غادي العيون بفديك إذا كفنك
يا يمة البفوق للزهرة شايف إنك


لمامة الشمل يا يمة قدرك عالي
دونك كل شئ حتى النفيس الغالي
الروح والنفس موهوبة ليك طوالي


أمي عهود وفاك ساكنات شرايين دمي
ما غيرن أبن في الدنيا كانن همي
يا زينة الوجود أنا فيكي جريت نمي
كان أقدر أطول شكرك كفاي يا أمي

وآسف إن قصر في نمتك مسداري
أتشرف يزيد لي مدحكم مقداري
ما بقدر هواك أكتم عليهو أداري
ريدك همي ما قصراً علي إجباري

مستورة العروض سابلات عليكي السترة
يا المشيك مهيل حاشاكي يمة العترة
الزيك محال ننساهو شان الذكرى
ما بقدر وفاك إن قلت فيك لي بكرة

[شجن البورت]

نبع الحنان والطيبة
غالية وأعز حبيبة
معنى السماح في رضاكي
ودونك حياتنا صعيبة
من غيرك رضاكي علينا
ما بنلقى عافية وطيبة
الجنة تحت أقدامك
وأيامنا بيكي خصيبة
راجي الكريم يرعاكي
يبارك خطاك يا أمي

من يوم وعت عينينا
إنتي الشفوقة حنينة
حضنك ملاذنا ودارنا
وعطفك دوام راعينا
كان يوم شكينا تعبنا
عينيكي ساهرة علينا
أو جار زمانا إتغير
مين غير ضراك يحمينا

فاردة الجناح بسماحة
في ضل حماكي ربينا
وعاطفة وأمان ومودة
دفقات حنان تسقينا
رب العباد يحميكي
وتعيشي لي يا أمي

جمايلك إنتي كتيرة
جد مستحيل أوفيها
دنياي كل حياتي
وأسمى المعاني الفيها
لو تكفي ليكي هدية
حافي وبجيك أهديها
إشراق سعادتي وجودك
والعزة لي جبتيها
مهما سعيت وعملت
أسباب رضاك راجيها
ست الحبايب دمتي
ينبوع حنان وسلمتي
سلمتي لي أمي
وعشتي لي يا أمي
غالية علي يا أمي
وأغلى علي من دمي

[شجن البورت]

إخلاص وريدة وتضحيبة
صفتك دوام يا طيّبة
يا أمي يا نبع الحنان
الديمة مني قريّبة
عطفك أمان لينا ويقين
يا غالية يا ست عزنا
نحيا وحنانك يلمنا
وريدك دوام بيضمنا
إنشاء الله تسلمي لي أنا
أمي أنا يا أمنا

يا أمي يا داري الحبيبة
قلبي سماح وأمان وطيبة
بيكي نور حياتي ودنيتي
أيامي تمضي معاك خصيبة
يا معنى ريدنا وحبنا
رب العباد يحميك لنا
وتنعم حياتك بالهنا
وتشيلي لينا جنا الجنا
يا أمنا ....

كان يوم شكيت هم وإبتليت
نلقاك بتحملي همنا
باذلة النفس من أجلنا
وشايلة القسا وهم العنا
دايماً مضارية بدون ونى
وحضنك ملاذنا وضلنا
وين زي حنانك في الوجود
يا ست هنانا وسعدنا

خيرك كتير ما ليهو حد
ياما قضيتي الليل سهد
إنتي الأمان وإنتي السند
كيف غير رضاك نلقى السعد
ما رضاكي يا غاية المنى
فيهو الرضا من ربنا
ورب العباد يحميك لنا
يا غالية يا رمز الهنا
تحي وحنانك يلمنا
وريدك دوام بيضمنا
يا ست هنانا وسعدنا
حضنكملاذنا وضلنا
يااااااااا أمناااااااااااااا

[شجن البورت]

محمد الحسن سالم حميد القامة رحمة الله عليه

تاني ياتو يجيبني ليك
ديك معزة عزيزة كانت
وللأسف هانت عليك
ديك مودة ودودة عمرت
وعمرت وجوداني بيك
قول لي كيف بالله قدرت
عشقتا ونامت عينيك
أصلي جيت الدنيا شايل
في حنية زمانك
وقلت ماني قايل
يا محنة دة ما بكاني
إلا لمن شاقني خاطر
أملا روحي وأزور جنانك
رحت طاير وعدت طاير
وأفرد الأشواق حنانك
وخلي بالك ما عرفت
قلبي قبلك عاش جريح
وللمسافة ما نزفت
ماني قايلو يقوم نصيح
يبقى قادر هسة ينسى
لي محالة بيستريح
في ضليل صبارة يرسى
ينفض الريح ويستريح
كلما السافنا كانت
ليه حظوظي معاك فقيرة
بالوعد قداما بانت
للسعد بارقات كتيرة
من خريف الدنيا كلو
يكفي أرضها رشم طيرة
والشجر يرجعلو ضلو
والعصافير قيرة قيرة

[شذي]

الله ينور عليك اختي
اليوم راح احضر معاكم
ومن الان حضور معك هنا في البوست
بالجد تحليلك حا يكون ولا اروع

[العبير]

وبين خاطرين انا متحيرة
بين الاذاعة وبين تحليلك هنا
حضور رقم 3
ماقصرتي بت البورت يسلمووووو

[شجن البورت]

الله ينور عليك اختي
اليوم راح احضر معاكم
ومن الان حضور معك هنا في البوست
بالجد تحليلك حا يكون ولا اروع

يااااااااا مراحب بشذى الزهر ولااا زهر

منوووووووووووورة ومخضضرة ومزهرة

الغالية ** شذى

وحضووووورك ألق وجمالك وحضور فيالحضور

وفي صباحاتنا ومساءاتنا الندية
يلا نتنسم قوافي
يلا نستنشق عبيرا
وعطر إحساسا الخرافي
في الدخول تتحس بااااردة
وجوة ببقى إحساسا دااااافي

بتمنى تتابعي وتدمني عليهو

فهو أروع من رائع

وماااااا أجمل صوت المبدع عمر محي الدين

وهو ينساب في هدأة الليل والسكون مع االموسيقى الحالمة الرومااانسية

تنقلك إلى عالم جمييييييل من الروعة

وماااا أجمل الأغنيات التي يقدمها مختارة بذوق متناسقة مع القوااافي

كأن القوافي كتبت للقوافي الملحنة

ومااا اجمل الأغنيات الجديدة والقديمة التي تبث لأول مرة على البرنامج


ونتلاقى بعدييييييييييييييين ...

وقت ما الليل يجن .. وتظهر النجمة البعيدة

مع سهرة مختلفة ... بكل شئ

حضور إعلاميين متميزين

وحضور في غير الزمان
وحضوووووووورك الأنيق وعد الحاجاويين :)


لكى خالص التحايا والود ***

[شجن البورت]

وبين خاطرين انا متحيرة
بين الاذاعة وبين تحليلك هنا
حضور رقم 3
ماقصرتي بت البورت يسلمووووو

وشكواااك وصلت وأفتيت في الحين
يااااااااااااا حايرة بين أمريييييييييييين

الغالية ** العبير

وخليك بين الإتنين
عبر الأثير وهنا
بي صوت بجينا حنين
وكلام بجيبو أنا
من شعر راقي رصين
وأجمل وتر وغنى


ونتقابل مساء اليوم
ونرسم في حشاء
الليل داك تصاويرنا
ونضيع في زحمة الإلفة
وتحس بالفرقة ناااس غيرنا
ومع ضؤ الشمس تطلع
ملامحنا وتعابييرنا
باكر ...

وباكر بجيك .. قاطعة مسافات الجمال .. ليكم أصل
شيلة معاي هوى السكون .. من ليل جميل شاهد زحل


عاااطر تحياتي وودي ***

[شجن البورت]

مرثية ود المامور في الأم

الكان حروفا تجيك درر
مغسولة بي برد الغمام
ونقية زي حب المطر
الليلة إنقطع الكلام
وإستعصى يكتب فيك سطر
ونظموا إفتقد النظام
والمهجة ماتت والشعر
والخضرة إنقلبت يباس
والمهجة أضحت في بحر

بتذكرك تجي بالشعور
لولاكي ما عرفت الشعر
بتذكرك شورتك معاي
تديها من ثاقب فكر
ولما تستعصى الأمور
عندك مفاتيح الأمر
وأنا غايتو زييك ما رأيت
في الحكمة أو بعد النظر
وأنا أصلي أبداً ما لقيت
زي نوع طبايعك في البشر
بتذكرك تتلي الكتاب
تتأملي الآي والصور
وإتذكرك تدي الدروس
للنسوة تشرحي في السير
بتذكرك تدي الضعيف
الحسنة وأمثالا بعشر
الليلة كيف أمسى الضعاف
والعايل المانح ختر
فقدوكي محتاجين نداك
فقدوكي ذلالة عسر
فقدك عليهم كان عظيم
فقد البوادر للمطر
فقدك عليهم كان مرير
وإخلاص وليدك كل أمر
كنتي لي راياً سديد
وكنتي لي شورة وفكر
كنتي من عيني الوسيع
وبلاكي كم ضعف البصر
كنتي في كدر الظروف
كم كاظمة للقيظ والكدر
متشهي أديك من عطاي
متشهي أمنحك أو أبر
وكأنو ما واجب علي
أوفيهو حسنات أو أجر
لكنو طبعك في الجميل
دايماً تسوقيهو الشكر
والله يا أمي الرؤوم
لولا يقيني مع الصبر
وإيمان مأصل في القليب
ويقين مؤكد بالقدر
وإنك مشيتي إلى نعيم
ومقيم في دار المستقر
ما كان صبرنا علي الفراق
أو إحتملناه الصبر
أنا كنت آمن في ضراك
مكر النوايب والدهر
وكنت هاني البال معاك
ما بعرف الهم والكدر
ولما تقسى علي ظروف
أو يعصى لي دونك أمر
دعواتك إنتي مفرجات
للكربة تشرح للصدر
ولما سميت بيك جناي
يوم طل في الدنيا وظهر
قاصد أبرك بي حشاي
هل عندي أكتر منو بر
سمعت فقد الأم صعيب
يوم ضقتو زي قص الضهر
حسيتو في كبدي الرهيف
طاعني مخرز من حجر
وأريتو لو مسنون سنين
كان إحتملناهو الحجر
لكنو يخرش في القليب
يقطع فؤادي كما النشر
لو قالوا لي سفرك قريب
كان إحتملناه السفر
لكنو سفراً لي ديار
كم فيها للناس من عبر
إختارك الرب لي جوار
وداكي دار المستقر
تتهني بي أسعد جوار
كنف المليك المقتدر
قابلتي ربك بي يقين
طايعاهو في كل ما أمر
إنشاء الله يجزيك بالجنان
تتهني في أفخم حجر
وتشربي الطاهر الطهور
الجاري في أقدس نهر
وتلقي فاكهات الجنان
وقطوفا دانيات الثمر
بالله يا أمي الرؤوم
وإنتي في لين في يسر
لامن تلاقيهو الحبيب
السيد الباهي النضر
أغريهو ألف صلاة وسلام
أغري الشفيع المنتظر
وأوصيهو بي ذنبي التقيل
الشايلو مثقل في الضهر
قولي ليهو مفلس غير عفوك
والداخرو لي قدام مهر
راجي الشفاعة من الحبيب
أو رحمة من خالق البشر
قبروكي يا بدر التمام
يا الباهية يا أم وشاً قمر
قبروكي يا أم طبعاً أديب
الأصلو صوتك ما جهر
قبروك ووشك هالي نور
يا الباسمة يا خد الزهر
قبروك وجسمك زي حرير
أو في الحرير زايد نضر
قبروك وغطوك بالتراب
وغط التراب لولي ودرر
إرتحتي فارقتي السهاد
وبدينا يا دووب السهر
دعواتنا تظفري بالجنان
والبلقى جنتو هو الظفر

[شجن البورت]

هيثم مامان


سلامات يا قلب أمي
يا الخايف علي ديمة
يا الباقيلي نسمة صيف
في عز الهجير ديمة
وفي الليل الطويل مصباح
وفي خاطر الضحى نجيمة
ومهموم ديمة بي همي
سلامات يا قلب أمي
يا وناس ويا حناس
ويا الشايلني فوق الراس
ويا مخبيني في الأعماق
وخايف لي من الناس
ويا حارسني بالدعوات
وبي شلال من الإحساس
وبي حب النبي الأمي
سلامات يا قلب أمي
يا النابض محبة وخير
ويا شايل هموم الغير
ويا البتضحي بي روحك
عشان خاطر عيون الغير
يا أطيب من الطيبة
وأرهف من قلوب الطير
سلامات يا قلب أمي
يا مساهر مع القمرة
ومع النجمة الصباحية
وماخد رقة الزهرة
وأحلام المزارعية
سلامات يا قلب أمي
يا واصل منتهى الريدة
ومدفق ديمة حنية
ودمك جاري في دمي
سلامات يا قلب أمي
يا مسكون حنان وأمان
يا فايض هدى وإيمان
يا الراحل معاي شفقان
وشايل رحمة الرحمن
وزايد في إشتياقك شوق
وفي عمق الحنان تحنان
فداك روحي وفداك دمي
سلامات يا قلب أمي

[شجن البورت]

مقدم البرنامج الأستاذ/ عمر محي الدين

لو زمانك جار عليكا
وعلمك معنى التجافي
خلي قلبك إنت صابر
أبقى صادق أبقى وافي
والحياة إن دارت تعاتبك
فجرت جواك قوافي
فيها تشكر أبقى مخلص
فيها فتش عن مرافي

لو زمانك مرة خانك
جرعك من كاسه علقم
أفتح الآمال منافذ
فيها أصبر تلقى بلسم
ولو جراحك فيها زادت
ولا زادت بيك هم
خلي صدقك فيها دافع
بكرة بيزول الألم

لو حبيبك جار عليكا
باع عهودك وبدلا
ضيع الآمال معاك
أرخي الستاير وأسدلا
ما تفكر تبقى جافي
لحظات بعادو إتأملا
بتبقى ذكرى معاها بسمة
لحظات عصيبة إتحملا

ولو مودر ليك خاطر
جمع الأفكار وعيدا
فيها أسبح بي خيالك
رجع الذكرى البعيدة
ليها حتماً إنت توصل
تنشد الأفراح قصيدة
وفيها معنى الفكرة ظاهر
وزاخرة بي أفكار جديدة

ولو حبايبك ضنوا جاروا
سابوا ليك إنت الدرب
ليه تفكر إنت تقسى
أبقى ملهَم زول محب
حقو تفهم من فراقهم
عركة الزول البحب
كيف تصبر قلب هايم
لو معذب صابو حب

لو بديت إنت الخصام
عود وسامح أبقى وافي
فند السبب البديتو
أقعد أشرح في البديتو
لو لقيت روحك بتغلط
لي شعور حابيك راعي
وحقو ترجع ليهو مخلص
لى خصامك مافي داعي

[λβoѕнєгOġ]

لقد ادهشتني روعة ماسطرتين
مجددا اسجل اعجابي هنا
بما نثرت من حروف
الله لايحرمنا منك ياغالية
تقبلي مروري اختي شجن
متابعين معاك

[شجن البورت]

لقد ادهشتني روعة ماسطرتين
مجددا اسجل اعجابي هنا
بما نثرت من حروف
الله لايحرمنا منك ياغالية
تقبلي مروري اختي شجن
متابعين معاك

يا هلا وغلا بملك الإبداع والرقي والتفرد

أبو شرووووووقنا

فأنتم دوماً صانعوا الدهشة والجمال

وربنا كمان لا يحرمني منكم
وبتمنى اليوم ماااااااااااا تنسى وتتحررررص على المتابعة لأنه غيييير

في حضرة وردي المبدع وبين المبدعيييييين

وشكراً للإدارة التي ثبتت الموضوع

وأكيييد الجاي أجمل وأروع


أندى وأرق التحايا والتقدير ***

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl104.gif

صباااااااح الوروووووووووووووود

حلقة أرووووووووع من الروووووووعة
وتنافس الجمااااااااااااااااال

حلقة بعطر ولون وإسم الورد

حلقة وردييييييييييية

مع ورديات وردي

وبأصوات وردية مبدعة

كل القوافي بأصوات المثلث الإبداعي
عمر محي الدين - لقمان حسن همام – سعد الدين حسن
ورديات الراحل وردي
وكلها سمعت بصوت الهرم الراحل المقيم وردي

- هذا الجميل – مرثية الأستاذ سعد الدين
- فتش في ترابك – عمر محي الدين
- طوال ما الضفة تشهد – عمر محي الدين
- هام ذاك النهر – سعد الدين حسن
- وطنّا البإسمك – نعمان حسن همام
- يا أعز الناس – سعد الدين
- الريلة – سعد الدين
- وا أسفاي – لقمان حسن
- القمر بوبى – لقمان حسن + سعد الدين حسن
- الهوى الأول – لقمان حسن
- الحزن القديم – سعد الدين حسن
- قسم بي محيك البدر – لقمان حسن
- نحن أبناؤك – عمر محي الدين
- الحبيب العائد – سعد الدين
- في عينيك عنواني لفاروق جويدة بصوت الأستاذ/ لقمان حسن

http://i76.photobucket.com/albums/j13/ahmadziton/tajmeel/fawasl/fawasl104.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl104.gifhttp://i76.photobucket.com/albums/j13/ahmadziton/tajmeel/fawasl/fawasl104.gif


في رثاء وردي
بقلم الأستاذ/ سعد الدين حسن

إذا أقلعت عنك ...
أخاف من مرافئ الضياع
أخاف أن تعود صرختي
إليَّ دونما إستماع
أخاف تعجز الرؤى
تهرب عتمة الحروف
تملأ الفجيعة البقاع
وكنت يا بحيرة عميقةً
عميقةً .. عميقةً .. بدون قاع
وبؤرة النوال والوشائج الفجيحة
نهواك بالقريحة ...
ونحكي للقلوب منك كلما صبيحة


http://i76.photobucket.com/albums/j13/ahmadziton/tajmeel/fawasl/fawasl104.gifhttp://i76.photobucket.com/albums/j13/ahmadziton/tajmeel/fawasl/fawasl104.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

فتش في ترابك
للشاعر/ المكاشفي محمد بخيت

فتش فى ترابك ..
قَلِبوُ ذرة ذره..
تلقانا بنحبك أكتر كل مرة
نحن أولاد كفاحك رغم وجودنا بره..
رغم الخطوة تاهت.. رغم الغربة مُرة
ننشد فى سبيلك عرفانا وجميلك ..
ونرحل فى هتافك يا عِشْقْ إستمرّ..
فتش فى ترابك ..
قَلِبوُ ذرة ذره..
بى عينيك نعاين عبر الضَلْمَة باكر
بكرة الجايى باين فى عودة مسافر
أمن قلبو عندك….طاف الريح مهاجر
أنفاسك تنومو لما الحزن جاسر
وأجراسك تقومو ..يصحى معاك يساهر
يصحى الحلم دايماً شعب ضراعو وافر …
فى الأرض التزغرد فى أفق الحناجر…
والشمس البتطلع فى أعلى المنابر
وزى فى كل مرة أحلى وأغلى ثورة
يا وطن الأمانى وشعب إرادتو حرة…
فتش فى ترابك ..
قَلِبوُ ذرة ذره..
ياما الضفة تشهد يوم غنيت مكانا
يوم الغابة شافت في عينيك زمانا
لما الكلمة تطلع منك برتكانه..
زيك نحن نعشق شرط تكون معانا
فى توب البنية وفى لمسات حنانا..
فى كل الأماكن وين ماتروح خطانا
هو العيد نشيدك 0..واللا الفجر عيدك
نحن الفى بعيدك أقرب من وريدك
فى ايدينا جمرة…
طول الوكت حرى ..
ياوطن الأمانى وشعبو إرادتو حرة..
فتش فى ترابك ..
قَلِبوُ ذرة ذره..
زرعو خصام جنوبنا ..بى سبب الديانة ..
الأديان سماحة وروح الدين أمانة..
طول تاريخنا عايشين فى السودان ضرانا
فينا لسانو عربى وفينا لسان رطانه..
مختلفين ثقافة ومختلفين ديانه
من كل التباين وحدنا إنتمانا
ومتفقين فى حبك يا عالى المكانة



http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

صورة من أستديو سهر القوافي تم أخذها بعيون كاميرا الأستاذ/ إسماعيل عثمان
http://adalhaj.com/vb/attachment.php?attachmentid=93&d=1333296822

لقمان حسن همام - عمر محي الدين - سعد الدين حسن

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif


هام ذاك النهر
كلمات الشاعر/ مرسي محمود سراج

هام ذاك النهر يستلهم حسنا
فإذا عبر بلادي ما تمنى
طرب النيل لديها فتثنى
فارو يا تاريخ للأجيال أنا

ثائر إذ هب من غفوته
ينشد العلياء في ثورته
كاندفاع السيل في قوته
عجبا من له جند على النصر يعين
كلنا نفسا ومالا وبنين

نحن في الشدة بأس يتجلى
وعلى الود نضم الشمل أهلا
ليس في شرعتنا عبد ومولى
قسما سنرد اليوم كيد الكائدين
وحدة تبقى على مر السنين

قلب إفريقيا بوعي نابض
حل منا بالجنوب الناهض
منعة الغاب بليث رابض
قدما هي كانت جنة المستعمرين
ما لهم منها تباروا خائفين

نحن أبناء ملوك في الشمال
توجوا الفونج وزانوا كردفان
أفسح المجد ليهم خير مكان
نسبا نعم أجداد بهم يزهو جبين
خلق يسمو وعزم لا يلين

دربنا يوم اللقاء كيف دعا
حين داعي البذل بالروح دعا
كيف بالسيف تحدى المدفعا
ودما بذلوها ذرة لا تستكين
للقنا للقيد للعيش المهين

حين خط المجد في الأرض دروبه
عزم ترهاقا وايمان العروبة
عربا نحن حملناها ونوبه
بدمانا من خلود الغابرين
هو يحدونا إلى عز مبين

همنا في العيش إقدام وجود
وعن الأوطان بالموت نذود
لنرى السودان خفاق البنود
وغدا سوف يعلو ذكرنا في العالمين
فعلواً كان شأن العاملين



http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

وطنّا البإسمك كتبنا ورطنّا

بقلم الشاعر/ محجوب شريف

وطنا..
الباسمك كتبنا ورطنا
أحبك
مكانك صميم الفؤاد
وباسمك اغنى..
وتغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك..
محنك
عميق الدروس
مجيد المهابه ومديد القوام
شبابك..
تشابك
شديد الزحام
أراهم..
وراهم
غبار الحياه
مداين..
تعاين
كأمّ العروس
تهلل..
تكلل
جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق..
اللى ما بودى ليك
وأعاف الصديق
اللى ما بهم بيك
معاك انتظارى..
ولو بالكفاف
وعنك بعيداً
أبيت الرحيل
وبيك اعتزاز الصباح الجميل
جميع الأغانى اتكالن عليك

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

أعز الناس

للشاعر/ إسحق الحلنقي

يا أعز الناس حبايبك نحن
زدنا قليل حنان
دا العمر زادت غلاوتو معاك
وصالحني الزمان
يا أحن الناس حنان

كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم

يا حبيب
ورد الأماني
الفي أعماقي فتح
وابتدا القلب
العاش العمر في آهاتو
يفرح
والزمن ماظنو بعدك انت
يرجع تاني يجرح

نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

الــــريلة

للشاعر/ إسماعيل حسن


شن تشبه بلا الداسنه
فى بطن المطامير
لى دروبك أنت
ما شقن بوابير
يا قشيش نص الخلا
الفوق فى العتامير
البكركر رعده ديمه
سماهو عكير
السمح مرعاك
يا قش التحاجير

يا عجــو المحس التقيل
التقيل فدع العراجين
انت ما بدوك
لزولن مسيكين
على وحدن نخله
مقرون فى البساتين
حس سواقيه بتصحى
الكانوا نايمين
حليلك يا أم جبين
يا بــدر دورين
صديرك عام تقول
غرر الوزازين

جات تندلى
بالوديان عديلة
كاحلة بلا كحل
بت القبيلة
تمشى قدم قدم
فى المشيه ريلة
تشكى من الطريحة
تقول تقيلة
نفيسك شمعوه
جوه الفتيلة


http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

وا أسفـــاي

للشاعر/ إسماعيل حسن


وا أسفاي ..
وحاتكم انتو وا أسفاي
إرادة المولى
رادتني وبقيت غناي
أسوي شنو مع المكتوب
أسوي شنو؟
براهو الواهب العطاي
منو ..
منو البدور يساهر الليل
ويسافر
فوق جناح الشوق
يكوس نجماً بعيد ضواي
منو ..
إذا وصفولو أرض الحور
تلاقي قوافلو طول الليل
تشق التيه
تجر النم
مع الحردلو في الدوباي
وا أسفاي
ببيع الدنيا
كل الدنيا وا أسفاي
عشان خاطر عيون حلوين
وا أسفاي
منابع الطيبة متجاورين
وا أسفاي
ومتسامحين في السمحين
واسافر فوق صُبي العين
معاك سلامة
يادنياي
بتمدد وبتوسد
وسادة شوق
وبنوم مرتاح وخالي البال
واقالب تاني عهد صباي
عشان ما تبكي
ببكي أنا
واحاكي الطرفة
في نص الخريف بكاي
حمولي تهد جبال الشيل
وفايت في العتامِ الليل
ومتوكل عليك يا الله
دافر الليل
بِريق البسمة إن لاح لي
بتتفتح مشاتل الريد
واحسك جوا ..
زغرد فيها صوت الناي
وا أسفاي
وحاتكم انتو وا أسفاي
أسفاي
إذا ماشفت ناس سمحين
يتاتو ..
زي قدلة جنا الوزين
يتاتو
تلاقي قليبي يرمح جاي
لما يتاتو
زي قدلة جنا الوزين
يتاتو
حليل الكان بهدي الغير
صبر محتار يكوس هداي
من ناس ديلا
وا أسفاي
من زي ديلا
وا أسفاي
إرادة المولي رادتني
وبقيت غناي



http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

القمــر بوبا

للشاعر/ إسماعيل حسن

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل

القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل

بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل

المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

الهوى الأول

للشاعر/ الجيلي عبد المنعم

أخادع نفسي بي حبك وامنيها
واهرب حتى من ذكراك
الاقيها
دموع الحسرة في عينية اخفيها
نار الشوق اقول الصبر يطفيها
اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر
شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه
تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطوّل

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

الحزن القديم

للشاعر/ عمر الطيب الدوش

ولا الحزن القديم انت
ولا لون الفرح إنت
ولا الشوق المشيت ليهو
وغلبني أقيف وما بنتي
ولا التذكار ولا كنتي بتطلعي انت
من باباي
من وديان مني أنا
من صحوة جروف النيل
مع الموجة الصباحية
بتطلعي من غابات
من شهقة زهور عطشانه
فوق احزانها متكية
بتطلعي انت من صوت طفلة
وسط اللمة منسية
تجيني وجيني معاك زمن
أمتع نفسي بالدهشة
طبول بدق وساحات لفرح جمل
للفرح ممشي
تمشي معايا خطانا الالفة
والوحشة
تمشي معايا وتروحي
وتمشي معايا وسط روحي
ولا بعرف معاك روحي
ولا الحزن القديم انت
ولا لون الفرح انت

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

قسم بي محيك البدر

للشاعر / أبو صلاح

قسم بي محيك البدري
غرامك منه ضاق صــــــدري
حبيبي بي العلي تــدري

***
المَحَي نور ليلة القدر
نصب قوس حاجبه لي غــدري
و معاك في داخل ألخدري
فؤادي المالكة من بـــــــــــدري

***
حياتي ونعمتي ويسري
رضيت لو يرضي بي أســــــري
وفرض يا دموعي تنتثري
إذا منــه النسيــــم يســــــــــري

***
حمام الأيك والقمــري
يصيح ينبيــــك عــن أمـــــــــري
وبين عوا سلك السمري
روا يحي وفاكهتي وخمــــــــــري

***
أراك وتوفي بي نذري
دموعي ألفي الوجــن تـــــــــزري
حنانك ما عليك وزري
أنا قاسيت الهوى العــــــــــذري

***
صحيح لجروحي لا تبري
هواك برضــــــاي مـا جبــــــــري
وبسيمات فاهك ألتبري
يا جمــيل كم قللت صبــــــــــــري

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif


عرس الفداء

للشاعر الدكتور/ مبارك بشير سلمان عبدالرحمن الكرار

نلتقيك اليوم يا وطني ..لقاء الأوفياء
قد تنادينا خِفافاً ..
كطيور الريح في جوف العتامير
يا أرض البطولات وميراث الحضارات..
نُغني اليوم عُرس الفداء
ها هنا ..يبتسم النهر القديم ...
لبعانخي ولتهراقا وللمهدي ..
لعلي عبداللطيف..
لعبدالقادر الحَبوب ..للقرشي
لصمود العُرس في كرري ..
وللموت الفدائي العظيم ..
نذكر اليوم جميع الشهداء ..
كل من خطّ على التأريخ سطراً بالدماء ..
نذكر اليوم جميع الشرفاء ..
كل من صاح في وجه الظلم لا ..
نحن أبناؤكِ في الفرح الجميل ..
نحن أبناؤكِ في الحُزن النبيل ..
سنغني لك يا وطني كما غنى الخليل ..
مثلما غنت مهيرة ..
تُلهم الأجيال جيل بعد جيل
ونغني لحريق المَكِ في قلب الدخيل ..
للجسارة ..
حينما استشهد في مدفعه عبدالفضيل ..
نُكحِل اليوم مآقينا بمرواد الصلابة ..
وبإيمان كإيمان الصحابة
سوف نُفديك دواما..
ونناديك هُياما
فلتعِش حُراً أبياً في مهابة
http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif-

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif
الحبيب العائد
للشاعر/ صديق مدثر

عاد الحبيب
فعادت روحى وعاد شبابى
ياشوق مالك ؟ دعنى
أما كفاك عذابى؟
لقد شربت دموعى
اما سئمت شرابى؟
*****
عاد الحبيب
فعادت إلىَّ أحلى الليالى
ذكراه يقدح ناراً
ووجده فى إشتعال
رويته بدموعى
وصنته بخلالى
وماظفرت بوصل
ولاانا عنه لاهى
*****
عاد الحبيب
فأهدى لكل قلب سلام
أهدى العيون بريقاً
أهدى الثغور إبتساما
فكيف ينسى فؤاداً
أهدى إليه الغرام
وكيف ينسى محباً
أمسى يذوب هياماً
*****
زدنى صدوداً
فإنى عشقت دنيا عذابى
وأرحم سواى
فقلبى راهب المحراب
إن زادك الحسن تيهاً
فاسأل طيور الروابى
سلها تجبك بأنى
بثثتها كل مابى
قد صاغت الوجد لحناً
ووقعته ببابى



http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif-

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif
صورة من داخل أستديو سهر القوافي تم أخذها صديق النجوم إسماعيل عثمان

http://adalhaj.com/vb/attachment.php?attachmentid=94&d=1333300029
سعد الدين حسن ولقمان حسن همام







http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif-

[متوكل العربى]

الطير المهاجر
للشاعر /صلاح احمد ابراهيم
غريب...
وحيد فى غربتو....
حيران...
يكفكف دمعتو....
حزنان....
يغالب لوعتو...
ويتمنى
بس لي اوبتو
طال بيهو الحنين
فاض بيهو الشجن
واقف يرد...
من زمن
******
بالله يالطير المهاجر للوطن
زمن الخريف
تطير بسراع
ماتضيع زمن
أوعك تقيف
وتواصل
الليل
للصباح
تحت المطر
وسط الرياح
وكان تعب منك جناح
فى السرعه زيد
فى بلادنا ترتاح
ضل الدليب
أريح سكن
************
فوت بلاد وسيب بلاد
وان جيت بلاد
وتلقى فيها النيل
بيلمع فى الظلام
زى سيف مجوهر
بالنجوم من غير نظام
تنزل هناك وتحيى
ياطير باحترام
وتعيد سلام
على....

نيل بلادنا
وشباب بلادنا
ونخيل بلادنا
بالله ياطير
قبل ما تشرب
تمر على بيت صغير
من بابه ومن شباكه
بلمع ألف نور
وتلقى الحبيبه بتشتغل
منديل حرير
لحبيب بعيد
تقيف لديها
وتبوس ايديها
وانقل اليها
وفاى ليها
وحبى الاكيد

[مجاهد مساعد]

الرائعه جدا , شجن البورت

يسعدني جدا إني أكون هنا

وسأكون متابع لروعة كلماتك

[ود شيخ العرب]

الله عليك يا شجن البورت
سرد جميل و كلمات ولا اجمل ولا اروع منها
وتسيقك معطيها صوره اجمل يا شجن البورت
سلمت اناملك يا غاليه

[βєτ λŁмάĻκв]

اسطورة تلك الليالى التى عبقت بكل اريج الشجن وروحانية الخلود ودفء المشاعر
واسطورة انتى يا من تتألقين دوما وتمنحيننا عبق الشجن فتتأنق احرفنا كثيرا بى وجودك
شجن لك ارفع القبعه
http://sama7b.com/up/viewimages/400652e2be.jpg

بوست ولا احلى ....

[شجن البورت]

الطير المهاجر
للشاعر /صلاح احمد ابراهيم
غريب...
وحيد فى غربتو....
حيران...
يكفكف دمعتو....
حزنان....
يغالب لوعتو...
ويتمنى
بس لي اوبتو
طال بيهو الحنين
فاض بيهو الشجن
واقف يرد...
من زمن
******
بالله يالطير المهاجر للوطن
زمن الخريف
تطير بسراع
ماتضيع زمن
أوعك تقيف
وتواصل
الليل
للصباح
تحت المطر
وسط الرياح
وكان تعب منك جناح
فى السرعه زيد
فى بلادنا ترتاح
ضل الدليب
أريح سكن
************
فوت بلاد وسيب بلاد
وان جيت بلاد
وتلقى فيها النيل
بيلمع فى الظلام
زى سيف مجوهر
بالنجوم من غير نظام
تنزل هناك وتحيى
ياطير باحترام
وتعيد سلام
على....

نيل بلادنا
وشباب بلادنا
ونخيل بلادنا
بالله ياطير
قبل ما تشرب
تمر على بيت صغير
من بابه ومن شباكه
بلمع ألف نور
وتلقى الحبيبه بتشتغل
منديل حرير
لحبيب بعيد
تقيف لديها
وتبوس ايديها
وانقل اليها
وفاى ليها
وحبى الاكيد

يا سلاااااااااااااااااام علي الطير المهاجر

ويا سلاااااااااااااااااام علي طلتك الأنيقة

الأخ العزيز ** متوكل العربي

والتحية للقامات السامقة

صلاح أحمد إبراهيم ووردي الهرم

كلما تأتي سيرة الطير المهاجر في ساحات كثيرة

أذكر أنها تذكرني والدتي وأتخيل أنها هي الحبيبة

التي تشتغل منديل حرير لحبيب بعيد ...

وأتخيل القصيدة وذلك الزمن الجميل والبيت الصغير والنيل

بيلمع زي سيف مجوهر في النجوم من غير نظام ...

وتقف أشجار الدليب والدوم والنخيل على ضفتيه

الرحمة والمغفرة للطير المهاجر وردي


ولك عاطر التحايا والتقدير ***

[شجن البورت]

الرائعه جدا , شجن البورت

يسعدني جدا إني أكون هنا

وسأكون متابع لروعة كلماتك

الأخ العزيز ** مجاهد

سعدت جداً بحضورك الأنيق

وأسعد كثيييراً بأن تكون هنا

في صفحة سهر القوافي وصديقاً للبوح الجميل

وأتمنى أن تكون صديقاً عبر الاثير من موقع fm100

مساء كل أربعاء وتدمن على سهر القوافي العاشرة مساءاً

مع المبدع الأستاذ/ عمر محي الدين

شكراً لروعة الحضور

ولك أرق التحايا والتقدير ***

[شجن البورت]

الله عليك يا شجن البورت
سرد جميل و كلمات ولا اجمل ولا اروع منها
وتسيقك معطيها صوره اجمل يا شجن البورت
سلمت اناملك يا غاليه


يااااااا مراااااحب

بالأخ العزيز ** ود شيخ العرب

فرحت كل الكلمات هنا بحضووورك

وكل المنى أن تواصل الرفقة

لسهر القوافي الجميل

مساء الأربعاء على الإذاعة

وهنا نلتقي جميعاً في أجمل صباحات القوافي

فبكم يكتمل الجمال


شكراً لألق الحضور


ولك خالص التحايا والتقدير ***

[شجن البورت]

اسطورة تلك الليالى التى عبقت بكل اريج الشجن وروحانية الخلود ودفء المشاعر
واسطورة انتى يا من تتألقين دوما وتمنحيننا عبق الشجن فتتأنق احرفنا كثيرا بى وجودك
شجن لك ارفع القبعه
http://sama7b.com/up/viewimages/400652e2be.jpg

بوست ولا احلى ....

ألف أهلاً يا شموووووووووع

هلا وغلا بالبت الحديقة

غاليتي ** بت المالكاب

إفتقدتـــــــــــــــــــــــــــــــكـ ...

إفتقدتك دي كيف بالله ؟ ما مشروع قصيدة ؟؟:d

حقيقي إفتقدتك هنا ...

وإتمنيتك تكوني معاي

وفي الليل الجميل نسرح

ونطرب بي كلام حجاي

مع الكلمات ندوب نفرح

نحس بي نور صباحاً جاي

يكون الليل خلاص روووح


سعييييييييدة أنا أن توقعي بحضورك الحبيب دوماً

وأتمنى فعلاً أن تدمني البرنامج .. فهو حقاً يستحق المتابعة


سهر القوافي الماس
نحنا بنحبو عديل
والله جد يا ناس
سهر القوافي جميل


لكى كل التحايا والود ***

[شجن البورت]

الإعلامي/ محمد عباس الباشا

خدعك منو ؟؟؟
وقال ليك زمانك أأمنو
وشيد تعاليك للسما
وعاقر غرورك وأدمنو
اتبكي يا ما زمان بكيت
وقلبك بكاي ما حننو
مديتا بطشك وإنت فوق
لي كوخي قصدك توهنو
عزوني في طيبتك عزاز
لي قلبي هدو وسكنو
وقالو لي إتناسي المضي
وشرو الطلع من مكمنو
وأنا ليك نسيتَ مع الزمن
وأفراح زماني عليَّ دنوا
وريني يا البالحسن جيت
للشينه كان جابرك شنو ؟
الرش مويتو علي السراب
كيفن يقول الناس جنوا
ما العاش يمحن في الخلوق
باكر عمايلو تمحنو

[شجن البورت]

الإعلامي عبد الوهاب الخليفة

سبت الشوق يتعود همسك
ويضوي غنانا الحالم أنسك
والأحلام في قربك تبقى
لما صباحا تزينو شمسك
وين الليلة مشيت خليتو
زول جواهو كان بيدسك
ما راعيت أيام الإلفة
وهان الشوق الكان بيجيبك
غير قلبك سكة ريدنا
وفت بعيد خليتو حبيبك
وخنت القلب الكم أوفالك
وما برضالك آهة تصيبك
وسبت الشوق يتعود همسك
ونحنا الليلة وراك فاقدنك
نضوي الليل في غربة ووحشة
ورغم جفاك بالجد راجنك
مرة تجيبك لهفة شوقك
وتخشى دروب أحباب رايدنك
إلاّ الفات ما أظنو بيرجع
وترجع تاني في يوم ما أظنك

[شجن البورت]

باللهفة والأشوااااااق
راجنو من هســــة
نسمع جميل القول
وأشواقنا فيه ترسى
من قافية فيها شجون
أو فرحة بي همســة

نلتقي العاشرة وبضع دقائق مساااءاً

على بيت الإبداع والمبدعين

البيت السوداني fm100

على سهر القوافي الجميل

أتمنى نكون سوياً

في عز الليل .. والنيل .. والقمر .. وهناااا البحر



لكم كل الود ***

[βєτ λŁмάĻκв]

باللهفة والأشوااااااق
راجنو من هســــة
نسمع جميل القول
وأشواقنا فيه ترسى
من قافية فيها شجون
أو فرحة بي همســة

نلتقي العاشرة وبضع دقائق مساااءاً

على بيت الإبداع والمبدعين

البيت السوداني fm100

على سهر القوافي الجميل

أتمنى نكون سوياً

في عز الليل .. والنيل .. والقمر .. وهناااا البحر



لكم كل الود ***

انا حاجزه مقعدي من هسي
حضوووووووووور

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

صباحات الورووود وأجمل الوعووووووود

وكان الوعد في هدأة الليل والسكون
وإطلالة القمر البهية
والقوافي والأنغام الشجية
والموسيقى الرومانسية

كان الملتقى على فضاءات وأثير الروعة

التى تحلق بالإحساس إلى سموات الجمال

ووكت ما الليل يجن
وتظهر النجمة البعيدة
بالأثير تنساب قوافي
شايلة في جواها ريدة
تشجي للوجدان وتسحر
لي أحاسيسنا العنيدة
أو مع الأيام تكبّر
طفل مشاعرنا الوليدة
أو تصفي الكان معكر
من لظى الريدة التليدة

وفي الصباح تشرق أماني
ضاوية بي أحلام جديدة
ناسية هم ألماً مسافر
شايلة للفرحة السعيدة
والأحزان تنسانا ترحل
للبعيد وتموت شهيدة
والحلم آماله ضاوية
فيها فرحتنا الأكيدة
ونحنا نبصم للقوافي
بي محبتنا الشديدة

ويلا ننتشي في الصباااااااااااااح



شجن

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl35.gif

مدخل ولمسة وفاء لوفاة الشاعر عبد الله شرفي
نسأل الله له الرحمة والمغفرة
وأن يسكنه فسيح الجنات
ويلهم أهله وذويه الصبر والسلوان


القوااافي :
- لي الليلي ما تنتن جرح – مرثية لحميد بقلم الشاعر/ خالد عبد الله بخيت
- براك بتعرف الأشواق
- حوار (هو .. و .. هي) – أحمد حاج علي
- يا حبيب نعيش الحب
- منو القال ليك خش
- إستنشقت عبير اللحظة – ماجدولين سعد
- سرسار الشوق – عزمي أحمد حمد
- إتنين بعد 30 – محمد عباس الباشا
- خلي ريحة القهوة تمرق

http://i76.photobucket.com/albums/j13/ahmadziton/tajmeel/fawasl/fawasl35.gif


الأغنياااااات :

- إنت عابر سكة فايت – عبد القادر سالم – وعبد الله شرفي
- تبكيك الجوامع – ود الأمين (لمسة وفاء للراحلين حميد وعبد الله شرفي)
- منك إنتي النغمة تكبر – حنان النيل
- واحشني – عركي مع التجاني حاج موسى
- الرسايل –
- تعلق قلبي بطفلة عربية لأمرؤ القيس – بصوت أحمد ربشة وهيام من تونس
- سفري السبب أذايا – أحمد المصطفى
- قلبي المن نشوه – الكابلي
- ما قلت إنت سعيد – بن البادية
- توقيع الختام نور – عثمان حسين وعوض أحمد خليفة

وماااااااااااااااااا خفي أجمّـــل

كل الود ***
http://i76.photobucket.com/albums/j13/ahmadziton/tajmeel/fawasl/fawasl35.gif

[شجن البورت]

انا حاجزه مقعدي من هسي
حضوووووووووور

الغالية والرائعة دوماً ** بت المالكاب


بتمنى تكوني إستمتعتي بروعة الحلقة

ومكانك كااااااااان محجووووز

وإحساسنا مع إطلالة القمر

بوجودك تنظرين إلى روعته

كما كناااااااااااااااااااااا

كان هو الغالب

فالسهرة كانت بإحساسين

وبحضووووووووور قمرين

أحدهما في السماء

والآخر

على الأرض



لكى كل الود ***

[λβoѕнєгOġ]

يابت ياروعة
ماشاء الله عليك ربنا يحفظك
ومايحرمنا منك
لكن انت عارفة انا دقست جنس دقسه
والله جالس فاضي بشاهد في التلفاز
وناسي انو سهر القوافي
وفي بالي انو الحلقه الخميس
اففففف والله خسارة بالجد كانت ممتعة
والاغاني ماشاء الله روعة
يكفني انو لينا شرف الحضور
ومتابعة البرنامج من الاستديو التحليلي هنا :SugarwareZ-007::SugarwareZ-007:
شكرا بت البورت

[شجن البورت]

ناسف علي الانقطاع
ظرووووف والله القو لينا العذر
يلا نواصل
تراجيديا الوداع (مرثية حميد)
خالد عبد الله بخيت

لي الليلي ما طنطن حرف
غير إحتشادك في القصيد
من مرقتك عز الضهر
لى غيهبك سادر وحيد
مكتوبة يا المبنية قش
يتهاوى فوق مرقو الجريد
شن تاني غير نزف الجراح
أفراحنا في جوفك تحيد

الضل فراقو البينا حال
لي الهولو يغني عن السؤال
حت نورا ما خش السعن
مدت دهاليز المحال
إتقد تالالا الدرب
وألوانه تاريخ النضال
من لجة الليل الدمس
إتفجفج الفجر الأكيد

من جانب الجب إنجبد
جم يوسف الجم الجهام
صنقع صناقير الشتات
صنقر صدق مسك الختام
يا سادر الراي في العرق
معشوقة أحلامك وسام
لكنها الأقدار عمر
شادنو بي حبل الوريد

من قبل ميلاد البذور
ألوانك الأرض البكر
دمع المظاليم الكتار
الليلة صافي الكون عكر
تبكيك نادوح للأبد
خيلك تملي ولا فتر
عز المواسم يا جميل
خضرت في العمق البعيد

أندشر الشر الشرار
بشراك ما بشّر خريف
وإنكشر الشرا شن تشيح
شارينو شوران الصريف
وصريفنا والتكل القديم
يا فاني ما بفنيهو زيف
بيناتو والحلم اللي جاي
يتعارف الهم العتيد

حدثنا عنك كل جيل
في كل ديباجة كتاب
وروينا من سالف الزمن
حتى المحطات القراب
وأحلامنا تأشيرة خروج
للجاي من بلد الضباب
شورانو قلاية وسرج
ولعنا نيراناً بتقيد

قالولنا من قبل الكلام
إتعلموا الحس السكات
في أسرة البرزخ تقيف
أيقونة آلاف الجنات
الليلي نيرون ما جدير
لون روما ما زي الفرات
بي ديبا إنشاوو ووهم
وعداً مهادو عليّ وعيد

تطراك ست الدار وري
كل الرواكيب محتواك
الفقرا في كل البيوت
راجياك تتسامر معاك
وين حومتو من ضل العصير
شوقاً يسوقو على لقاك
آآآآآ طيبة محبوبك هناك
موجعنا جد بالجد شديد

تبراك دعوات الأهل
من سوق بليلة وللجبل
القلعة من ود الربع
تتماهى لي عند البلل
تطراك والعطرون حزن
والحزن كاين لم يزل
وجع الحقاب والإكتئاب
إشتدو أحلامك تشيد

إترجل الفارس خلاص
إستوطن الذكرى الأبد
والرادي يهرج ما سكت
راجينا يا ود اللحد
محدودة أيام العمر
شوقا كم عابر ورد
أبكيها يا الحلم العصب
ما طالما رايداك شديد

تعب الغلابة وسمرتم
تقراك في شوقا الجموح
في كل شاليقة ودرت
بي عشقك الجدول يبوح
قنديلة منقاية وقريب
خليها روحك ليها روح
وروح روح الشوق بي وراك
والمولى يفعل ما يريد

دمعك قويبا على المقل
من همو ينزف ذاتو دم
كل لوري في كل الجهات
تشكي وتقاسيك الألم
الليلة تهزمنا الدموع
يا ماشي دون جيتك قسم
كل المواسم تعرفك
شان إنت يا حميد فريد

ياما في ناس مرسومة ناس
لكن مكانا ولافي ناس
النخلة ماعون الصدق
شن ليها يسوي الكدرباس
والواطة محزونا القدر
نقطة نهايات الحواس
بين مطرقة وسندان تهم
في كل طراقة حديد

إتوسد الأرض الوطن
إتغنى بالسما في المدى
بيوضة من أزل الأزل
لي آخر إنصات الصدى
ليل الزنانيل ما وعت
ما غيب إشراقا الندى
إندس في حرقك وجع
طفل المواويل السعيد

الليلة يوم شكرك وجب
الكل بعزي الكل يمين
البينا بينك ليك شوق
للمولى رافعين اليدين
كل الوجوه مكسية غم
شلناك في موكب حزين
يا فاطر الكون البديع
أقبل مصير المتعبين
شلناهو من طيبة الأرض
جبناهو نزرعو من جديد


عذراً إن حدثت بعض الأخطاء

فالقصيدة عمييييييقة وموغلى في العامية

فعذراً ...

[شجن البورت]

براك بتعرف الأشواق
وكيف الحب بدوبنا
وسادة تبللا الدمعات
وبعدك جد بحرقنا
ولما إتوحدوا القلبين
خفت ظروفنا تفرقنا
أكيد متذكر الأقدار
وخايف تاني تبعدنا

زرعنا الفرحة ما هامين
تحاول ريح توديها
وكل العشنا والآهات
مشاعر ما بنخفيها
نقاوم حدة التيار
وعالي الموج وواطيها
ومراكب الريدة مهما يكون
بتعرف وين مراسيها

حرقنا شعورنا في الماضي
على الرقة ورهافة الحس
ولو ما شالتك عينين
في الأعماق أكيد تندس
وزينا لو سهرت الليل
وجمّل شعرك أحلى نفس
تقول عن ليلة مجنونة
محال في يوم يصبو المس

[شجن البورت]

يا حبيب نعيش الحب
الدنيا شن فيها
نقضي أيامنا
ونروح نخليها
يا حبيب محبتنا
لازم نراعيها
ونتبادل الإخلاص
نشتل حواليها
حنان وحنية
بالريدة نسقيها
الدنيا لو بتدوم
ياما قلوب فيها
عاشت دوام الحب
قالت أغانيها
اليوم بقت ذكرى
نشتاق حكاويها
دي الدنيا غدارة
مافيش أمان ليها
تتلاشى في لحظة
نفقد معانيها
الروح تبارحنا
وترجع لباريها
يلاك نعيش الحب
دي الدنيا شن فيها
بنقضي أيامنا
وبنروح نخليها

[شجن البورت]

منو القال ليك خش
وإتصفح الآهات كتب وجعة
منو الوداك دروب تاهت
وضلت سكة الرجعة
منو اللولاك في ليلة فرح فجعة
وفرّش ليك سرير آلام
لحافك ما قدر كرعيك
وسادتك هم
منجدة بي خيوط مغزولة من دمعة
دموع ناساً كتار زيك
تفتش للرحيل هجعة
منو الخلاك تطول قامة أحلامك
علي كتف الحقيقة شبر
يكبر فيك أمل كضاب
مواعينك صغار بالحيل
قدر غيرك براح واسعة
منو الفتر خطاوي يقينك الثابتة
وقناعاتك للهلع سجدت
وبدل هيبتك ركعة
منو الخلاك تسمع للأنين ألحان
وتفتكر الكئابة فرح
وصوت الآهة في جواك صبح سجعة
منو الخلاك تشرب من سرابك هم
وتروى حلوق هواك عطش
تفتش معجزة تحقق أمانيك
وفيك تتطبق البدعة
منو اللخبط كيان الفرحة في جواك
منو البدل حساباتك
منو الخلاك تغير حسبة الأيام
وسبتك في الحساب جمعة
منو القال ليك أطلع للقمر شوفو
وما وراك إنو القمرة سراقة
بتتزين على حساب الشمس يومي
ووداك مكمن الخدعة
ومنو الغشاك .. منو الجرحك ؟؟
منو الغيب بديهتك فيك
منو الخدعك .. منو الساقك علي الأوجاع
وطوّل سكة الرجعة

دي مع أغنية أحمد المصطفى سفري السبب أذايا بتكون
كيييييييييييييييييييييييييييييييييييييييييف ؟؟؟




بطرى اللي آمال و غاية
و ما بتحمي المقدور وقاية يسلم نهجي من الرماية

سفري السبب لي اذايا فرقة و فقدان هنايا
بطرى حبيب املي و منايا و ابكي على هذي النهاية
و ببكي على تهديم بنايا ليت حبيبي علي ناح

فيييك يا مصر اسباب اذايا و في السودان همي و عزايا
صابر و لم اعلم جزايا و التأويه اصبح غذايا
صرت مسلم لي ردايا زي طاير مكسور جناح

دهري ان صابني بكل خفايا و حطم و عكر لي صفايا
برضي على حبي و وفايا و اعلم في وجودك شفايا
شي من لا شي بس كفايا علو بمسّك اجد نصاح

ماذا اؤمل .....ماذا اؤمل
ماذا اؤمل حيران ببكي و بامل
ولهان ببكي و بامل وحيد ببكي و بامل
آآآآآهــــ يا هوايا و آآآآآآآآآهــــــ يا منايا
وحيد سهران برايا انيس دمعي و بكايا
آآآآآآهــــ يا كناري و آآآآهــــــــ يا قماري
طيري لي تعالي وحيد ليلي و نهاري

[شجن البورت]

المرهفة ماجدولين سعد

إستنشقت عبير اللحظة
البيك جمعتني
وإتنفست مشاعر صادقة

تزيلا هموم الناس كلماتي
إتأكدت أنا ليك مخلوقة
وكنت بفكر فيك يوماتي
بكتب إسمك في كراساتي
وبرسم وشك طيبة خاطر
إسمك ورسمك نور لوحاتي
سحنات لونك زي سحناتي
ونبرات صوتك من نبراتي
حتى عيونك يمكن أجمل
بس نظراتك هن نظراتي
وإتأكدت أنا من تاتوني
علي ريدتنا مشت خطواتي
ويمكن أكون لولوني بصوتك
وبي إيديك بنوم ليلاتي
وروحي وروحك صبحن واحد
ومن ذات ذاتك نبعت ذاتي
وكبر الطفل الفيني إتربى
وحجم مشاعري دليل إثباتي

[شجن البورت]

القصيدة التي رجعت زوجين إلى عش الزوجية الأربعاء الماضي في برنامج سهر القوافي
(ليالي .. و .. عدلان)

ليه بعتيني للشمات
وبدلتي الفرح أحزان
وما راعيتي للإخلاص
ولي قلباً شقوف ولهان
إيه يرضيك عشان نتلم
ونرجع تاني زي ما كان
عشان خاطر صغار لينا
حياتي وعمري يبقو ضمان
عشمي تعودي لي دارك
ويجمع قلبك الضهبان
وخافي في حقي من الله
أطري الوقفة في الميزان

ليه بي قسوة تهدمي بيت
كان من الوداد ساسو
كان مفروش محنة وريد
وعايشين بي وئام ناسو
فكري في مصير أطفال
عشان ما يعانوا يتآسوا
حرام ترميني بي هجرك
وقلبي تدوسي إحساسو

تعالي نضحي بي ذاتنا
عشان يتربوا أطفالنا
يكبروا يبقوا لينا سند
يهدأ ويستريح بالنا
خوفي عليهم وهم صغار
يضيعوا نتيجة إهمالنا
تعالي ورجعي البسمة
ننجم وينستر حالنا

[شجن البورت]

محمد عباس الباشا
إتنين بعد 30

والله العمر ولى
وراح مني يا حلوين
ما بين زمان والآن
وعترة قديم الحين
ساسقت درب الهم
والزاد شجون وحنين
وبين السكوت والبوح
عديت شهور وسنين
يا سادة عدن كم
إتنين بعد 30

[شجن البورت]

خلي ريحة القهوة تمرق
وأمزجيها عطور جديدة
خلي ريحة الجبنة تطلع
ورجعي الذكرى البعيدة
الحزن في الدنيا نادر
لكن الأفراح عديدة
إلاّ ريحة القهوة تطلع
ورجعي الذكرى البعيدة
وأحكي لي عن بكرة قصة
قصة إلاّ تكون فريدة
ضمنيها غرام سنينا
وتوجيها بأسمى ريدة
ولو سمعتي الغيبة طالت
دوزنيها أنغام جديدة
ولو خلاص فاض بيكي إنتي
وصبحت الأشواق شديدة
ضمني الحب بالأماني
وأرجي لقيا تكون سعيدة

[شجن البورت]

سرسار شوق
عزمي أحمد حمد


بعد تمشى الحبيبه تفوت
بتطلع فى القلب آهه
وتنزل زى فحيح النار
وتفتح تانى مجراها
تدفق فينى سرسار شوق
وتطلع منى كم آهه
حبيبتى كما الشمس تطلع
محل تشرق تكون ياها
وعادله كما الوطن وأكتر
بتجرى دموعا جواها
هى فاتت ولسه فينى معاى.!
نفس مندسّى فى الشريان
تفاصيل لى بلد تانى
عوالم لسه ما إنزاحت
مدفقه فينى شوق وحنان
لقيتا بعد تعب طول
لقيتا بعد سنين أحزان
هى فاتت ولسه فينى حضور.!
موقعه فى محله زمان
فتحتها شان تكون ليها
وخشت فيها بالأحضان
دفق صوتا الحنين قال لى
بحبك ولسه فينى كمان
شعارات لسه ما انكشفت
وكانت فى الحقيقه إنسان
ملك فينى الدواخل شوق
سكن فينى وسكنت زمان
محل كل الصدق ساكن
محل كنا وطوانى زمان
هى فاتت ولسه فينى تحوم.!
محل تنزل بتشلع ضو
وتتمايل فرع نديان
وكل الناس معاها تسو
وتبقى المشيه سيره عديل
زغاريد من قلب مشتاق
وكم دلوكه ضاربه الجو
أبشر زيى زى الناس
وأجيها بعد سفر ممكون
أشيل من السبيب شبال
واسافر فى أعزّ عيون
سفر دون سكه لا مشوار
وأصل بى نظره للمضمون
ونصبح فى جسد واحد
ولو جاز فى الحقيقه نكون
أنا إياها روح واحده
موحّده فى الشعور واللون
هى فاتت ولسه فينى الشوق.!
على الزمن القضينا زمان
على كل التواصل داك
على الفرح الصبح أحزان
وفاتت ولسه ما فته
ولا جرحى القديم جفه
ولا لاقيتا شان أرتاح
ولا كان المعاد صدفه
هى كانت لى كتاب مفتوح.!
وكانت ريده بى عرفه
وفاتت ولسه راجيها
ولا وجعى الزمان خفه
هى كانت غيمه ما بتنساق.!
وفاتت وفضلت اللهفه
حليلو زمن جميل عدّا
زمن بلقاها مشتاقه
زمن لامن بغيب تسرح
وتنزل دمعه حراقه
تهدهد خاطرا الزعلان
تبلل حبه أشواقه
دى ريده ولسه ما كملت
بتضحك من زمن عاقه
فتر حتى الطريق والشوق
واخيراً ها الزمن ساقا
فضلت كما القتيل مذبوح
وكايس برضو نتلاقى

[شجن البورت]

:SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013:

سلامااااااااتنا
ياااا
السااااكنييييين
مساماااااااتنا


حلقة قمة في الرووووعة

حلقة بشوشة بااااااشة

:SugarwareZ-013:بقلم الإعلامي المبدع/ محمد عباس الباشا :SugarwareZ-013:

أجمل القوافي .. وأروع الالحان

:SugarwareZ-013::SugarwareZ-013::SugarwareZ-013::SugarwareZ-013::SugarwareZ-013:

فكانت القوافي :

- نحنا أسعد بالتلاقي
- كل لحظة جميلة عابرة
- في عيون الناس بشوفك
- حتى جرحك باقي غالي
- لسة بكتب عن بهاكي
- موكب الدعوات هدية
- نفكر لما إنت تغيب
- يا العفافك شع ضو
- نحنا بي آمالنا أعلى
- رجوعك
- وصي آمالك
- دامت كم ظروف البين

:SugarwareZ-013::SugarwareZ-013::SugarwareZ-013::SugarwareZ-013::SugarwareZ-013:

أما الألحان الخماسية الرااائعة :

- أسأل قلبك – وردي
- أول حبيب – أحمد المصطفى
- يا زمن – إبراهيم عوض
- القبلة السكرى – عثمان حسين
- يا حليلك يا أسمر للعاقب محمد حسن – بصوت سيد خليفة
- ما شقيتك - - حسن سليمان وخضر حسن سعد
- يا زاهية – أبو داؤود والكابلي
- عندما يغني الكبار للكبار :
• غنى حسن عطية محبوب لاقاني لحميدة أبو عشر
• وغناها له أيضاً (– نورة مدني – سيد خليفة)
- توقيع الختام بعد إيه – وردي مع إسماعيل حسن



ومااااااااااااا خفي أجممممممل :SugarwareZ-013::SugarwareZ-025:




خالص التحايا والود ***

:SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013::SugarwareZ-013:

[λβoѕнєгOġ]

الله عليك بالجد روعة
لكن للاسف الاذاعة امس ما اشتغت معاي :(
جربت كل المتصفحات مابتفتح
فيرفوكس وقول كروم واكسبلور وبيتا
كل موراضي يفتح الاذاعة :SugarwareZ-067:
بالجد مختاراتا كانت روعة
شكرا بت البورت :SugarwareZ-013:

[شجن البورت]

الله عليك بالجد روعة
لكن للاسف الاذاعة امس ما اشتغت معاي :(
جربت كل المتصفحات مابتفتح
فيرفوكس وقول كروم واكسبلور وبيتا
كل موراضي يفتح الاذاعة :SugarwareZ-067:
بالجد مختاراتا كانت روعة
شكرا بت البورت :SugarwareZ-013:



خساااااااااااااارة والله :SugarwareZ-042:

أبو شروووووووووووقنا

بتمنى تحضر الإعادة صباح الأحد 10 ص

ويفتح معاك الرابط ...

حظك داااايماً ما مع سهر القوافي

لكن إليك بالقوافي .. رغم أنها بصوت الأستاذ/ عمر محي الدين شكل تاني

ورغم أن مااااااااااا خفي أجمممممممل ...


لك عااااطر التحايا والتقدير ***

[شجن البورت]

الحلقة كانت بقلم الإعلامي

الأستاذ/ محمد عباس الباشا

وهذه بعض الملومات عن الشاعر من موقع الإذاعة



http://fm100.sudanradio.info/ar/upload/basha


الميلاد: الولاية الشمالية – مروي 1981 .
المراحل الدراسية:
_ سمسم الإبتدائية المختلطة.
_ ود الحوري الثانوية بنين.
_ القضارف الثانوية الجديده.
__ جامعة القرآن الكريم و العلوم الإسلامية.
_ كلية الدعوة و الإعلام.
_ قسم الإذاعة و التلفزيون.
_بكلاريوس الاذاعة و التلفاز..

خبرات:
_إذاعة ولاية القضارف 1998 --- 2002 برامجياً.
_ إذاعة ولاية كسلا 2002 --- 2003 مذيعاً ومعداً للبرامج.
_اذاعة صوت القوات المسلحة..المنطقة الشرقية كسلا.
_ إذاعة صوت القوات المسلحة 2003 --- 2005 الخرطوم.. مذيعاً ومعداً للبرامج ومحرراً للأخبار.
إذاعة البيت السوداني من 2005 _ الآن في كل المهن الإذاعية.

أخري:
- محاضر بالعديد من الدورات الإعلامية.
- مقالات بالعديد من الصحف اليومية
- منتج لالأف الحلقات البرامجيه بالاذاعات المختلفة.

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl159.gif

في القصائد

إشراق وتورد

وأمل وحياة

وخضرة وتفاؤل

لذلك سنلبسها بحلى من ذهب الأرض الأخضر


ولنتعمق في روعة الكلمااااااات الدرر


نحنا أسعد بالتلاقي
والتواصل روح عطانا
من جديد عادت قوافي
نسمة تشمل كل زمانا
كل أملنا الناس تتابع
وبالقلوب تصبح معانا
ونحنا في الآمال حياتنا
وفرحة الأرواح منانا
يلا نغازل البهجة
نحد أمواج مرافيها
وممدودة تكون هي قسمتنا
جزورا تعود نوافيها
زمن بتأملك وإنتي
حرازة خريفا حافيها
باكي سماها شان تحيا
وعيونك نوما جافيها
ليه تتمادي في الأحزان
بشاير الفرحة تنسيها
أكيد دنياكي كلها نور
أقيفي عشان تشوفيها
وأبقي إتأملي الدنيا
مواكب بهجتا الفيها
بتلقي صفا الزمان مفرود
ينادي عليكي صافيها
وغني على المسامع ريد
يندي صداها يشفيها
جمال الدنيا في إحساس
ومهما تجور يعافيها
يلونا في أسارير ناس
قلوبم ما بتكفيها
السعادة قناعة وافرة
وفي الوجود ضواي وجودا
نبني في الأيام عشمنا
ونحضن اللحظة ونسودا
والشمس ما دام بتشرق
حقو نؤمن بي وعودا
ونرجى طلتا بي أملنا
بي قلوب راضية وودودة

http://i76.photobucket.com/albums/j13/ahmadziton/tajmeel/fawasl/fawasl159.gif

[شجن البورت]

كل لحظة جميلة عابرة
حقو نسعد بإغتناما
نوهب الأعماق ونسري
ليها ندخل من مساما
وفي سهرنا لغة تواصل
تهدي دنيانا إبتسامة
وننثر البهجة في طريقا
وأحلى أحلام في مناما
ولما تجتمع الخواطر
في رحاب الليل أماني
وتعتريك أحلام صبية
وتكسر الزمن الثواني
أبقي زي ما قلت واثق
بي صباح أواب وحاني
وأصلو كل ما تمشي خطوة
بيها تهنى قدر تعاني
كل كف مرفوعة شايلة
ليها قدر الرحمة داني
أمنيات في سهرنا قصة
تملأ ساحاتو الأغاني
ونحنا تسعد روحنا فيها
وغيرنا نسعدو بي تفاني
وأرجي باكر في بهاكي
وخلي إشراق شمسو يضوي
بكرة تتولاكي بهجة
ومن نعيم دنياكي تروي
بينك الحب خلي يكبر
وأهوي زي ما دايرة تهوي
سكة الآمال قريبة
إنتي بس يا غالية أنوي
وقولي بسم الله يلا
لي طريق المرجو أطوي

*******************

ويوم تفارق زول تحبو
سير الدعوات معاهو
وكون حريص تديهو خاطرك
شان تحوز بركة دعاهو
بركة برجع شايلو شوقو
وإنت تفرح بي لقاهو
وبكرة أحلى لو إبتسمت
والزمن عشمك سقاهو

*************



غازلت دنياي زهرة
وصاحبت خطواتي إيدك
والزمن الكان ظلمنا
ولي ما مأمول يعيدك
صالح الأفراح وجابا
شان معايا يحضرو عيدك
كل عام يا غالية والله
من سنا الأخلاق يزيدك
وكل عام يلقاني أكتر
من زماني الفات بريدك

*****************

في عيون الناس بشوفك
دهشة بدهش عنفوانا
وأحتويكي يقين بأنك
كل سنا الدنيا وزمانا
كم بغير وكتين أحسك
كوثرا الراوي وجنانا
وإنو كل إنسان بينعم
بي وجود محياك معانا
وأرجع أستغفر وأتمتم
آية بتحفز تقانا
كل آيات الله عامة
ما بجينا كتاب برانا
جبة الصبر البتهرد
فيها آلامنا وضنانا
مرة فكري بدليها
بي مودة غشيب حنانا
وأكسي أيامانا الأماني
ولبسيها عقود مصانة
ولو هدر فيكي التوجس
وخفتي من غيبة لقانا
أبقي عارفة محال نفوتك
لو تفوت السين سنانا
ولا كسلا يسيبا قاشا
وفينا تفقد إفتتانا
وحتى لو دنيانا ماجت
وفاتت الراسيات مكانا
سيبي هم باكر عليهو
شوقنا بي همك صلانا
يا سلام لو نلقى لحظة
فيها نخضع بإستكانة
وإنتي تمسحي هم سنينّا
كل عذاباتنا وعنانا

*****************




حتى جرحك باقي غالي
لأنو منك ... !!!
ومهما ينزف ...
ببقى صابر وراجي حنك
ومهما ألم ووخزو سهد
ليك بلولي الشوق لأنك
كم مليتي حياتي بسمة
وكم حكن أفراحي عنك
وما بلومك ...
كنت عارف ...
لما عيني أكبرنك
وإنحنن من فرط ضوءك
وتاني بالأشواق دعنك
إنو جرح الدنيا أكبر
من جراح الناس وإنك
نفحة عابرة من الأماني
وبكرة تاني يودعنك
كنت عارف ...
كل بسمة ...
بكرة بسبي سماها ضنك
وإنو كل أهزوجة حلوة
من هناك وغناك وفنك
بكرة رايحة مع الأماني
لما عيني يفقدنك
مشي أحكامك عليَّ
وأدي كل أيامي منك
تلقي عيني فيها طيفك
وديمة ببكن وما نسنك

*********************


لسة بكتب عن بهاكي
وعن مساءاتك وأطوفا
وأسرج الكلمة وأتمتم
كيف تشيل معناك حروفا
يا عيون بالشوق تلاقي
ويا قلوب حانية وعطوفة
أحضنو الخير في بلدنا
زي مساها الضام جروفا
*************

موكب الدعوات هدية
نابعة من خاطري المناهو
ليك فرح بتهادى فرحة
ويهدي ليك سعدو وهناهو
إنتي أصلك منتقاهو
ومصدر أنداهو وسناهو
وزفرة من زهراتو جملة
نبض صداحو وغناهو

أحكي ليك عن شوق بغالب
ولا لهفة عليك تشابي
ولا إمعان في التناسي
مرة وإغراق في التغابي
إنتي إشراق حس مدوزن
في ضمير أعماقنا كابي
وإنتي في كل لحظة حاضرة
سارقة كل لحظات شبابي

إنتي أغلى من التواصل
وأسمى من ضمة أمومة
فري في آفاقنا توبك
وغطي أقمارا ونجوما
نحنا قسمتنا التأمل
في دروب يوم ما بنحوما
وحظنا الآثام وحاتك
في الليالي الليك نكوما

من زمان أمواج مودة
والمكان ليل شوقو دافي
كان علي أهديك تحية
وليك أسوق الشوق قوافي
وأدعي لي أمك وأبوكي
وحييك التنسيمو شافي
وأي زول حساكي شايف
ولا بين أحلامو قافي

صحي إنسان فيني ضيع
العذاب وهجو ونداهو
الصبر من صبرو ضايق
وهمو خبرو ومبتداهو
جيت أصالح بيكي أحرف
لبست النسيان رداهو
ونفخة الهم الموطن
في سنين عمري ومداهو
إشتكيك لي ضي جبينك
وبهجة المعنى بسناهو
ولا طرفك لما ينظر
وفيني ما يرتاح صداهو
كلمي الأفراح تعاود
قلبي آب عانق هداهو
ودافي عاد من تاني نبضو
للطريق الكان بداهو

دي مع ماااا شقيتك إنت شقيتني بتكون كيييييييييييف ؟؟؟؟؟؟؟؟

ما شقيتك وانت الشقيتني
راعي نص الهوى والغرام
ما جفيتك وانت الجفيتني
ما نسيتك وانت النسيتني
في بحور الحب كم رميتني
وكؤس الصد كم سقيتني
بخضم الهوى كم بديتني
بخيالك لو كان لفيتني
تحي صبا ترعى الزمام
خدو ماسة والثغيرو مبسم
حسن يوسف وعفاف مريم
نغمة المزمار لو تكلم
زينة الازمان لو تكتم
الدرر تنساب لو تبسم
حكم جار البي لو يقسم
اسلم العشاق للاحكام
حظى اسود من كحل عينه
دثرونى من سهم عينه
زملونى من در نغيمه
اذكريني ثم اذكريني
واصليني ثم اهجريني
ذكريني شوقي وحنيني
اوعديني ثم امطليني
اذكريني ثم ارشفيني
قبلة معسولة ارشفيني
الودااع ياا مصدر فنونى
الودااع ياا منبع انينى
الوداع .... الوداع

حسن سليمان والشاعر/ خضر حسن سعد

**********************



نفكر لما إنت تغيب
وراك كيفن يكون الحال
فطيم الفرحة فينا يشيب
يحنضل سلسل الموال
تجاسر الموجة ما تطلع
نسامر في رجاك سؤال
متين ترجع تبل الشوق
ترجّع غيم هنانا الزال
وكتين إنت مابي صفاك
وشايل نية الترحال
نقول جواك شيلنا معاك
وهدهد شوقنا غيب وتعال




*************

يا العفافك شع ضوَّ
ونازع الليل إمتدادو
غالية شوفتك ولا قلبك
فرعن دنياي بعادو
يا صباح راجيهو يطلع
وأنجى من ليلي وسوادو
بددي الضلمة وفؤادي
خلي يرجع لي بلادو
سايبو ليك يعصر حنينو
أصلو حس حياتو دابو
وخلي سلسل عشقو يدفر
وليك يبالغ في إنسيابو
ما حرام يتمادى همو
ويفنى بين شوقو وسهادو
مدني مغمورة بضياكي
وصار وشيشة معاكي زينة
قالوا من زرتيها مافي
في ربوعا نفس حزينة
حزنت أمدرمان وناسا
وما وقف في الروح أنينا
وأضحى حي البوستة باكي
والشموس الكان ببينا
سافرت سابت ربوعو
ولي مشارقو بقت ضنينة
عزت الأفراح وحاتك
في بعادك يا الحنينة
يا حليل الوافي نورا
وعارفة كل خلق الله دينا


يا زااااااااهية .. يا زاااااااااهية
قلبي الشلتي جيبي
يا لااااااااااااهية .. يا لاااااااااااااهية
يا لالالا لااااهية
عبثك بي لو سبتي !!!!

http://www.youtube.com/watch?v=BY4CfOPz6RM


*******************

نحنا بي آمالنا أعلى
وفوق ظروف الدنيا أسمى
ديمة بنقول أمسياتكم
وكل ظروف الدنيا قسمة
لا أسف جوانا باقي
لا هموم تحرمنا بسمة

*************



رجوعك للبلد إشراق
يرد نور البيوت تاني
تقول باكر حليل ناسي
جفاهم تاني أحياني
هناك أنا كنت في هم دام
أزاح الهجد أعياني
عبور درب السفر يا ناس
أريت ما كان هو وداني


ومهداة لكل الطيووووور المهاجرة
http://www.youtube.com/watch?v=EPX62F-ytBc


وصي آمالك تضمك
أوع تنساك من قفاها
وألعن الضلمة وجيوشا
وحي في الأيام صفاها
ولما تهدي الدنيا بسمة
وتكسر إنت سبب جفاها
حتى لمن تمشي ذكرى
سكة الأحزان قفاها
زور مواني الفرحة ذكرى
وسكة الأحزان كفاها
والنفوس لو تدري دايماً
اليقين بلسم شفاها
كل روح إيمانا نورا
وزهور تفرهدا في وفاها

***************


دامت كم ظروف بالبين
وبينا تملي ديمة تحول
نجيكم تاني في الميعاد
نوافي وكل شجونا تزول
وأكيد حسن الظنون هو الخير
وبالآمال بيحيا الزول

وعدى زمن اللقيا روح
وروحت لحظات حبيبة
وضم ليلي تحية حلوة
يملأ كل دنيانا طيبة
من دواخل الباشا منية
نسأل الله تكون قريبة
بي تلاقي يفوح عبيره
في رحاب زاهية وقشيبة

**********************



بقية إشراقات محمد عباس الباشا

[شجن البورت]

data:image/jpeg;****64,/9j/4AAQSkZJRgABAQAAAQABAAD/2wBDAAkGBwgHBgkIBwgKCgkLDRYPDQwMDRsUFRAWIB0iIiAdHx 8kKDQsJCYxJx8fLT0tMTU3Ojo6Iys/RD84QzQ5Ojf/2wBDAQoKCg0MDRoPDxo3JR8lNzc3Nzc3Nzc3Nzc3Nzc3Nzc3Nz c3Nzc3Nzc3Nzc3Nzc3Nzc3Nzc3Nzc3Nzc3Nzc3Nzf/wAARCABeAIsDASIAAhEBAxEB/8QAGwAAA***AQEBAAAAAAAAAAAAAgQFAwEGAAf/xAA3EAACAQMBBAkCBAUFAAAAAAABAgMABBEhBRIxQQYTFCJRYX GBkTKhI1Kx8TNCweHwJENiotH/xAAYAQEBAQEBAAAAAAAAAAAAAAAAAQIDBf/EAB4RAQEBAQACA***AAAAAAAAAAABAhESIQMxUUFx/9oADAMBAAIRAxEAPwCK029wlKnwNC29jOjehpYSIeKijXdHL71 t6XWsbseKkCnEZMYL4pSPdY4VyPI1qYJCNG+1IsM9z8xoXhDDQ g+opR4rhTp9xQLPcR/VG/qKq9FPb7vFRSrW8Z5Yp1Loto+vky0E6d0uv0/pWWbIQe0XGQRS7wAD6c06yb3P71i0ZP0OD60YsJ9WOQxRdVnlR SROPqI9qyVyhwTkCjIjAwORijjypAZdK4LqMEBqI3MIwdeI4Dz/AHoemxjR1+mp9zaAHIFV0kjYaEZ9K7+GwwVotzK8+YB4YrnUGr EsSA93HvS5QZ4j5oz48Uez66OD6ij6kDnj0pgMCNUB9xRdw/yNV47eMKqh3tGz6iqEFtcHWMg+hrJQoI5eq1WsmXQEofeq1nJX dvYvrgZh4it4biIYE0bofNasoAyjAojCx4DPqKOvgks1o/HcOfzDFc6iA6BcKfA5qhcWrEqQmnlWctsd0kZBAzqBQ8Xnr2yF tLgao2qkikHhVJUIzuu2uuN04Ovv/nGvS7Qg6yyY4DPGQdKgShXRo3JjJ0DMOB5EE6calcd54Xnh4je YEg4JGn+aUi9mzzGNgA26Rx8Ma++RVLvy2kwkUB0B6xDwBxnQg +4NfKCl5EJ0IbqmBcL3WxgjX509ajnZK8/NaTp/KcGl3jnICOpIyME+tenbcEEvWfzIzLkHhx+daDadsOxTskeJEQ umnBl1H3FGbj+xFi6xQAWNOQTyL5imIezTIJViYhkU6DTUZ/rQ9VGWYIrcfAjAoScaApMuuPisWt1DHvfpWqkISDDnmK6buIHH Uucc1GRRr/XpRbbw1jU1w2aH/b+9fLtG2hTelmQD5PwNaSbpRGs+FtXaHm29hvj+9ad7cz7pzsK clcehp61txoN6T4qBfdJ2bSxg3RjVpRkg+gOKjz7W2hO+81zKn/GNioHsKnWb8mc/T9OggUro/wBq0aIKQVbnjhXgoOmG04gN+O3l9UI09jVS16bQMp7XaSxvy6s hwfnFXrtn5sV6aVG5Oc+YrMh5IQCdRpwpCPpNsd0BbaNvGxH0S yBWHsaJNv7HIO5tOyOmT+OvD5p1vyz+tuyvIrAhSCD5VFNt3SG jXB0NMT9MdiQsU7WZD4xRMw+cYqSemWy98L2e7xzbcXT/ALU65a1j9dl2JEYzJZRpBKy4LKO6681IH68qQmjuriykilbq76 2UPJBj61GhKnmCN7Xz8RVq223sm4b/AEl9CrsR+HPmMH0yOPpn+tc2y2zpo92/aSzYaR3aEdzPPfXO6Dw72AalctZzz1SU9rLIvVyW1w9tIv8AEj YNu+Ywd4jB8M1zu3GyrtutHXQwuJUYYZWCniDqM8RTGytuWcES 2V/PCJ4UASSBusSdeAZcZ9xyqH02v7a+tH7JEN6IfxyMEjmuPD1+N KjOrJnylUejdm8uxLB3ASPqVIXOS3mfLnj9qo29oro7FAT1jj4 Yj+lTNj9Ira22RYwdmlZo4EUkEYOFGtM7P6RWK3U0d64tkmbfi aU90HAyueA119z73rWbiSe2t9ZARqqJiR3CqRy8T7DJrVNmRRo qIhVVGAMcBWFx0i2es6zQyrcAkwwRQneeVuZAxoMgAE44k8MUS bI2neKLm72jfW00mrQWrR9XH4KM5zgc+ZzTrXq31OvN9WBwaha NjwosoASMkDwFHEBIoYBgDyYYNRwLlHz9Q+K4Yn47w+KdWEHgD 8Vp2c/lNDxS2jk/MPisWtnOp/WrTW5A+g/FLlQrbrxlSeGSKJcpPZSOVA1sRwFULy4S3iDopfJwfAVjb3sc8 qxPHus30ka5oxZOp7QsOVZkEcqtz2rYOmKk3CMrlATvYziolzx jrzoVRVOVVR6CtVtjxoXjdeBNGWTRDe34vw5AchlOMGhmvJmha KcvlhjXgaMiQc/tQyI8qFDjXnRk3a3MkUMaDBAUDX0oJNoBrgNIuFh1AB+pqxBZE AxnAxWC4E7SOuSeGmgot1fpQtZT1pubhSZm0AzpGPAU4L1QNAw 9DU0NkV9mjUtj1MbKTpit0C+VSRdFF35IZFUc93P6UcG04X0zu a47xAqu01FlVHgK1VdNDSMc4wCG09abikyuarpLA3kxtraSUlT uju501rzk1w7ElidT86VQ6QXDdXFbg43jvH24VMEUboVVhnGcA jT/ADWo5fJffIXa76t8je1IGgz+9FDHC00c8P4ciMDgnA9cU5Dbxx AaljqN46/tRI6JGJdxTuybwyo4Z/vRiT9XZYCU1AJxyqLeWP46uM4J7wJ8vCrqsssYdScEZpOeMF11 5+PkaO2pKniAAYrGaADl8VVSEY1r7qVxwoz4ojW2mQK4ttkZxV rs6njXOzqOFGfBI7KDypeayzV824zmsnt80LhAW3KAg5rnVetW 2tdOFB2Xyoz4FBcnIHAVsk+RqFJ48OFLCIk8sedGE048+VCU6L hWG6yqV5g03DdAAAboqYowK3TGOJFG5X21kkutxoyCwGMcNKQS 2u1b+Fn0IxVPdPjxFEmRjBOlEue3pBROB3oX0GmMaf8AtMQwtJ GYWDwqy43+rOBpoTTQyTx1ohI6g4Y0XxL7PuZIg8E4yYzjI4H0 raWdSysM4PLHCheZ93U0nNO+eJod4pC4THEijWUEaGpKSMRnJr VXYc6E0o7/AIV0tU8SsGo+0Hzo109vZFcBzWMcmeVbLqM0Xr7GaE4/NRiuYq8H/9k=


خدعك منو ؟؟
وقال ليك زمانك أأمنو ؟؟؟
وشيد تعاليك للسما
وعاقر غرورك وأدمنو
إتبكى ياما زمان بكيت
وقلبك بكاي ما حننو
مديتا بطشك وإنت فوق
لي كوخي قصدك توهنو
عزوني ف طيبتك عزاز
لي قلبي هدو وسكنو
وقالو لي إتناسي المضي
وشرو الطلع من مكمنو
وأنا ليك نسيتا مع الزمن
وأفراح زماني علي دنو
وضاريتا آثارك خلاص
لما الشموس إستأذنوا
وريني يا البي الحسن جيت
للشينه كان جابرك شنو ؟؟
والرش مويتو علي السراب
كيفن يقول الناس جنو !!
ما العاش يمحن في الخلوق
باكر عمايلو تمحنو !!!

http://www.youtube.com/watch?v=OSzJ_4VxARw



http://t3.gstatic.com/images?q=tbn:ANd9GcTaxhpk0H3x3qXmye6QlcvE7UyH-a7GUyfN_pb3Wt6tJZnN0KUW6w

[شجن البورت]

الحلقة السابقة

حلقـــــــــــــــــــــــة
روعة × روعة × روعة × روعة

بكل ما فيها ...

وقوااافييييييها .. أغانييييييييها
سكون ليلا البدفييييييييييييييييها
بحور شعرها وراحتنا في مراسيييها
وصوت راائع بسري دوام على أثيرا وبحليييها
وأكيييييييييييييد وجوووووووودكم فيها وإستمتاعكم بيها




أقلااااام جمييييييلة :
- تاج السر حامد علي حسب الكريم
- بابكر محمد المصطفى
- الشيخ السنوسي إبراهيم
- عبد الملك إبراهيم
- عزمي أحمد حمد عبد الكريم




قوافي راااااائعة :
- بلد تديك قدر ما تشيل - قافية في خاطر الوطن الجريح .
- أنا أصلي داخرك ليك ولي
- مشتاق ليك
- عيونك مرافي الحنان الرحيبة
- يا المديتي ملامحك
- ما إتعودت بلاكي العيد – عمر محي الدين
- شكراً على كل الحضور – عزمي أحمد حمد
- أسطورة شجن – بابكر محمد مصطفى
- تلاتة سنين وكم أيام – بصوت الشاعر القامة إسماعيل حسن
- أي طريق بودي عليك
- حدثتني سحابة عنك – بصوت عثمان العوض





أغنيات جميييلة وتسجيلات نادرة وحصرية أغلبها بالعووود :

- أنا الزول الصحي بريدك – خوجلي عثمان تاج السر عباس
- الزهور والورد – الشفيع
- إنت بدر السما في صفاك – تسجيل نادر بالعود بصوت الكاشف
- جاي تفتش الماضي – ترباس والتجاني حاج موسى
- عندما يغني الكبار للكبار :
• الشوق الحبيب – غناها الفنان الكبير عثمان حسين للفنان الكبير محمد ميرغني من كلمات شاعر السماح السر دوليب .
- يا دنيا شوفي البينا – ثنائي العاصمة مع على شبيكة
- حنية – محمد وردي وإسماعيل حسن
- حدثتني سحابة عنك – طارق العوض وشقيقه عثمان العوض
- توقيع الختام بالي مشغول – زيدان مع عوض أحمد خليفة وود الحاوي عبد اللطيف خضر .




وماااااااااااااا خفيَّ أرووووووووع

القوااااااااااافي


انا اصلي داخرك ليك ولي
داخلك بدون ما تحسي بي
حسك عصب شادي الوريد
شان يشبك ايديك بين ايدي
وانا في مدن عينيك ودر
ساكناني إشعاعات وضي
عايز اقول ليك بوضوح
انا فيك ميت وبيكي حي
طيب دحين ما تقولي بس
ما الريد خلاص بين الضلوع دابو إتحبس
يا ضي عوينات القبس
دسيني بين نفسك نفس
واديني من نفسك نفس
يا بنة هوي وكتين حضرتي
يمين خلاص ابطلتي لي تيممي
ايممته بيك من الصباح
حيتك إنتي وبإحترام
تاتيتك إنتي علي الغرام
هشيتك إنتي علي الغمام من دون احس
لكن رجعتي وفي الجوانح شايلة نقاط المطر
زمانك إنتي بدوني عاد بصبح خطر
الشوق بدوب وانا خفته منو يسوي حي
واح الفؤاد لامن ولج داخل المسام
أستنشقك وتكوني لي إنت النفس
وانا زول وصادق في المشاعر
ما هو زي قول اي شاعر
وانا لاني نجم ولا هوي
ما ضل حبي وما قوي
سكنت بيك وجع السنين
لامن خلاص عودي استوي
انا وإنتي ساكنين في بعض
خلينا ديمة تكون سواي
تننفس الريد والهيام
تننفس الحب والهوي
عشان لو بقيت في يوم عليل
حتكوني لي إنتي الدواء
رايك شنو ؟؟؟؟؟؟؟؟؟؟؟؟؟؟؟

***************

مشتاق ليك
وبحلم سفني الفات وعدت
ترسي وتسكن في عينيك
ويهدي الموج العاند وباعد
بين نبضي وأشواقي اليك
وأرسم في التيار احساسك
وافرد ليك شراعي واجيك
وأكونك فوق الصيف الحارق
غيمة انشرت شان تحميك
وأرسل ليك في النسمة العابره
سوال بلهفة ينادي عليك
كيف الزمن اتجاسر وساقك؟؟
وين وداكي وهاجر بيك؟؟
وكيف السفرة بدونا تتطول
أظن اتراخه الحس الفيك
وزبل الغصن الاخضر وجف
وغطا هجير الجفا واديك
لا الوعد البينا وحاتك
معشعش جوة وما ناسيك
ومهما الدرب البينا اتباعد
لابد يوما نرجع ليك
ونروي الشجن المن فارقتك
ينادي ويسرخ انا راجيك
ومشتاق ليك


****************


عيونك مرافئ الحنان الرحيبة
ترسي المراكب مواكب حبيبة
تغازل الكواكب تشيله وتجيبه
رموشك تحاكي الرماح الرهيبة
ولحظك يجرح قلوبنا ويصيبه
عيونك تتوه عيونه وتسيبه
توقع خطانا الدروب الكئيبة
تدمع عيونه يبالغ نحيبة
وتبعد عيونك هديك المصيبة
*************
اريتك عيونك تداعب وترنا
وتعزف مقاطع تودر فترنا
تنسي المواجع تناعس سهرنا
ونفرح لانك حنانك غمرنا
عيونك مفاتن بياضن جهرنا
عيونك مدارن جذبنا واسرنا
عيونك دروبنا وطريقنا وقدرنا
اريتك عيونك ظلالن امرنا
تجاوب عيونا بحبك حضرنا

*********************

هذة القصيدة مقدمة ديوان هل كل غيمة دليل مطرللشاعر عزمي أحمد حمد

شكراً علي كل الحضور
جوانا بي رغم الغياب
شكراً جزيلا قلت ليك
دكت بيوتننا الخراب
أنا قد أكون لوحة بيك
يا قصة الفكر الصواب
ما كلو إحساس مني ليك
تقدر تشيلو المفردات
إمكن أكون قلت القليل
إلا الكتير قالو السكات

************

أسطورة الشجن
للشاعر بابكر محمد مصطفي

وراك ريق القوافي نشف
وطال يا نادرة بيي شجني
كتير أنا والقلم نحتار
الومك ولا ألوم نفسي
زمانك عد زي ما يكون
حلم عابر حقيقو محال
وسابني أقاسي نار البين
ومابين الظنون رحال
أفتش لي زمن دونك
يكون لا منية لا امال
واريت يا نادرة لو أقدر
أصيرك فرحة في موال
***********
عزراً نادرة لو حسوك
دائما في الغناوي شجن
اذا ما كان غناوي صريح
فما معني الغناوي إذن
وداعاً نادرة دون خاطر
دروب أحلامنا ما ودن
ومات عشم السنين مكتول
وضاع شهد الأماني سدن
*************
غراما البينا عاش مكتوم
قدر ما عانه غلبوا يبوح
مسجون في قلوبنا سنين
يشابي وفي العيون مجروح
مهجور بالظنون والخوف
وراجي نجاة سفينة نوح
واخيرا هان علي عينيك
تبيعوا وبي نهايتو تلوح
***********
أكيد يا نادرة ما بنساك
ولو إنك حطام أحلام
وبلملموا وأضاري من الريح
أنيس في وحشة الايام
أذكروا بوعود عينيك
عوالم صمتك الكلام
أعيش باقي العمر بحلم
وأهيف من زمرة الاحلام


*************

اي طريق بودي عليك
مشيتو وكنت بتألم
لقيتك وإنت لا هميك
ولا بي لقيتك تحلم
وأشيل من السماح واديك
واقول باكر بتتعلم
مصير الدنيا يوم توريك
قدر ما خونتني بتندم
وانا الما قادر أفوت عينيك
خيالك فيني متحكم
وانا المجروح وماشي عليك
عارف ريدي ليك وهم
يا محبوبي رغم الفيك
بريدك وانت بي اعلم
************
اي طريق بجيبك لي
رجيتك فيهو بالسنوات
وشايل قلبي في ايدي
واصبر فيهو بالدمعات
اقول امكن تحس البي
تجود لو مرة بالنظرات
واظنك ماك عارف شي
ولا في يوم قليبك بات
خايف مرة واحدة علي
ولا بذكر الحاجات
قلبي هواه لسه حي
تعذب فيهو لامن مات
وكل ما يوم زيدي الكي
وصابر كاتم الاهات
غريبة الريدة ياحبي
دموع تنزل مع الضحكات
************
بنتعلم نحب الناس
ونصفح عن حبايبنا
نسامح قبل ما نزعل
وما نلقي البسامحنا
نحب الناس وحب الناس
وأذيينا ومجرحنا
وبنتألم كتير وكتير
سعادة الناس تفرحنا









خالص الود للجميييييييييع ***

[شجن البورت]

مدخل وتحية سهر القوافي للوطن الجريح
وهجليج الملتهبة

بلد تديك قدر ما تشيل
وتسكن في خواطرنا
محل ما نكون وتلقانا
بلد نحتاجا زي غيمة
تشابي الروح عليها قدر
أحس بي روحي عطشانة
وبلد جوايا ساكناني
إذا ضاق الوجود صبرو
أهاجر لي رفع شانا
بلد ناساً ...
إذا ما نادتم حية
أجابوها ...
عشان تسمو ..
ويزيد شانا ..
وتتعلى ..
تسامق مع النجوم رفعة
وتتزاحم مع الأفلاك
تستأذن ضياء الشمس إمكانا
بلد إتمازجت أنساً
تخطت في جبين الصبح نبراساً
ألق ممهور بعنوانا
مرتب إنتماءاتنا
على الأوطان أن نحيا
وهوى التسبيح أوطانا
نشيلا هموم في أحداقنا
وتستاهل مهجنا مهر
إذا كان التمن شانا
نسابق في الصفوف قدام
نكاتل شان حماك منبع
صابي هواهو في حمانا
ومنساب من رؤانا حنين
خدر نمّل وريد الريد
وجاري شرف على دمانا
ومتخلل مساماتنا
مسارات للكرم موطن
مراحب ضيفنا كان جانا
نشيلك فوق سواد العين
محلك في الفؤاد مسكن
مقام طيّب هنا معانا
أهل تلقى وكمان أكتر
إذا ما ناسا جوك وفود
بتعرف إت براك يانا
عشان أنحنا في الواقع
شموس المجد والتاريخ
منارات تهدي ضهبانا
عشان أنحنا كان درت السمح
تلقانا سباقين ...
ومافي خطاوي فايتانا
وكان درت الدواس والشين
دة هيلنا قبيل
نزيدك في الهوان ويلات
وفي التنكيل ألوانا
عشان نحنا ...
نضحك حد ما يمد الفرح ضلو
نداري نداوي أحزانا
وتتخلل مساماتا
مسارات للشموخ موطن
عشان تسمو ويزيد شانا
العطبراوي – يا وطني العزيز


http://www.youtube.com/watch?v=ckdWDmK_apg

[شجن البورت]

يا دنيا شوفي البينا
ثنائي العاصمة وعلي شبيكة

يا دنيا شوفي البينا خليك حنينة علينا
شوفينا ادردرنا في الريد سنين وشقينا
يا دنيا حلفناك بالريدة حلفناك بعد الفراق لمينا

يا دنيا ديل دنيتنا كل ريدنا ديل بهجتنا
ديل دنيا جابت دنيا شايلة الحنان وسقتنا
أيامنا لو ظلمتنا غيرك منو براعينا

يا دنيا نحنا اثنين شايلين عذاب قلبين
حاضنين هوانا برانا شايلنه لينا سنين
ليه يعني ليه يادنيا لو تاني لميتينا

ما أجمل الأيام يا دنيا لما تحني
وتجيبي لي حبيب غاب بالشهور عني
أصله الحصل والكان لا منه لا مني
يا دنيا لمينا في ريدنا سيبينا


ودنيا الرييييييييييد غريبة برضو !!!!!!!!

http://www.youtube.com/watch?v=YRg-3S3pwck


http://i76.photobucket.com/albums/j13/ahmadziton/tajmeel/fawasl/fawasl13.gif

وجااااااي تفتش الماضي ؟؟؟؟؟

طبعاً الأغنية دي في سهر القوافي بالعود
خطيييييييييييييرة .. خطيرة وصوت ترباس أخطر ينقل إلى حيث
لااااااااااااااااااااااااا تدري !!!!!!!!!!
http://www.youtube.com/watch?v=YgGQ87X896s

http://i76.photobucket.com/albums/j13/ahmadziton/tajmeel/fawasl/fawasl13.gif


بالي مشغول – زيدان – عوض أحمد خليفة
http://www.youtube.com/watch?v=QIjSL4R1zJM

http://i76.photobucket.com/albums/j13/ahmadziton/tajmeel/fawasl/fawasl13.gif

حدثتني سحابة عنك

طارق العوض

http://www.youtube.com/watch?v=WUnuAp1tZIk


حدثتني .. سحابة عنك

و كلمتنى قالت انك ..

كل جميل في الدنيا منك

الصباحات أخذه لونك

و الظلال الوارفة حنك

النسايم حدثتنى..عن رذاذك فى الاماسى..

عن عيون للروعة مرتع..و للهوى المجنون مراسى
عن مصيرى .. اذا رأيتك بعيون قلبى وحواسى..
خوفتنى النسمة منك..و رغبتنى..
و تانى.. عادت..
بى عبيرك .. عذبتنى!!
من حديث النسمة عنك..ظنى قال انك خرافة..
الا لمن شفت حسنك..و طبعك المنه اللطافة..
قلت يا ستار عليا !!
من عيون ساحرة وبهية..
من جمال..اخاذ و فاتن..من ورود زاهية وندية..
مافاى زول فى الدنيا شافك..الا طاف فيك حب ونجوى..
و ما قدر يمسح ملامحك..او يجد لعذابه سلوى..
انت في عينيك قصائد.. واليفيض انغام ونشوى..
فيها رقة..و لين و قسوة !!
و سلطة ليها نفوذ وسطوة..
دوختنى بنظرة حلوة..
أجبرتنى..أقول بريدها..وأنسى كيف الشوق بيروى!!

حدثتنى.. سحابة عنك

و كلمتنى قالت انك ..

كل جميل في الدنيا منك

الصباحات أخذه لونك

و الظلال الوارفة حنك ....


http://i76.photobucket.com/albums/j13/ahmadziton/tajmeel/fawasl/fawasl13.gif



وموووووووووووعدنا اليوم 10 مساءاً ;)

[βєτ λŁмάĻκв]

والله شغل راقى ... الله يديك العافيه شجن
اشجيتينا ......

[شجن البورت]

والله شغل راقى ... الله يديك العافيه شجن
اشجيتينا ......

تسلمي كتييييير ...

الراقية ** غاليتنا بت المالكاب

والرقي لا يكون إلاّ ...

بكــــم .. ومنكـــم .. وإليكـــم

نتمنى أن نلتقي بعد على قليل على روعة سهر القوافي



لكي خالص الود ***

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl99.gif

صباحـــكم خـــير ..

وصباحـــكـ يا وطن مشرق

خــالي من الجـــراح

كانت الحلقة بإحساسين

قدمت كل القوافي والأغنيات بإحساسين وتلقيناها بالإحساسين

وبين خاطرين

خاطر
.
.
.
.

الوطن .. و .. الوجدان

وكان في خاطري إنقسامي


إنقسام

زمان لمانا أحلى غرام
وطن عمرنا فيه سنين
بنينا من المحنة قصور
قلب قلبينّا فيه ساكنين
بنتفارق سنين وشهور
وقت نتلاقى شوق نيلين
ما أصلو إحساسنا كان واحد
فريد بتغذى من رافدين
صحيح ألوانه مختلفة
وحبنا كان نتاج قلبين
لكنو في لحظة إتوحد
قوى وإتمازجوا اللونين

*** *** ***

حرام الليلة إيه الصار
ومين سبب فراقنا لعين
قطع وحدتنا نيل تالت
دخل عَرَضاً قسمنا إتنين
وقسّم كل إحساس فات
بمجرى يفيض بيناتنا حزين
أريتك تحكي إيه جدّ
وتقول مين غيّرك يا ضنين
سكب بيناتنا مجرى الدم
وقسم وحدتنا لي وطنين
وجعل طرق الوصال قاسية
ولا الإحساس يناديه حنين
ولا الشوق العرفنا زمان
ولا بالريدة متآلفين
ولا فرقتنا بالخاطر
ولا بنهاية مقتنعين
وحتى نهاية المشوار
أريتو تقول لي مختلفين

*** *** ***

خلاص مش كان قدرنا نكون ؟
وقدرنا نعيشو متباعدين ؟؟
أريت نقدر ننسّي الناس
غرام عشناهو متحابين
ونقدر ننسى كل الكان
ونرضى بهسي مجبورين
وما دام إنت إستفتيت
خيارنا نكون بعيد عايشين
لا قلبينّا يتناجوا
ولا قلبك يقول راجعين
ولا يوم بكرة تتندم
علي قلباً سقاك بيقين
وعلي زهراً هداك شذى
وعلي شعراً كسيتو أنين
وعلى عمراً قضيتو بلاي
وعلي صبراً معاك ليك دين
وعلي خاطراً كسرتو حباك
وعلى جرحاً يضمدو مين

وأريتني قدرت أنسى جراح
نزيفها يفوت مداد نهرين
ويا ريت فرحاً زمان هاجر
يعود يرجع يهل ويبين
وما دام الزمن جابك
بجود بسواك حنين وأمين
وأريت يوم بكرة يبقى صباح
يضوي شموس أريت وآمين



شجن



http://i76.photobucket.com/albums/j13/ahmadziton/tajmeel/fawasl/fawasl99.gif


فكانت أجمل القوافي :
- بلد تديك قدر ما تشيل
- عشانك يا وطن غنيت – عوضية فضل
- إنت وين ماشي – الإعلامي محمد المهدي حامد
- بلادي وطن أمجاد وبطولة
- الله وكيلك – إبتسام قجة
- أنا غنيتك وكنت صغير
- إذا الخاطر سرح عنك – بصوت عمر محي الدين والتجاني حاج موسى
- العاشق الوطن – الصادق الياس
• معلومة عن الإعلامي والملحن يوسف السماني

http://i76.photobucket.com/albums/j13/ahmadziton/tajmeel/fawasl/fawasl99.gif

بـأقلام :
- التجاني الحاج موسى
- الصادق الياس
- عبد اللطيف السيوفي
- عزمي أحمد حمد
- إبتسام حمدان قجة
- عوضية فضل الله عثمان
- محمد المهدي حامد

http://i76.photobucket.com/albums/j13/ahmadziton/tajmeel/fawasl/fawasl99.gif

أما الأغنيات :
- الفينا مشهودة – أبو داؤود
- من بعد ما فات الأوان – عبد الوهاب الصادق
- الوصية – حمد الريح
- صحي الأمل جواي – محمد جبارة
- لو بتحبني أو لو بتعزني – صلاح مصطفى
- حبايبنا – البلابل والتجاني حاج موسى
- يا أخوانا كان رقتوا – اللحو وبابكر محمد الحسن ويوسف السماني
- عزيز دنياي – إبراهيم عوض
- إذا الخاطر سرح عنك – زيدان – التجاني حاج موسى وسليمان أبو داؤود
- أمنتك عواطفي – صلاح بن البادية والسني الضوي ومحجوب سراج .. توقيع الختام بالعمالقة




ومنى خالص الود ***


http://i76.photobucket.com/albums/j13/ahmadziton/tajmeel/fawasl/fawasl99.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl2.gif


عوضية فضل

عشانك يا وطن غنيت
وقلت غناي فيك دوبيت
مشيتك يا وطن أميال
حكيتك حجوة للأطفال
رضيت أنا ليك أكون تربال
وأكون طورية فيك ومثال
وأكون الساقية وأسقيكا
من دماي تترع وأكون حمال
وأشيلك في مسارب الدم
وألوليك تبرأ من الهم
وأغنيلك شليل وينو
وأصلي عليك وطن تسلم
عشانك يا وطن غنيت
غناي بقولو فيك يا ريت
تقيف شاية .. وتهل راية
وتكون كل ما بيقولو عليك
تبين آية ..
إنت الوجهة للمكلوم
وللضاقت عليهو هموم
بلدنا إياها رضاية
إنت القبلة للكايس
دراويشنا .. شرافة
ولوح ومصلاية
مرقعة جبتم زهاد
بيسدعوا يوقفوا في الجاية
عشانك يا وطن ...
مديت حبال صبري
مشيتك حافي ليك مداس
نذرت حياتي من أجلك
مفصل عمري ليك مقاس
عشانك يا وطن غنيت
غناوي كتيرة ما بتتعد
ولا بتنقاس .. ولا بحصيها في كراس
لأنك يا وطن مدراس
لا بتنقاس ولا بتنضام ولا بتنداس
ولاك هين !!!
عشان تتقسم إنت أساس


أحب مكـــــان وطني الســــودان
http://www.youtube.com/watch?v=7WcFmjsDUEI

http://i76.photobucket.com/albums/j13/ahmadziton/tajmeel/fawasl/fawasl2.gif


الإعلامي/ محمد المهدي حامد



إنت لـى ويـن ماشـى يافاقـد سبيلـك
جـوة غابـة ذاتـك الضاميـهـا ليـلـك
راجـى نـور الفجـر يشـرق ياحليلـك
إنــت باديـلـك طـريـق مابنتهيـلـك
***
ضـارب الوديـان تفـتـش والـبـرارى
فى ضـلام الـروح تهبـش ماكـا دارى
إنـو مكتوبلـك مصيـر زى الغـفـارى
ولي متيـن تقعـد تصـارع مستحيـلـك ؟
***
إنت حلمك تمسـك الضـو بيـن إيدينـك
الشعاع مابتمسك رغم إنو فيك ومالى عينك
السـراب سـراب يسـرّب فـى سنينـك
وإنت ماك عـارف شمالـك مـن يمينـك
***
ماشى وين يا عابر أرجـع لـى صوابـك
بابك المسـدود تصـور حتـى بابـك !!
فيـهو مكتـوب ليـك مليـون ماحبابـك !!
ولو سألت بكون صدى صوتـك جوابـك
والـدرب قاسـى ورهيـب مابتمشيـلـك
***
الحلم جنبك قريب لكنو فـى بعـد الثريـا
ياشعـاع نـازل مـن الــذات العلـيـا
داير اضمـك مـرة بـس بينـات إيديـا
وداير اصرخ مرة فى وش الزمان المابقدر
كـان صراخـى يخفـف الآلام شـويـة
أو صـداه يخـدرك يحـجـاك يقيـلـك
***
آهـ ياسخـريـة الأقــدار خـسـارة
ويا وجع ناس أصبـح الإنسـان شعـارا
وياضياع عمر البيزرع فـى الصحـارى
ويـا كيـان مهجـور مهـدم زى مغـارة
كان قصور أحلامو قبل اليـوم دا هيلـك
***
داير أكونلو حتـى لـى لحظـات أنانـى
وداير أفرح مرة فـى التاريـخ عشانـى
منايا أهرب لحظـة مـن واقـع زمانـى
عشان أغيـر فـى ملامحـك يـا كيانـى
وأريت ظـلال الحسـرة منـك تتمحيلـك


http://i76.photobucket.com/albums/j13/ahmadziton/tajmeel/fawasl/fawasl2.gif

الشاعرة/ إبتسام قجة

لو حبيت تفضل بيناتنا
جوة في نني العين حنشيلك
ولو حتسيبا ديارنا وتمشي
فوتنا وروح .. والله وكيلك
ما حنقيف في طريقك أبداً
حنخليك تروح في سبيلك
نحنا في حقك ما قصرنا
وما إتوقعنا كمان تقصيرك
لا غيرنا الزمن القاسي
جيت فاجأتنا بي تغييرك
كونك تنسى العشرة البينّا
منتظرين شرحه في تفسيرك
كون مع نفسك صادق مرة
كونك تصدق إيه حيضيرك
أصلو المؤمن قلبو دليلو
أسأل قلبك يبقى دليلك
ولو إختار ريدتنا حبابو
ولو متردد .. الله وكيلك


http://i76.photobucket.com/albums/j13/ahmadziton/tajmeel/fawasl/fawasl2.gif

الشاعر عزمي أحمد حمد


أنا غنيك وكنت صغير
وهسة كبرت ولسة بغني
أنا غنيتك وكنتي حقيقة
وكنتي الوتر الترجم فني

وكم سنوات من عمرنا ضاعت
وبحر الشوق ماليها وفضل
وكم ميعاد راجيهو وصابر
نقول حصلنا يكون إتأجل
وكم سنوات عدينا وياما
وكنا بنحلم بالمستقبل

وبرضي وحاتك لسة بريدك
والأيام عديتها تمني
أنا خشيت جواكي مسافر
بهجة وفرحة وعالم وردي
شايل زادي غرامك إنتي
وشاطئ الإلفة يهيج ويهدي
وهسة غرقت بدون الشاطي
وكل الموية إتقلبت ضدي
ومت وراك ما خايف البحصل
وتاني بجيك لو تسألي عني

ونحنا كبرنا وجات الفرقة
وشالت كل الفرح الطول
نحنا كبرنا وعشنا مآسي
جوة الريد والحب الأول
إتوادعنا بدون ما نصدق
ومن عينينا إتدفّق جدول
وإنتي مشيتي وفت برايا
أفتش قلبي الرايح مني


http://i76.photobucket.com/albums/j13/ahmadziton/tajmeel/fawasl/fawasl2.gif

بلادي وطن أمجاد وبطولة
بلادي العزة شموخ ورجولة
بلادي سخية وفية نبيلة
أمان للجار للصحبة كفيلة
بلادي سلام .. حفية دوام
تهش وتبش .. كريمة أصيلة
بلادي عزيزة محال تذليلا
والبختا عليها مصيبتو تقيلة
يشوف أهوال .. بلادي مهولة
الفي بطن أمو يشيب من هولا
بلادي سحابة غنية هميلة
تفيض بالخير وديانا ونيلا
فلاح وسماح صلاح في قولا
بلادنا وطن أمجاد وبطولة
رجال في النفرة مافي مثيلا
تقول طوفان أو طامة وبيلة
وساعة الحارة تصول وتجولا
جيوش جرارة شباب وكهولة
يهز ويرز هدير تهليلا
كواسر جارحة في حوبة ليلة
أسود الغابة تفر جفّيلة
تلاقي الموت بصدور مأهولة
بنور الحق وشريعتو دليلا

http://www.youtube.com/watch?v=v_LpigV1-qM&feature=related

http://i76.photobucket.com/albums/j13/ahmadziton/tajmeel/fawasl/fawasl2.gif

الشاعر/ الصادق الياس

العاشق الوطن ببرى الوطن صبرو
والداير الشتات يا دوب حفر قبرو
يا سيرة الوطن يا فخر في عزة
شعب باني سدود ما أظنو يتلز
والداير الشتات بنلوم الفزة
والإيمان ثبت في قلوبنا ما إهتز

معروفة البسالة مغروسة في سيدا
ألوان الكرم أطفالنا بتجيدا
للمجد الشعوب بتسوي بي إيدا
وإن جيت للعداوة أسيادا بنكيدا

شايلين الوطن فوق للعيون والبال
وراسيات الجبال ما بتتهدم بنبال
لغيابة المصاعب فينا طولة بال
ما نسينا التراث أو هزة الشبال

وإسمك يا بلد منساب في موية النيل
دة الجرف الخضار نتدلى منو نشيل
الداير الرجالة أخير يجينا عديل
والداير الدليك بيشوف جدودنا قبيل

http://www.youtube.com/watch?v=hQWNw8ql8UY

http://i76.photobucket.com/albums/j13/ahmadziton/tajmeel/fawasl/fawasl2.gif

يوسف السماني حسن إبراهيم :
إعلامي وملحن وفنان ، ولد في الأبيض عام 1952م ، إلتحق بالإذاعة السودانية عام 1972م وأنتدب إلى معهد الموسيقى والمسرح 1973 – 1978م وعمل رئيساً لإدارة الموسيقى بالإذاعة السودانية عام 1978م وكان أول مدير لإذاعة fm السودان إذاعة صوت الموسيقى وهي أول إذاعة إف إم في سودانية عام 1980م ، أسس أول أستديوهات إذاعية وتلفزيونية خاصة بجمهورية السودان ماسة للإنتاج الإعلامي ، عمل مستشار لولاية الخرطوم وأسس من خلالها تلفزيون ولاية الخرطوم مع زملائه وكان الوكيل المعتمد لراديو وتلفزيون العرب ART بالسودان وهو واحد من المؤسسين لقناة النيل الأزرق . وأشتهر مع زميله محمد حميدة في تجربة الثنائي الوطني التي قدموا من خلالها عدد من الأغنيات الوطنية الخالدة التي تناقلتها الأجيال منذ بداية السبعينات وما زالت تردد ، ويستمر في عطاءه الجميل ليؤسس الإذاعة الرياضية FM104 .أسست في العام 2006م كأول إذاعة رياضية متخصصة في السودان .
وبجانب أنه فنان غنائي جميل فهو أيضاً ملحن جميل لحن للفنان حمد الريح ولمصطفى سيد أحمد ولعثمان مصطفى ولمجذوب آونسة ولسيف الجامعة . ويحمل درجة الماجستير في دور الأغنية الوطنية في ترسيخ ثقافة السلام ويعكف الآن لنيل درجة الدكتوارة .

يا بلدي يا حبي – الثنائي الوطني

http://www.youtube.com/watch?v=Plsl7jO4etI

http://?v=Plsl7jO4etI

http://i76.photobucket.com/albums/j13/ahmadziton/tajmeel/fawasl/fawasl2.gif

[شجن البورت]

بلد تديك قدر ما تشيل - ملف صوتي
(من صفحة سهر القوافي بالفيسبوك)

بواسطة المبدع/ ضياء الحق


http://www.mediafire.com/?7hwdzz66k4q75n4

[شجن البورت]

كل قصائد الحلقة السابقة ملفات صوتية بواسطة الأخ/ ضياء الحق

من صفحة محبي سهر القوافي بالفيسبوك

http://www.facebook.com/permalink.php?story_fbid=342173539180200&id=141975912556917&ref=notif&notif_t=share_comment

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl15.gifhttp://i76.photobucket.com/albums/j13/ahmadziton/tajmeel/fawasl/fawasl15.gif

في سكون ومن بعد غيبة
حن وإنتصف القمر
والنجوم يا دابة شاتة
في صفا السما كالدرر
ليلة صيفية وصفاها
صافي في السما دون عكر
صفّت الخاطر وصحّت
لي خيالات الفكر

وطفنا بخيول القوافي
في فضا مداين الشعر
صوت صهيلا بيدوي ديمة
في الدواخل من أثير
عبر صوت فارس روائع
تهنا في أجمل سهر
ينسي آلامنا وكئابة
وبيت فرحنا يكون عمر

وبي نغم أروع خماسي
تكتمل روعة سمر
وبالخواطر نغفى .. نسرح
فيها لي وقت السحر
ومن نفس أجمل صباح
والشمس للتبري تنثر
والعصافير دابة صاحية
بي تغاريد تشجي تسحر
والشجر بحفيفو غنى
في تمايس .. ونسمة تسكر
جابت العبق المعطر
من رحيق أجمل زهر
في صباحو جميل بيزهر
دابو فتح مزدهر
ونحنا وإنتو مع القوافي
نمشي لي آخر العمر


شجن

http://i76.photobucket.com/albums/j13/ahmadziton/tajmeel/fawasl/fawasl14.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl14.gif

ســـــــــــهرة .. ج ج ج جمممــــيييييلـــة

بكل ما تحوى من أغنيات الجزء الأول بالعود
وأوتار الجزء الثاني المتمازجة
وتتخللها القوااااااافي الزيها مااااااااااافي


والتي كانت :

- يا أكرم الخلق – للإمام البصيري
- عمري بعدو بالساعات
- ودعتين – هاشم صديق
- مربعات ود الرضي (بدور لو مرة نتقابل + الكتوف واقعة)
- كلمة من أقصى الدواخل
- بنية – مدني النخلي
- برضي وحاتك لسة بريدك – محمد الباشا
- رحماك – صدام مامون (بصوته وسوت عمر محي الدين)
- يا كل الجمال
- من مختارات صفحة القوافي (سامي جادو)

http://i76.photobucket.com/albums/j13/ahmadziton/tajmeel/fawasl/fawasl14.gif

أما الأغنيات الجميلة :

- حمامة الغصون – حقيبة
- كتيرة علي – هاشم ميرغني ومدني النخلي
- مسامحك – عثمان حسين ودوليب
- أول غرام – وردي علي ميرغني
- عندما يغني الكبار للكبار (غنى الشفيع من كلمات تاج السر عباس التي غناها الفنان الراحل المقيم خوجلي عثمان حبة حبة - وبصوت شاعرها)
- معلومة لإسماعيل حسن ولغنائه في عميق العامي والفصيح والخفيف .
- أنا مالي ومالو – سيد خليفة مع إسماعيل حسن
- عذارى الحي – أبو داؤود مع غسماعيل حسن وبرعي محمد دفع الله
- حبيب الروح – أحمد المصطفى مع حسن أبو العلا
- حجبوه من عيني - الكاشف
- أسحار الجمال – إبراهيم إدريس مع عبد الرحمن الريح أروووووووووووووع ختام


مع خالص الود للجميع ***


http://i76.photobucket.com/albums/j13/ahmadziton/tajmeel/fawasl/fawasl14.gif

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl107.gif

الإعلامي الراحل/ زين العابدين


عمري بعدو بالساعات
عشان خاطر مواعيدك
أماني اللقيا في عيوني
متين ألقاك وأضم إيدك
دي حتى عيوني يا غالي
بقت ولهانة بتريدك
تمر اللحظة والساعة
وأقيف يا غالي وحداني
أمني عيوني بي شوفتك
تعود الفرحة من تاني
قدر يا غالي فرقنا
قبل نتهنى بالريدة
وشوفتك لي عيوني أنا
مناها وفرحتا وعيدا


http://www.youtube.com/watch?v=d5Dkgpr_DZc

http://i76.photobucket.com/albums/j13/ahmadziton/tajmeel/fawasl/fawasl107.gif

ودعـــــتين

هاشم صديق

ودعتين

من مِفْرَق الشَعَر

الاصيل

زانت جبينِك

وتاوقَن.

ودعتين شَدَهُو

الجبين

ولاّ الجبين

شَدَه الوَدِع

نامن عليهو

وسَلّمن.



يا بنيَّه صحيتي

الشِعِر

فيكِ العيون

إتسَمَّرَن.

رجّعتي حال

وهجا هَمد

بيكِ البروق

اتلاصَفن.

ودقيتي باب

زمناً نعس

عَزَفَن صوابْعك

نقّرن

شَهَق الغَرب

فُرقان جبالو



اتمحّنَنْ

اتقسّم "المردوم"

لَهَج

بي اسمك المنضوم

رطن

هزَّ الطرب

شِدَر الوِدَي

كل الغضون اتْجَنَنَنْ.



ودعتين

عِشْقُو الجبين

بي خيط بهاهو

اتعلّقَن.

خَتّن رَحَل

شوقِن عليهو

اتمسَّحن واتبرَّكن.

طلّن على العينين

سِهَن فيهن

زمن واتمحنن.

ولا مِن شَرَق

ثَغْر الوجيه

بي بسمه

وابتهج الزمن

شهقن عديل

من دفقة الالق

الاصيل

واتقالدن واتمرجَحَن.

يا بنيه مَسَّختي

البنادر

الله قادِر

خَتَّ فيك

عَبَق الوطن.

http://i76.photobucket.com/albums/j13/ahmadziton/tajmeel/fawasl/fawasl107.gif

من مربعات ود الرضي


بَدُورْ لَوْ مَرَّة نَتْقَابَلْ حَبِيبْ رُوحِى وأرَاكَ لاَمِعْ
أوَجِّهْ نَظَرِى لَى مَحْيَكْ أجِدْ مِنْ هَيْبَتَك مَانِعْ
أحَاوِلْ وطَرْفِى يتخَاذَلْ وأرْجع أمَجِّد الصَّانِعْ
رُوحِى تَتُوقْ وتَتْلَبَّسْ لِنَفْسِ ثَبَّتْ الخَّاشِعْ
فَمَا رَوْضٌ نَبَتْ غُصْناً يُمَاثِلْ غُصْنَك اليَانِعْ
ولاَ عَيْنٌ رَأتْ قَدَّاً رَشِيقْ زَى قَدَّكْ الرَائِعْ

فِى بُسْتَانَكْ بَفُسْتَانَكْ تَمْشِى هِوَيْنَةَ الخَاشِعْ
وتَقْطُفُ زَهْرَةً صَفْرَاءَ تُمَاثِلْ لُونَكْ اللاَمِعْ
تَفُوحْ مِنْ عِطْرَكْ المَخْمُورْ رَوَايِحْ تَغْمُر الشَّارِعْ
ومِنْ رَطِبْ النَّسِيمْ تَنْعَسْ إذَا مَاكُنْتَ بِتْطَالِعْ
تَنَامْ فِى ضَرَى الكَثِيبْ رَاصِدْ بِتُوبْ شَفَّافَكْ النَاصِعْ
مُلَمِّعْ يَرْقِشْ العَسْعَسْ تَسْرِيحْةَ الصَّانِعْ البَارِعْ
نُومْ العَافْيَة يَاالغَافِى تَعِيشْ لَى سَعْدَكَ الطَّالِعْ
طَلَبْت الحَظَّ لاَيَبَارْحَكْ أجَابْنِى بِرَغْبَة لاَمَانِعْ


::::::::::::::::::

مربعات ود الرضي

الكتوف واقعة
والعيون يا ناس مويتن ناقعة
الوجن قادات في الظلام فاقعة
راجى شبالا وراضى بى صاقعة

http://i76.photobucket.com/albums/j13/ahmadziton/tajmeel/fawasl/fawasl107.gif

كلمة من أقصى الدواخل
هسة بسمع في هتافا
قصة الحب الخرافة
ودمعتين والشوق مسافة
يا أساي الليل متاهة
نجمة عدت من سماها
شن جبرني أناجي صمتك
كلمة تنكر صوت صداها
وآهة ترحل جايبة آهة
نحنا مختلفين حقيقة
يا خيال جافى الحقيقة
فرّقت بينّا الملامح
وغالط الوتر الموسيقى
جاي عابر مستحيلك
إلاّ ما ناكر جميلك
همسك الدافي وعليلك
وردة الأحلام وطيفك
يا خسارة بقيت وحيدك
إيدي جد واحشاها إيدك
وأبقى في الواقع مكابر
لو أقول لسع بريدك

http://i76.photobucket.com/albums/j13/ahmadziton/tajmeel/fawasl/fawasl107.gif

بنيــــــــة
مدني النخلي

شلعت برق
وردة المويه ما صالت
على الصلصال وحنت
للوطن ضفة
بنية إن مال زمانا المال
باعت زيفو بالعفة
فيا قلباً بنى الآمال
على وعد الزمان يصفى
أرمي وراك جبال أحمال
وسوي غناها ليك حِرفه
شلعت برق
رفت حلم
هماً مقسم في العِلم
الكسرة والسترة الهدم
ما أنبلا ...
ما أجملا ...
دي الحالمة أبسط
من حلم
جنبك تمش
وتبق شمس
رمز الخصوبة ومكمنا
يصدأ الدهب
ما يصدأ أبداً معدنا
دي النيل سقاها الإخضرار
بالعفة زانا وهجنا
وإتمنى لو شلعت برق
رفت حلم
إحترت في غنا يوصفا
كل الغناء الفات والبجي
ما أظنو يقدر ينصفا
بهجة زمانا الما صفى
أنا ليها كم شقيت زحام
متمني مرة أصادفا
وإتمنى لو شلعت برق
رفت حلم
ما لومت وإتلومت
نهرين وضفة وملتقى
واقفة بتباصر في الظروف
تتحدى قادرة على الشقاء
ما مرة طاطت وإنحنت
كان في عدم
كان في لقى
دي الراسا فوق
مِن عِزه ما مِن الطغى
بت مِن غُناي إتوهما
لغة للوداد إتكلما
هدأة مسايا البحلما
تدخل رئة شوقي وأشيل
نَفَس الوداد أتنسما
وأتمنى لو شلعت برق
رفت حلم
هماً مقسم
في العِلم
الكِسرة والسُترة الهدم
ما أنبلا ...
ما أجملا ...
دي الحالمة .. أبسط من حلم


http://i76.photobucket.com/albums/j13/ahmadziton/tajmeel/fawasl/fawasl107.gif

محمد الباشا

برضي وحاتك لسة بريدك
والأيام عديتا تمني
رغم الأمل الضاع وبكيتو
إلاّ الشوق طول عمري مكني
لا عينيك يا غالية نسيتا
لا ذكراك إنفضت عني
لا مشوار الزمن الكالح
يوم أدناك يا أمنية مني
ولسة حأبكي وحاتك لسة
وإنتي قدر ما تقدري غني
وأملي السكة عليكي مهاوي
وأملي سنيني عذاب وتجني

أعجبني بالأحمر:D:SugarwareZ-096::SugarwareZ-058:

http://i76.photobucket.com/albums/j13/ahmadziton/tajmeel/fawasl/fawasl107.gif


رحمـــــــــــــاك
صدام مامون

رحماك يا كل الجمال
أنا ياني مرهون لي هواك
لا يسوقك الظن السراب
لي دنية الشقا والهلاك
وريني كيف أقدر أخون
عينيكي وأتجاهل رؤاك
وأنا بحترق أشواق وريد
مع إنو بين إيدي يداك
ياهو السفر مكتوب علي
يا غالية ما بحمل وراك
تتصبري .. ولا تجزعي
وعد الرجوع واقف حداك
وأديني خاطرك والرضا
رغم العذاب حكّم غناك
وأدي الأمل منك شجن
يحيابو لي لحظة لقاك
وناديني من خلف الحجاب
وأنا بسمعك زي المعاك
شان قلبي في جواكي حي
ينبض معاكي وفي خطاك
وصيتو زين يهتم بيك
لو مرة حس الخوف غشاك
ويطمنّنك ..
راجيك أنا ...
يا رايعة زي فرع الأراك
وإتخيلي السحب اللحاف
لي مزنة جاوبت إشتهاك
لي موية خايفة من النزول
تسقط وتتوسد عصاك
والجاي إيه ترجي المطر
ياني الخريف حاضن سماك
والباقي لي منك عمر
والمرة منو فصل شتاك
يا واهبة دنياي الأريج
ما غبت متعمد أذاك
مغلوب علي أمري الضعيف
دي الوالدة والوالد هناك
سيالة دمعاتم دوام
في الجوف تشد الإحتكاك
والحيلة ما قدر المحال
يا طاهرة كتري من دعاك
وإترقبي الأزمان تقيف
مشدوهة تتأمل شذاك

(مبااااااااااااااااااااااااااااااااااااااااااااالغ ة دي:SugarwareZ-006:

http://i76.photobucket.com/albums/j13/ahmadziton/tajmeel/fawasl/fawasl107.gif


من مختارات صفحة القوافي (سامي جادو)

ألبارح بعد كل الخلوق ما هجعوا
عقباً عاودني طاوعني المطول وجعو
يا أبو الشيخ مطاردة القبايل النجعوا
ما ببقولي زي القدموني ورجعوا

http://i76.photobucket.com/albums/j13/ahmadziton/tajmeel/fawasl/fawasl107.gif

[شجن البورت]

للإمام البصيري

مَولايَ صَلِّ وسَلِّمْ دَائِمًا أَبَدًا
عَلَى الْبَشِيرِ وآلِ الْبَيتِ كُلِّهِمِ

مَولايَ صَلِّ وسَلِّمْ دَائِمًا أَبَدًا
عَلَى الْمُحِبِّينَ لِلْمُخْتَارِ كُلِّهِمِ

أَمِنْ تَذَكُّرِ جِيْرَانٍ بِذِي سَلَمٍ
مَزَجْتَ دَمْعًا جَرٰى مِن مُّقْلَةٍ بِدَمِ

أَمْ هَبَّتِ الرِّيْحُ مِنْ تِلْقَاءِ كَاظِمَةٍ
أَوْ أَوْمَضَ الْبَرْقُ في الظَّلْمَاءِ مِنْ إِضَمٍ

فَمَا لِعَيْنَيْكَ إِنْ قُلْتَ اكْفُفَا هَمَتَا
وَمَا لِقَلْبِكَ إِنْ قُلْتَ اسْتَفِقْ يَهِمِ

أَيَحْسَبُ الصَّبُّ أَنَّ الْحُبَّ مُنْكَتِمٌ
مَّا بَيْنَ مُنْسَجِمٍ مِّنْهُ وَمُضْطَرِمِ

لَوْ لاَ الْهَوٰى لَمْ تُرِقْ دَمْعًا عَلَى طَلَلٍ
وَلاَ أَرِقْتَ لِذِكْرِ الْبَانِ وَالْعَلَمِ

فَكَيْفَ تُنْكِرُ حُبًّا بَعْدَمَا شَهِدَتْ
بِهِ عَلَيْكَ عَدُولُ الدَّمْعِ وَالسَّقَمِ

وَأَثْبَتَ الْوَجْدُ خَطَّي عَبْرَةٍ وَّضَنًى
مِّثْلَ الْبَهَارِ عَلَى خَدَّيْكَ وَالْعَنَمِ

نَعَمْ سَرٰى طَيْفُ مَنْ أَهْوٰى فَأَرَقَّنِي
وَالْحُبُّ يَعْتَرِضُ اللَّذَّاتِ بِالأَلَمِ

يَا لاَئِمِي في الْهَوَى الْعُذْرِيِّ مَعْذِرَةً
مِّنِّي إِلَيْكَ وَلَوْ أَنْصَفْتَ لَمْ تَلُمِ

عَدَتْكَ حَالِي و لاَ سِرِّي بِمُسْتَتِرٍ
عَنِ الْوُشَّاةِ وَلاَ دَائِي بِمُنْحَسِمِ

مَحَضْتَنِي النُّصْحَ لـٰكِن لَّسْتُ أَسْمَعُهُ
إِنَّ الْمُحِبَّ عَنِ الْعُذَّالِ في صَمَمِ

إِنِّي اتَّهَمْتُ نَصِيحَ الشَّيْبِ في عَذَلِي
وَالشَّيْبُ أَبْعَدُ في نُصْحٍ عَنِ التُّهَمِ

فَإِنَّ أَمَّارَتِي بِالسُّوءِ مَا اتَّعَظَتْ
مِنْ جَهْلِهَا بِنَذِيرِ الشَّيبِ وَالْهَرِمِ

وَلاَ أَعَدْتُّ مِنَ الْفِعْلِ الْجَمِيلِ قِرٰى
ضَيْفٍ أَلَمَّ بِرَأْسِي غَيْرَ مُحْتَشَمِ

لَو كُنْتُ أَعْلَمُ أَنِّي مَا أُوَقِّرُهُ
كَتَمْتُ سِرًّا بَدَا لِي مِنْهُ بِالْكَتَمِ

مَن لِّي بِرَدِّ جِمَاحٍ مِّنْ غَوَايَتِهَا
كَمَا يُرَدُّ جِمَاحُ الْخَيْلِ بِاللُّجُمِ

فَلاَ تَرُمْ بِالْمَعَاصِي كَسْرَ شَهْوَتِهَا
إِنَّ الطَّعَامَ يُقَوِّي شَهْوَةَ النَّهِمِ

وَالنَّفْسُ كَالطِّفْلِ إِنْ تُهْمِلْهُ شَبَّ عَلَى
حُبِّ الرِّضَاعِ وَإِنْ تَفْطِمْهُ يَنْفَطِمِ

فَاصْرِفْ هَوَاهَا وَحَاذِرْ أَنْ تُوَلِّيَهُ
إِنَّ الْهَوٰى مَا تَوَلَّى يُصْمِ أَوْ يَصِمِ

وَرَاعِهَا وَهِيَ في الأَعْمَالِ سَائِمَةٌ
وَّإِنْ هِيَ اسْتَحْلَتِ الْمَرْعٰى فَلا تُسِمِ

كَمْ حَسَّنَتْ لَذَّةً لِّلْمَرْءِ قَاتِلَةً
مِنْ حَيْثُ لَمْ يَدْرِ أَنَّ السَّمَّ في الدَّسَمِ

وَاخْشَ الدَّسَائِسَ مِنْ جُوْعٍ وَّمِنْ شِبَعٍ
فَرُبَّ مَخْمَصَةٍ شَرٌّ مِّنَ التُّخَمِ

وَاسْتَفْرِغِ الدَّمْعَ مِنْ عَيْنٍ قَدِ امْتَلَأَتْ
مِنَ الْمَحَارِمِ وَالْزَمْ حِمْيَةَ النَّدَمَ

وَخَالِفِ النَّفْسَ وَالشَّيْطَانَ وَاعْصِهِمَا
وَإِنْ هُمَا مَحَضَاكَ النُّصْحَ فَاتَّهِمِ

وَلاَ تُطِعْ مِنْهُمَا خَصْمًا وَلاَ حَكَمًا
فَأَنْتَ تَعْرِفُ كَيْدَ الْخَصْمِ وَالْحَكَمِ

أَسْتَغْفِرُ اللهَ مِنْ قَوْلٍ بِلاَ عَمَلٍ
لَّقَدْ نَسَبْتُ ِبهِ نَسْلاً لِّذِي عُقُمِ

أَمَرْتُكَ الْخَيْرَ لـٰكِن مَّا ائْتَمَرْتُ بِهِ
َومَا اسْتَقَمْتُ فَمَا قَوْلِي لَكَ اسْتَقِمِ

وَلاَ تَزَوَّدْتُّ قَبْلَ الْمَوْتِ نَافِلَةً
وَلَمْ أُصَلِّ سِوٰى فَرْضٍ وَّلَمْ أَصُمِ

ظَلَمْتُ سُنَّةَ مَنْ أَحْيَى الظَّلاَمَ إِلَى
أَنِ اشْتَكَتْ قَدَمَاهُ الضُّرَّ مِن وَّرَمِ

وَشَدَّ مِنْ سَغَبٍ أَحْشَاءَهُ وَطَوٰى
تَحْتَ الْحِجَارَةِ كَشْحًا مُّتْرَفَ الأَدَمِ

وَرَاوَدَتْهُ الْجِبَالُ الشُّمُّ مِنْ ذَهَبٍ
عَن نَّفْسِهِ فَأَرَاهَا أَيَّمَا شَمَمِ

وَأَكَّدَتْ زُهْدَهُ فِيهَا ضَرُورَتُهُ
إِنَّ الضَّرُورَةَ لاَ تَعْدُوا عَلَى الْعِصَمِ

وَكَيْفَ تَدْعُوا إِلَى الدُّنْيَا ضَرُورَةَ مَنْ
لَوْلاهُ لَمْ تَخْرُجِ الدُّنْيَا مِنَ الْعَدَمِ

مَحَمَّدٌ سَيِّدُ الْكَوْنَيْنِ وَالثَّقَلَيْنِ
وَالْفَرِيْقَيْنِ مِنْ عَرَبٍ وَّمِنْ عَجَمِ

نَبِيُّنَا الآمِرُ النَّاهِي فَلاَ أَحَدٌ
أَبَرَّ في قَوْلِ لاَ مِنْهُ وَلاَ نَعَمِ

هُوَ الْحَبِيبُ الَّذِي تُرْجٰى شَفَاعَتُهُ
لِكُلِّ هَوْلٍ مِّنَ الأهْوَالِ مُقْتَحِمِ

دَعَا إِلَى اللهِ فَالْمُسْتَمْسِكُونَ بِهِ
مُسْتَمْسِكُونَ بِحَبْلٍ غَيْرِ مُنْفَصَمِ

فَاقَ النَّبِيِّيْنَ فِي خَلْقٍ وَّفي خُلُقٍ
وَّلَمْ يُدَانُوهُ في عِلْمٍ وَلاَ كَرَمِ

وَكُلُّهُمْ مِّن رَّسُولِ اللهِ مُلْتَمِسٌ
غَرْفًا مِّنَ الْبَحْرِ أَوْ رَشْفًا مِّنَ الدِّيمِ

وَوَاقِفُونَ لَدَيهِ عَنْدَ حَدِّهِمِ
مِن نُّقْطَةِ الْعِلْمِ أَوْ مِنْ شَكْلَةِ الْحِكَمِ

فَهُوَ الَّذِي تَمَّ مَعْنَاهُ وَصُورَتُهُ
ثُمَّ اصْطَفَاهُ حَبِيبًا بَارِىءُ النَّسَمِ

مُنَزَّهٌ عَنْ شَرِيكٍ في مَحَاسِنِهِ
فَجَوهَرُ الْحُسْنِ فِيهِ غَيرُ مُنْقَسَمِ

دَعْ مَا ادَّعَتْهُ النَّصَارٰى في نَبِيِّهِم
وَاحْكُمْ بِمَا شِئْتَ مَدْحًا فِيهِ وَاحْتَكَمِ

وَانْسُبْ إِلَى ذَاتِهِ مَا شِئْتَ مِنْ شَرَفٍ
وَّانْسُبْ إِلىَ قَدْرِهِ مَا شِئْتَ مِنْ عِظَمِ

فَإِنَّ فَضْلَ رَسُولِ اللهِ لَيسَ لَهُ
حَدٌّ فَيُعْرِبُ عَنْهُ نَاطِقٌ بِفَمِ

لَوْ نَاسَبَتْ قَدْرَهُ آيَاتُهُ عِظَمًا
أَحْيَى اسْمُهُ حِينَ يُدْعٰى دَارِسَ الرِّمَمِ

لَمْ يَمْتَحِنَّا بِمَا تَعْيَ الْعُقُولُ بِهِ
حِرْصًا عَلَينَا فَلَمْ نَرْتَبْ وَلَمْ نَهِمِ

أَعْيَ الْوَرٰى فَهْمُ مَعْنَاهُ فَلَيْسَ يُرٰى
لِلْقُرْبِ وَالْبُعْدِ فِيهِ غَيرُ مُنْفَحِمِ

كَالشَّمْسِ تَظْهَرُ لِلْعَينَينِ مِنْ بُعْدٍ
صَغِيرَةً وَّتَكِلُّ الطَّرْفُ مِنْ أَمَمِ

وَكَيفَ يُدْرِكُ في الدُّنْيَا حَقِيقَتَهُ
قَومٌ نِّيَامٌ تَسَلَّوا عَنْهُ بِالْحُلُمِ

فَمَبْلَغُ الْعِلْمِ فِيهِ أَِنَّهُ بَشَرٌ
وَأَنَّهُ خَيرُ خَلْقِ اللهِ كُلِّهِمِ

وَكُلُّ آيٍ أَتَى الرُّسُلُ الْكِرَامُ بِهَا
فَإِنَّمَا اتَّصَلَتْ مِن نُّوْرِهِ بِهِمِ

فَإِنَّهُ شَمْسُ فَضْلٍ هُمْ كَوَاكِبُهَا
يُظْهِرْنَ أَنْوَارَهَا لِلنَّاسِ في الظُّلَمِ

حَتَّى إِذَا طَلَعَتْ في الْكَونِ عَمَّ هُدَاهَا
الْعَالَمِينَ وَأَحْيَتْ سَآئِرَ الأُمَمِ

أَكْرِمْ بِخَلْقِ نَبِيٍّ زَانَهُ خُلُقٌ
بِالْحُسْنِ مُشْتَمِلٍ بِالْبِشْرِ مُتَّسِمِ

كَالزَّهْرِ في تَرَفٍ وَّالْبَدْرِ في شَرَفٍ
وَالْبَحْرِ في كَرَمٍ وَّالدَّهْرِ في هِمَمِ

كَأَنَّهُ وَهُوَ فَرْدٌ في جَلالَتِهِ
في عَسْكَرٍ حِينَ تَلْقَاهُ وَفي حَشَمِ

كَأَنَّمَا اللُّؤْلُؤُ الْمَكْنُونُ في صَدَفٍ
مِن مَّعْدِنَى مَنْطِقٍ مِّنْهُ وَمُبْتَسَمِ

لاَ طِيبَ يَعْدِلُ تُرْبًا ضَمَّ أَعْظُمَهُ
طُوبَى لِمُنْتَشِقٍ مِّنْهُ وَمُلْتَثِمِ

أَبَانَ مَوْلِدَهُ عَنْ طِيْبِ عُنْصُرِهِ
يَا طِيْبَ مُبْتَدَإٍ مِّنْهُ وَمُخْتَتَمِ

يَوْمٌ تَفَرَّسَ فِيْهِ الْفُرْسُ أَنَّهُمُ
قَدْ أُنْذِرُوا بِحُلُولِ الْبُؤْسِ وَالنَّقَمِ

وَبَاتَ إِيوَانُ كِسْرىٰ وَهْوَ مُنْصَدِعٌ
كَشَمْلِ أَصْحَابِ كِسْرىٰ غَيْرَ مُلُتَئِمِ

وَالنَّارُ خَامِدَةُ الأَنْفَاسِ مِنْ أَسَفٍ
عَلَيْهِ وَالنَّهْرُ سَاهِي الْعَيْنِ مِنْ سَدَمِ

وَسَاءَ سَاوَةَ أَنْ غَاضَتْ بُحَيْرَتُهَا
وَرُدَّ وَارِدُهَا بِالْغَيْظِ حِيْنَ ظَمِ

كَأَنَّ بِالنَّارِ مَا بِالْمَاءِ مِنْ بَلَلٍ
حُزْنًا وَّبِالْمَاءِ مَا بِالنَّارِ مِنْ ضَرَمِ

وَالْجِنُّ تَهْتِفُ وَالأَنْوَارُ سَاطِعَةٌ
وَالْحَقُّ يَظْهَرُ مِنْ مَّعْنىً وَّمِنْ كَلِمِ

عَمُّوا وَصَمُّوا فَإِعْلانُ الْبَشَآئِرِ لَمْ
تُسْمَعْ وَبَارِقَةُ الإِنْذَارِ لَمْ تُشَمِ

مِنْ بَعْدِ مَا أَخْبَرَ الأَقْوَامَ كَاهِنُهُمْ
بِأَنَّ دِيْنَهُمُ الْمُعَوَّجَ لَمْ يَقُمِ

وَبَعْدَ مَا عَايَنُوا في الأُفُقِ مِنْ شُهُبٍ
مُّنْقَضَّةٍ وَّفْقَ مَا فِي الأَرْضِ مِنْ صَنَمِ

حَتَّى غَدَا عَنْ طَرِيْقِ الْوَحْيِ مُنْهَزِمٌ
مِّنَ الشَّيَاطِيْنِ يَقْفُوا إِثْرَ مُنْهَزِمِ

كَأَنَّهُمْ هَرَبًا أَبْطَالُ أَبْرَهَةٍ
أَوْ عَسْكَرٌ بِالْحَصٰى مِنْ رَّاحَتَيْهِ رُمِ

نَبْذًا بِهِ بَعْدَ تَسْبِيحٍ بِبَطْنِهِمَا
نَبْذَ الْمُسَبِّحِ مِنْ أَحْشَاءِ مُلْتَقِمِ

جَآءَتْ لِدَعْوَتِهِ الأَشْجَارُ سَاجِدَةً
تَمْشِي إِلَيهِ عَلَى سَاقٍ بِلاَ قَدَمِ

كَأَنَّمَا سَطَرَتْ سَطْرًا لِّمَا كَتَبَتْ
فُرُوْعُهَا مِنْ بَدِيْعِ الْخَطِّ في اللَّقَمِ

مِثْلُ الْغَمَامَةِ أَنَّى سَارَ سَائِرَةً
تَقِيهِ حَرَّ وَطِيسٍ لِّلْهَجِيرِ حَمِ

أَقْسَمْتُ بِالْقَمَرِ الْمُنْشَقِّ إِنَّ لَهُ
مِنْ قَلْبِهِ نِسْبَةً مَّبْرُورَةَ الْقَسَمِ

وَمَا حَوَى الْغَارُ مِنْ خَيْرٍ وَّمِنْ كَرَمٍ
وَّكُلَّ طَرَفٍ مِّنَ الْكُفَّارِ عَنْهُ عَمِ

فَالصِّدْقُ في الْغَارِ وَالصَّدِّيقُ لَمْ يُرَيَا
وَهُمْ يَقُولُونَ مَا بِالْغَارِ مِنْ أَرَمِ

ظَنُّوا الْحَمَامَ وَظَنُّوا الْعَنْكَبُوتَ عَلَى
خَيْرِ الْبَرِيَّةِ لَمْ تَنْسُجْ وَلَمْ تَحُمِ

وَقَايَةُ اللهِ أَغْنَتْ عَنْ مُّضَاعَفَةٍ
مِّنَ الدُّرُوعِ وَعَنْ عَالٍ مِّنَ الأُطُمِ

مَا سَامَنِي الدَّهْرُ ضَيْمًا وَّاسْتَجَرَتُ بِهِ
إِلاَّ وَنِلْتُ جَوَارًا مِّنْهُ لَمْ يُضَمِ

وَلاَ الْتَمَسْتُ غِنَى الدَّارَيْنِ مِن يَّدِهِ
إِلاَّ اسْتَلَمْتُ النَّدٰى مِنْ خَيْرِ مُسْتَلَمِ

لاَ تُنْكِرِ الْوَحْيَ مِنْ رُّؤْيَاهُ إِنَّ لَهُ
قَلْبًا إِذَا نَامَتِ الْعَيْنَانِ لَمْ يَنُمِ

وَذَاكَ حِينَ بُلُوغٍ مِّن نُّبُوَّتِهِ
فَلَيْسَ يُنْكَرُ فِيهِ حَالُ مُحْتَلَمِ

[شجن البورت]

تابع للإمام البصيري



تَبَارَكَ اللهُ مَا وَحْيٌ بِمُكْتَسَبٍ
وَلاَ نَبِيٌّ عَلَى غَيْبٍ بِمُتَّهَمِ

آيَاتُهُ الْغُرُّ لاَ يَخْفٰى عَلَى أَحَدٍ
بِدُونِهَا الْعَدْلُ بَيْنَ النَّاسِ لَمْ يَقُمِ

كَمْ أَبْرَأَتْ وَصِبًا بِاللَّمْسِ رَاحَتُهُ
وَأَطْلَقَتْ أَرَبًا مِّنْ رِّبْقَةِ اللَّمَمِ

وَأَحْيَتِ السَّنَةَ الشَّهْبَآءَ دَعْوَتُهُ
حَتّىٰ حَكَتْ غُرَّةً في الأَعْصُرِ الدُّهُمِ

بِعَارِضٍ جَادَ أَوْخِلْتَ الْبِطَاحَ بِهَا
سَيْبًا مِّنَ الْيَمِّ أَوْ سَيْلاً مِّنَ الْعَرِمِ

دَعْنِي وَوَصْفِيَ آيَاتٍ لَّهُ ظَهَرَتْ
ظُهُورَ نَارِ الْقِرٰى لَيْلاً عَلَى عَلَمِ

فَالدُّرُّ يَزْدَادُ حُسْنًا وَّهْوَ مُنْتَظِمٌ
وَّلَيْسَ يَنْقُصُ قَدْرًا وَهْوَ غَيْرُ مُنْتَظِمِ

فَمَا تَطَاوَلُ آمَالُ الْمَدِيحِ إِلىٰ
مَا فِيهِ مِنْ كَرَمِ الأَخْلاَقِ وَالشِّيَمِ

آيَاتُ حَقٍّ مِّنَ الرَّحْمَنِ مُحْدَثَةٌ
قَدِيمَةٌ صِفَةُ الْمَوْصُوفِ بِالْقِدَمِ

لَمْ تَقْتَرِنْ بِزَمَانٍ وَّهِيَ تُخْبِرُنَا
عَنِ الْمَعَادِ وَعَنْ عَادٍ وَّعَنْ إِرَمِ

دَامَتْ لَدَيْنَا فَفَاقَتْ كُلَّ مُعْجِزَةٍ
مِّنَ النَّبِيِّينَ إِذْ جَاءَتْ وَلَمْ تَدُمِ

مُحْكَمَاتٌ فَمَا تَبْقِينَ مِنْ شُبَهٍ
لِّذِي شِقَاقٍ وَّلاَ يَبْغِينَ مِنْ حَكَمِ

مَا حُورِبَتْ قَطُّ إِلاَّ عَادَ مِنْ حَرَبٍ
أَعْدَى الأَعَادِي إِلَيْهَا مُلْقِيَ السَّلَمِ

رَدَّتْ بَلاَغَتُهَا دَعْوٰى مُعَارِضِهَا
رَدَّ الْغَيُورِ يَدَ الْجَانِي عَنِ الْحَرَمِ

لَهَا مَعَانٍ كَمَوْجِ الْبَحْرِ في مَدَدٍ
وَّفَوْقَ جَوْهَرِهِ في الْحُسْنِ وَالْقِيَمِ

فَمَا تَعُدُّ وَلاَ تُحْصٰى عَجَائِبُهَا
وَلاَ تُسَامُ عَلَى الإِكْثَارِ بِالسَّأَمِ

قَرَّتْ بِهَا عَيْنُ قَارِيهَا فَقُلْتُ لَهُ
لَقَدْ ظَفِرْتَ بِحَبْلِ اللهِ فِاعْتَصِمِ

إِنْ تَتْلُهَا خِيفَةً مِّنْ حَرِّ نَارِ لَظَىٰ
أَطْفَأْتَ حَرَّ لَظَىٰ مِن وِّرْدِهِا الشَّبِمِ

كَأَنَّهَا الْحَوْضُ تَبْيَضُّ الْوُجُوهُ بِهِ
مِنَ الْعُصَاةِ وَقَدْ جَآءُوهُ كَالْحُمَمِ

وَكَالصِّرَاطِ وَكَالْمِيزَانِ مَعْدِلَةً
فَالْقِسْطُ مِنْ غَيْرِهَا في النَّاسِ لَمْ يَقُمِ

لاَ تَعْجَبَنْ لِحَسُودٍ رَّاحَ يُنْكِرُهَا
تَجَاهُلاً وَّهْوَ عَيْنُ الْحَاذِقِ الْفَهِمِ

قَدْ تُنْكِرُ الْعَيْنُ ضَوْءَ الشَّمْسِ مِن رَّمَدٍ
وَّيُنْكِرُ الْفَمُ طَعْمَ الْمَآءِ مِنْ سَقَمِ

يَا خَيْرَ مَن يَّمَّمَ الْعَافُونَ سَاحَتَهُ
سَعْيًا وَّفَوْقَ مُتُونِ الأَيْنُقِ الرُّسُمِ

وَمَنْ هُوَ الآيَةُ الْكُبْرٰى لِمُعْتَبِرٍ
وُمَنْ هُوَ النِّعْمَةُ الْعُظْمٰى لِمُغْتَنِمِ

سَرَيْتَ مِنْ حَرَمٍ لَّيْلاً إِلَى حَرَمٍ
كَمَا سَرٰى الْبَدْرُ في دَاجٍ مِّنَ الظُّلَمِ

وَبِتَّ تَرْقىٰ إِلَى أَن نِّلْتَ مَنْزِلَةً
مِّنْ قَابَ قَوْسَيْنِ لَمْ تُدْرَكْ وَلَمْ تُرَمِ

وَقَدَّمَتْكَ جَمِيعُ الأَنْبِيَاءِ بِهَا
وَالرُّسُلِ تَقْدِيمَ مَخْدُومٍ عَلَى خَدَمِ

وَأَنْتَ تَخْتَرِقُ السَّبْعَ الطِّبَاقَ بِهِمْ
في مَوْكَبٍ كُنْتَ فِيهِ صَاحِبَ الْعَلَمِ

حَتَّى إِذَا لَمْ تَدَعْ شَأْوًا لِّمُسْتَبِقٍ
مِّنَ الدُّنُوِّ وَلاَ مَرْقىٰ لِمُسْتَنِمِ

خَفَضْتَ كُلَّ مَقَامٍ بِالإِضَافَةِ إِذْ
نُودِيتَ بِالرَّفْعِ مِثْلَ الْمُفْرَدِ الْعَلَمِ

كَيْمَا تَفُوزَ بِوَصْلٍ أَيِّ مُسْتَتِرٍ
عَنَ الْعُيُونْ وَسَرٍّ أَيِّ مُكْتَتِمِ

فَحُزْتَ كُلَّ فِخَارٍ غَيْرَ مُشْتَرَكٍ
وَّجُزْتَ كُلَّ مَقَامٍ غَيْرَ مُزْدَحَمِ

وَجَلَّ مِقْدَارُ مَا وُلِّيتَ مِن رُّتَبٍ
وَّعَزَّ إِدْرَاكُ مَا أُولِيتَ مِن نِّعَمِ

بُشْرٰى لَنَا مَعْشَرَ الإِسْلاَمِ إِنَّ لَنَا
مِنَ الْعِنَايَةِ رُكْنًا غَيْرَ مُنْهَدِمِ

لَمَّا دَعَى اللهُ دَاعِينَا لِطَاعَتِهِ
بِأَكْرَمِ الرُّسُلِ كُنَّا أَكْرَمَ الأُمَمِ

رَاعَتْ قُلُوبَ الْعِدٰى أَنْبَآءُ بِعْثَتِهِ
كَنَبْأَةٍ أَجْفَلَتْ غُفْلاً مِّنَ الْغَنَمِ

مَا زَالَ يَلْقَاهُمُ في كُلِّ مُعْتَرَكٍ
حَتَّى حَكُوا بِالْقَنَا لَحْمًا عَلَى وَضَمِ

وَدُّوا الْفِرَارَ فَكَادُوا يَغْبِطُونَ بِهِ
أَشْلاَءَ شَالَتْ مَعَ الْعِقْبَانِ وَالرُّخَمِ

تَمْضِي اللَّيَالِي وَلاَ يَدْرُونَ عِدَّتَهَا
مَا لَمْ تَكُنْ مِّن لَّيَالِي الأَشَهُرِ الْحُرُمِ

كَأَنَّمَا الدِّينُ ضَيْفٌ حَلَّ سَاحَتَهُمْ
بِكُلِّ قَرْمٍ إِلَى لَحْمِ الْعَدَا قَرِمِ

يَجُرُّ بَحْرَ خَمِيسٍ فَوْقَ سَابِحَةٍ
تَرْمِي بِمَوْجٍ مِّنَ الأَبْطَالِ مُلْتَطِمِ

مِنْ كُلِّ مُنْتَدِبٍ للهِ مُحْتَسِبٍ
يَّسْطُوا بِمُسْتَأْصِلٍ لِّلْكُفْرِ مُصْطَلِمِ

حَتَّى غَدَتْ مِلَّةُ الإِسْلاَمِ وَهِيَ بِهِمْ
مِّنْ بَعْدِ غُرْبَتِهَا مَوْصُولَةَ الرَّحِمِ

مَكْفُولَةً أَبَدًا مِّنْهُمْ بِخَيْرِ أَبٍ
وَّخَيْرِ بَعْلٍ فَلَمْ تَيْتَمْ وَلَمْ تَئِمِ

هُمُ الْجِبَالُ فَسَلْ عَنْهُمْ مَّصَادِمَهُمْ
مَّاذَا رَأَى مِنْهُمْ في كُلِّ مُصْطَدِمِ

فَسَلْ حُنَيْنًا وَّسَلْ بَدْرًا وَّسَلْ أُحُدًا
فُصُولَ حَتْفٍ لَّهُمْ أَدْهٰى مِنَ الْوَخَمِ

الْمُصْدِرِي الْبِيضِ حُمْرًا بَعْدَمَا وَرَدَتْ
مِنَ الْعِدٰى كُلَّ مُسْوَدٍّ مِّنَ اللِّمَمِ

وَالْكَاتِبِينَ بِسُمْرِ الْخَطِّ مَا تَرَكَتْ
أَقْلاَمُهُمْ حَرْفَ جِسْمٍ غَيْرَ مُنْعَجِمِ

شَاكِي السِّلاَحِ لَهُمْ سِيمَا تَمَيُّزِهِمْ
وَالْوَرْدُ يَمْتَازُ بِالسِّيمَا مِنَ السَّلَمِ

تُهْدِي إِلَيْكَ رِيَاحُ النَّصْرِ نَشْرَهُمْ
فَتَحْسِبُ الزَّهْرَ في الأَكْمَامِ كُلَّ كَمِ

كَأَنَّهُمْ في ظُهُورِ الْخَيْلِ نَبْتُ رُبًا
مِّنْ شِدَّةِ الْحَزْمِ لاَ مِنْ شَدَّةِ الْحُزَمِ

طَارَتْ قُلُوبُ الْعِدٰى مِنْ بَأْسِهِمْ فَرَقًا
فَمَا تُفَرِّقُ بَيْنَ الْبَهْمِ وَالْبُهُمِ

وَمَنْ تَكَنْ بِرَسُولِ اللهِ نُصْرَتُهُ
إِنْ تَلْقَهُ الأُسْدُ في آجَامِهَا تَجِمِ

وَلَنْ تَرٰى مِن وَّلِيٍّ غَيْرَ مُنْتَصِرٍ
بِهِ وَلاَ مِنْ عَدُوٍّ غَيْرَ مُنْقَسِمِ

أَحَلَّ أُمَّتَهُ في حِرْزِ مِلَّتِهِ
كَاللَّيْثِ حَلَّ مَعَ الأَشْبَالِ في أَجَمِ

كَمْ جَدَّلَتْ كَلِمَاتُ اللهِ مِنْ جَدَلٍ
فِيهِ وَكَمْ خَصَّمَ الْبُرْهَانُ مِنْ خَصَمِ

كَفَاكَ بِالْعِلْمِ في الأُمِّيِّ مُعْجِزَةً
في الْجَاهِلِيَّةِ وَالتَّأْدِيبِ في الْيُتُمِ

خَدَمْتُهُ بِمَدِيحٍ أَسْتَقِيلُ بِهِ
ذُنُوبَ عُمُرٍ مَّضٰى في الشَّعْرِ وَالْخِدَمِ

إِذْ قَلَّدَانِي مَا تُخْشٰى عَوَاقِبُهُ
كَأَنَّنِي بِهِمَا هَدْيٌ مِّنَ النَّعَمِ

أَطَعْتُ غَيَّ الصَّبَا في الْحَالَتَيْنِ وَمَا
حَصَلْتُ إِلاَّ عَلَى الآثَامِ وَالنَّدَمِ

فَيَا خَسَارَةَ نَفْسِي في تِجَارَتِهَا
لَمْ تَشْتَرِ الدِّينَ بِالدُّنْيَا وَلَمْ تَسُمِ

وَمَن يَّبِعْ آجِلاً مِّنْهُ بِعَاجِلِهِ
يَبِن لَّهُ الْغَبْنُ في بَيْعٍ وَّفي سَلَمِ

إِنْ آتِ ذَنْبًا فَمَا عَهْدِي بِمُنْتَقِضٍ
مِّنَ النَّبِيِّ وَلاَ حَبْلِي بِمُنْصَرِمِ

فَإِنَّ لِي ذِمَّةً مِّنْهُ بِتَسْمِيَتِي
مُحَمَّدًا وَّهْوَ أَوْفَى الْخَلْقِ بِالذِّمَمِ

إِنْ لَّمْ يَكُنْ في مَعَادِي آخِذًا بِيَدِي
فَضْلاً وَّإِلاَّ فَقُلْ يَا زَلَّةَ الْقَدَمِ

حَاشَاهُ أَن يُّحْرَمَ الرَّاجِي مَكَارِمَهُ
أَوْ يَرْجِعَ الْجَارُ مِنْهُ غَيْرَ مُحْتَرَمِ

وَمُنْذُ أَلْزَمْتُ أَفْكَارِي مَدَائِحَهُ
وَجَدْتُّهُ لِخَلاَصِي خَيْرَ مُلْتَزِمِ

وَلَنْ يَّفُوتَ الْغِنٰى مِنْهُ يَدًا تَرِبَتْ
إِنَّ الْحَيَا يُنْبِتُ الأَزْهَارَ في الأَكَمِ

وَلَمْ أُرِدْ زَهْرَةَ الدُّنْيَا الَّتِي اقْتَطَفَتْ
يَدَا زُهَيْرٍ بِمَا أَثْنٰى عَلَى هَرَمِ

يَا أَكْرَمَ الْخَلْقِ مَالِي مَنْ أَلُوذُ بِهِ
سِوَاكَ عِنْدَ حُلُولِ الْحَادِثَ الْعَمَمِ

وَلَنْ يَّضِيقَ رَسُولَ اللهِ جَاهُكَ بِي
إِذَا الْكَرِيمُ تَحَلَّى بِاِسْمٍ مُّنْتَقَمِ

فَإِنَّ مِنْ جُودِكَ الدُّنْيَا وَضَرَّتَهَا
وَمِنْ عُلُومِكَ عِلْمُ اللَّوْحِ وَالْقَلَمِ

يَا نَفْسُ لاَ تَقْنَطِي مِنْ زَلَّةٍ عَظُمَتْ
إِنَّ الْكَبَائِرَ في الْغُفْرَانِ كَاللَّمَمِ

لَعَلَّ رَحْمَةَ رَبِّي حِينَ يَقْسِمُهَا
تَأْتِي عَلَى حَسَبِ الْعِصْيَانِ في الْقِسَمِ

يَا رَبِّ وَاجْعَلْ رَجَائِي غَيْرَ مُنْعَكِسٍ
لَّدَيْكَ وَاجْعَلْ حِسَابِي غَيْرَ مُنْخَرِمِ

وَأَلْطُفْ بِعَبْدِكَ في الدَّارَيْنِ إِنَّ لَهُ
صَبْرًا مَّتىٰ تَدْعُهُ الأَهْوَالُ يَنْهَزِمِ

وَائْذَنْ لِّسُحْبِ صَلاَةٍ مِّنْكَ دَائِمَةً
عَلَى النَّبِيِّ بِمُنْهَلٍّ وَّمُنْسَجِمِ

مَا رَنَّحَتْ عَذَبَاتِ الْبَانِ رِيحُ صَبَا
وَأَطْرَبَ الْعِيسَ حَادِي الْعِيسِ بِالنَّغَمِ

ثُمَّ الرِّضَا عَنْ أَبِي بَكَرٍ وَّعَنْ عُمَرَ
وَعَنْ عَلِيٍّ وَّعَنْ عُثْمَانَ ذِي الْكَرَمِ

وَالآلِ وَالصَّحْبِ ثُمَّ التَّابِعِينَ فَهُمْ
أَهْلَ التُّقٰى وَالنُّقٰى وَالْحِلْمِ وَالْكَرَمِ

يَا رَبِّ بِالْمُصْطَفىٰ بَلِّغْ مَقَاصِدُنَا
وَاغْفِرْ لَّنَا مَا مَضٰى يَا وَاسِعَ الْكَرَمِ

وَاغْفِرْ إِلَهِي لِكُلِّ الْمُسْلِمِينَ بِمَا
يَتْلُوهُ في الْمَسْجِدِ الأَقْصٰى وَفي الْحَرَمِ

بِجَاهِ مِنْ بَيْتِهِ في طَيْبَةٍ حَرَمِ
وَاسْمِهِ قَسَمٍ مِنْ أَعْظَمِ الْقَسَمِ

وَهَذِهِ بُرْدَةَ الْمُخْتَارِ قَدْ خَتَمَتْ
وَالْحَمْدُ للهِ في بِدْءِ وَفي خَتَمِ

أَبْيَاتُهَا قَدْ أَتَتْ سِتِينَ مَعَ مِائَةِ
فَرِّجْ بِهَا كَرْبِنَا يَا وَاسِعَ الْكَرَمِ

فَاغْفِرْ لِنَاشِدِهَا وَاغْفِرْ لِقَارِئِهَا
سَأَلْتُكَ الْخَيْرَ يَا ذَا الْجُودِ وَالْكَرَمِ

[βєτ λŁмάĻκв]

فعلا ما اجملك
حلقه دسمه ومميزه
تسلمى شجن ....

[شجن البورت]

http://i76.photobucket.com/albums/j13/ahmadziton/tajmeel/kloob3.gif


صباح الود والوعد

والورد والند

صباح بالروعة متجدد

http://i76.photobucket.com/albums/j13/ahmadziton/tajmeel/kloob3.gif

حلقة كالعادة جميييييييييلة

وكانت أروع بقلم الأنثى الرقيق

الإعلامية الأستاذة/ شادية عطا المنان

بالإذاعة الرياضية fm104

http://i76.photobucket.com/albums/j13/ahmadziton/tajmeel/kloob3.gif

فكانت أروع القوافي :

- كم من أخ لك لم تلده أمك (من جميل ما قرأه كما جاء على لسانه)
- حار شديد بعد المسافة (منه للطيور المهاجرة للشاعر كامل عبد الماجد)
- فيها إيه لو جيت ديارنا
- نجيك شايلين فرحنا غيوم (مرثية لوردي)
- حدد من الليلة مسارك
- عادي ترحل من دنيانا
- دنيا من غير إبتسامك
- أصلي دربك إنت سبتو
- مشكلتي حاساك في الوريد
- لما تتأكد مشاعرك
- بتنفسك

http://i76.photobucket.com/albums/j13/ahmadziton/tajmeel/kloob3.gif

أما أروع الأغنيات :

- عازة في هواك – حمد الريح
- الليلة يا سمرة – وردي
- زاهي في خدرو – أحمد المصطفى
- يا جميل يا حلو – صالح الضي
- مهما تغيب – إبراهيم عوض والطاهر إبراهيم
- عندما يغني الكبار للكبار : (مجذوب آونسة يغني لوردي عصافير الخريف ويغنيها صاحبيها وردي لحناً وصوت الحلنقي قافية)
- ألف أهلاً يا دموع – صلاح بن البادية مع محمد عبد العزيز الجندي
- أنا المظلوم – عثمان حسين
- يجري مدمعي شعراً – الكابلي مع إبراهيم عوض بشير (ووقفة قصيرة مع شعراء من القضارف)
- مسكينة المحبة – الطيب عبد الله


تحياتي وودي ***


http://i76.photobucket.com/albums/j13/ahmadziton/tajmeel/kloob3.gif

[شجن البورت]

فعلا ما اجملك
حلقه دسمه ومميزه
تسلمى شجن ....

تسلمي غاليتنا

بت المـــالكـــــاب

والجمال والتميز بحق يكتمل

بحضـــــــــــــوركـ


لكي خالص الود ***

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl8.gif


فيها إيه لو جيت ديارنا
وقلت إنك مشتهينا
تبقى الأماني قصور محبة
وترجع أيامنا الحنينة
فيها إيه لو جيتنا زاير
وقلت إنك مشتهينا
إنت ما النسمة البتسعد
كل جراحاتنا الحزينة
إنت ما النجمة التضوي
في سمانا وكت تجينا
ليه بتحرمنا إبتسامك
وإنت زولنا ومصطفينا
طلتك نشوة غرامنا
بتغسل الهم اللفينا
ما ورود أشواقنا جفّت
بي زيارتك طل علينا
فيها إيه لوجيتنا مرة
وقلت إنك مشتهينا

عثمان مصطفى – فيها إيه

http://www.youtube.com/watch?v=f39YBorx1Ok


http://i76.photobucket.com/albums/j13/ahmadziton/tajmeel/fawasl/fawasl8.gif

كم من أخ لك لم يلده أبوك
وأخ أبوه أبوك قد يجفوك
صافي الكرام إذا أردت إخاءهم
وأعلم بأن أخ الحفاظ أخوك
كم إخوة لك لم يلدك أبوهم
وكأنما أباؤهم ولدوك
لو كنت تحملهم على مكروهة
تخشي الحتوف بها لما خذلوك
وأقارب لو أبصروك معلقاً
بنياط قلبك ثم ما نصروكَ
الناس ما إستغنيت كنت أخ لهم
وإذا إفتقرت إليهم فضحوكَ

http://i76.photobucket.com/albums/j13/ahmadziton/tajmeel/fawasl/fawasl8.gif

إهداء للراحل وردي 2008م

نجيك شايلين فرحنا غيوم
عشان إنت القمر والنيل
عشان كل الضفاف تسعد
ما إنت الروعة ذاتا عديل
وبيك تتألق الساحات
وتلبس روعتك إكليل
لأنك فيك حضارة ناس
موشحة بي أصالة النيل
ميلادك كان غسيل أحزان
علي عازة اللي فاقدة خليل
إنشريت وداد وحنين
تقدل زي جنا الوزين
تطلب بس نجيك نحنا
وإنت السحر نوعين
غناويك للحيارى دليل
تفرّد ودهشة في التلحين
وفيك كل السمح يا زين
ولو كل الحروف عنك
عشان نوفيك نكون ظالمين
ولو وزنوا البحر قطرات
ترجح كفتك نيلين
عذوبة صوت ترد غايب
هجر أوطانو ليهو سنين

http://i76.photobucket.com/albums/j13/ahmadziton/tajmeel/fawasl/fawasl8.gif

حدد من الليلة مسارك
وشوف أقدارك وين حترسى
لأني خلاص قررت أسيبك
وكل أحزاني حترحل هسة
وفي الأحلام ما أظني أقابلك
لا بالصدفة ولا بي همسة
وعندي كمان ممنوعة طيوفك
خلي أصابحك وبيك أتمسى
حدد من الليلة مسارك
وشوف أقداركوين حترسى
الآمال فتحت أبوابا
والأفراح أدتني ولسة
وجرح الماضي العندي نسيتو
وكل إحساس بالشوق يتدسى
والأيام أصلاً دوارة
مرة تفرّح ومرات تقسى
إيه الجد عشان أرجعلك
يا غدار يا ظالم أنسى
وكيف تتخيل ممكن أسامحك
وفي جواي ترجع تتدس
وتبكي عيوني وقت تشتاقلك
وفي أحضانا تقيل وتمسى

صدقني ما بقدر أعيد - ترباس
http://www.youtube.com/watch?v=I5ciy-FTxFA

http://i76.photobucket.com/albums/j13/ahmadziton/tajmeel/fawasl/fawasl8.gif

في القصيدة الكاملة في أبيات مختصرة
جمال عبد الرحيم
ما كتير الناس بترحل
لي ظروف في الدنيا أجمل
ناس بتمشي سنين طويلة
وناس بدون ما تمشي توصل

أحمد شاويش
عادي جداً إنت تقسى
وعادي جداً نحنا ننسى

شادية عطا المنان
عادي ترحل من ديارنا
ونحنا ما نفتش دروبك
وعادي تنسانا وتسيبنا
ونحنا ما نفكر نشوفك


http://i76.photobucket.com/albums/j13/ahmadziton/tajmeel/fawasl/fawasl8.gif

دنيا من غير إبتسامتك
ما بحس بي فرحة فيها
وسكة غير رفقة خطايا
ما بتسوقني اللهفة ليها
ولو سنين الآهة راحت
وغسلت أحزان وشيها
ما بضوق في لحظة راحة
إلاّ روحي تحس بيها
لما طيفك يسيبني يرحل
ريحة الشوق بشتهيها
ولو غيابك زاد وطول
سكة الهم بمشي فيها

http://i76.photobucket.com/albums/j13/ahmadziton/tajmeel/fawasl/fawasl8.gif


وأصلي دربك إنت سبتو
إنت ريدك كان شقايا
سكة الهم والمواجع
أرهقت فرحي وغنايا
وتاني أرجع شان أريدك
وأنسى آهاتي وأسايا
والضفاف الحاضنة شوقك
بالشجن تجرح خطايا
لا بصافيك لا بلومك
لا عتابك لي رعاية
أصلي عافيت ذكرياتك
وأي دمعة حزن جاية


http://i76.photobucket.com/albums/j13/ahmadziton/tajmeel/fawasl/fawasl8.gif


مشكلتي حاساك في الوريد
يا ريد مدفق في المدى
ويا غيم من الحن والوداد
عطن المشاعر بالندى
وسكن الشرايين والعروق
غسل الجراحات بددا

مشكلتي حبيتك وطن
نيل من أماني مددة
كل ما الشجون تقصد سماك
ترسم ملامحك وترصدا
تلقاني في الأشواق خبر
وبالإلفة ألقاك مبتدأ

مشكلتي في ريدك خلاص
غرقانة لي آخر مدى
وخسرانة زمن الآهة بيك
الجاي والفات والمضى
مشكلتي حتى الذكريات
صبحت ملامحك مهددة
مشروقة بالوعد المعاك
متوسدة الأفراح كدة

أنا الحبيييييييييييت وماااااا خــــــــنـــّـّـّـــــــــــت

http://www.youtube.com/watch?v=p_Sl9PidONI


http://i76.photobucket.com/albums/j13/ahmadziton/tajmeel/fawasl/fawasl8.gif


لما تتأكد مشاعرك
أبقى أسأل عني تاني
القرب منك بجرّح
والبعاد عنك شقاني
وريني بس أنا شن أسوي
والعناد الفيك أذاني
وإنت سحر الدنيا كلو
وحبي ليك كان بالتفاني
ليه بتتعمد جراحي
تسيبني في الأحزان أعاني
والفرح بعدك مسافر
والشجن بي وراك سباني
وحتى نشوة ريدنا دابت
والحنين زعلان جفاني
أنسى مرة الماضي لحظة
وعيش معاي شوقي وحناني
ومستحيل أنساها سيرتك
حتى لوطيفك أباني
إنت في أعماقي غنوة
وفي الحلم وردة أماني
ما بسيب ذكراك مرة
حتى لو فرحك سلاني
ولما تتأكد مشاعرك
أبقى أسأل عني تاني

سلمى – الكابلي – والشاعر إبراهيم عوض بشير
http://www.youtube.com/watch?v=io5H1mAKjcU

http://i76.photobucket.com/albums/j13/ahmadziton/tajmeel/fawasl/fawasl8.gif


عن القضارف
على ذكر أغنية سلمى كان هنالك وقفة مع الشاعر الراحل إبراهيم عوض بشير شاعر أغنية سلمى للكابلي وبعض الشعراء في القضارف .

الشاعر إبراهيم عوض بشير مقل في الشعر الغنائي ولكن ما غنى له فريد وجميل (متعت عيني وسبحت في الأحلام مسرح الآرام وظبا نافرة)
والقضارف منها الشاعر عثمان البدوي الذي كتب زاد السفر ، ورحلت يا حلمي الجميل

والقضارف أنجبت الشاعر عبد الواحد عبد الله الذي كتب نشيد الإستغلال

همسة :
وبالمناسبة صوت عمر محي الدين يشبه أصوات القضارف ربما لأنه عمل فيها ….
http://i76.photobucket.com/albums/j13/ahmadziton/tajmeel/fawasl/fawasl8.gif

شادية عطا المنان

يتنفسك أشواق سنين
تتدفى بيها الأمنيات
وأتضارى بيك من الشجون
وأتوسدك فرح أمسيات
وأسرح مع العمر الجديد
وأحجي بيك الأمنيات
وأعزم معاك سكة شجن
معطونة كان بالذكريات
وأبداك يا مشوار فرح
يغسل الأسف اللفات

أبو عركي البخيت - بستنشقــــــــــكـ

http://www.youtube.com/watch?v=Y-9HABuwnxw


http://i76.photobucket.com/albums/j13/ahmadziton/tajmeel/fawasl/fawasl8.gif

[شذي]

مافي كلام والله
مااقدر اقول غير
مااااااااااااااااروعك ياشجن :SugarwareZ-023:

[ود اشول]

تسلمي بت البورت بوست جميل جدا
حقيقي برنامجي المحبب اليا
مشكوره كتييييييير علي السهرهـ
تقبلي مروري

[شجن البورت]

في المساحة التي أفردها الأستاذ عمر محي الدين

للمغتربيت بكلمات الشاعر الجميل كامل عبد الماجد

الشاعر/ كامل عبد الماجد

حار شديد بعد المسافة
وشوق قليب ذايب رهافة
ليك يا الحاضن الصحارى
وزاهي زي لوح الشرافة
يا مصحر يا مغبر ..
يا بلدنا .. ياقيافة
شوف بعد ما كنت حاضن
ليلك الزاخر مسرة
وهاني بي تحنان ربوعك
جيت أفتش ليك برة !!
في الروادي الطيرا عجمي
وفي الجرايد المرة مرة
وفي الشمس في مرة تظهر
والنهار يا كل حرة
وفي عيون الجاي دابو
ولسة ما ضاق المضرة
وفي جناح طيراً مسافر
كان يكون ببلدنا مرة

زار ربوعك دافية طافا
نمشي منك وشوقنا ليكا
يبدأ من لحظة نفارق
وإنت زيك لا بنلاقي
ولا مغارب لا مشارق
الشواطئ ظلالا وارفة
والجبال شاهقات بيارق
وصبحك الوضاحة شمسو
وبدرك الفي سماه آلق
والحسان شبه الرتاين
في التياب والطيبة عابق
وناسك العامر ودادهم
كل زول في طيبتو غارق
إلاّ كان نادى المنادي
بدخلوا النار البتوقد
ويسمو بي فوق لي الطوارق
الشمس بينا وسماك
إلفة راسخة وفاض محبة
حبتك ذاتا وخلافك
ما أداتم غير حبة حبة
وفيك تمطى النيل وكب
وإرتضاك وإصطفاك
وشق فيك أطول مسافة
حار خلاص بعد المسافة
وتاني قاموا علي الشوارع
وزينوها
وبي وهج ضواي ملون حفلوها
ودوروا المزيكا برة
صادحة رقاصة وشقية
وكل زول لي زول بريدو ربط هدية
وإنت يا جبل الأسية
بس تأمل كم كرسمس
مر بيك وعيد ضحية
منك الحبان مسافة
والبلد نائية وقصية

في الحواري الماها هولك
تمشي والناس ينظرولك
عنك يهمس وإنت ساهي
ولما تنظر يبسمولك
كل زولاً جمبو زولو
وإنت وين بالله زولك ؟
فارقك خلاك وليهو
شوقك الدافق رسولك
وليهو تحنانك هدية
وبس تأمل كم كرسمس
مر بيك وعيد ضحية

الشبابيك المطلة
باقّّة بالشجر المضوي
عبرها تجيك الموسيقى
صادحة نص الليل تدوّي
وإنت حايم في الشوارع
وماك عارف شن تسوي
الصبر كملتو كلو
والتباريح والتروّي
وبس تأمل كم كرسمس
مروا بيك وعيد ضحية

في المحطات الصواخب
تمشي خطواتك تألم
مرة تلقى البدي كلمة
ومرة ما تلقى البكلم
ومرة مرة يرحبوبك
ومرة ما تلقى البسلم
أو يرد حتى التحية
وبس تأمل كم كرسمس
مر بيك وعيد ضحية

لونوا الليل بالكهارب
وإنت يا الطير المسافر
فكرك الليل كلو هارب
طالي في البلد البعيدة
ولون سماه شفق مغارب
وإنت بي لحظات زمانك
هاني بي صفو المشارق
واللقاءات الندية


القصيدة بصوت شاعرها

http://www.youtube.com/watch?v=iLc90U_KX40




وعلى ذكر الأستاذ/ كامل عبد الماجد

حــــــــــال الدنيـــــــا
أبو عركي – كامل عبد الماجد

http://www.youtube.com/watch?v=1XchvbLpkcY&feature=related


والحروف بتصحي حروف ودي ذكرتي حروف الشاعر

الأستاذ/ ود المامور وثمة علاقة بين حروف وإلقاء الرائعين

كامل عبد الماجد ..و.. مصطفى ود المامور


قصيدة الزرافة
ود المامور – بورتسودان 1994م

عشان شفافتك واللطَافَه

وإهتمامك بي قصايدي

أزِلْتِي من الروح جَفَافَه

مافي زول غيرك دفعني

أعاود الفن والشفافه

وأرجع أَنْظُمْ في القصايد

أجاري "معروف الرصافه "(1)

البحور ناظمتو فيها

نَثَرْتَ دُرَرِي علي ضِفَافَه

ومافي زول غيرك دفعني

أعاود الفن والشفافه

وأقولْ كلام ما قالو غيري

حروفو مَرْصُوصَه وقيافه

شِعْرِي ليك أطْرَبْ ...وغنِّي

ياجمالْ إلقاك لفني

روعةْ الحِسْ لو تَصَافَي

أقري لي زيديه روعه

خِرِمْتَّ مِتْقَريِّفْ لِسَمْعَه

فيها من نَفَسِكْ إضَافَه

مين سواك أداهو قيمه

لو بقيت في شِعْرِي ديمه

أَنْسِجْ الغُنَي بى حَرَافَه

أو بقيت فنان وشاعر

مُرْهَفْ الحِسْ والمشاعر

ما بجاريك في الرَهَافَه

ناس كُتَارْ شافوكي غيري

بَسْ براي شايفك تنيري

تضِّوي زي نار الشرافه

شفت فيك رِقَّهْ طِفوله

الهَيْبَه شُفْتَها يَاكا زولا

خُلِقْتِي صَلْبَه وفيك رَهَافَه

جوز عيونك لما تَبْرُقْ

والمعانِّي الفيها تَمْرُقْ

أي زول يِرْهَبْ و يخافا

السهام المن رموشا

ياتو زول يِقْدَرْ يحوشَا

أو يِجُرْ في النَمَّه قافا

كل شيء في الثَغْرِّ بَاسِمْ

واللاليء ...جَلَّ من رَصَّاهَا نَاظِمْ

بالقياسات والمسافه

الفَلَجْ زاد من بَهَاهَا

و العِنَبْ زَيَّنْ شفاها

مغَلِّفْ الشفتين غِلافَه

أما جِيدَا .....

هو البِخَلِّي الناس تريدا

الماوُجِدْ عِنْ زول خِلَاَفَه

والشَعَرْ عندك مَطَرْطَشْ

لو تَسَّرحْ أو تَنَكَّشْ

حَدُّه فايت لى كِتَافَا

أما لونك ....

الأصيل الزَاهِّي دونك

لونه زي خمر السُلافه

إيدك البَضَّه النديَه

الأنامل فيها زي شمع الخليه

ليْنَه إتْخَلَقَتْ خُرَافَه

والفريع بانَّه وبهيَّه

دا الشموخ في الطول هَويَّه

مين يطولك يا الزرافه

زينه تَقْدِلِي وإنتى مَاشَّه

السحابه الفوقنا هاشَّه

عِزَّة المشي في طَوافَه

القوام عندك مَنَظَّمْ

أوسط الناس المَقَسَّمْ

لا تَرَهُلْ لاَنَحافَه

جـاتني مـــرة ....

زيّْ حِلِمْ ثانيه أستمرَّ

وما في زولاً غيري شَافَا

فجأة هَلَّتْ ...

همسه قالت لي ووصَّتْ

زَيَّنْ الأحرف قوافا ..

لما شفتك دون توصِّي

جاني خاطر فيكي هسِّي

القصايد تبقي قَافَا

وأبقَي صائد للقوافي الَاحِقْ الشارد وجَافَه

ولو لقيت ورقه ودوايه

كان كتبت قصيده آيه

في جمالك واهتمامك ...و الشفافه

مافي زول أدهشني زَيِّكْ

لما تَلْبَسِّي فيها زَيِّكْ

يِخَلُّو ليك إنتي القيافه

كيف بتلبس ؟؟

شافك الأبكم تَحَدَّثْ

والضرير شاف لما شَافَا

كيف وأنا ......



أذهب وشأنـــــــي

وما أقول فيك الأغاني

وأعاود الفن بي حرافه

البلد واحشاها شوفتك

لسَّه " بورتسودان " عروستك

لابسه تيجان النظافه

البحر سآلني عَنَّكْ

لو نسيتي ما أظنِّكْ

تنسي لَمَّانْ موجُه صَافَه

والموجه قامت لى قدومك

شان تَعَبِّرْ ... بَلَّلَتْ جزء من هدوِمكْ

وأهْدَتِكْ أَنْدَرْ صُدَافَه

أجمعيها ... واحفظيها

في بعادك أسأليها

حاولي فهمها وإكتشافا

ذكري من بلداً حبيبه

لما نَكْبَرْ وتِعْتَلِّي مَفْرَقْنَا شيبه

أبقى ورينى الصُدَافَه

ما في زول غيرك دفعني

أعاود الفن والشفافه

إستمري عشان أغنِّي

لو لقيتك يِثْرَي فنِّي

و القلوب أَهْتِكْ شِقَافَا

ولو لقيتك في جواري ...تدفعيني

أقول قصايد ..

وأصلو مايِنْضَبْ معينى

لأني فيك زايد حَرَافَه

بالله يالشامخه الزرافه

كل قصايدى أتأمليِّها

هل في واحده لقيتي فيها

زي قصايدك ....

نكهة التين والخُشَافَه

ما أظن يا نور عيوني

زي غناك دُرْ في فنوني

في الوَصِفْ أو في القَوافَا

ووالله يالشامخه الزرافه

مافي زول غيرك دفعني

أعاود الفن والشفافه

هل أجازيك بالقصايد

لو نشرتها في الحواري ...

والاذاعات والصحافه

ما أكون اوفيتو وَصْفِكْ

إنتي صورتك في الخيال قَبْاَّلْ أعرفك

وأعرف النحو و الصرافه

بالله يالشامخه الزرافه

إستمري تدفعيني ...

وأبقي مهجة شِعْرِ فيني

بيكي إخضَّرَتْ سنيني

وإنْمَحَا صيفا وجفافا

في الختام لو حَدِّي شَاَفا

فارعةْ الطول القيافه

كاملةْ الزوق و اللطافه

وصيتي لازم يغْنَّي ليها

ويدُوبِي مَوَّالْ الزرافه

[شجن البورت]

مافي كلام والله
مااقدر اقول غير
مااااااااااااااااروعك ياشجن :sugarwarez-023:

تسلمي غاليتنا

شذى زهر

فالروعة تكون بحضوركم

وتواجـــدكم دومـــاً

لكى عاطر التحايا والتقدير ***


تسلمي بت البورت بوست جميل جدا
حقيقي برنامجي المحبب اليا
مشكوره كتييييييير علي السهرهـ
تقبلي مروري

تسلم كتير ...

الأخ ** ود أشول

وسعييييييدة أن تكون ضمن أصدقاء السهر الجميل

والقوافي الرائعة

هنــاكـ .. وهنــــا

والبرنامج يستاهل أن يكون حبيب ومحبب

وإنتو تستاهلو هذا البوست الجميل بقوافي السهر

وبحضوووووووركم ومتابعتكم


لك خالص التحايا والتقدير ***

[شجن البورت]

القوافي :
الساعة الأولى :
- بكرة يا الميت ضميرك – محمد عباس الباشا
- بسوى إيه العمر دونك
- الأحلام جواي هديتا
- يا المفقود لحظة وما غبت
- إشتهيت طلة عيونك

الساعة الثانية :
- لمتين مشاوير الزمن – محمد عباس الباشا
- ضاريت هواك من العيون
- عبيت دواخلي من الحزن
- على صهوة جواد الشوق

الأغنيات :
الساعة الأولى :
- لا هماك عذابنا – زيدان مع محمد يوسف موسى
- كيف ألقى سيد روحي – إبراهيم عوض
- حان الزفاف – هاشم ميرغني
- الليل ما بنومو – الكاشف
- ناس ناسيانا – ثنائي العاصمة
- حارمنّي ليه – عثمان حسين وإسماعيل حسن
الساعة الثانية :
- عندما يغني الكبار للكبار ومعلومة عن الفنان صلاح مصطفى (يغني صلاح مصطفى للفنان صلاح محمد عيسى وإسماعيل خورشيد "عشان كدة أنا حبيتو")
- في ربيع الحب – سيد خليفة
- يا الشايل منامي – أحمد المصطفى
- أبوداؤود يغني الخفيف وال (طولت ما رديت – صباح الخير إنت ملك ؟)
- عن حبيبتي أجمل توقيع ختام – أبو عركي البخيت مع سعد الدين إبراهيم

الشعراء :
- كل الحلقة للشاعرة الإعلامية شادية عطا المنان
- قصيدتان للشاعر الإعلامي محمد عباس الباشا
محمد عباس الباشا

بكرة يا الميت ضميرك
تصحى لما أقولا لالا
تستغيث السطوة عندك
وتفتقد دنياك جمالا
ما سنين عانيتَ منك
وإنت إتماديت خلالا
وجاكَ كاسك ذاتو أشرب
إتحقن حتى الثمالة
قلبي ياما كسرتو وإنت
ماضي في سفر الضلالة
وياما أدمنت التعالي
وفتَ نفسك في فعالا
وبكرة ياما أغني وأطرب
وتنتعش دنياي بحالا
ويفرح النيل الأسرتو
وتمرح الأرض وجبالا

*****************

بسوى إيه العمر غيرك
إذا الفرح فاض بين إيدي
والشجن بعدك بوالف
والسهاد بكتر علي
شيل عيون الشوق وعاين
إنت إيه بالنسبة لي
روح مداين الدهشة وأسأل
إيه وجودك بعني لي
يا مشاعر طيبة دافية
ويا حنان ما بعدو شي
إنت لمّا يطول غيابك
الحزن بجرح عيني
الحروف تحكيه ريدنا
والأشواق بتحس بي

*****************

الأحلام جواي هدّيتا
والأحزان دايماً قاصداني
لا فارقني خيالك لحظة
ولا إتخيلت في يوم تسلاني
الأفراح العندي بنيتا
بالآهات إنجرحت تاني
ودنيا الريد بعدك خليتا
لما الشوق روّح ما جاني
أعمل إيه أنا في دنيايَ
والأقدار دايماً قاصداني
والتذكار البيني وبينك
خلو مع الأيام يسلاني
هاك ذكراك وأمسح أحزانك
وحدث طيفك لا يخشاني
الأشجان فارقني طريقا
والأفراح بعدك غاشياني
إلاّ مصيري حأنسى جراحك
ومصيرو صباحي حيشرق تاني

*********************

يا المفقود لحظة وما غبت
يا الموجود في الزمن المافي
ماليني غيابك رعشة ووحشة
لهفة لقيا وحزن خرافي
يا الموجود في اللحظة المافي
الأشواق سألت محتارة
إنك غايب وريدك وافي
في الأفراح دايماً طارنّك
وفي الأوتار أنغام وقوافي
مهما تسافر برضي بريدك
يا الطليت من دنيا المافي
ويا البدّلت ملامح الدهشة
وشهقت منك كل أنفاسي

*****************

إشتهيت طلة عيونك
وأي سكة عليك تودي
يا البقيت لي روحي راحة
ولي شجوني كمان تهدّي
ببدأ فرحي وكت أقابلك
ومن حنانك لي تدي
لما بالأشواق تسالم
ومن حنانك لي تدي
يا فرح بتفيض محبة
يا سنين بالهم تعدي
حتى عيني وإنت غايب
لا بتشوف جاي لا بتودي
وكل جميل في الدنيا غيرك
زي سحابة صيف تعدي
تفرش الساحات محنة
تظلل الواحات مندي

***********************
ضاريت جفاك من العيون
لمّا الشجون شمتن علي
قصدك تصحّي جرح جديد
ولا الجراح حتزيدا كي
أشواقي من شدة قساك
صبحت عديل ما حاسة بي
تبكي وتصحيني الصباح
ودموعا سايلة علي إيدي
الحسرة والعمر اللراح
واللهفة تسأل فيني شي
دة الحزن مشروق أمنيات
والدهشة حايرة وكايسة ضي
*****************
عبيت دواخلي من الحزن
وقسّيت كمان قلبك علي
مشروقة أفراح دنيتك
وريني كيف حتحس بي
أشواقي تتمدد حنان
ألقاك بتبعد مني لي
أهديك غيمات الحنين
تهجرني كيف والدنيا صي

***********

على صهوة جواد الشوق
أشد برحالي وأمشيلك
وأفتش لي دروب لقياك
تضيع سكة مشاويرك
أجيك وأفراحي تغمرني
بلهفة ريد أغنيلك
وأشر أحزاني فوق القيف
وأغسّل همي من نيلك
وفجأة يبين خيالك لي
ومن الغربة أشكيلك
مجرحة بالشجن والهم
معذبة من ضلام ليلك
أقالد الشوق يجرّحني
وأسالم الريد وأشابيلك
وأكوسن لي حروف إسمك
وأخاف الدهشة ترويلك
وترحل عني ما بنساك
قلل من مشاويرك
وراك هد العمر حيلي
سهاد عيني بشكيلك
تعال ننسج خيوط الليل
وبالأفراح أدوبيلك
سراب أحلامي في بعدك
وكيف أيامي من غيرك
عشان تعرف بريدك كم
أسأل كل مواويلك
قلوب مشتاقة لي لقياك
تتوشح تفاصيلك
عيون مليانة شوق وحنان
وكل ما تغيب تناديلك

[λβoѕнєгOġ]

الله عليك ياشجن
بجد مافي كلام يتقال
غير ربنا يديك العافية
متابعين

[شجن البورت]

الله عليك ياشجن
بجد مافي كلام يتقال
غير ربنا يديك العافية
متابعين


تسلم أبو شروقنا العزيز

ويعافيك يا رب

بس طالما إنك متواجد في السودان

ففرض عين عليك تتابعا من رايديو لو بجهاز أو سماعة موبايل (*!*)

وما كفاية إنك تتابع من هنا (-_!_-)

والأربعاء القادم نتوقعك تعمل لينا الملخص هنا ...


عاطر التحايا والتقدير ***

[شجن البورت]

محمد عباس الباشا

لمتين مشاوير الزمن
بي سكتك ما دار تجيب
ولمتين يجاوبني الصدى
من دون تحس أو تستجيب
يا غالي ليل الأمنيات
سليتا روحو رجا ونحيب
يتمّت ذكراه وبقيت
حاضر أسى وحاضن المغيب
موجود وما موجود كمان
وإنت القريب الماك قريب
إنشاء الله صبر الروح يطول
وبعد العذاب تهنأ وتطيب
يا الشلت فرحتو يوم تحن
وترجع حنين وأقرب حبيب

***************

الفنان صلاح مصطفى (كما جاء على لسانه) :
مدرسة متميزة ومميزة في تاريخ الأغنية السودانية الحديثة ، تم إجازة صوته من خلال لجنة المصنفات السودانية في العام 1956م وكان أول ظهور له مع الإعلامي الكبير البروفسير على شمو من خلال برنامج على الهواء (برنامج الهواة) إذاعة أمدرمان وكانت أول أغنية ظهر بها الفنان صلاح مصطفى نقلاً على لسان الأستاذ/ الإعلامي عمر الجزلي من خلال البرنامج أغنية "حياتي" لأحمد المصطفى ، بدأ صلاح مصطفى متنقل في مراحل فنية مختلفة لكل فنان كبير ، وقدمه لساحة الغناء في السودان للتفزيون والإذاعة هو الشاعر الكبير والمجيد شاعر العيون عبد الله النجيب ، بعد ذلك بدأ صلاح مصطفى رحلة فن مسيرة ظهرت من خلال برنامج الأصوات الجديدة بواحدة من أغنياته الخاصة التي كتبها الشاعر عبد الله النجيب ولحنها صلاح مصطفى وكانت أول تجربة لحنيه له برنامج كان يقدمه الأستاذ/ محمد خير عثمان والذي كان أول مدير للمسرح القومي السوداني ، وكانت الأغنية "يا جميل وين أيامي راحت" ويروى صلاح مصطفى بأن هه الأغنية كان وراءها قصة من خلال دخوله الإذاعة للنص الأول الذي قدمه له عبد الله النجيب ولحنه ولكنه خاف على نفسه أن يقدمه كتجربة جديدة من خلال برنامج "الأصوات الجديدة" وعبد الله النجيب نصحه بعد هذا التردد أن يلجأ لواحد من المحكمين الكبار في الأغنية السودانية وكان يسود هذا الزمان (إبراهيم عوض وسيد خليفة وأحمد المصطفى وغيرهم من الكبار الذين كانوا ملوك الساحة) وكان اللجوء للشاعر الكبير والملحن عبد الرحمن الريح ويحكى صلاح مصطفى بأنه ذهب إلى عبد الرحمن الريح في حي العرب مع الشاعر الكبير عبد الله النجيب ووجدوا منزله مثل "عيادة الدكتور" مصطف بالناس وعبد الرحمن الريح غير لجنة إجازة الأصوات كان يجيز أصوات الفنانين بطريقته الشخصية لأغنياته لأنه كان يكتبها ويقدمها لهم ملحنة ومع تلك الزحمة لم يستطع صلاح مصطفى أن يصل عبد الرحمن الريح وكان الثاني محتاج لأن يسمع صلاح مصطفى للمرة الثانية ليعطيه ربما عمل جديد ولكن رغبة صلاح مصطفى باللحاق ببرنامج الأصوات الجديدة لمحمد خير عثمان جعلته يحمل نفس النص مع عبد الله النجيب ويلجأوا للملحن الكبير الراحل علاء الدين حمزة وكان في ذلك الوقت 56 – 57م رئيس فرقة الإذاعة الموسيقية ولا يحتاج وقت كبير في أن يجيز لحن لصلاح مصطفى . ومعروف أن صلاح مصطفى يكتب ويغني ويلحن ويظهر ذلك من خلال تمييز ألحانه من بين ألحان غيره من الفنانين وهكذا إستمرت رحلة كبيرة وطويلة لفنان رائد وكبير ومجدد الشاعر والفنان والملحن الكبير صلاح مصطفى .

[شجن البورت]

http://upload.arabia4serv.com/images/hkhrd92d93z6eszd5b3o.gif

23/05/2012م
صباح الخير .. على أندى أزاهر
صباح الورد .. للشايين ليهم ود
صباح الهنا ..على البحبهم أنا

http://upload.arabia4serv.com/images/8z5yvuv9ve57oecwlnm.gif

كالعادة حلقة جميلة بكل ما فيها
قوافي وأغنيات
وحضور
وموسيقى
وليل جميل

http://upload.arabia4serv.com/images/lh9ucp47h6q0w2bdkbrc.gif

وقفة ولمسة وفاء للفنان نادر خضر عليه رحمة الله
نسأل الله له الرحمة والمغفرة

ودعوات الشفاء للفنان صلاح مصطفى
والشاعر صلاح حاج سعيد

http://upload.arabia4serv.com/images/ix6sfk7cc15bk6o3qbzb.gif

.
.
.
.
.

فكانت ......
:
:
القوافي :

1. مالو الدرب بعد الثقة
2. إرتعش كونك عشقتك
3. الحزن ليه يغشاك
4. يا قهوتا
5. بي كفو ضارى الضو
6. منك رسالة شوق
7. لمتين مشاوير الزمن – محمد عباس الباشا
8. عرفت أشواقي ليك كيفن – عمر محي الدين
9. ما سكت نيلاً بفيض
10. يمة خلتني الظروف – حكمة يس
11. وكتين أتوه
http://upload.arabia4serv.com/images/3jkj16tdge3f61gmrujg.gif

الأغنيات :

1. أسرار العيون _ بصوت الراحل نادر خضر
2. قصة الريدة إنتهت – الخالدي
3. كيف ترضى إمتهاني – زيدان
4. حيرت قلبي معاك – ثنائي العاصمة
5. ظبي – حقيبة
6. سحروك _ التاج مصطفى
7. ناس لالا – عثمان حسين
8. ضامر قوامك – صديق الكحلاوي
9. عندما يغني الكبار للكبار : (غنى الفنان بن البادية للراحل سيد خليفة أنشودة الجن وغناها صاحبها)
10. يمة السبب عيشة المنى – تاور مع حكمة يس
11. القطار المر – عثمان الشفيع مع محمد عوض الكريم القرشي

http://upload.arabia4serv.com/images/yxcic7u5klethfv1e0jn.gif

كل القراءات الشعرية من (ديوان الهوامش) للشاعر الأستاذ/ قاسم أبوزيد
قصيدة لـ محمد الباشا
قصيدة لـ عمر محي الدين
و حكمة محمد يس

http://upload.arabia4serv.com/images/hkhrd92d93z6eszd5b3o.gif

[شجن البورت]

http://upload.arabia4serv.com/images/09jpcc9lnvvfd4s1p1hf.gif



مالو الدرب بعد الثقة
يا دنيا ليه دربين بقى
وكيف يا عزيز قلبك يجيز
وتسوي فينا الما بقى

وقالوا الدرب يوم يتخرب
الطيبة تاني بتعدلو
والحصل ما أظن يصل
للخضرة لونا يبدلو

بس لي إيدك مدها
وأرخي الحبال ما تشدها
الهم جبالو نهدها
وللحب نسوي الما بقى

وجيب خطاك لي سير خطاي
درب السلامة بنوصلو
دة العمر كل يوم بفوت
أحسن سرورنا نحصلو
وكان رضيت رايي السليم
حقو ترجع للقديم
لاتخشى سين لا تخشى جيم
ونغني نحنا على البقى

دة الطريق يوم يبقى واحد
الفروع بنشوف ثمارا
والكلام الكلو طيبة
العداوة بيطفي نارا
ما خطر في بالنا يوم
تمشي فينا تسوي لوم
دة المقيّد ما بعوم
وببقى غايتو علي البقى

وذكرتني واحدة من قوافي سهر القوافي

مالو الطريق بقى لي طويل
والسكة زي ما سكتي

http://upload.arabia4serv.com/images/xfkp47ahisnh4wazpwbk.gif


إرتعش كونك عشقتك
في العيون فرح التواصل
وخطوة تانية تكوني أحلى
نحلة في عسل التغازل
أبدي من طرفي الخواطر
وأمشي لي آخر مدى
تلقي في عمق المشاعر
صوتي بي حبك شدى
ترحل الحسرة وتسافر
بينا زمن بدأ
ظللي الشفق الأماسي
وبللي الريد بالندى

وأشتهيك يكبر هيامي
وإنتي في الأعماق معاي
البعاد مات هد شوقي
والرحيل قلل خطاي
لو يفوت زمن القساوة
تكتب الأفراح غناي

http://upload.arabia4serv.com/images/xfkp47ahisnh4wazpwbk.gif

الحزن ليه يغشاك
يا أحلى عصفورة
صدق الكضب غشّاك
لوّن صدى الصورة
أنا داير أبيع أحلام
مين بشتري الأحلام
وأفراحي محظورة
عبق الورود مفقود
والصورة منظورة
ما شجرة الإلهام
ما غنى زرزورا
يا نيل متين بتفيض
والحلة بتزورا
تغمر جفاف الروح
بابا وكمان سورا
تدي الصدق لونو
ووش الضفاف نورا

http://t3.gstatic.com/images?q=tbn:ANd9GcQQ7CgXeP1i9ntpNAfDFPu12kfhKow0n o0O3NK_pvAtCXnebeWHFA
http://upload.arabia4serv.com/images/xfkp47ahisnh4wazpwbk.gif


يا قهوتا ...
ويا شهقة النفس المزاج
يا قعدتا .. ويا سرحتي
شفت العيون عبر السياج
يا ضحكتا ويا متعتي
تبدوا الأنامل كالزجاج
يا البن تحرّق وتنحرق
لو كان منجض مرتين
أنا يومي بتنجض نجاض
يا كيفا ما تقول ليَ كيف
ويا طيفا أبقى لي ضيف
ما كيفي من إيديها فاض
من كبتا ما كبتا المن كبتا
كل الخلايق حبتا
الموية نيل والشوق تقيل
والريدة لمّا تكون مزاج
القلب ما بعرف تردد وإحتجاج
http://t0.gstatic.com/images?q=tbn:ANd9GcQYCIlDeXWJEozCWdiAUeuMUlKj8aYUz WlYyvSJZnJEj5DJHana

http://upload.arabia4serv.com/images/xfkp47ahisnh4wazpwbk.gif

بي كفو ضارى الضو
دار يخفي وجناتو
من نارنا يا الله
دخلنا جناتو
لمعة سيوف الحق
بتحاكي بسماتو
أما العيون يا ناس
ضربات من الناتو
قلبي العليهو بكا
متزايدة أناتو
وفكري إنشغل والبال
ما خافية هناتو

http://upload.arabia4serv.com/images/xfkp47ahisnh4wazpwbk.gif

منك رسالة شوق
متوقعا وما جات
أحلى اللغات والذوق
من الجميل بالذات
أرتاح على الأهداب
متمني لي غمدة
أحلم مع الأحباب
من الفرح مدة
ومنك خطاب يا شوق
يا جفوة ممتدة
رسل حرف يا ذوق
بيهو العشق يبدأ
تستثمر الأيام
ما الريد نبت شب
رسل برسّل ليك
إحساسنا يتربّى
وباكر أكيد نتلم
بعد القلب حبّ
الروح متين تنجم
باقي العمر حبّة

http://t3.gstatic.com/images?q=tbn:ANd9GcRtAyr6Nq_3_azGoQqjuFb_6jaVsaksm m-ZZA77AGQf9DtzKDFj
http://upload.arabia4serv.com/images/xfkp47ahisnh4wazpwbk.gif

محمد عباس الباشا


لمتين مشاوير الزمن
بي سكتك ما دار تجيب
ولمتين يجاوبني الصدى
من دون تحس أو تستجيب
يا غالي ليل الأمنيات
سليتا روحو رجا ونحيب
يتمّت ذكراه وبقيت
حاضر أسى وحاضن المغيب
موجود وما موجود كمان
وإنت القريب الماك قريب
إنشاء الله صبر الروح يطول
وبعد العذاب تهنأ وتطيب
يا الشلت فرحتو يوم تحن
وترجع حنين وأقرب حبيب

http://t1.gstatic.com/images?q=tbn:ANd9GcTJsMlzlJLQDfSZ4rrvrefhtWxqemfun u6wtdE8bUvfM3VN-lZ9

http://upload.arabia4serv.com/images/xfkp47ahisnh4wazpwbk.gif

عمر محي الدين
عرفت أشواقي ؟؟؟

http://t1.gstatic.com/images?q=tbn:ANd9GcRiMAkQ7eJTlM7pWq-V8xiwbqy9zOd6diIj06dkmDdrSP7c5yn8Aw

عرفت أشواقي ليك كيفن
وقت ألقاك بتبقى بحور
وعرفت قلوبنا لما تحن
شلال ريد بدورلو جسور
عرفت الريدة قالوا سجن
وكيف الراد بكون مأسور
أريتك تعرف الجواك
يحركك إنت كامن شوق
أريتك تبقى زول مشتاق
وقلبك يصفى لينا يروق
أريتك غيمة تغمرنا
ويبقى سماك لينا دفوق
منو القال ليك نسيتك أنا
ومنو القال ليك ببقى بلاك
منو القال ليك ياني سعيد
وشنو الخلاك تنسى هواك
وعيش يا قلبي بي أملك
وموت لو قالوا يوم خلاك
وقسّم نونا أحزانا
وخلي الها التكون ذكراك
ولملم لاما في قلبك
وعيش بالذكرى ما أضناك
وتوه لو تاءا تاهت منك
وكوس عن روحا لو تلقاك

القصيدة التي غناها الفنان الجميل مجذوب آونسة


http://upload.arabia4serv.com/images/xfkp47ahisnh4wazpwbk.gif


ما سكت نيلاً بفيض
مطراً بصب حيجددو
ونيلنا ما إعتاد السكات
مافيش سدود حتهددو
والله مكتولين نوى
وأشواقنا ليك إتمددوا
لمتين تعود ونلقى المراد
ونغم لقاك نرددو

http://upload.arabia4serv.com/images/xfkp47ahisnh4wazpwbk.gif

يمة خلتني الظروف
الشاعرة/ حكمة يس

يمة خلتني الظروف
أبقي فنانة حروف
يمه السبب عيشة المني
و الكان زمان في حينا
يا حليلو سافر… مننا
وخلاني أكتب في الغُنَا

يمة خلتني الظروف
أبقي فنان حروف
يايمة خلاني سافر من زمن
وعيوني بالشوق إنكون
ما أظن يفارقني الشجن
وبلاهو وين ألقى الهنا
ظروف يمة
يايمة لومك قلليو
وخليهو قلبي علي العليو
بدعاك لي مابتبخلي
و
.
.
.

ويمة خلتني الظروف
أبقى فنانة حرووووف
يااا حليلو سافر مننا
وخلانا نكتب في الغنا
و
.
.
وطلع خدّااااع
وندمت علي زماني الضاع
وعلي سيرتي البجيبوها
وعلى القالوهو عني وشاع

http://www.iraqia-rose.com/up/uploads/13199053001.jpg

http://upload.arabia4serv.com/images/xfkp47ahisnh4wazpwbk.gif

وكتين يتوه قارب هواي
بتحدى بيك كل الظروف
وأفردجناح أشواقي ليك
وألقاك ولف وسط الحروف
معنى الجمال بلقاهو فيك
لمن أجيك أنا يا عطوف





http://upload.arabia4serv.com/images/xfkp47ahisnh4wazpwbk.gif

[βєτ λŁмάĻκв]

ييا قهوتا ...
ويا شهقة النفس المزاج
يا قعدتا .. ويا سرحتي
شفت العيون عبر السياج
يا ضحكتا ويا متعتي

ياااا الله ... والله حاجه كدا بنكهة خاااصة يا شجن
غايتوو البدخل هنا ينسى نفسووو
الله يخليك ...

[شجن البورت]

ييا قهوتا ...
ويا شهقة النفس المزاج
يا قعدتا .. ويا سرحتي
شفت العيون عبر السياج
يا ضحكتا ويا متعتي

ياااا الله ... والله حاجه كدا بنكهة خاااصة يا شجن
غايتوو البدخل هنا ينسى نفسووو
الله يخليك ...

وجيتكـ داااااايماً

بنكهتكـ

وليها مزاج خااااااااص

تسلمي يا ست كيف الحروف

عاطر التحايا والود ***

[شجن البورت]

30/05/2012م

http://www.up.qatarw.com/up/qatarw_rtSwXYkpWc.gifhttp://www.up.qatarw.com/up/qatarw_rtSwXYkpWc.gifhttp://www.up.qatarw.com/up/qatarw_rtSwXYkpWc.gif

القوافي المقروءة :
- مرثية الشاعر/ عزمي أحمد خليل للراحل الفنان نادر خضر
- أكون كضاب
- يا مسافر
- بعيد يا أخوانّا بتذكر
- أبقالي نور
- لما جيتك
- أعبّر كيف
- كان بتستاهل
- الشجر من غير جذور – بصوت عبد العزيز العميري
- إنت فاكر زي زمان – الشاعر عثمان البدوي
- الليلة قربي وأرجعي

http://www.up.qatarw.com/up/qatarw_ur02ZuZXPM.gif

أما القوافي الملحنة :
- قبل ما تاخد قرارك – الطيب مدثر
- يا الغاريك جمالك – فتحي حسين وكلمات وألحان عمر الشاعر
- أنا من شجوني – أبو داؤود
- إنصاف أحمد المصطفى – بصوت العميري
- عندما يغني الكبار للكبار وكانت عندما يغني الهواة للكبار غنى العازف عوض إحمودي للراحل مصطفى سيد أحمد من كلمات الراحل العميري (الممشى العريض) .
- السماح يا غالي – اللحو مع الصادق الياس
- كان بدري عليك – للعميري
- يا مسافر وناسي هواك – سيد خليفة
- توقيع الختام ظلموني الأحبة – عثمان حسين

• معلومة عن (الراحل عبد العزيز العميري)

http://www.up.qatarw.com/up/qatarw_pa8CUcfJQo.gifhttp://www.up.qatarw.com/up/qatarw_pa8CUcfJQo.gif
http://www.up.qatarw.com/up/qatarw_pa8CUcfJQo.gifhttp://www.up.qatarw.com/up/qatarw_pa8CUcfJQo.gif

الحلقة بقلم الراحل/ عبد العزيز العميري

مع عاطر التحايا والحب ***
http://www.up.qatarw.com/up/qatarw_VCgJXsWTvn.gif


http://www.up.qatarw.com/up/qatarw_eNjZvqd3m.gifhttp://www.up.qatarw.com/up/qatarw_ct8qH7cUys.gifhttp://www.up.qatarw.com/up/qatarw_1WJ4fNsrQ.gif

[شجن البورت]

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif


مرثية الشاعر/ عزمي أحمد خليل
في الفنان نادر خضر

بدري يا نادر عليكَ
من ربانا القاسية ترحل
الوجود مسخان علينا
والزمن بي وراك تبدل
وإنت ليه خليتنا بعدك
ونحنا كيفن هسة نعمل

كنّا راجنّك تعود
وتحكي لينا عن الشمال
عن حريمو وعن رجالو
وإغترابنا العنو طال
وعطبرة الحضنت خطاكم
مالو حظها تاني مال
والغريبة ربوعا شندي
مالا ضنّت بالوصال

ورحلت يا مسكين عشانم
وكانوا بي قربك صحاب
كنتوا بتغنوا وبتحكوا
وياما فرحتوا الشباب
إلاّ لكن يا خسارة
تاري بس أوهام سراب
رحتوا لكن ما رجعتوا
ويا حليلو حبيبو غاب

وكان سبب درب التحدّي
ونحنا ما بي إيدنا حيلة
الله هو القادر براهو
ناس يجيبا وناس يشيلا
وناس يوالف بين قلوبا
وناس يخلي الموت يجيبا
ونحنا بس بنطيع أوامرو
الكتيرة والقليلة
http://t2.gstatic.com/images?q=tbn:ANd9GcR5DvDMg65UPMPz-0w78lFL7XjzsDyzpyOu1J5feZhnApM6zQAi

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif


عبد العزيز العميري
أكون كضاب ...
لو إترددّت شان إستقبلك جواي
ولو قاومت حد السيف
بريقوا يلخبطوا الهدّاي
صحيح قبلك ...
شراع الدهشة ما صفّق
ولا كان العرق ودّاي
دي حتى الأمنيات قبلك
حروف أبياتا كانت ساي

وبس الحاصل ...
بدورك تسمعي شوية
فترتَ من السواحل ديك
وغشوني المراكبية
كنتَ بلملم الضحكات
وحاجز في البياض نية
ولمّا غلبني ريح الليل
قلت براي أعود واهي
غلبني أساوم الرجعة
دة ليل الغربة متناهي
فيهو الغربة قبلو الغربة
بعدو الغربة والأفق الرقد ساهي
أمد إيديَ بس لي وين
أقاوم كيف زمن لاهي
لا نفع التودد فيهو
لا جايباه حنية
أشتت أملي في الموجات
كسرت من العشم جية
دة كلو من السواحل ديك
ومن ظلم المعدّية
وأنا البعت الفرح لي الليل
وغشوني المراكبية


http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

يا مسافر .. أبقى فاكر
إني باكر ...
ياما لي شخصك أغنّي
وأزرع الدنيا إبتسامة
وضحكة في لون التمني
ويا مغادر ...
وسايب الحكاية في أول فصولا
أمانة تتذكر مواسم
باقية منتظراك أصيلة
وإنت سافر ...
وأبقى فاكر ..إني باكر
ياما لي شخصك أغنّي
وأزرع الدنيا إبتسامة
وضحكة في لون التمنّي


http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

القصيدة التي تجسد الواقع الإجتماعي في الحياة السودانية
للشاعر/ عبد العزيز العميري

بعيد يا أخوانّا بتذكّر
حلاة الذكرى لمّا تهف
وفي أعماقنا تتحكّر
محال في لحظة نحنا نخون
ولي ماضينا نتنكّر
أصلو عمرنا جدول شوق
وحبة ذكرى ما أكتر

بعيد يا أخوانّا بتذكّر
حليل الخور يفرّحنا
ومويتو تفيض وتتبعثر
ونبني بيوتنا بي طينة
نسيبا تفوت وتتكسّر
ونمشي أهلنا فرحانين
نفتش علبة السكّر
ونشحد يابا تعريفة
دحين يا أبوي ما بتقدر؟؟
يقول والله والله
ويحلف زين ويتعزّر
ونزعل نحنا بي رقة
دموعنا الغالية تتقطّر

بعيد يا أخوانّا بتذكر
لمة بيتنا كل صباح
وقعدة يمة في البنبر
تناول داك حبيبة شاي
وتدي التاني ما بتفتر
ونحنا نشيل زلابية وعيش
مع شاهينا نتحنطر
دي صورة نعيشا كل صباح
حفظنا القعدة والمنظر

بعيد يا أخوانّا بتذكّر
شوارع الحلة والدكان
ولون الشارع الأسمر
وحاجة تبيع تسالي وفول
تحت نيماً ظليل أخضر
ونختف نحنا نجري هناك
وهي المسكينة ما بتقدر
ونضحك ونحنا ما عارفين
جزانا يكون وكت نكبر
ونلقى الدنيا ...
مرة الدنيا لمّا تضيق وتتعكّر
وأصلو الما عتر مرة
مصيروا يعيش ويتعتّر


http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

الشاعر/ عبد العزيز العميري

أبقالي نور ...
يمسح ظلمة الدنيا الكئيبة
وأبقى في دنياي جنة
وذكرى في عيني حبيبة
قبلك إنتَ السعد غايب
وكلمة الأفراح غريبة
إلاّ لمّا عيوني تاهت
شان تكوس عندك نصيبا
وا عذاب قلبي الهديتو
وما عرف في الدنيا طيبة
مرة تبكيهو المشاعر
ومرة يضحك للمصيبة

وأبقى لي شمعة
تضوي داري تنورا
وبسمة حانية ...
سنين هواي تخضرا
وعيون تشيل قصة شقاي ومصدرا
وإنت كلماتك بعيشن
قصة حلوة بسطرا




لما جيتكـ ...
برضي زيك ...
كنت شايل ماضي راح
كنت بخدع نفسي مرة
ومرّة أمسح في الجراح
وأنسى إحساسي المعذّب
وأرجى في عينيك صباح

إلاّ ظني ...
أريتو ما كان
ولا كانت حكايتك
ما لقيتك زي صحاري
وخفت من أوّل بدايتك
وياما فتّرني المسير
وبرضي ما واصل نهايتك

لمّا جيتكـ ...
ألف خاطر كان معايا
كنت بخفي عذابي كلّو
وأدسّو في عمق الحنايا
إنت ما زولي البودر
مني دمعاتي وشقايا
وإنت ما زولي البشيل
في الدنيا كلماتي وغنايا

لمّا جيتكـ ...
كنت صابر ...
يمكن إتخدر هوايا
إلاّ ما بقدر أخادعك
أصلو ريدك لي نهاية



أعبّر كيف ... ؟؟؟
وكيف أجمع حواسّي الشاردة
شان أكتب كلام عنّك
وكيف يا إنت أرجع ليك
وأسأل تاني عن حنّك
وكيف إتلموا تاني إتنين
عواطفي وعقلي في ظنّك
أريت لو بس تجيني حروف
مشاعري تفيض ولو منّك


http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif


في القصيدة الكاملة في بيت

إنت فاكر زي زمان
بنحن ليك وكت تقسى وتجافي ؟؟
ما إتغيرت حاجات كتيرة
وإنت مافي !!!


الليلة توبي وأرجعي
وإنشري في حضن الضياع
حزمات أسى
وأبقي البلاد الما غشاها غنى البوادي
ولا ضحك فيها المسا
لو كان تفيد حزنك دموع
كيفن عيونك تحبسا
الليلة توبي ...
وعيشي بي أمل السماح
والغايب يمكن ما نساك
يمكن مع الأيام هناك
يا داب بلملم في الجراح
ويمكن سنينو الباعا ليك
الليلة ما لاقت صباح
ما كان ربيع أيامو شوفتك
والربيع إتلاشى راح
تلقيهو في دمعات مسافر
ولّا ببكي وسط الرياح
الليلة أوبي إلى الحنيّن
وتممي للقياكي حول
مصلوب على وعدك غناه
ولسة بتشابى الوصول
أسألي الرعشة البتضحك
في أناملك لو تقول
وأسألي الميعاد مصيركم
كان يجيهو الليلة قول
والأماني الباقية منسج
ديمة لي زهر البنفسج
وا ضياع لونا القبيل

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

عبد العزيز عبد الرحمن محمد العميري
من قبيلة الدناقلة وكانت أسرته تقيم في أبروف في أمدرمان وإنتقلت إلى مدينة الأبيض لتستقر هناك ويطيب لها المقام ، وولد بعد ذلك عبد العزيز العميري عام 1954م ، ورحل شاباً في عام 1989م وعمره 35 عاماً ، وكان رحيله فاجعة كبيرة جداً ومصيبة للوسط الفني في السودان وزملائه الذين زاملوه في معهد الموسيقى والمسرح الذي درس في بين عام 1975 – 1979م ، ويحكى عنه أنه كان فناناً وموهوباً وخلاقاً وكان رسام وخطاط وممثل وملحن ومغني وعازف مجيد ، وجاء إلى الخرطوم من الأبيض عام 1968م وأقام في الخرطوم ولم يكن لديه نشاطاً واضحاً في هذه الفترة كما ذكر ولكنه دخل المعهد وتجربته الحقيقية بدأت من خلال المسرح ومن ثم إنتقل إلى التلفزيون لينشئمع فرقة الأصدقاء المسرحية محطة التلفزيون الأهلية الشهيرة في بدايات الثمانينات ، وكتب كثير من الأغنيات لعدد من الفنانين وإرتبط بسيف الجامعة وغنى له الراحل مصطفى سيد أحمد والعميري غنى لكثير من الفنانين أغنيات مختلفة رددها بصوته الجهوري القوي الجميل وكان يجيد العزف على آلة العود ويجيد ترديد أغنيات غيره من الفنانين وأغنياته الخاصة . رحل وترك ذكراه الجميلة ومقولته (أصلو عمرنا جدول شوق وحبة ذكرى ما أكتر) .

http://t0.gstatic.com/images?q=tbn:ANd9GcRL9kXqfajMhYtgkxwim2AqgAwxh08dP qdGzpVXft_2si2UZaoYOg

http://t1.gstatic.com/images?q=tbn:ANd9GcTsQwBs8ahFEr8SPA5277goRC9m1KRn0 6Cic76UkztwtxCZ_Nne




http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

[شجن البورت]

الممشى العريض
مصطفى سيد أحمد - كلمات عبد العزيز العميري


http://www.youtube.com/watch?v=xJBUubDpvPM

مكتوبة في الممشى العريض
شيلة خطوتك للبنية
مرسومة بالخط العنيد
في ذمة الحاضر وصية
شاهد التواريخ والسير والانتظار
ادوني من قبلك مناديل الوصول
وفردت اجنحة العشم
في ساحة الوطن البتول
وضحكت ما هماني شيء
وبكيت ولاهماني شي
عندك وقفت من المشي
وغرقت في ضو النهار
الكانو بتمنوك لو ترتاحي لحظة على الدرب
حبوك حب ..
قدر الحروف الحايمة في بطن الكتب
قدر الخيال ..
ما مد ايدوا على السحب
كل خاطر كان بريدك
الا ريدك كان رسول الدهشة في كل الديار
وانا زي عوائد الشعر
فارس شد خيل الكلمة ليك
مصلوبة على ضهر البداية
القالوا اخرآ بين ايديك
وسرحت يا مهون تهون
شان اجيك ..
كان اصل يوم لحضورك
كنت بريدك ومشتهيك
وانكسر فيني الترجي
وونلت من سفري الخسار
بس داير اقولك يا اصيلة
لو تعب فيك التمني
وانهتك وتر المغني
لو تسدي علينا طاقات البشائر
تنهزم يوم التجني
واجيك لا هماني شي
عندك وقفت من المشي
وغرقت في ضو النهار

[βєτ λŁмάĻκв]

العميرى وما ادراك ما العميرى وطن صغير انجبه الوطن الام فكان قمة الوعى والادارك فى زمانه افتقدناه كما قلتي صغيرا لكن اعماله ما زالت تجسد هذا الصرح الشامخ الذى رغم طول الزمن ما زالت اعماله تحدث عنه ...
لك التجله شجن وانت تنثرين دررا هنا وتوثقين لكنوز من وطننا ...

[العبير]

ياسلام عليك يابت البورت
والله ماشاء الله مافي كلام
عشرة علي عشرة
البوست حقك ده عجبني شديد وبقيت حارساهو :SugarwareZ-109::SugarwareZ-109:

[شجن البورت]

العميرى وما ادراك ما العميرى وطن صغير انجبه الوطن الام فكان قمة الوعى والادارك فى زمانه افتقدناه كما قلتي صغيرا لكن اعماله ما زالت تجسد هذا الصرح الشامخ الذى رغم طول الزمن ما زالت اعماله تحدث عنه ...
لك التجله شجن وانت تنثرين دررا هنا وتوثقين لكنوز من وطننا ...

الغالية ** بت المالكاب

تسلمي يا رب ...

والبركة في برنامج سهر القوافي الجميل

ومقدمه الرائع الذي ينتقي دوماً الدرر

ودوماً المبدعون لا يموتون بروائعهم التي تخلد وتعيش

بين الناس وفي وجدانهم

تسعدني دوماً متابعتك وحضورك


مع خالص الود لكي إحدى روائع العميري

التي علق عليها الأستاذ/ عمر محي الدين بأنها تصلح لأن تكون مسلسل إذاعي ...


الشجر من دون جذور
كيف يعيش وينتج ثمر
والجذور الراسخة جد
باقية تتحدى العمر
يا سلام لو بالكفاح
بالمشاكل والسهر
الأبو يغذي الولد
والولد قلباً حجر
يعني إيه إنسان بسيط
إلاّ ما راجلاً ضكر
داقّي صدرو .. وحازم أمرو
شان جناهو يحاول يصطاد القمر
وفي النهاية يقوم يردد
قلبي يبقى علي جناي
وقلب جناي ...
حاشا تب ما يكون حجر

[شجن البورت]

ياسلام عليك يابت البورت
والله ماشاء الله مافي كلام
عشرة علي عشرة
البوست حقك ده عجبني شديد وبقيت حارساهو :sugarwarez-109::sugarwarez-109:




العزيزة ** العبير

عجبني عجبك شديد

ونحنا أسعد بالتواصل

ويا رييييييييت تحرسي معانا سهرة الأربع

لنسعد بقاك مرتين عبر الأثير هناك

وعبر الإسفير هنا ...


لكى عاطر التحايا مني ***


[/font][/color]

[شجن البورت]

http://sl.glitter-graphics.net/pub/56/56771spx07wdn2w.gif

صباحاتكم أمل باكر .. نغم كلمات على الخاطر

ملخص الحلقة السابقة الجميييييييييلة

من السهر الممتع

ســـهر القـــــوافي

http://i223.photobucket.com/albums/dd202/sa7ar11111/Geletr/75c8ef222b.gifhttp://i223.photobucket.com/albums/dd202/sa7ar11111/Geletr/75c8ef222b.gifhttp://i223.photobucket.com/albums/dd202/sa7ar11111/Geletr/75c8ef222b.gif

http://jewelsuae.com/gallery/data/media/14/v_31.gifhttp://jewelsuae.com/gallery/data/media/14/v_31.gifhttp://jewelsuae.com/gallery/data/media/14/v_31.gif

6/6/2012م

القوافي :
- سر غرامك
- يا الطليت في الزمن الجاير
- إسمك جروف مليانة ريدة
- شنو البرضيك – بصوت الإعلامية فايزة عربي
- كل زول في الدنيا فاكر
- يا واقفة في نفس الكلام
- حلوة الضحكة المن أعماقك
- والله الشوق اللعثم حرفي – محمد عباس الباشا
- هو ..و.. هي - ثنائية محمد الخير حامد

http://jewelsuae.com/gallery/data/media/14/v_11_2.gifhttp://jewelsuae.com/gallery/data/media/14/v_159.gif

بأقلام:
ثنائيات
الإعلامي محمد الخير حامد
إشراقات
الإعلامي محمد عباس الباشا
إبداعات
المبدع خالد أحمد الحاج
وإندياحااااااااااات
- الإعلامية فايزة عربي
- الأستاذة إبتهاج محمد نصر الدين

http://www.alfrasha.com/up/702155387612391754.gifhttp://www.alfrasha.com/up/702155387612391754.gifhttp://www.alfrasha.com/up/702155387612391754.gif

الأغنيات :
http://www.alfrasha.com/up/4041589802104878601.gif
- حبيبي غاب في موضع الجمال – أبو داؤود (هدية سهر القوافي للطائر المهاجر مذيع البيت السوداني صدام صديق الذي غادر مغرداً فى أوربا)
– حسن عطية
- لي حبيب شاغل بالي – فاطمة الحاج
- حرّمت الحب والريدة – وردي
- مشي أمرك يا قدر _ صلاح مصطفى مع الحلنقي
- عندما يغني الكبار للكبار (غنى بصوته الجميل الراحل محمد حسنين لأحمد المصطفى أغنية طار قلبي ... و ...... غناها البلبل ترباس ثم غناها ســــيدا)
- عندما يغني الكبار للكبار (غنى زيدان إبراهيم العندليب الأسمر للكبير الذري إبراهيم عوض عـــــــــــــــزيز دنيــــــــــــــاي وغناها الذري)
- من فروع الحنة وزهرة التفاح – أولاد شمبات من كلمات العبادي
- بعد الصبر – عثمان حسين

http://sl.glitter-graphics.net/pub/56/56771spx07wdn2w.gif
تحياتي وودي ***

[شجن البورت]

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif


سر غرامك فينا كامن
شوّق العين شال مناما
وثغرك الدر المنظّم
منّو حيتنا إبتسامة
النسيم غازل ضفايرك
بعثرا وغيّر نظاما
والخدود أداها طلّة
دشّن الندى كالغمامة
القوام فاتن مكمل
مافي في أمثالو قامة
النغيم لهجك معطّر
خمرة الحب للندامه
من إختيارات متوكل عمر ود القحيف على صفحة البرنامج أدناه

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

يا الطليت في الزمن الجاير
بهجة شوقك فينا محالة
عدى زمان أفراحنا ودابك
الأفراح قام غصنك شالا
ضحكة حسنك فينا بتجرح
رقة ذكرى وأغلى مشاعر
إنت شبابك ناضر دافق
شاسع فرق الكان والحاضر
لو إنت رضيت ما بنرضى وحاتك
يا الطليت في الزمن الجاير
سيبنا وحاتك نحنا متاهة
فيها الخوف الدربو بودّر
وفيها الحزن البسرق عمرك
ويقطف غصنو الدابو مخضر
ونحنا طفينا سراج الريدة
وإنت فؤادك بدرو منوّر

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

شنو البرضيك ؟؟؟
شنو الفي الدنيا بملأ عليكَ عينيكَ ؟؟؟
شنو القصّرّتَ فيهو معاك
عشان تزعل ...
تشمّت فيني عزّالي ومريديكَ
وشنو الناقصني يا مغرور
شنو الزايدك ؟؟؟
من ناس ديل وناس ديكَ
شنو الجابك ؟؟؟
تدقدق باب مراضاتي
وتفتّح لي شبابيكا
وشنو الوداك تتشبّك
وتغرق لي أعاليكَ
وعارف إنو ما ممكن
تكون ليَّ وأكون ليكَ
شنو الخلاك تبراني
وتنسج لي أحاجيكَ
جميل قولك ولا فعلك
في يوم سارت خطاويكَ
تأكد إني ما لايماك
ولا برغب أعاديكَ
ولا محتاجة أنضم فيك
ولا بي قولي بأذيكَ
ولملم حيل جفاك منّي
حتحت منّي باقيكَ
وقدر حكم القدر يفرض
تلاقيني وألاقيكَ
وقدر صوت الحنان يطرب
يسوق خطاوتي غصباً لي بواديكَ
وقدر عنفك يشتت روعتي
ويحتال عليها عشان تواليكَ
وقدر سخَطك علي دايماً
يسهل ليّ نهاية كل ما فيكَ

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif


كل زول في الدنيا فاكر
قلبو هو الريّاد وغالي
وليكي بهدي رحيق عواطفي
وديمة إحساسي المثالي
فرقي منّك جد بحبك
وإنتي ما هاميكي حالي

ولما كان أفراحي بيكي
قلتي جاية وما أظنك
ولمّا خاطري يهون عليكي
وأرجى ما يوصلني حنّك
كيف تهيني عواطفي ذاتا
وما إستهنت وغبت عنك
وحقو قبل إتمنى حنّك
كل جميل ألقاهو منّك

قلتي بتحبيني إنتي
كلمة الحب ما كفاية
ما الهوى المجنون بيفضح
سيدو من أوّل بداية
قبل ما يصرّح بحبو
وقبل ما يقول وا شقايا
يبقى ظاهر في ملامحو
وفيهو يغرق للنهاية

أصلي حبيتك لأني
شفت فيك أحلام حياتي
شفت فيك إحساس بينبض
وعشت بيكي أهيم وأهاتي
وقلت تسقيني المحبة
ومتعة تصبح ذكرياتي
وتبقي لي قلبي السعادة
وتشفي روحي وتبقي ذاتي

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

يا واقفة في نفس الكلام
حامياه يطلع إلاّ ليك
أغريتي عمري ودهشتي
توهتي روحي وذاتي فيك
يا واقفة في باب الشعور
في هدأة القلب الفسيح
في مدخل إحساسي النبيل
جواه في حضنو المريح
أنا ما بكمل روعتك
مهما أبالغ في المديح
إنتي الهوى الملك الفؤاد
فيكي الجمال باين صريح
أشعاري ما بتقفل عليك
من فتنة .. إحساس أو دلال
من أدبك الباين رفيع
ورزانتك الكاسياك جمال
كلك بديعة ولو علي
أتمنى يجمعنا الوصال
تفرح قلوبنا وتنسجم
بعد الفراق والهجر طال
أصلك نسجتي محنتك
وعمرو القلب ما راد سواك
والله من حبو وهيامو
تلقي ديمة يهيم وراك
لو جرتي في الريد والهوى
لو بعتي ما ببيع هواك
كل همويبقالك قريب
وين ما تكون هو يكون معاك

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

محمد الخير حامد

حلوة الضحكة المن أعماقك
لمن تطلع بالإحساس
وحلوة البسمة الراسمة تحية
وباقية دواخلك ليها أساس
وزعي ريدتك لي برايا
مني بتوصل كل الناس
إنتي الروعة وزينة الدنيا
وقلبي البعشق فيك الروح
مما شافك أول مرة
فكر إنو يقول ويبوح
ريدك بلسم لي أحزاني
وبعدك عني ألم وجروح
كلك رقة وضحكة وبسمة
كلك بهجة وكلك سمحة
فيكي الطيبة المالية عيونك
وهي الآسراني من أول لمحة
وفيكي جمال الكون بي حالو
لأنك ضحكة وروعة وفرحة
ما تستغربي لو حبيتك
أصلي بحبك وجد مجنونك
وريني الإحساس الفيكي
يلا إستعرضي فيني فنونك
عارفة هواكي حياتي وروحي
وعارفة أنا ما بسلم من دونك

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

محمد الباشا

والله الشوق اللعثم حرفي
صالت وجالت فيني فصاحتو
يحي العشق الخالد ليكي
وجرحاً فيني بعادك ناحتو
يكفي أزور بروفايلك وأقرأ
نبض أزرارك في كل ساعتو
وأطلع حتى بدون ما أكتب
شوق العمر الماخد راحتو
حتى بدون ما أعمل لايك
أوأستنى كتير في واحتو

http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

هو ..و.. هي

محمد الخير حامد

هو :

قولي أهلاً يا حبييبة
رددي معاي التحية
مهما يحصل منّك إنتي
برضو شايلك في عينيَّ

هي :

برضي بهواك يا حبيبي
ما إنت أقرب زول إليَّ
وعشت بيك أنا أحلى ريدة
ولسة باقية معاك وفية

هو :

غلطة كانت مرة واحدة
حقو تغفروا يا الحبايب
أصلي لما غلطت فيكم
بعد لحظات أنا عدت تايب

هي :

حقو يا حبي وغرامي
ويا أعز عزيز عليَّ
لوغلطت على أي زول
إنت ما تغلط عليَّ

هو :

جيتك أتأسف برايا
ونادم أرجوك يا ملاكي
عارفة بي فرقة عيونك
روحي بتضيع وا هلاكي

هي :

إنت عمري ونبضي إنت
إنت نوري وإنت ذاتي
إنت عارف روحي بيك
وإنت ياك فرحة حياتي

هو:

يا حبيبة عمري آسف
بالغرام البينا عاصف
تبتَ جيتك أرحميني
قلبي جاكي ودمعو زارف
ريدك الجاري في دماي
وعشقك السامي الفريد

هو ..و.. هي
ذاب الجليد والليلة عيد
ذاب الجليد والليلة عيد


http://l.yimg.com/lo/api/res/1.2/67Lrg_L7PK.Pj6WifjVsJg--/YXBwaWQ9bWtihttp://ahyaarab.net/images/449.gif

[شجن البورت]

• بواسطة الأستاذ/ ضياء الحق
دي روابط حلقة الاسبوع الماضي بتاريخ 6.6.2012

سر غرامك فينا كامن
http://www.mediafire.com/download.php?tt51ltlmbgy11dw
يا الطليت في الزمن الجاير
... http://www.mediafire.com/download.php?42pymri8erexkdd
إسمك جروف مليانة ريدة
http://www.mediafire.com/download.php?dioatnwdlvpipp8
شنو البرضيك
http://www.mediafire.com/download.php?mxf7ia7i4o9190x
كل زول في الدنيا فاكر
http://www.mediafire.com/download.php?ebn4v57g6d1cndp
يا واقفة في نفس الكلام
http://www.mediafire.com/download.php?6jyi29khplh86ao
حلوة الضحكة المن أعماقك
http://www.mediafire.com/download.php?uzfi98tjs85et9z
والله الشوق اللعثم حرفي
http://www.mediafire.com/download.php?r7uto5uaftoqjcd
قولي اهلا
http://www.mediafire.com/download.php?l2449j9g1wjq4z9


***********
حلقة العميري تم تسجيلها بواسطة الأستاذ/ ضياء الحق


بدري يا نادر عليكَ
http://www.mediafire.com/download.php?knci3luk3vkcvsu
... اكون كضاب
http://www.mediafire.com/download.php?c42wkwxqua2vzyw
ابقى لي نور
http://www.mediafire.com/download.php?p60vst9ty0l6mg1
يا اخوانا بتذكر
http://www.mediafire.com/download.php?iu4b9lvuba4wjcq
الشجر من دون جذور
http://www.mediafire.com/download.php?279c8pc5iimx0u0
انت فاكر بنحن ليك
http://www.mediafire.com/download.php?3rgcz7jfsh1hajb
كان بتستاهل
http://www.mediafire.com/download.php?31adkkavtow6cpa
الممشى العريض
http://www.mediafire.com/download.php?wjuvur788z3sp5f
الليلة توبي وارجعي
http://www.mediafire.com/download.php?ez9ue692lusaxrk
يا مسافر
http://www.mediafire.com/download.php?77qrx0q7ez40n3c
لما جيتك
http://www.mediafire.com/download.php?n6nwhfubtbzahgg

[شجن البورت]

http://forum.iqr0.com/mwaextraedit4/extra/105.gif
http://forum.iqr0.com/mwaextraedit4/extra/83.gif
http://forum.iqr0.com/mwaextraedit4/extra/105.gif

20/06/2012م


على غير العادة
كان اللقاء وكانت السهرة لأروع قوافي وأجمل ألحان
بعد ساعة من زمنها المألوف


http://forum.iqr0.com/mwaextraedit4/extra/83.gif


فكانت القوافي :

- سافرت خلاص خليتنا مشيت
- ما تمشي كم فاتن عيون
- داريت هواك من كل زول
- يا ليل معاك سري
- أنا عندي إيه غير أشكي وأبكي
- سمحة الدموع الطالعة منك
- وكتين يضيع الحب يموت
- لو نسيت والشوق فتر

http://forum.iqr0.com/mwaextraedit4/extra/83.gif

أما الأغاني :

- زهوري اليانعة - حقيبة
- قلبي همّالو - حقيبة
- تذكار عزيز – إبراهيم عوض
- الليل ما بنومو – الكاشف
- تعاليَ – أبو داؤود
- أحلى جارة – عبد العزيز المبارك
- عندما يغني الكبار للكبار (حتى الطيف رحل خلاني : غناها الراحل وردي لفنان الطمبور الذي رحل عنا في الأيام القليلة الماضية محمد كرم الله)
- أبيت الناس – إبراهيم عوض
- لو بهمسة - وردي مع إسماعيل حسن في أجمل توقيع ختام



http://forum.iqr0.com/mwaextraedit4/extra/105.gif
http://forum.iqr0.com/mwaextraedit4/extra/83.gif
http://forum.iqr0.com/mwaextraedit4/extra/105.gif



http://forum.iqr0.com/mwaextraedit4/extra/65.gif

http://forum.iqr0.com/mwaextraedit4/extra/89.gif



سافرت خلاص خليتني مشيت
أدميت القلب الشالك شوق
رجّفت الليل الكم غناك
هزيت الشمس الناوية مروق
عاندت عشانك أقسى ظروف
بايعتك صادق أخلص ليك
داريتك شمعة في عز الريح
أديتك أمان بي خوفي عليك
لمّيتك وكان العمر شتات
راجيك مستني خطاوي مجيك
حتفوتنا خلاص وتعدي بعيد ؟
من غير ما تقول الرجعة متين ؟؟
نرجاك بتعود ؟؟؟
ولا الأشواق ما عاد جواك .. إيقاعا حنين !!!

حتفوتنا خلاص وتسيبنا وراك ؟
من غير غنوات وحنين وهيام
بل شوقنا وراك درب النسيان
فضيلنا سموم الحرقة شراب
أهديلنا خناجر الغدر عقود
لفحنا مواني الغربة عذاب
حزمنا بنار أحزانك طوق
ونزبالصد الجرح الطاب
همّلنا وفوت ما نحنا هوان
بارينا الهم في كل زمان
أمّنا الصدق .. والصدق سراب


http://forum.iqr0.com/mwaextraedit4/extra/83.gif

ماتمشي كم فاتن عيون
قبلك وماجاني الطشاش
أنا ممكن اقرى السكه لي
من غير ماتتعثر خطاي
أويعترض شوفي الغباش
أنا ماخلقت عشان أشوف
بي قربك الأيام غمام
ويخلف ميعاد زرعي الرشاش
ولاني بضحك شان نسيم
عينيك يقابل طلتي
أنا أصلو ماليني الدعاش
ولاجميل أنا ببقى بيك
شان تبقي في لوحة هواي
لون إنعكاسات الفراش
أنا ماني حي شان بعرفك
ولا عليك عايش كمان
أقتات ملاذ أرضك خشاش
أرجاكي وإنتي بتطربي
نشاز علي وعد الوتر
وكمان علي نغمي الجميل
ضاربه الطناش !!!
ماتمشي وأوعى تشوفي لي
أرجاك زي وعدي الزمان
أنا من وهم عينيكي ماش
لي دنيا وانا الوئام
ولابجوز فيها النزيف
لي دنيا منطقا كلوخير
أسمع أقيف ...
شان تعرف الحب فيها كيف
الحب هناك زي الصلاة
طاهر مغسل بالبرد
لابمارسوا قط الا العفيف
الحب هناك غيمه ونسيم
ترتيل وتتقّابه وسبح
إحساس رهيف ...
ده الحب إذا ما إنتشى
لامس إحساس الكفيف
يقدر يفرز من خلال
شبكية الزول الأفق
الوانا طيف ...
ده الحب إذا ما إشتهت
نفسي المشمسه بالهجير
ضلآ وريف ...


http://forum.iqr0.com/mwaextraedit4/extra/83.gif

داريت هواك من كل زول
وأخفيتو من عين العزول
وسدتو غنيات هايمة بيك
مشتاقة لي نجمك تطول
وداريت هواك منك كمان
وخايف يكون قلبك لغيري
وتبقي سكة رحلتك
ما شايلة زاد شوقي ومسيري
وصرت دون تشعر أسيرك
وخوفي من صدك أسيري
وداريت هواك ولسة خايف
يمحى زمني صور مناي
ويهدم قصور أحلامي فيك
وأبكيك علي الأطلال براي
خايف يضيع مني الخيال
وما ألقي زول يسمع نداي
ما إنت أكبر بي كتير
من حلمي وأبعد من خطاي
لي قلبي أعمل إلاّ إيه
سايقني ديمة علي شقاي


http://forum.iqr0.com/mwaextraedit4/extra/83.gif

سمحة الدموع الطالعة منك
لما أرجع من سفر والشوق كتير
ويا حلاتا .. وهي راسمة على وجيهك
لمسة الشذى والعبير
ويا حلاتك لما أرجع مشتهيكي
ويا عيونك لما تدمع بالسعادة على وشيكي
وبالفرح من شوفتي ليها
تبدأ بس دمعاتا تطلع
لوحة فنية وجميلة
صاغا خالقك فيها أبدع
ما الدموع بالشوق بتحكي
وتنسجم في أحلى مقطع
تبقى فرحة تغذي ريدنا
وتسعد الشوق الموجع
ما بريدك تبكي تاني
وما بريد عينيكي تدمع
إلاّ بس يوم بكرة أرجع
إلاّ يوم أقدارنا تجمع


http://forum.iqr0.com/mwaextraedit4/extra/83.gif

لو نسيت والشوق فتر
وطويتا احلامنا الزمان
والعشرة هانت يا جميل
وماضينا بي أفراحو هان
ليك فينا لسة قديم وفا
وجوانا ليك دفقة حنان

كيفن نسيت وإنت البديت ؟
سكة هوانا ولهفتا ؟؟
علّمتنا العشق النبيل
كيفن تشيل من الأغاريد صفوتا ؟؟
وكيفن نسيت أسمى الحروف
الليك أهدت رقتا ؟؟
وما قايلة يوم بتجور عينيك
وتبين ملامح قسوتا !!!

ولو نسيت .. ماك مخير
إلاّ كيف ننساك نحنا
وليك هواك شلناهو آهة
كم كتير عشناهو محنة
كنّا قايلنّك أملنا
وبلسم الريد لي جرحنا
لحظة ما فكرنا تبعد
ونبكي زي الما فرحنا !!!


http://forum.iqr0.com/mwaextraedit4/extra/83.gif

وكتين يضيع الحب يمون
في لحظة بي جرّة قلم
والوعد يتلاشى ويفوت
وينسج علي العمر الوهم
والدمعة تتحجر بيوت
وأطلال يطوف بيها العدم
قول ليَ مين يقدر يعود
يرسم خطوط فرح العشم
خليني يا ضاحك العيون
أنا عمري ما ظنيت يفيد
أصبحت محراب للشجون
ما أظنّو يشرق ليً عيد
خليني لي دمعي الهتون
وجراح جواي يومي بتزيد
وأطياف خيانة وطوق ظنون
هدمت معالم أحلى ريد
كم عشت في الزمن القديم
أحلام صبا ودفقات منى
أسقيتا من حزني الأليم
أطهر ينابيع الهنا
صار ليها حرف العفّة غيم
ونزيف هجير الأزمنة
ولو مرة طاف وغشاها ضيم
يوصف رؤاها صفا الغنا
خليني يا ضاحك العيون
لي ذكرى في الخاطر عنا

http://forum.iqr0.com/mwaextraedit4/extra/83.gif

يا ليل معاك سري
وأقسمتَ لي ما تبوح
ولي غيري ما توري
مليان ألم وجروح
الكل نيام إلاي
أبكيك براي وأنوح

يا ليلي أوع تخون
وتقول في زول مجروح
دي الناس فضولا شديد
أنا لازم أبين بوضوح

يا ليل كفاية سهاد
خليني مرّة أنوم
وأنا ليه أبقى سهرانة
والناس دوام بتنوم
أصلو الصباح حيكون
وما ممكن إنت تكون

http://forum.iqr0.com/mwaextraedit4/extra/83.gif

أنا عندي إيه غير أشكي وأبكي
وأسهر الليل في الكتابة
وأستميح عينيكي وأسبح
وأصطبح آمل ثوابا
إنتي يا محبوبة جنّة
ما إنفتح لي قلبي بابا
وبس رجاي أنا فيكي لسع
وكل جراح منّك حبابا

http://forum.iqr0.com/mwaextraedit4/extra/83.gif

[شجن البورت]

http://www.sheekh-3arb.info/islam/Library/img/3ater/div1012.files/image001.gif


27/06/2012م

على روعة أجمل حروف
وعلى دوزنة أروع أوتار
وصفاء وإستمتاع وحضور
كان اللقاء
لأجمل القوافي
و
وأجمل ألحان
وأروع أثير

http://www.sheekh-3arb.info/islam/Library/img/3ater/div1012.files/image002.gif

في الليل الطويل والزول هناك محلو
برسل بالأثير همساً جميلاً حلّو
وبالخاطر نهج حتى البعيد نوصلّو
والقول إن ما صلح وأشجانا أحسن قلّو
.
.
.

http://www.sheekh-3arb.info/islam/Library/img/3ater/div1012.files/image007.gif

فكانت القوافي الجميلة :
- المشاعر لمّا تصدق
- كتير يا غالي بتخيل
- كلما لاحت مدينة
- كنت إنت نسيت وعودك
- أعذريني – الحلنقي
- ما إتمنيتك – عمر محي الدين
- أنا صدقتك – وليد بطري
- البيسأل ما بتوه – الحلنقي
- إنت فاكر زي زمان

http://www.sheekh-3arb.info/islam/Library/img/3ater/div1012.files/image015.gif

أما أروع الألحان المدوزنة :
- خلينا من قلنا – شرحبيل أحمد
- الله يخليك – سيد خليفة
- حسدوني في حبك – محمد أحمد عوض
- أنساني – الشفيع
- مهاجر – عصام محمد نور
- عندما يغني ويلحن ويهدي الكبار أغنيات للكبار : (غنى من كلمات السر قدور "حنيني إليك" التي لحنها الفنان الموسيقار العاقب محمد حسن ، كانت بصوته وصوت الفنان محمد ميرغني) .
- أعذريني – سيف الجامعة مع الحلنقي
- الإراااادة – وردي مع إسماعيــــل حسن
- يا مدلل – وليد بطري
- اللبسأل ما بتوه – البلابل
- ودعت هواك – محمد حسنين
.
.
.


ولنا عوووووووووودة بالقوافي
.
.
.
http://www.sheekh-3arb.info/islam/Library/img/3ater/smallcards.files/image004.gif
*******************************

http://www.sheekh-3arb.info/islam/Library/img/3ater/smallcards.files/image054.gif
.
.
.
وخليكم قراااااااااب
.
.
.
مع خالص التحايا والود ***

http://www.sheekh-3arb.info/islam/Library/img/3ater/div1012.files/image019.gif

[شجن البورت]

http://www.bentvip.com/up/20080601203705.gif


04/07/2012م
14 شعبان


والظروف تجبرنا ديمة
عنكم نبعد شوية
زحمة منها مستديمة
في مشاويرا العصية

وهو الحصل في الدنيا إيه
زادوا ناسا هموما كترت
وزادت أشغالا الكتيرة
لما نحنا عقولنا خدرت

ولا يمكن زي بقولوا
الزمن كملت بركتو
ليلو سابق لي صباحو
وكل يوم ممحوق في وقتوا

بس هو مهما أمواجا زادت
في طريقنا محال نقيف
ما بتكسر لي شراعنا
وديمة فيها نظل نقدف

ويلا في مشوار حياتنا
نسرج الحرف الجميل
بيه نكسر لي مللنا
من رهق يوماً طويل

بي فرح بي كل متعة
نرسى في مرسى القوافي
فيه ننجم نستريح
ليلو رائع وحضنو دافي



http://www.bentvip.com/up/20080601203940.gif


حلقة منتهي .. منتهى .. منتهى
منتــــــــــــــــــــــهـــــــــى
الرووووووووووعــــــــة
والجمــــــــــــــــــــــال

في كل قوافيها
وأغنياتها المختارة
جمييييييييييييييلة ..جميييييييييييلة .. جميييييييييييييييييييييلة

ونبرهن بملخص الحلقة ومن ثم قوافيها الجميلة
أروووووع دليل إثبات .. من دفتر الذكرى
http://www.bentvip.com/up/20080601203956.gif

http://www.bentvip.com/up/20080601203705.gif



فكانت بأقلام جميلة للأساتذة :

- خالد منصور عبد القادر
- مصطفى علي حسن
- محمد الشمباني
- صلاح شلقامي
- عمر محي الدين
http://www.bentvip.com/up/20080601204752.gif

http://www.bentvip.com/up/20080601203705.gif

سطروا أروع الحروف والتي سافرنا معها في عوالم الجمال والإحساس المتعة والخيال والوجدان فكانت :

- ليكي حق
- حروف إسمو
- يا غالية يا روعة
- غــدّار – صلاح شلقامي
- جات منسابة زي نسمة – عمر محي الدين
- شاخت شموخ – خالد منصور
- جديدك جابو جوابك – عمر محي الدين
- بننسى في لحظة الزول الزيك

http://www.bentvip.com/up/20080601203705.gif


أما أروع الأغنيات المختارة بتسجيلاتها النادرة على مكتبة البيت السوداني الجميل والتي حلّقت بنا إلى سموات الإبداع عبر دوزنة الوتر الخامس لأروع غناء في (الدنيا) الغناء السوداني الجميل فكانت أجمممممممل الأغنيات :

- شفقتينا عليك يا زينة
- عيني عليك باردة – تراث
- هات لينا صباح – أبو داؤود
- أعاهدك – إبراهيم عوض
- لسة بحبو – بن البادية
- عندما يغني الكبار للكبار : (غنى أبو داؤود للشفيع من كلمات محمد عوض الكريم القرشي "يا فتاتي" وغناها صاحبها الشفيع
- نسمة العز – حمد الريح
- أجمل توقيع ختام زيداني "غــربة و شجـن"

http://www.bentvip.com/up/20080601203705.gif
.
.
.


ولنا عودة أكيدة مع أروع القوافي




مع خالص الحبhttp://www.bentvip.com/up/20080601204127.gif للجميع ***
http://www.bentvip.com/up/20080601203645.gif

http://www.bentvip.com/up/20080601203705.gif

[λβoѕнєгOġ]

احيانا يكون الصمت ابلغ تعبير
نكتفي بالمتابعة والدهشة
الله عليك ياشجن صدقيني المفروض
انتي اللي تقدمي البرنامج ده
بس عاتبين عليك في الغياب ياغالية
بالجد كانت حلقه ممتعة شكرا شجن

[شجن البورت]

http://www.sheekh-3arb.info/islam/Library/img/3ater/div1012.files/image015.gif

قوافي الحلقة القبل السابقة

المشاعر لما تصدق
ما بتشاور أصلو سيدا
ولمّا بي إحساسا ترحل
بتمشي للزول البريدا

ونور صباحك يا ما لونو
بشبه الفجر السعيد
وبقرأ في عينيك كلامك
بكرة للحي ما بعيد
لي ضفاف الموجة يلا
نزرع الحنية ريد
كان عمرنا الباقي ببقى
تاني بي فرحك جديد

كنت برسم في الخيال
صورة الأشواق ملامحك
وكنت لمّا الليل يطولك
الأماني متين أصابحك
قلت أخفي الريدة عنّك
وبيها أبداً ما أصارحك
إلاّ جرح الريد فضحني
ورغم جرحك لي مسامحك

http://www.sheekh-3arb.info/islam/Library/img/3ater/div1012.files/image015.gif

كتير يا غالي بتخيل
إنّك زي شموس واضحة
وزي إنّك ...
بتشبه إنفتاحي عليك
أمس .. والليلة .. والبارحة
تطمّن إتكالي وفيك
عشم صدق الرؤى الواضحة
ولو راح الوضوح منّك
علي البيناتنا يبقى الغش
نعوش تتدارى بالفاتحة
غشاوات السكات تصحى
تتمدد حبال الصوت
عليك تتنادى متصايحة
وبيناتنا الصدى وصوتك
يقيف عدم الوضوح متراس
يشلهت روحك النايحة
وتتبعثر شفافيتك
ظنون بين السكات والقول
مدارات جوة فيك رايحة
تفتش عن وضوح حسّك
وعن معنى الولف والخوف
وليه ريحة الغموض فايحة
وليش إت يا أمل سارف
مسارب روحي للأنفاس
بتقفل ضلفتي الفاتحة
علي شباك مزاراتك
وضوح وصراح ونجمة شوق
علي صفحة سماك لايحة
فما تندس من جواي
ولا تخفي المشاعر يوم
عليّ ولو بقت جارحة
حرام يا زول ...
وأريت تشبيه
وضوحي وإنفتاحي عليك
مسارب روحي ليك فاتحة

(دة شعر مجنوووووووووووووووون ورايع .. و ... حنون):SugarwareZ-043:


http://www.sheekh-3arb.info/islam/Library/img/3ater/div1012.files/image015.gif

كلما لاحت مدينة
أو بدت في الطيف مرافي
طلت الذكرى الحنينة
وهيجت نبض القوافي
وسرت ياما عشان خطايا
مرة تتعلم تجافي
وتنسى هم دربك وتقدر
تكتم الألم الخرافي
إلاّ كان بغلب وفايا
وإحساس نبيل جواك مافي
وفي ليالي الغربة ياما
قلبي عاش ظلمك منافي
وبارى نجم الفرقة فاكرو
بالحنين برجع يوافي
إلاّ كان جرحك منارة
ليهو بتسوق المرافي
لا هواك غادرني نبضو
لا غناك داوى إرتجافي
أبقى إنت على عنادك
وسيبني للغربة وطوافي

http://www.sheekh-3arb.info/islam/Library/img/3ater/div1012.files/image015.gif


فت إنت نسيت وعودك
والغنا الخلّد وجودك
فت في ليلة مظنّة
وبعت للأشواك ورودك
وللجراح خليتني بعدك
أبقى حلمي وليل صدودك

http://www.sheekh-3arb.info/islam/Library/img/3ater/div1012.files/image015.gif

الأستاذ/ عمر محي الدين

ما إتمنيتك .. تبقي حكاية الذكرى البدري
وما إتخليت عن عشماً فيني
وما ضيعت الدهب التبري
أنا مستني صباحك يجيني
أنا خيرتك إنك شمسي
ولا ظلام الليل لافيني
وإنتي إخترتي تكوني العتمة
وبخلت شمسك نور تديني
وأنا إخترت الموجة الماشة
محل ما ماشة توديني
وشفت الضفة مراسي القيفة
طوق لنجاتي ومرسى سنيني
وجات الموجة العالية العاتية
وغرق الحلم الكان كاسيني

ما ضيعتك فكرة وخاطر
وما بددت هواي الطاهر
وما كتّمّتَ السر في جوفي
وقلت بريدك وكنت بجاهر
ليه الحلم الكان بدفّق
ينضب سيلو ويبقى سواتر
وليه أحلامنا الكان تتمنى
تبقى مرارة الألم الكافر
وليه ركّزّتك ساس ختيتو
وإنتي هدمتي بناي العامر

http://www.sheekh-3arb.info/islam/Library/img/3ater/div1012.files/image015.gif

أنا صدقتكـ ...
بدري الطل
عم هضاب الروح وإنساب
ولسة وراي الغيمة تظلل
درب العشم الودى وجاب
عاد العيد الفرهد فال
يلا نغني الفرح الغاب
يا الطعمتي زماني الحنضل
بي ضحكات الشهد القطّر
عم مساي الهنا بي جيتك
من نفحات المني يتعطّر
عاد لغناي الفرح الغايب
شق الدنيا معاك إتبختر
يلا معايا ...
من همي اللازمني ندهتك
يلا معـــــــاي
بي عشمي البملاني بشاير
عمي شقاي
من الخوف أمليني يقين
كوني ضراي
أنا صدقّتكـ ...
طال ما حمام الشوق في هديلو
أنا صدقتكـ ...
وطال ما إيدك في إيدي
حازمة الهم ومعاي بتشيلو
أنا صدقتكـ ...
إتخيلتك جاية .. وجيتي
قلب العاشق ديمة دليلو
وأنا صدقتكـ

http://www.sheekh-3arb.info/islam/Library/img/3ater/div1012.files/image015.gif

إنت فاكر زي زمان
بنحنّ ليك ...
وقت تقسى وتجافي
ما إتغيّرت حاجات كتيرة
وإنت مافي !!!


http://www.sheekh-3arb.info/islam/Library/img/3ater/div1012.files/image015.gif

[شجن البورت]

http://www.bentvip.com/up/20080601203705.gif


عمر محي الدين

خلو الرادي دوام قدام
وخلو ليلنا يكون مرافي
ومافي زولاً يفوت أثيرنا
أصلو نحنا أثيرنا دافي
بحمل الكلمة الرسالة
وبدعو للحب والتصافي
أحضن التلفون وأسمع
كان مفتح ولا غافي
نحنا في الحلقة الجديدة
جينا في سهر القوافي

http://www.bentvip.com/up/20080601203705.gif

عشان خاطر عيون كاحلات
أساهر الليل وأقاسيهو
لومشوارنا البدينا زمان
نعيدوا وتاني نمشيهو
أنا الحافظ حروف إسمو
وأبداً ما ببوح بيهو
أقابل بكرة كيف فرحي
بس لو وعدو يوفيهو
ويا المنك عرفت الحب
درب الريد مشيت فيهو
وبقيت عايش على الآهات
وطالت بي لياليهو

http://www.bentvip.com/up/20080601203705.gif

يا غالية يا روعة
يا مصحية الوجدان
قبل الحروف توعى
يا بسمة من جواك
بتمسحي الدمعة
ويا نسمة عز الليل
يا ضاوية زي شمعة
بتموت عشان نحيا
في الدنيا بالمتعة

ويا روحي وحياتك
مشتاقة دنيانا
وتضحك صباحاتك
الدافية أحضانا
والزهرة تبسم ليك
نديانة نشوانة
لمن تشوف عينيك
بالريدة مليانة
والناس بترتاح ليك
شان إنتي إنسانة

فيكي التسامي جميل
الرقة والإحساس
ينعش هواكي الروح
ويعطّر الأنفاس
ريدك من الأعماق
ريد من قليب حسّاس
رويتي حنية
ورويتي بالإخلاص
وفرحّتي بيهو الكون
وأهديتي كل الناس

http://www.bentvip.com/up/20080601203705.gif




عمر محي الدين

جات منسابة زي نسمة
وطلة نور صباحية
وجات نديانة مبتسمة
وقالت لي إيرترية
شايلة من باسير شموخا
وعنسبا خدرة ضفافا
ومن جمال قزبندا مقطع
ومن كرن ماخدة اللطافة
وناشرة في هيكوتة طرحة
وفارّة في الوديان لحافا
وقاعدة في بارنتو فرحة
ومارقة من قردات حصافة
راسخة زي بنيان مصوّع
وصامدة زي نخفة وعفافا

نحنا شفناكي ومشينا
وعدنا للسودان بدونك
وشلنا من فورتو الأنيقة
لهفة بنشوفا بعيونك
ولو مسافر ماني ناسي
ضجة أحزاني وسكونك
وكوني فرحة دوام معانا
ويبقى في الأعماق سكونك

http://www.bentvip.com/up/20080601203705.gif

بننسى في لحظة الزول الزيك
ما الأيام ورتنا كتير
ياما أفنينا شبابنا وروحنا
ولي أهدافنا بنمشي نسير
من الطيبة المالية قلوبنا
نقابل الناس بي كل تقدير
إنت الجيت بي كل قساوة
ناسي الجرح الكان سويتو
فاكر إنك فوق للقمة
وبابنا الكان مفتوح سديتو
أمشي وواصل فيهو مسيرك
الود البينا يا قاسي نسيتو
مهما تغرّك نفسك أعرف
مين أحبابك من أعداك
عشان ما تبقى جنيت على نفسك
وتلقى غرورك هو القساك
وترجع من الأوّل تاني
ما بيفيد من تاني رجاك


http://www.bentvip.com/up/20080601203705.gif

خالد منصور عبد القادر
(من دولة روسيا)

شاخت شموس الشد شطاير
من شموعك ترتجف
والشوق يشد شعر الشوادي
الشاربة من شوفتك شرف
شخصك شرق برقاً شلع
شال شوف شفيف وكتين كشف
وأشرق شواطي الرعشة شوق
منك شذى الشعر إنقطف
بشاشة من شفع تفتش
شان تجيك ...
تشكي الشرود الإلتحف
وفي شوقي شايلك
شيمة لي كل الشباك
الفي شرك عينيك ترف
شفقان شفوق شاهق شفا
مشبوبة بالعفة الشرف

http://www.bentvip.com/up/20080601203705.gif

عمر محي الدين

جديدك جابو جوابك
وصحى الجوة وجداني
جدد جاري جوايا
جمل مجمولة مجاني
جور الجافي بيجفف
جميل الجيرة من حاني
جَثَم جرم الجميل جوة
جلل جرح البحب عاني
وجريت جرّبت ألقاهو
يجانب لمّا يلقاني
يجيب جبل الجفا الجواه
أجالد جادي للجاني
ويجرب صدو يرجمني
أجيب حجر الرجم تاني
أجاوب في الجمال جمرو
يجدد فيني أحزاني
جفاهو وجورو والجيرة
جرايم جابا تحناني
جنيت من هجرو وأوجاعو
جحيم في جسمي بصلاني
وبجم من جفلو وأفعالو
بجوّد فيهو أوزاني
متين يجمعنا مجلسنا
جروحي تجف وأكون هاني

http://www.bentvip.com/up/20080601203705.gif

غـدار

صلاح شلقامي
مع
وليد زاكي الدين
l

كل السنين العدو ديل
معقولة كان بكذب علي
وإيه السبب .. لو قلنا جد ؟؟
غدّار وبلعب ديمة بي ؟؟؟
زولاً بفرّح فيني كان
دسيتو بين حدقات عيني
وعزمت أخلص لي هواه
غرس الغرام أرويهو ري
عشمّني بي كلمات غرام
خلت ضلام أيامي ضي
والليلة خلّف لي جحيم
نيرانو جات تكويني كي
خليتو لي ربي الكريم
العندو ما بضيع أصلو شي
يخلف علي بي رحمتو
وينصفني من ظلمو العلي


http://www.bentvip.com/up/20080601203705.gif

[شجن البورت]

احيانا يكون الصمت ابلغ تعبير
نكتفي بالمتابعة والدهشة
الله عليك ياشجن صدقيني المفروض
انتي اللي تقدمي البرنامج ده
بس عاتبين عليك في الغياب ياغالية
بالجد كانت حلقه ممتعة شكرا شجن


وفي السكووووووووت مرااااااااات كلام

وصمتك دهب ..
صمتك كلام
يشجينا إذا وقف حرفك
ولو سطر كتب

وحضورك ديمة مشرق
بملأ الكون بنورو
حضورك راقي زاهي
بعطر بي زهورو

المبدع الراقي ** أبو شرووق

شكراً جميلاً على الكلمات الطيبة

فالبرنامج أعتقد كبار النجوم يتمنون أن يقدموه

والعين ما بتعلى على الحاجب:SugarwareZ-101:

فالأستاذ/ عمر محي الدين

وضع فيه بصمته الخاصة وسكب فيه من إحساسه الجميل
وقدمه عبر أروع أثير بصوته المتميز وغيره يكون
(نشاذ على همس القوافي)

الحلقة وكل الحلقات جمييييييييلة
وليتني أستطيع نقل إحساسها كاملاً
فما خفيَّ أروووووووووع


لك بروعة البرنامج وروعة حضورك الأنيق دوماً

أرق وأندى واعطر التحايا والتقدير ***

[βєτ λŁмάĻκв]

ياااخى انت جميله وسردك جميل ومشووق
والبوست كلووو اروع ما يكون
تسلمى شجن ...

[شجن البورت]

ياااخى انت جميله وسردك جميل ومشووق
والبوست كلووو اروع ما يكون
تسلمى شجن ...

تسلمي يا سليمة الذوق

وأنيقة الحرف

ومرهفة الحس

ووريفة الظلال

فراشتنا الرقيقة

البت الحديقة

غاليتنا ** بت المالكاب

وفي حضرتك ...

بتجف ينابيع الكلام

ويحتار سكون صمت السكات

ومنكـ

رجع فاضي الكلام

مليااااااااااااااااااااااااااااااااااااااااان



تسلمى كتير يا غالية

وحضورك ديمة بهجة

وليه مكان جوايا

حضورك إنتي نسمة

ونجمة ليل هدّاااية


يا أغلى من عيني
وأحلى من إبتسامي
وأحن من المحنة
الفي رقة سلامي


لكي خالص الود ***

[شجن البورت]

سائل عليك في كل حين
يا الما بتحني وتسألي
برضو العذر ليك والسماح
مهما تصدي وتهملي
ليكي حق في كل شئ
لو بالنجوم تتمثلي
ما نعمة الله عليك جمال
وأدوكي حق تتكلمي
وأنا حقي ديمة عليك قليل
يا فاتقة جرحي دة أدملي
وأديني في روحك سفر
بدل إني أعطش وأصطلي
ما بين ضياع أملي القبيل
درب الوصول يصبح جلي
************
وأنا عندي إيه غير أشكي وأبكي
وأسهر الليل في الكتابة
وأستميح عينيكي وأسبح
وأصطبح آمل ثوابا
إنتي يا درتنا جنة
ما إنفتح لي قلبي بابا
بس رجاي فيك لسة باقي
وكل جراح منك حبابا

[شجن البورت]

كل الكلام والتحايا والتسجيل أدناه بواسطة الأستاذ/ ضياءء الحق بصفحات سهر القوافي له منا خالص الشكر والتحايا والإمتنان
.
.
.
.

السلام عليكم يا محبي سهر القوافي دي روابط حلقة يوم 4.7.2012 واسف على التأخير نسبة لظروف الامتحانات والحمدلله خلصت واستمتعوا بالقصائد بصيغة mp3

سهر القوافي
http://www.mediafire.com/download.php?762pfrhycjhd05z
كل السنين العدو ديل
... http://www.mediafire.com/download.php?w57nxkcd08ddl8z
يا غالية يا روعة
http://www.mediafire.com/download.php?cl908v3vurmnu5p
جات منسابة زي نسمة
http://www.mediafire.com/download.php?97yqc9ksrm0va04
عشان خاطر عيون كاحلات
http://www.mediafire.com/download.php?bu8tuph6gslvto1
انا بنسى في لحظة الزول الزيك
http://www.mediafire.com/download.php?zw6d9o2j4926oxl
سائل عليك
http://www.mediafire.com/download.php?zfarwo52fm1md4w
شاخت شموس
http://www.mediafire.com/download.php?ghav3xchi19jug1
جديد جابو جوابك
http://www.mediafire.com/download.php?oc63wg3k6yw67z3مشاهدة المزيد


سلامات لكل محبي برنامج سهر القوافي ودي روابط حلقة الاسبوع الماضي بتاريخ 20.6.2012 بصيغة الـ mp3 والتحية للأستاذ عمر محي الدين

سافرت خلاص خليتنا مشيت
http://www.mediafire.com/download.php?m0bubdl2y4yrdu9
ما تمشي كم فاتن عيون
... http://www.mediafire.com/download.php?7ohpd4rzgdxm842
داريت هواك من كل زول
http://www.mediafire.com/download.php?t6lk99kbppoza1i
يا ليل معاك سري
http://www.mediafire.com/download.php?3omqrnqpnqffl2y
أنا عندي إيه غير أشكي وأبكي
http://www.mediafire.com/download.php?252la9n2xm2jez7
سمحة الدموع الطالعة منك
http://www.mediafire.com/download.php?c4t2two5m42e7pd
وكتين يضيع الحب يموت
http://www.mediafire.com/download.php?d0e9g4w2tz9oc2f
لو نسيت والشوق فتر
http://www.mediafire.com/download.php?fbgyffqzhpbfwtf

[λβoѕнєгOġ]

ياخ وحياة الله ده ابداع لمن جايب ليهو عوارة
الله يخليك لينا
ومايحرمنا منك ومن ابداعاتك
شكرا شجون :SugarwareZ-023::SugarwareZ-023:

[شجن البورت]

http://www.al-wed.com/pic-vb/35.gif

بصوووووووووووت المبدع البورتسوداني بكري هندسة

صباحاااااااااااااااتكم أمل باكر
نغم كلمـــات على الخاطر


وبصوووووووووووووووت الراحل المقيم الأستاذ مصطفى سيد أحمد

الصباااااااااااااااااااااااااح
الباهي لوووونكم


وبصوت حروفي المتواضعة

في صباحاتنا الندية
يلا نتنسّم قـــــــــوافي
يلا نســــتنشق عـــــبيرا
وعطر إحساسا الخـــــرافي
في الدخول تتحس بـــــــــاردة
وجوووة ببقى إحساســـــــا داااافي

http://www.al-wed.com/pic-vb/101.gifhttp://www.al-wed.com/pic-vb/101.gifhttp://www.al-wed.com/pic-vb/101.gif

.
.
.
.


11/07/2012م

كالعاااااااااااااااادة
الروعة عنواااااااانها
الدهشة ألوااااااااااااااااانها
الكلمة وأشجااااااااااااااااااانها
الدوزنة وألحااااااااااااااااااااااااانها


http://www.al-wed.com/pic-vb/102.gif


القوافي :
- أبقى مارق من ضلامك – مهندس أشرف طلبة
- إحتجت ليك – أشرف طلبة
- مناي ألقاك – أشرف طلبة
- كان مكتوب ألاقيكي – عمر محي الدين
- ما لقيت لي غير كلمة شكر – لينه طارق
- جميل الزول يلاقي صديق يواسيهو – لينى طارق
- أصلك مادام ناوي الفراق – لينى طارق مبارك
- أوعك تفكر
- كفاية اللون الجووة عيونك – أشرف طلبة

http://www.al-wed.com/pic-vb/52.gif

بأقلام :

- المهندس/ أشرف طلبة
- الإعلامية/ أماني عبد السلام
- الصبية/ لينى طارق مبارك

http://www.al-wed.com/pic-vb/52.gif

الأغنيات :
- بديع حسنك – خليل إسماعيل
- عاطفة وحنان – محمد ميرغني مع محمد عبد القادر أبو شورة
- بتذكرك يا يمة "بحر المودة" – محمد جبارة مع السر عثمان الطيب
- دمعة الشوق – عثمان الأطرش
- عندما يغني الكبار للكبار : (الأغنية التي أجاز بها الفنان الراحل العاقب محمد الحسن صوته عام 1951م "سفري السبب لي عنايا" للفنان أحمد المصطفى والشاعر حسن عوض أبو العلا مقطع بصوت الفنان العاقب وغناها صاحبها الراحل أحمد المصطفى)
- ناداني غرامك – عثمان حسين مع حسين بازرعة
- يا غااااااايب عن عيني - إبراهييييييم عوض
- توقيع الختام الجابري مع مصطفى عبد الرحيم بـ "هـــــــــــــــوج الريــــــــــــــاح)

http://www.al-wed.com/pic-vb/52.gif

ومااااااااااااا خفيَ أروووووووووع http://www.moveed.com/data/media/10/Entertainment-02.gif

http://www.al-wed.com/pic-vb/324.gif

http://www.passionup.com/images/yelrosewbutani.gif

http://www.mamarocks.com/star27.gifhttp://www.mamarocks.com/tristarsb.gifhttp://www.mamarocks.com/star27.gif



وعوتنا الأكيدة بالقوافي المشجوووووونة بإذنه تعالى

http://www.passionup.com/images/largeheartani.gif

http://www.arabiyat.com/ash3ar/images3/love.h4.gif


مع خااااااااااااالص حبي للجميع ***

http://www.al-wed.com/pic-vb/35.gif

[λβoѕнєгOġ]

الله علي السرد والتحليل
بالجد بستمتع معاك هنا
اكتر من الاذاعة
ماشاء الله عيني عليك باردة http://www.moveed.com/data/media/10/Entertainment-02.gif

[شجن البورت]

ياخ وحياة الله ده ابداع لمن جايب ليهو عوارة
الله يخليك لينا
ومايحرمنا منك ومن ابداعاتك
شكرا شجون :SugarwareZ-023::SugarwareZ-023:



أهلاً بيك أشرقت علينا
وديمة وحات شمسك راجين
تسكب من إحساسك لينا
وتضوي بضييك للغالين


شكراً ألف ليك على المتابعة والحضووووووووور
مبدعنا أبو شرووووووقنا

وربنا كمان ما يحرمنا منك ومن حضورك
وإبداعـــاتك وتفانيك
هنــــــــا:SugarwareZ-061:
و
على كل الأسافير


أرق التحايا والتقدير ****

[شجن البورت]

الله علي السرد والتحليل
بالجد بستمتع معاك هنا
اكتر من الاذاعة
ماشاء الله عيني عليك باردة http://www.moveed.com/data/media/10/Entertainment-02.gif

أهلاً بالشروووووووووق

أهلاً بشمس الصباااااااح
والصباااااااح ربااااااااااااااااااح

ويا حلاة صبحاً تكوون إنت المصبّح:SugarwareZ-098:

وبرضو
عيني عليك باردة
يا الفقراء شوفوني
رويحتي الهناك شاردة:SugarwareZ-051:


منووووووووووور كالعادة الراقي أبو شرووووقنا



لك أندى التحايا والتقدير ***

[شجن البورت]

http://www.al-wed.com/pic-vb/35.gif


أوعك تفكر
تقريباً وليس أكيداً
للإعلامية أماني عبد السلام

أوعك تفكر إني يوم
بزعل عشانك وإنتحب
أنا كنت بيك أجمل حبيب
وريدي ليك ما بتحسب
بادلتك العشق النبيل
والريدة بي صدراً رحب
لكن لقيتو هواك زيف
عالم من الغش والكذب
أنا اللي بعت هواك معاي
بددت كل أملي ورجاي
أنا أصلي ما بندم عليك
وخسارة فيك حبي ووفاي


http://www.al-wed.com/pic-vb/35.gif

[شجن البورت]

http://www.al-wed.com/pic-vb/35.gif




قوافي الشاعر م. أشرف طلبة


أبقى مارق من ضلامك

أبقى مارق من ضلامك
وأبدأ صفحة ريد جديدة
وأعفي قلبك من ضلالك
شينة منك ...
لو خياراتك عديدة
أبقى واحد للبريدك
وللمصيرو يكون حلالك
تبقى ليهو الدنيا سيدا
وشينة منك ...
لو تفكر ...
مرة تلعب بي مشاعرو
ويبقى شيطانك دليلك
مرة يمرق من لسانك
ومرة يتغمص حنانك
وتلقى روحك جد بعيدة
أبقى دغري ...
يا تكون ..أو لا تكون
لو مرة بس شلت الظنون
نضفت نفسك بالوفا
خليتو ماضيك الزمان
المنو قلبك إكتفى
وطردت إبليسك بعيد
خليت خياراتك وحيدة
شينة منك ...
زول بريدك !!!
وإنت سارح كل يوم
تصبح خياراتك عديدة

http://www.al-wed.com/pic-vb/35.gif

إحتجت ليكـ

إحتجت ليكـ ...
يا يمة ساعة الليل يضيق
وإحتجت ليك ساعة الهموم
كبَست علي يا يمة في نص الطريق
وإحتجت ليكـ ...
ساعة بقيت واقف براي من غير رفيق
وإحتجت ليكـ ...
لامن بقيت في الدنيا زي زولاً غريق
وإحتجت ليكـ ...
تكوني يابا وتبقي أختي وزي أخوي
في السكة تبقي لي صديق
إحتجت ليكـ ...
ساعة الهجير ...
يا يمة تعبان بي وراك
شوفيني بس يا يمة كيف
محروق حريق
وإحتجت ليكـ ...
زي أي أم ...
تقلد وليدا مع الصباح
تديلو شاي يبقالو ريق
وإحتجت ليك ...
يا يمة شان تتذكري
ساعة زمان يا يمة شافع جد شليق
لافحاهو توبك بي وراي
حفيانة في وسط الفريق
شفقانة يمة علي كتير
ما يجيني شر
وأنا عارفو قلبك ما بطيق
وإحتجت ليك ...
يا يمة بس داير رضاك
يبقالي زاد باقي الطريق
يا يمة يا بحري الدفيق
والله بس داير رضاك
يبقالي في الضلمة البريق
وإحتجت ليكـ ...

http://www.al-wed.com/pic-vb/35.gif

كفاية اللون الجووة عيونك

كفاية اللون الجوة عيونك
مالك ومال اللون التاني
الطاؤوس كيفن بتغالط
وسر ألوانو دروس ومعاني
شعرك أسود ولونك قمحي
وشايلة شفايفك لون رماني
أبيض قلبك زي الفلة
وخاتف جيدك لون مرجاني
وحتى اللبس الأسود عندك
خايل فوقك وجد شداني
ولون البسمة إخترتو عشانك
وبيك سميتو اللون الآني
أما الباقي بيعملو ربي
وبس يا ريت لو كان وراني
وأنا غلطان فكّرّتَ أغالطك
وهج اللون الفيك أعماني
وبس كيفن من تاني أميز
بين ألوانك وبين ألواني
وإنتي اللوحة وإنتي الريشة
وإنتي المنظر فيك رباني
لا بيكاسو ولا دافنشي
بقدر يعيد زي رسمك تاني
وجد غلطان لو كان غالطتك
وحتى اللون الفيك هدّاني



دة شعر مجنوووووووووووووووووووووووون (*!-)

ويخلي فضولك يتمنى يشوف ملهم هذه الحروف المدهشة الخرافية التي جعلتها تخرج من الأعماااااااااااق

وذكرتني رائعة الأستاذ/ كامل عبد الماجد التي تسوق بعدها لنفس الإحساس الفضولي :

هسة فيك أنا شن أسو
ويا سلام لو شفتك أبدر
وهل تفيد يا ريت ولو
ياتو غيماً جيتي منو
وياتو مخمل .. وياتو جو
.
.
.
وهل تفييييييد بالله لو ؟؟؟





http://www.al-wed.com/pic-vb/35.gif

[شجن البورت]

http://www.al-wed.com/pic-vb/35.gif


قوافي لتجربة فعلاً مدهشة وجميييييييييلة لأنثى صغيرة العمر كبيرة الحرف والخيال والنظم
من حلفاية الملوك
14 عام
عرضها الأستاذ/ عمر محي الدين
في سهر القوافي
ولنتابع هذه الدهشة
.
.
.
.
قـــــــــــــوافي
الشاعرة لينى طارق مبارك


ما لقيت لي غير كلمة شكر
من قلبي جد متفردة
من غرفة الحب في القليب
تسلب جميع الأوردة
وعلشان توصل إليك
من قلبي جد متمردة
بهتف بصوت عالي وسعيد
والريدة تبقالو الصدى
أنا جد بحبك حب شديد
يملاني حتى المسامات سددا
وبتمنى ألقى كلام جديد
يوصف مشاعري يحددا
والشئ الغريب إنو الكلام
راقد كتير ...
وما عارفة ليه بحصل كدة
كلمات كتيرة محكرة
جوة القليب متلبدة
بقعد أركب في الكلام
زي الصغير ياداب بدا
سامحيني يا زينة الوجود
يا صافية أنقى من الندى
سامحيني لو شفتي الغضب
في وجهي أو عيني بدى
سامحيني لو طلّعتَ قول
ما ناسبك يا سيدة
يا سيّدة روحي وهواي
سامحيني لو فات المدى
سامحيني لو حسيتي يوم
إنو جهدك ضاع سداً
سامحيني لو دمعة حزن
لاحت بعيد متبددة
سامحيني يا حب الوجود
يا صافية أنقى من الندى
أنا بس رضاك يا أغلى أم
ببقالي روح .. بصبح فدا

http://www.al-wed.com/pic-vb/35.gif


جميل الزول ...
يلاقي صديق يواسيهو
يصبح ليهو أيامو
وفي ليلو يماسيهو
ينسى الهم ...
معاهو المر يقاسيهو
يخلي القلب دوام يصبح
ناسي لكل مآسيهو
يقول ألم الجرح بيطيب
صداقتنا بتداويهو
وساعة الفرح فات الناس
سريع تلقاهو راجيهو
تحس إنك معاهو ملاك
وإنك منو .. وجد فيهو
يقول عنك ...
إنك إنت دنياهو
وماضيهو .. وجايهو
تقابل الناس برفعة راس
وتفخر إنو داك صاحبك
أمين سرك ... سمير دربك
دخل زمنك ...
ملاهو حماس ...
يساعدك في وقت حاجتك
دة لي دنياك دهب وألماس
معاني جميلة جواك
بتمرق بي جميل إحساس
فيا ربي ...
تدوم الصحبة بيناتنا
يشيلني وأشيلو فوق الراس

http://www.al-wed.com/pic-vb/35.gif


أصلك ما دام ناوي الفراق
بديهو ليك بدون ندم
لأني أصلاً خلقي ضاق
ومعاك خلاص صبري إنعدم
لكني ما بكذب عليك
في لحظة جد قلبي إنصدم
كل الأماني العشتها
كل الوعود كانت وهم
وأنا حالتي قلت خلاص لقيت
زولاً يسد باب الألم
بقطع مسافة الإنتظار
بقرأ اللي ما كتبو القلم
تاريني كت غلطان شديد
أنا جبت زول ...
هو البفتح الباب للعدم
كلماتك الحلوة الزمان
هسع بقت زي الحمم
تدخل قليبي تحرّقو
تفطر الجوف بالندم
غصباً علي أكلّمك
خبراً يخليك تبكي دم



http://www.al-wed.com/pic-vb/35.gif

[شجن البورت]

http://www.al-wed.com/pic-vb/35.gif



مناي ألقاك
أشرف طلبة


مناي ألقاكـ ...
تكون في ليلي إنت الضي
تنسيني العذاب الكان
وتزرع فيني ريداً حي
وتبقى حياتي بيك جنة
وأفارق نار هجير الصي
وأفرح بيك وأغنيلك
وأشيلك جوة في عيني
وتمشي معاي دروب الريد
وفيها تكون رفيقك لي
ولا نزعل .. ولا نبعد
ولا بنقول حديثاً ني
وحتى زعلنا لو جانا
حدو الليل وترضى علي
وكل ما يطل علينا صباح
أحسك نمتَ بين إيدي
أقول أرجع ...
أعاود نومي شان ألقاك
وتبقى معاي لسة شوي
وأفضفض ليك مآسي الحال
وكيف الدنيا جارت بي
وكيف الريد بعد ريدك
بقت نيرانو تحرق كي
وأقول ليكَـ ...
حليل ريدي ...
حليل دربي المعاك أخضر
وكت ما كنت إنت الري
حليل شجر المودة الكان
مظلل ريدنا صيف وشتي


ودوماً نقوووووووول
الحروف ملهمة لحرووووف
والحرووووووووف تذكر وترجّع لحروووف
فذكر الأستاذ عمر محي الدين بأنه أثناء قراءته لقصيدة أشرف طلبة تذكر قصيدة الشاعر الجميل محمد علي أبو قطاطي التي غناها الفنان القامة محمد وردي "سواة العاصفة" محمد علي أبو قطاطي الذي ذكر في لقاء من لقاءاته أنه لم يتوقع قصيدة مثل هذه القصيدة تلحن وتصبح أغنية
.
.
.
سواة العاصفة
سوات العاصفة بي
ساق الشتيله الني
وفعل السيل وقت يتحدر
يكسح ما يفضل شي
دا كان حبك وقت حسيتبو
شفت الدنيا دارت بي

وقت شفتك ...
شعرت الرعشة ...
من صوف راسي لي كرعي
ومن الساعة ديك يا السمحة
ولع فيني جمر الغي
كتمت الريدة ...
ما شافوها ناس الحي
وقلت الجنة عاد إنشاء الله
ما يقسن دروبها علي

نجم الليل ...
منو العداهو غيري
وزاد حسابو شوي
وسافر بي خيالو هناك
صنقر فوق سحاب الري
بنيت في الموج قصور آمال
ومديت للرهاب إيدي
وشديت سرجي فوق الريح
عشان ألقاك ...
بدور أطوي المسافات طي

صعيب وصفك
لأنك هالة كلك ضي
وفوقك هيبة وأجمل خامة
وأسمح زي
جمالك في البنات معدوم
شبيهك ما كحل عيني
أقدلي ..
وسكتي الخشامة
وأنزلي في العوازل كي


.
.
ومن تلك القافية في الحلقة رجعته حروفها لحروفه التي كتبها "زماااان" كما ذكر الأستاذ عمر محي الدين


كان مكتوب ألاقيكي
وكان مقسوم فراقك لي
ولو عارف قدر أيام
بسوقني حداك وببقى علي
أكان غيرت للمكتوب
وكيف مقسوم بعاندو رضي
بقولو الحق علي العارفين
ولو عارفين غرامي البي
قليل لو جنة للعشاق
يفوق مد التشوفو عيني
وكان بتمنى تبقي معاي
تاج راسي .. وزينة الحي
ودنيا معاك ملانة يقين
مكان عزي وضميري الحي
إلاّ الدنيا والمقدور
ودنيا الناس قاسية علي
متين يا دنيا حنيتك
بديت بيكي ودابي صبي
أفتش في المداخل داب
أقول أبداكي ترجعي بي
وليه يا دنيا وريني
شنو البينك وبيني الني
ومدي إيديكي برجوكي
وبحلف ليكي هاكي إيدي
أمدك فرحة ما عشت
وأزرع ليكي جيبي الري
وأخضرت دنيتي الباقية
وجافي أيامي يبقى ندي


وحروف تمني أشرف طلبة وسواة عاصفة محمد علي أبو قطاطي وقدرية لقيا عمر محي الدين
ذكرتي بحروف عتاب تلفوني
وهي من سواة العاطفة في إحساس وحروف العاطفة
وكت كان ثمر الحروف عندي لسع ني
من محاولاتي الأولى في العاطفة
التي كانت مجرد دندنة شعر إن صح التعبير

عتاب تلفون
ليه ما تضرب لي ؟؟؟
راجياكـ لي أسبوع
حاسباه في إيدي
أيامو باقية سنين
ساعاتو قاسية علي
حتى الليالي الفيه
من طولا صعبت لي
وضلاما زاد أكتر
ونجوما كترت لي
بس إنت ما عارف
وشفت العلي والبي
ولو شفت ...
ما كان حتتأخر
وفي اللحظة تضرب لي
قاسيت وكم عانيت
والله يا عيني
ولو شفت ما كنت
بي رنة تبخل لي

عذرك تقول نايم ؟؟!!
هه .. نايم ؟؟؟!!
وأنا نومي نسيتو
وفقدتومن عيني
ما عرفت إنت تنوم
إلاّ في لحظة قربك لي
أيوة .. قربك لي
لو حتى عبر الصوت
راضياه ببقى الضي
راضياه بس بالصوت
يمكن يقرَب لي
ولو إني مقتنعة
إنو صوتك .. قليل علي
لكني وا أسفاي ...
لأنو حتى الصوت
بيهو بخلت علي
يرضيكـ ...
يرضيك عذابي الفيهو
ودموعي يا عيني
لو كان يوم أو يومين
وتلاتة كانو شوي
وأنا كنت حإستحمل
وأقول عليها ظروف
محسوبة باقية علي
لكنو كان أسبوع
بي حالو مر علي
أسبوع أيامو سنين
حاسباهو في إيدي
لكني أنا عاذراك
صدقني يا عيني
لأنك ما عرفتَ ..
وحسيت .. وشفت البي
ولو شفت ...
ما كان حتتأخر
وفي اللحظة تضرب لي
ولو شفت ما كنت
بالرّنة تبخل لي
.
.
.
.

وأخيراً حروف الأستاذ عمر محي الدين

"كان مكتوب ألاقيكي
وكان مقسوم فراقك لي"

ذكرتني بحروف قدرية "الصدفة المكتوبة" وقافية أخرى للأستاذ عمر محي الدين

"كان مكتوب ألاقيكي
وجرح الماضي يصحى كمان"

بعد ما راحت الأحزان
ودمع العين كمان جفَ
أقابلك صدفة مكتوبة
تحركي للحزن دفة
تصدي معايا ذكرى زمان
بعد جرح القليب خف
تحاولي معايا بي جهدك
ترجعي لحظة الإلفة

وكان مكتوب ألاقيكي
وجرح الماضي يصحى كمان
وعارف قلبي زي حالو
بصحي الذكى والأشجان
وبرجع تاني للماضي
وبقلب دفتر الأحزان
وبشيلها حرارة الذكرى
وبنصب للحزن صيوان
وجاية تفتشي الماضي
بقولك لا لا مافي مكان
زمان ما كان بقودني هواك
ونضرة قلبك النديان
هدؤ طبعك جمال خلقك
عيون خجلانة ملانة حنان

مش شكلك ولا لونك
ولا لي عودك النديان
ولا زي ناس دوام لاهية
طباعها خداع ما ليها أمان
عشقتك جد بصدق مشاعر
وحس مرهف وروح إنسان
وفتشي عن قلب تاني
قليباً بالحنان رويان
وكان غنيتي ولا بكيتي
كلو اليوم عندي سيان
لأني حقيقة فقدت الحب
وكل الكان هديتو زمان
وفاقد الشئ لا يعطيه
قولة قديمة قالوا زمان
حكمة تحرك الجامد
تذوب نشوة الولهان
سماحك إنتي ما عندي
لأني اليوم بقيت حيران

http://www.youtube.com/watch?v=RqrrwMTrgiY





http://www.al-wed.com/pic-vb/35.gif

[شجن البورت]

وفي إنتظار وعد قوافي
الأسبوع القادم
مع
حسين ميرغني
عباس يوسف جادين
خالد محمد الحاج
لينى طارق مبارك

والحلقة الأخيرة الحصاد قبل رمضان
لتتوقف خلال الشهر الكريم
وتعود سهرة سهر القوافي
أول أربعاء بعد العيد

ويا سلااااااااااااااااااام على قوافي خالد أحمد الحاج
القضـــــــــــــــــــــارفية



مع خالص الود ***

[شجن البورت]

http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM


18/07/2012م




آخر حلقة قبل شهر رمضان الكريم
حلقة يحفها الجمال
ويزينها الألق
الإبداع عنوانها
والشجن حضووووور
في الحرف المنثووووووور
وفي الوتر الطروب والمدوزن
لأروع غناء في كااااااافة الشعووب
ونقول كما قلنا في العام المضى روعتها شفعت لكونها أخيييييرة
لتأتي بعد الشهر الكريم ونغني معاً بصوت خالد الصحافة ولا مصطفى سيد أحمد ذااااااااااااااتو
من جديد جيت تاني تكسر صمتي
ونتمنى أن نتابع سهرة الأستاذ/ عمر محي الدين
التي تأتي في نفس اليوم الأربعاء خلال الشهر المبارك
الساعة الحادية عشر مساءاً حتى الواحدة صباحاً
العام المضى كانت بعنوان "تعريشة عنب"وننتظر مسماها هذا العام
على جمر الشـــــــــــــــووووووووووووق

http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM

ونرجع لسهر القوافي المليااااااااااااااااانة بالروااائع
وأخيراً أفرج أستاذنا عمر محي الدين عن روائعه
مع إبداعات داليا الياس والمبدع الأستاذ عبد الوهاب حسن الخليفة ورائع الشرق خالد أحمد الحاج وقلم فيصل يعقوب الجميل والقلم الأنثوي الرقيق سعادة عبد الرحمن ولينى طارق مبارك .. وعباس في ختام القوافي للقوافي
.
.
.
.
http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM

القـــــــــــــــــــــواااافي :
- الدنيا لسة بخير – داليا الياس
- بنحمد الله – داليا الياس
- يا راحل وكت ترجع – عبد الوهاب حسن الخليفة
- تعال يا قلبي – عبد الوهاب الخليفة
- منو القال ليك يا رايع – عبد الوهاب الخليفة
- ختونا تحت العين
- رأيت الدهر
- الجرح المنوسر – سعادة عبد الرحمن
- مالو الطريق بقى لي غريب – فيصل يعقوب
- ما إتعودت بلاكي العيد – عمر محي الدين
- لو زمانك جار عليكا – عمر محي الدين
- رزقاً تفتش ليه – عمر محي الدين
- بين خاطرين – عمر محي الدين
- ضايع أنا ومحسور – عمر محي الدين
- بإحساسي – عمر محي الدين
- 30 عام – عمر محي الدين
- يا ريت لو ما قابلتك – عمر محي الدين
- الفرحة تقدل – لينى طارق مبارك
- روعة الأشواق بتكبر – خالد أحمد الحاج
- أنا شوقي لي كسلا – خالد أحمد الحاج
- في إنتظارك يا قوافي - عباس

http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM

الأغنيـــــــــــــــــات :
- بلداً هيلي أنا – نانسي عجاج مع طارق الأمين
- القرار – الطيب مدثر مع عبد الله البشير والطيب تقلاوي
- حدثتني سحابة عنك – طارق العوض
- ما قلنا ليك – محمد ميرغني
- سمحة عاجبانا – إسماعيل حسب الدايم مع مختار دفع الله
- من يوم حبي فارقني – كتبها عتيق ببورتسودان في ثلاثينيات القرن الماضي - بصوت ياسر بورتسودان
- عندما يغني الكبار للكبار : (غنى الراحل المقيم القامة وردي لفنان الطمبور الكبير الراحل محمد كرم الله "حتى الطيف رحل خلاني")
- الله علي العمر الودر – إبراهيم خوجلي مع سعادة عبد الرحمن
- روحو وارد – ضياء الدين السر لود الرضي
- جسمي المنحول – عبد العزيز محمد داؤود وغناها له أيضاً الفنان الشعبي بادي محمد الطيب
- نابك إيه في هواه – عثمان حسين مع صلاح أحمد محمد صالح أجمممممممممممممل توقيع ملااااااام وختاااااااااااااااااام

ولنااااا عوووووودة بالقواااااااااااااافي
بإذن الله
دي بتكفينا باقي الشهر
زاد وعتاد للغربة عن سهر القوافي


مع خالص محبتي للجميع ***

http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM http://t1.gstatic.com/images?q=tbn:ANd9GcRX5UWfvGxFYGdgvV68r8yA0Out9fMbO DqhrXKQNwkjqoq2p-HA_NWXpJM

[شجن البورت]

التسجيلات للحلقة القبلالسابقة مع الكلمات أدناه بواسطة
الأستاذ/ ضياء الحق بصفحات سهر القوافي بالفيسبوك


السلام عليكم دي روابط حلقة اليوم الموافق 11.7.2012 بصيغة ال MP3 واللي كانت قمة في الروعة والجمال والتحية دوما للاستاذ عمر محي الدين اذاعة البيت السوداني
ابقى مارق
http://www.mediafire.com/?4vf2curnl0autgy
احتجت ليك يا يمة
http://www.mediafire.com/?peq31kqmq16w7gk
... مناي القاك
http://www.mediafire.com/?miw1nwldt21sroo
سوات العاصفة
http://www.mediafire.com/download.php?bdmieectt66bv76
كان مكتوب
http://www.mediafire.com/download.php?4p4zpa26fyndhfb
كلمة شكر
http://www.mediafire.com/?pqdzpdb0rrg53zq
جميل الزول يلاقي صديق يواسيهو
http://www.mediafire.com/?a42134dh1pyrec2
ما دام ناوي الفراق
http://www.mediafire.com/?5mwgmjrffwr3w12
اوعك تفكر
http://www.mediafire.com/?z8gq846xd00251p
كفاية اللون الجوة عيونك
http://www.mediafire.com/?7j59qekz589nmv7

[شجن البورت]

http://i76.photobucket.com/albums/j13/ahmadziton/tajmeel/kloob6.png



عبــــــــــــاس
"شـــوق الحـــروف"
"له التحية من هنــــــــــا"

في إنتظارك يا قوافي
من شعاع شمس الله يشرق
نحنا نترقب سماعك
لما نجمة ليلنا تبرق
ولما إنت تطل علينا
الزمن لكن بيسرق
ونحسب الساعتين ثواني
ليها ما قادرين نصدق
نبقى راجين الإعادة
وبي كفوفنا نشيل نصفق


http://i76.photobucket.com/albums/j13/ahmadziton/tajmeel/kloob6.png

من جميل ما قرأ كما جاء على لسانه
الأستاذ/ عمر محي الدين

ختونا تحت العين
مادام إنتو من فوقا
عشان القلوب ترتاح
لو مره من شوقا
أصلو النفوس تختار
أصحابا من ذوقا
يا أغلى ما في البال
إن شاء الله في روقة

http://i76.photobucket.com/albums/j13/ahmadziton/tajmeel/fawasl/fawasl5.gif

بن الرومي
رأيتُ الدهر يرفعُ كلِّ وغدٍ
ويخفضُ كل ذي شِيمَ شريفه
كمثل البحر يغرق فيه حيٌّ
ولا ينفكُّ تطفو فيه جيفَهْ
أو الميزانِ يخفض كلّ وافٍ
ويرفعُ كل ذي زنة ٍ خفيفهْ
كذلك دأبُه فينا وإنا
على ما كان في حُصُنٍ مُنيفه
بناها أوَّلُونا فاعتصمنا
بها وبأنفُسٍ فينا عفيفه
إذا ما جهْلُه أربى علينا
حملناه بألبابٍ حصيفه
وندْرأُ بؤسه بالصبر حتى
نُفرِّجه بأذهانٍ لطيفه
إلى أن يرحم الله المرجَّى
لكلِّ شديدة ٍ منه عنيفه


http://i76.photobucket.com/albums/j13/ahmadziton/tajmeel/kloob6.png

[شجن البورت]

http://i76.photobucket.com/albums/j13/ahmadziton/tajmeel/kloob6.png


خالد أحمد الحاج

أنا شوقي لي كسلا
والتاكا نهر القاش
توتيل مع الساقية
جلستنا فيها نقاش
تاجوج مع الجبنة
كهربجي أو نقاش
سر الطبيعة غلب
ما باينة في أمقرام
تقعد معانا عصر
نطرب مع الأنغام
البسمة أغلى كرم
والسر على الهندام
نلبس سديري عرب
وخلالنا في التفة
سيدي الحسن بهناك
وهوانا في اللفة
ولسة الطريق مفتوح
لي أسمرا الزفة
سودان جميل كسلا
أرض الجمال والنور
عبق السنين فوقك
محروق كأنو بخور
جرتق عروس ورحط
تجهر زي البلور
عاجبني في ناسا
إنهم لطاف وعزاز
النيل متين راح ليك
يوم لبسك إعزاز
وأديني يا مطرة
من كسلا أحلى رزاز

http://i76.photobucket.com/albums/j13/ahmadziton/tajmeel/kloob6.png

خالد أحمد الحاج
روعة الاشواق بتكبر
لمّا أكتب ليك رسالة
نابضة بي لهفة فؤادي
روح بتعرف إنفعلا
إلاّ يوت بتزيد جراحي
وفي ردودك بقرأ لا لا
وكل ما قرّبت منك
ألقى حولك ألف هالة

والبريدك لو عرفتو
وقدرت الأيام تفرّق
إحتمل حدة عنادو
حتى لو الموج بغرّق
لو رضى يبدد شبابك
فتّش الدرب الدرب البمرّق
أوع لا تتبع خطاهو
ولي بعيد عن غربو شرّق

لو خلاص خلاص العمر روّح
ليه تعيد ماضي السنين
ما الغرام بإيدك هزمتو
وكنت للحبان ضنين
كنت مغرور بي دلالك
ونحنا بنقاسي الأنين
إلاّ بي رغم التجافي
ليك ما بنسى الحنين

ولو عرفت الحب حقيقة
كنت تبذل ضي عيونك
إلاّ غرّوك العوازل
وتهت في أوهام ظنونك
أسأل النجمات تقولّك
تحكي ليك مين البخونك
إنت إتغر بكلامم
برضي رضيان ما بخونك
لو عرفت الحب حقيقة
كنت تبذل ضي عيونك

http://i76.photobucket.com/albums/j13/ahmadziton/tajmeel/kloob6.png

[شجن البورت]

http://i76.photobucket.com/albums/j13/ahmadziton/tajmeel/kloob6.png


لينى طارق مبارك
الفرحة تقدل في الدروب
نديانة زي هبة نسيم
ساساقة زي هبة قلوب
خلتنا نتفاءل نهيم
شالتنا أعلى من السحاب
ساقتنا لي دنيا النعيم
الطير محلق في البعيد
فرحان يغرد جد سعيد
والدنيا حسيت بيها عيد
والفرحة صابة عليك تزيد
ونحنا الكلام فاض بينا شوق
لو في الكلام نبدأ ونعيد
خبر النجاح وسط الحقول
دة العطرو فاح
دة الصافي بينات النفوس
وعلى الوجوه بان السماح
دة الأشرقت بيهو الشمس
بي شعاع أجمل صباح
خليت حروفنا بلا تمش
واصلاك بالشعر المباح
دليت نفوسنا على طريق
الضحكة صادقة بلا مزاح
يا أخويَ ربي يفرّحك
زي ما نشرتَ الإنشراح


http://i76.photobucket.com/albums/j13/ahmadziton/tajmeel/kloob6.png

[شجن البورت]

http://i76.photobucket.com/albums/j13/ahmadziton/tajmeel/kloob6.png

روائع الشاعرة/ داليا الياس


الدنيا لسه بخير ما دام وشينا صبوح
ما دام فى لسه أمل وجوانا باقي طموح
حنعمر التاريخ ونشيد جبال وسفوح
نبني المحبة وطن ونبني الريادة صروح
وحا ترحل الأحزان ما فينا زول حينوح
نمسح هموم النيل ونداوي فيهو جروح
وعشان وطنا يعيش عادي بتروح الروح
****
الدنيا لسه بخير لو لسه بينا ثقه
نتقاسم الأحزان ونوزع الصدقه
نحفظ عهود الريد ونشيلو شوق وشقا
ونصبر على المافيش ولا بد يوم نلقا
***
والدنيا لسه بخير ما دام فى لسه ضحك
ما دام فى لسه عيون مليانه شوق وصدق
ما دام فى جار ضكران كفكف علينا مرق
لمن سمع بالليل صوت نسمه شايله ورق
وبى سرعة فتح الباب قايل الحرامي سرق
***
يا ريت يدوم الخير بيناتنا بالأحلام
نحلم نشوف كل زول ناجح ولي قدام
نفرح عشان فرحو نطرا ونقول يا سلام
ما أصلو حظ الزول من قسمة الأيام
ما بتدي قالو حريف وأقدارنا ماها كلام
***
والدنيا لسه بخير ما دام فى بر ممدود
رغم الكذب والزيف والقالو اسمو جحود
بنشوف جمال النيل مزروعاً جنبو ورود
تشهد على العشاق تسمع وعود وعهود
وتفوح بعطر الحب لو حتى بينا صدود
***
والله كل الخير فى بسمة الأطفال
فيهم بشوف النور والخضرة والآمال
طيبين ومتصافين فى معظم الأحوال
فيهم جمال الكون وبينهم حنان ووصال
لا فيهم النصاب لا فيهم المحتال
عايشين على الموجود مهما يكون الحال
مع إنهم شطار وبارعين فى كل سؤال
وإن شاء الله ليهم يدوم الخير فى كل مجال
والدنيا لسه بخير


http://i76.photobucket.com/albums/j13/ahmadziton/tajmeel/kloob6.png

بنحمد الله العيشه صعبه
والحياة قاسية ومريره
كل مانقول لينا ضحكت
ترجع الأحزان حسيره
فينا مات صوت الغناوي
والمشاريع الكبيرة
وأي سكه نسير عليها
سكه ملغومه وخطيره
لا ورود فايح عبيرا
لا شمس ساطعه ومنيره
بس متاهات في عمرنا
وكل يوم أحلام كسيره
ونحمد الله
٭ ٭ ٭ ٭
نحمد الله على صبرنا
وقيمة الرضا والقناعه
دقة القلب البتنبض
بالحياة في كل ساعة
فسحة الأمل العريضه
واحة المنى واتساعا
خطوة القسم السريعه
شمعه القسمه وشعاعا
ونحمد الله
على اجتهادنا ..
في الحسابات والصناعه
في كتابات الجرايد
في البساتين والزراعه
بي الإراده كسبنا قوه
وفي الفشل واخدين مناعه
ما الأكيد الدنيا فانيه
وبالأخير زايل متاعا
ونحمد الله
٭ ٭ ٭ ٭
نحمد الله على عيالنا
في المدارس والبيوت
بي وجودهم لينا قيمه
والحياة بقى ليها صوت
خدّروا العمر المجدّب
وانقذوا الأمل البموت
زينوا الكون بالبراءه
وحركوا الأسى والجمود
فيهم الحب والمحنه
وفيهم البر دون جحود
نسأل الله يتم منانا
ويدي أنجالنا الخلود
بالأسامي وبالمعاني
في المناجاه وفي السكوت
ونحمد الله على فضايلو
كل ركعه وكل سجود
ونحمد الله



http://i76.photobucket.com/albums/j13/ahmadziton/tajmeel/kloob6.png

[شجن البورت]

http://i76.photobucket.com/albums/j13/ahmadziton/tajmeel/kloob6.png

إبداعات الشاعر/ عبد لوهاب حسن الخليفة

يا راحل وكت ترجع
تعال لي ناس بعزوكا
تعال لي ديار حنينة عليك
خطاك بي رضاها مبروكة
وكت ترجع تعال لينا
بتلقى الإلفة والتحنان
بتلقى الشوق مرافئ سماح
عليها خطاك بترسى أمان
وكت ترجع تعال بنكون
هناك راجين بشوق لهفان

ويا راحل بدون عينيك
سواد الدنيا بشقينا
ونبض الشوق بعيد عنك
لهيب نيرانو بكوينا
ويا راحل أريت تعرف
هواك أنبل أمانينا

http://i76.photobucket.com/albums/j13/ahmadziton/tajmeel/kloob6.png


عبد الوهاب الخليفة

تعال يا قلبي خلي الفات
كفاية دموع في عينيَ
منو الأدينا يوم ريدة
ورجّع لينا حنية
تعال يا وافي يا طيب
تعال خليها بالنية

تعال نرجع نعيش الشوق
في طيف غنواتنا والأحلام
وننسج ريد نعيشو خيال
نشيلو جوانا أحلى غرام
عشان لو عشنا يوم غربة
يكون فرحتنا في الأيام

تعال يا قلبي ما تحزن
وقت ضاع الوفا فيهم
تعال يا وافي يا طيب
كتير الفاتو خليهم
ولو ساقك حنين في يوم
أو حنيت تلاقيهم
أكيد جرح الهوى الجواك
بصدّك عن خطاويهم
وكت في يوم بتنساهم
ويبقى حكاوي ماضيهم

http://i76.photobucket.com/albums/j13/ahmadziton/tajmeel/kloob6.png


عبد الوهاب الخليفة

منو القال ليك يا رايع
وراكَ عرفنا تاني الشوق
ولا بقدر لسان حالنا
يغني وللأماني يضوق
معاك ما شلت طعم العيد
وزمن الريد وكت ما يروق
منو القال ليك وراك تاني
مشينا خطاوي في الريدة
وحاتك من مشيت إنت
نسينا مرافي تغريدا
وبقينا حيارى في الأيام
نقاسي ليالي تسهيدا
معاك كان العمر أفراح
دفقة بهجة وإشراقات
وروعة لقيا تحي الروح
وطيبا يفوح مع النسمات
وشوفنا الليلة بعدك كيف
بنبكي فرح زمانّا الفات
وبعدك ما قدرنا في يوم
في درب الريد نشيل خطوات

http://i76.photobucket.com/albums/j13/ahmadziton/tajmeel/kloob6.png

[شجن البورت]

http://i76.photobucket.com/albums/j13/ahmadziton/tajmeel/kloob6.png

الجــــرح المـــنوسر
رائعة الشاعرة/ سعادة عبد الرحمن

إتنين إن ختنك في المحن ماتبالي
رفق الدون وأطماع النفس في المالي
ترديك في الهوان وإن كان مقامك عالي
والإتنين خصم من صالح الأعمالي

وإتنين لا تصغّر نفسك إتحاشاها
سيرة الناس وإن كان الخشوم لايكاها
الموقدلو نار يوم بكره بتوطاها
والجابلك خبار الناس أكيد أداها

والجرح المنوسر ما بتطبو الكية
وما ببرد حشى المحروقه قولة أحية
علا الليل بطيّب خاطر المأذية
باعك وإشتراك زولاً غفرلك سيئة

والتجى من بعيد قسمتنا نتلاقاها
حارة الشينة من الليكَ كان سواها
لابتقدر تصل حدا تلزمو إياها
لا بداوي الزمن جرحك ولا بتنساها

والما ساتروا الله كضبته ما بسترو
الزول إن ختيت فيهو المروه أخترو
الضفر إن نقح صح البدن في بترو
دربك أعوج إن قبلك كبارك عترو

وأحَذَر وش منافق بي بشاشه يقلدك
وحين تديو قفاك بسياط لسانو يجلدك
ماتأمن عدوك ما حك جلد ظفرك
نسبك للوراك صحيح ابوك الولدك

والليك إن عدوك بتختوا في ود عينك
الناس ما تياب كيفنها أصابعينك
مهما إنت بازل ما بتسدد دينك
ترجع لمراح العرجا والله يعينك

وزول إن ملكتو أمرك كان غلط ما تلوموا
وماتعشّم صغير بيكَ يكبر كوموا
الزول الصميم بحكمه داوى هموموا
ما تستنى لي قسم البقوم من نوموا

http://www.youtube.com/watch?v=bzrjyUfMjRg


http://i76.photobucket.com/albums/j13/ahmadziton/tajmeel/kloob6.png

[شجن البورت]

http://i76.photobucket.com/albums/j13/ahmadziton/tajmeel/kloob6.png


فيصل يعقوب

مالو الطريق بقى لي غريب
والسكة زي ما سكتي
وريد إنطبع بقى طبعتي
ودرباً طويل فوق قدرتي
ما إنت فوق الإحتمال
في دنيا زي دنيا الخيال
وأنا لا يميني ولا شمال
ودنيتك ما دنيتي

أنا دة المشيت عكس الرياح
هلكان ومثقل بالجراح
الريدة كسرت لي جناح
زادت علي أنا محنتي

وريني وين ألقى الأمان
ودي الحواجز في المكان
في السكة ضايع من زمان
أنا والليالي ولوعتي

ومهما طال بي المسير
ورغم الهجير والزمهرير
إنت الأمير وبلا نظير
آمالي إنت ومنيتي

ويا روعة يا أعظم حدث
رغم الهواجس والهوس
معاك لي آخر نفس
بهديكَ قلبي ومقلتي

ومالو الطريق بقى لي غريب
والسكة ما زي سكتي

http://i76.photobucket.com/albums/j13/ahmadziton/tajmeel/kloob6.png

[شجن البورت]

http://i76.photobucket.com/albums/j13/ahmadziton/tajmeel/kloob6.png

روائع مبدعناالشاعر/ عمر محي الدين

ما إتعودت بلاكي العيد
وكل سنيني العدو معاكي
وكان العيد بوجودك أسعد
إلاّ العيد شن طعمو بلاكي
ليلة باكر وصابح العيد
كنت بفكر إني بدونك
كيف حأكون والساعات جارية
وشمس اليوم الفيهو بكونك
جات متسارعة وشارة بنورها
ما إتمنيت الضو من دونك
وكان بتردد فيني سؤال
كيف يوم باكر طالي عيونك
هل ذاكراهو صباح العيد
وهل فاكراهو حلم مفتونك
وهل محتفلة معاي بي خاطرك
رغم مشاغلك وزحمة يومك
وهل تتردد فيني تدوي
وآه يا غالية محال مفتونك
وجاني العيد وصباحو البشرق
برسل نورو وفيني بضوي
عرفتَ بدونك كيف العيد
وكيف هو بعادك فيني بسوي
لقيتها بلاكي الدنيا بتصعب
ورغم يقيني وإيماني القوّي
كنت بصبر قلبي برايا
شلت الشمعة الفيني تضوي
دمعة زولاً صابح عيدو
ويوم العيد دنياهو تخوي
وكان العيد بدونك فاقد
طعم العيد ولون الفرحة
وين أشواقك وبلة ريقي
هديتك وين وحروفها السمحة

ومر العيد يا غالية بدونك
وكل الناس معاي بتهني
وكل الكانوا معاي بيقولوا
تهاني العيد مليانة تمني
لا حاسيها ولا بتمنى
كيف إتمنى وغايب عني
وحرف المنية لساني البنطق
ربطو الشوق قام فارقني
وكيف يا غالية معاك العيد
ومتين يا سمحة مسافتك تدي

http://i76.photobucket.com/albums/j13/ahmadziton/tajmeel/kloob6.png


ﻟﻮ ﺯﻣﺎﻧﻚ ﺟﺎﺭ ﻋﻠﻴﻜﺎ
ﻭﻋﻠﻤﻚ ﻣﻌﻨﻰ ﺍﻟﺘﺠﺎﻓﻲ
ﺧﻠﻲ ﻗﻠﺒﻚ ﺇﻧﺖ ﺻﺎﺑﺮ
ﺃﺑﻘﻰ ﺻﺎﺩﻕ ﺃﺑﻘﻰ ﻭﺍﻓﻲ
ﻭﺍﻟﺤﻴﺎﺓ ﺇﻥ ﺩﺍﺭﺕ ﺗﻌﺎﺗﺒﻚ
ﻓﺠﺮﺕ ﺟﻮﺍﻙ ﻗﻮﺍﻓﻲ
ﻓﻴﻬﺎ ﺗﺸﻜﺮ ﺃﺑﻘﻰ ﻣﺨﻠﺺ
ﻓﻴﻬﺎ ﻓﺘﺶ ﻋﻦ ﻣﺮﺍﻓﻲ

ﻟﻮ ﺯﻣﺎﻧﻚ ﻣﺮﺓ ﺧﺎﻧﻚ
ﺟﺮﻋﻚ ﻣﻦ ﻛﺎﺳﻪ ﻋﻠﻘﻢ
ﺃﻓﺘﺢ ﺍﻵﻣﺎﻝ ﻣﻨﺎﻓﺬ
ﻓﻴﻬﺎ ﺃﺻﺒﺮ ﺗﻠﻘﻰ ﺑﻠﺴﻢ
ﻭﻟﻮ ﺟﺮﺍﺣﻚ ﻓﻴﻬﺎ ﺯﺍﺩﺕ
ﻭﻻ ﺯﺍﺩﺕ ﺑﻴﻚ ﻫﻢ
ﺧﻠﻲ ﺻﺪﻗﻚ ﻓﻴﻬﺎ ﺩﺍﻓﻊ
ﺑﻜﺮﺓ ﺑﻴﺰﻭﻝ ﺍﻷﻟﻢ

ﻟﻮ ﺣﺒﻴﺒﻚ ﺟﺎﺭ ﻋﻠﻴﻜﺎ
ﺑﺎﻉ ﻋﻬﻮﺩﻙ ﻭﺑﺪﻻ
ﺿﻴﻊ ﺍﻵﻣﺎﻝ ﻣﻌﺎﻙ
ﺃﺭﺧﻲ ﺍﻟﺴﺘﺎﻳﺮ ﻭﺃﺳﺪﻻ
ﻣﺎ ﺗﻔﻜﺮ ﺗﺒﻘﻰ ﺟﺎﻓﻲ
ﻟﺤﻈﺎﺕ ﺑﻌﺎﺩﻭ ﺇﺗﺄﻣﻼ
ﺑﺘﺒﻘﻰ ﺫﻛﺮﻯ ﻣﻌﺎﻫﺎ ﺑﺴﻤﺔ
ﻟﺤﻈﺎﺕ ﻋﺼﻴﺒﺔ ﺇﺗﺤﻤﻼ

ﻭﻟﻮ موﺩﺭ ﻟﻴﻚ ﺧﺎﻃﺮ
ﺟﻤﻊ ﺍﻷﻓﻜﺎﺭ ﻭﻋﻴﺪﺍ
ﻓﻴﻬﺎ ﺃﺳﺒﺢ ﺑﻲ ﺧﻴﺎﻟﻚ
ﺭﺟﻊ ﺍﻟﺬﻛﺮﻯ ﺍﻟﺒﻌﻴﺪﺓ
ﻟﻴﻬﺎ ﺣﺘﻤﺎً ﺇﻧﺖ ﺗﻮﺻﻞ
ﺗﻨﺸﺪ ﺍﻷﻓﺮﺍﺡ ﻗﺼﻴﺪﺓ
ﻭﻓﻴﻬﺎ ﻣﻌﻨﻰ ﺍﻟﻔﻜﺮﺓ ﻇﺎﻫﺮ
ﻭﺯﺍﺧﺮﺓ ﺑﻲ ﺃﻓﻜﺎﺭ ﺟﺪﻳﺪﺓ

ﻭﻟﻮ ﺣﺒﺎﻳﺒﻚ ﺿﻨﻮﺍ ﺟﺎﺭﻭﺍ
ﺳﺎﺑﻮﺍ ﻟﻴﻚ ﺇﻧﺖ ﺍﻟﺪﺭﺏ
ﻟﻴﻪ ﺗﻔﻜﺮ ﺇﻧﺖ ﺗﻘﺴﻰ
ﺃﺑﻘﻰ ﻣﻠﻬَﻢ ﺯﻭﻝ ﻣﺤﺐ
ﺣﻘﻮ ﺗﻔﻬﻢ ﻣﻦ ﻓﺮﺍﻗﻬﻢ
ﻋﺮﻛﺔ ﺍﻟﺰﻭﻝ ﺍﻟﺒﺤﺐ
ﻛﻴﻒ ﺗﺼﺒﺮ ﻗﻠﺐ ﻫﺎﻳﻢ
ﻟﻮ ﻣﻌﺬﺏ ﺻﺎﺑﻮ ﺣﺐ

ﻟﻮ ﺑﺪﻳﺖ ﺇﻧﺖ ﺍﻟﺨﺼﺎﻡ
ﻋﻮﺩ ﻭﺳﺎﻣﺢ ﺃﺑﻘﻰ ﻭﺍﻓﻲ
ﻓﻨﺪ ﺍﻟﺴﺒﺐ ﺍﻟﺒﺪﻳﺘﻮ
ﺃﻗﻌﺪ ﺃﺷﺮﺡ ﻓﻲ ﺍﻟﺒﺪﻳﺘﻮ
ﻟﻮ ﻟﻘﻴﺖ ﺭﻭﺣﻚ ﺑﺘﻐﻠﻂ
ﻟﻲ ﺷﻌﻮﺭ ﺣﺎﺑﻴﻚ ﺭﺍﻋﻲ
ﻭﺣﻘﻮ ﺗﺮﺟﻊ ﻟﻴﻬﻮ ﻣﺨﻠﺺ
ﻟﻰ ﺧﺼﺎﻣﻚ ﻣﺎﻓﻲ ﺩﺍﻋﻲ
http://i76.photobucket.com/albums/j13/ahmadziton/tajmeel/kloob6.png


رزقاً تفتش ليه
ورزقاً يفتش ليك
وناساً تدور تديك
وناساً تشيل الليك
ناس الفرح أيام
وناس الحزن تمليك
دنيا السعد أقسام
لمن تدور تديك
لا تحرى لا تدرى
تلقاها جارية عليك
مقسوم وهاك مني
معزوزة تضحك ليك
ولمن تدور تنساك
وأيامها يقسو عليك
بتبدد البسمات
في لحظة من شفتيك
وتدفق الأحلام
كالموية بين إيديك
فعلاً غريبة وسر
إن قلت بشرحو ليك
بعجز أوفي القول
شن فيها دايم ليك
غير ترجى الله قنوع
بالفيها مقسوم ليك

http://i76.photobucket.com/albums/j13/ahmadziton/tajmeel/kloob6.png

بين خاطرين
بين خاطرين أنا متحير !!!!

ما بين خاطر إنى أخاطر يبقى خيارى مخير فيه؟
بين خاطر إنى أسامح أعود من تانى وأرجع ليه؟
وحتى الحيره الكانت باديه.. ساقا الشوق للشوك وداها
لبست منيه زول بتمنى إنو أمانى العمر يلقاها
إلاّ لقاها داير وقفة
وقفة طويلة بين خاطرين ؟؟
خاطر زى الغيمة الراحلة لما تسوق المطرة معاها
وخاطر زى الأرض البور لما يفوتا المطر ينساها
وخاطر زى أحلام زولاً لما أمانى العمر يلقاها تسافر روحو لدنيا بعيدة تسوق أحلام المنية معاها

************

وأنا متحير بين خاطرين !!!!

خاطر زى إحساس طفلة يوم العيد جابولا هدية
وقالوا معاك أخوك يتقاسم يشارك روحك في العيدية
وقفت حائرة بين خاطرين؟
خاطر إنو تشيلا براها تشيلا لى روحا وماتديا؟ وخاطر إنو أخوها الأصغر يمسخ عندو العيد بهدية؟

************

وأنا متحير بين خاطرين !!!!

خاطر زى أحلام زولاً غادر بلدو يجيب الشبكة
ولما يعود لى مناهو الأعظم يلقى عروسو حداها الشبكة؟
يبقى محير بين خاطرين ؟؟
خاطر داير يستلقى ينوم ينساها وداير أمنيتو تقوم تتحقق
وقبل تفوتو يقوم يلقاها

************

وأنا متحير بين خاطرين !!!

خاطر الثابر كافح وذاكر وداير يحصد بى مجهودو
وخاطر زى خاطر المهمل وناسى جهودو قام راح سارق جهد الأول
وفجأة تجيهو صحوة خاطر !!
يبقى محير بين خاطرين ؟؟
خاطر العزة بإثمو تشيلو
وخاطر إنو كيف يتمتع بى مجهوداً جد ماهيلو !؟

************

وأنا متحير بين خاطرين !!!!

خاطر زى خاطر الزارع ينضف أرضو يبارى زراعتو سرابة سرابة
وفجأة المطرة تكب صبابة..... تغرق زرعو الليهو إتشابا
يبقى محير بين خاطرين ؟؟
خاطر الساخط وناسى إلاهو وخاطر المومن والله معاهو
داير يرتد يعاقب نفسو وداير يتصبر والله يرجاهو

************

وأنا متحير بين خاطرين !!!!

خاطر زى خاطر الأم الشقيت وتعبت ودايرة وليدة يبقالا الزاد
إلاّ الولد الجاحد بعد إتغرب سافر ما عاد !!
صبحت حايرة بين خاطرين ؟؟
خاطر إنو الأمل يملاها تقضى مساها حنين وسهاد !
وخاطر إنو الذكرى تفوتا وتبقى الحسرة ثواب وحصاد !

************

وأنا متحير بين خاطرين !!!!

وخاطر زى خاطر راحل فى صحراء صباحها هجير مساها سموم
شايل الزاد مخلاية حسره حطام الذكرى وقربه ملانه هموم
وفى طريقو تشلع بسمة تمد إيدينا سحاب وغيوم
وقف إتحير بين خاطرين ؟؟
خاطر يمشى تجاها يطرب لى حجاها يسرقو النوم
وخاطر يبعد بى شغلو يناضم ضلو يبارى الطير ويرجى اليوم


************

وأنا متحير بين خاطرين !!!!

خاطرزولا كل مناهو انو حبيبتو تقاسمو هناهو
تنور عمرو تبدد ليلو وظلم دجاهو
إلاّ شقيقو الكان متغرب دار البت الدارا أخوهو !!
سترة حالو ونفح شذاهو
وقف اتحير بين خاطرين ؟؟
خاطر انو يقول للناس عن ريدو وعمق مداهو !
وخاطر انو يضحى .. حبايبو يتهنو .. يصابح الوحدة !
ويماسى عناهو !!

************

وأنا متحير بين خاطرين !!!!

خاطر زى خاطر عامل بعد التعب الجوع هداهو ولحظة
سمَّ وختَّ اللقمة حداهو
جات حدية الشوم من فوق منشرة !
تختف اللقمة معاها مناهو
وقف إتحير بين خاطرين ؟؟
خاطر إنو يصيح
عساها تخاف الطيرة تسيب اللقمة وراها
وخاطر إنو يتيقن بى قسمة غيرو
مهما سوّا محال فى يوم يلقاها

***********

وأنا متحير بين خاطرين !!!!

خاطر طالب يلاقى الزولة العاش راجيها فرحة عمرو وصمت ضجيجو
تبقى الراحة وضل الواحة وزينة تاجو يوم تتويجو
إلاّ الفقر الكان قاساهو ظل يلازمو بعد تخريجو
وقف إتحير بين خاطرين ؟؟
خاطر إنو يشقى حبيبتو تضوق المرة وطول تهريجو
وخاطر إنو عشانا يسيبا تسعد دونو ويزيد تأجيجو ؟!

***********

وأنا متحير بين خاطرين !!!!

خاطر زولة بتسكب روحا
تفرح ذاتو وتفرج همو
تبقى الحس الساكن قلبو
تبقى حياتو ومسلك دمو
إلاّ الاهل الكان إجتمعوا قاموا ادوهو بنية عمو !!
وقفت حايرة بين خاطرين ؟؟
خاطر تبعد وتهرب منو ... تبقى الفرقة وما يتلمو
وخاطر تبقى قريبة كفاها حبيبها
تداوى جراحو وتبعد غمو


ولسة محير بين خاطرين !!!!!!!
http://i76.photobucket.com/albums/j13/ahmadziton/tajmeel/kloob6.png

تــ30ــلاتين عـــام

تلاتين عام ...
نفس طالع .. نفس نازل
قلب هتاف كما الهبباي
وألاقي علي السراب رسمي
تلاتين عام ...
قضيتا معاك ولا بلاك ما عارف
وحات المافي يا إسمي

30 عام ...
ومر الحول يطارد الحول
30 عام مضت ضمة
وما ظهرت ملامح زول

30 عام ...
بفتش للحضور مني
وشايل جوة في الأعماق
شتات الذكرى من فني

وتلاتين عام ...
موجة تسابق الموجة
وصول للضفة كيف حيكون
ووين بترسّي مركبنا
وحاتن مرسى ما مضمون

تلاتين عام ...
مداخل دنيا في ضلمة
سنين عدت تقول حلمة
وتسوق الزول علي منية
ولما يفوق .. يشوفا غباش
ملامح حلمة منسية

30 عام ...
أحاول أرجّع السنوات
ألاقي الماضي ولى وفات
يمد كرعينو في ضلّو
ويمضق في عروق القات

30 عام ...
قضيتا معاك ...
ولا بلاك ما عارف

تلاتين عام ...
لا غنّت دواخلي معاك
لا ردد مقاطع الغنوة زول مسكون
مخدّر بي شقا الأيام
معفّر كفو بالآهة
ولا غنى .. ولا عارف
وبتمنّى ...
صباح العيد عليعمرو
لا غاشي .. ولا ماشي
وبستنّى ...
حصان الريح يوديهو
يسوق الخطوة ويهديهو
ويركز دربو في الدنيا
ويسدد يوت خطاويهو

تلاتين عام ...
نفس طالع .. نفس نازل
قلب هتاف كما الهبباي
وألاقي علي السراب رسمي
تلاتين عام ...
قضيتا معاك ولا بلاك ما عارف
وحات المافي يا إسمي
http://i76.photobucket.com/albums/j13/ahmadziton/tajmeel/kloob6.png

ضايع أنا ومحسور شديد
وملان أنين
يا الفرقتك لي طولت
لساك كاسيني الحنين
ولسع بغني عشان غناك
موال وحسرة .. شقى وانين
أنا ما بقيت شادي وطروب
ولا المحنة الكان زمان
مسقية بالصدق العذوب
بيتين أنــــــــــــا ...
بيت من ضنا .. وبين من منى
وسور من عذاب ...
وزرعة مشتاقة المطر
وكتين يكب ينل صبوب
ضيّق نفس محدود شديد
والنسمة بتدور الهبوب
يـــــــا ربنا ...
بنشوف كتير في الدنيا كيف
فرقة حبايب جمبنا
لا بنوصلم .. ويا ليتنا
أسرعنا كملنا المنى
ويا ليتنا ...
والإنتنى .. والكان عديل
مشتول علي ...
كايس أنا وفاقد دليل
جيبوهو لي ...
درب الخواطر والرجوع
زي الدليب قايم هنا
والضل هناك ...
في مكان بعيد ما بنوصلو
وإن قلت داير أوصلو
أو أضوق حلو
لا بد مر .. ما بقدرو
وضــايع أنا .. ومحســور شديد
يـــا الفرقتكـ لي طـــولت
http://i76.photobucket.com/albums/j13/ahmadziton/tajmeel/kloob6.png


جد بإحساسي أشوفك بينّا
وتملأ عيون بي شوفتك شوقا
ورغم يقيني حيازتك قاسية
بس في الخاطر لي معشوقة
أشواق زولاً عقدو الرابع
من سنوات كانت مسروقة
لي عقدين نايرات وبضون
بدري عليها تروح مريوقة
النقاع ما بروي الظامئ
وهل كفين تحمل مدفوقة

http://i76.photobucket.com/albums/j13/ahmadziton/tajmeel/kloob6.png


يا ريت لو ما قابلتك
بالمرة ولا كلّمتك
والحاسو في قلبي إليكي
في زماني الفات آويتك
ومنايَ الكان لي اللقيا
في لحظة إتبدد بيكي
بشعور مليان حنية
مديت اليد حييتك
والصدفة الجامعة أحباء
والسكة الديمة تودي
للناس الرايدة جفانا
والدنيا الما أظن تدي
والعشرة الباقية هي ذكرى
والذكرى الليَّ تهدي
في لحظة شوق لي لقاكا
وبي نظرة عين بتعدي
والماضي جميل بي شخصك
وصعيبة الآلام عندي
والعمر الفات خليهو
والجاي معاك ما تهدي
وغرامي دة قطرة غيث
عليهو الريدة تقيس
يخلي الدنيا سرور
ويسعد كل تعيس
وهبتك طهر غرامي
وهديتك كل نفيس

وبنقووووووووووول قطعا تاااااااااني
و
.
.
ويا رييييييييييييييييت.
.
.
يا ريت لو كان تماها
للآخر وما إتوقف
وخلانا أنحنا معاها
نتني كمان نتكيف
يا ريت لو ما خلانا
للباقي معاو نتقريف
ولي فنجان كيفنا الفاضي
زاد لينا ودفق وسرّف
نطلع لي فوق بالقافية
وننزل بجميل الأحرف
ونكب للبركة الباقية
من زولاً راقي ومرهف

http://i76.photobucket.com/albums/j13/ahmadziton/tajmeel/kloob6.png

[λβoѕнєгOġ]

الله عليك يابت مليانة روعة
وحياة رب العباد
سرفتينا سرف ابداع
ربنا لايحرمنا منك ومن تواجدك
واصلي ياغالية ما اروعك

[λβoѕнєгOġ]

width=600 height=350

[شجن البورت]

التسجيلات والتبريكات أدناه بواسطة الأستاذ ضياء الحق بصفحات سهر القوافي على الفيسبوك

.
.
.
.
.

السلام عليكم ورمضان كريم وتصومو وتفطرو على خير ودي روابط حلقة يوم الاربعاء الموافق 18.7.2012

الدنيا لسة بخير
http://www.mediafire.com/download.php?r9hpk45zeddbbuc
نحمد الله
... http://www.mediafire.com/download.php?l1irm4mp420mrxb
اوعاك ما يغشك في الحديث حكامو
http://www.mediafire.com/download.php?d9l027lu9g2oz4j
تعال يا قلبي خلي الفات
http://www.mediafire.com/download.php?1difodpzxs5bfu2
رزقا تفتش ليه ورزقا يفتش ليك
http://www.mediafire.com/download.php?h1g9msjwq564ml1
يا ريت لو ما قابلتك
http://www.mediafire.com/download.php?i4a6a3qc8okl4yp
جد احساسي اشوفك بينا
http://www.mediafire.com/download.php?squzcr2lvwdwbra
الفرحة تقدل في الدروب
http://www.mediafire.com/download.php?onrku8dd1jye7yr
ما اتعودت بلاكي العيد
http://www.mediafire.com/download.php?j135u9em3mmen2s
منو القال ليك
http://www.mediafire.com/download.php?h1rb8vbvfo4euec
لو زمانك جار عليك
http://www.mediafire.com/download.php?f6js2y2uibiwmb1
في انتظارك يا قوافي
http://www.mediafire.com/download.php?uvlqsrbjx71ltvd
روعة الاشواق بتكبر
http://www.mediafire.com/download.php?lqqbsoynquosx53
ختونا تحت العين
http://www.mediafire.com/download.php?f8gd4ydib6p0ad6
رأيت الدهر
http://www.mediafire.com/download.php?fm44uofzgjnsax5
ضايع انا
http://www.mediafire.com/download.php?is09jcqtb0trwm6
جغرافيا المكان
http://www.mediafire.com/download.php?x2cnir2b6ph205e
تلاتين عام
http://www.mediafire.com/download.php?5g649cygxb75404
بين خاطرين
http://www.mediafire.com/download.php?axi4a9att0na1qc
يا راحل
http://www.mediafire.com/download.php?r55da7mfcxyb6l5
مالو الطريق
http://www.mediafire.com/download.php?altr3exa8h4au47

[شجن البورت]

الله عليك يابت مليانة روعة
وحياة رب العباد
سرفتينا سرف ابداع
ربنا لايحرمنا منك ومن تواجدك
واصلي ياغالية ما اروعك


تسلم كتير ...

يا زووول مستّف بالجمال

وربنا مااااا يحرمنا من إبداعك المدهش

المتدفق البيسرفنا سرف بالفرح


لك أرق التحايا والتقدير ***

[شجن البورت]

*** أجمــل القــوافي على سهــر القــوافي ***


كل الأحباء بعدو الحبيبة

أعضاء وزوار

ومتابعي هذه المساحة

كل عام وأنتم بألف خير وعافية

فصلنا عنكم شهر كامل ولكنكم دوماً حضور
في عمق الخاطر وجوة قلوبنا

وغداً لقاءنا بإذن الله على أثير سهر القوافي
الساعة 10 مساءاً على إذاعة البيت السوداني fm100
,وصوت المبدع عمر محي الدين
والإحساس حاااااااااااضر
والشوق من هسي قلق لافي
والقمرة ذاتا هي جات
وليها النجم حافي
راجنو نتسامر
بي سهرة بقوافي


وحتى ذلك الموعد الموعود

نبقى مع إختيارات لقوافي جميلة قدمت على سهر القوافي


هسة فيك أنا شن أسو – بصوت عاصم البنّا
كلمات الأستاذ/ كامل عبد الماجد

http://www.youtube.com/watch?v=DvUoz8LrVZU


هسة فيك أنا شن أسو
يا سلام لو شفتك أبدر
وهل تفيد يا ريت ولو
ياتو غيماً جيتي منو
وياتو مخمل وياتو جو
والكواكب إيه لزوما
وإنتي مالية الدنيا ضو

علمي الغصن النداوة
ومن طراوتك هششي
وعلمي البان التثني
والتمايل وأدهشي
وعلمي الطاؤوس يعدل
في إختيالو وفي مشي
الجمال ما شلتي كلو
للوراك ما سبتي شي
وقلبي تاه يومي العرفتك
اليتوه ما تفتشي

النسيم لو مر جمبك
بي أريجك عطري
وخلي منك لينا يوصل
أوع يرجع حزري
والورد من فيض نداكي
أدي برضو إتذكري
عمري ليك أنا واهبو كلو
هاتي بسمة وإشتري
ولو ودر في دربك إنتي
يعني إيه ما تودري

الحرير شافك تحير
فضَ زعلان حنسي
إنتي أنعم منو ملمس
إلاّ جاملي وألبسي
وطيفي لو جاك في الأماسي
هدهديهو وونسي
أحكي ليهو وقولي ليهو
وسيبي عندك أحبسي
وخلي من أنفاسك ينهل
وبي ودادك حسسي
والدلال القالو قل
جيتي في الناس تترعي
وقلبي من الريد تخلى
جيتي تاني تلوعي
البريق الفي عيونك
كفي عنى وأدرعي
ما براي تصليني بيهو
ضني بيهو وأمنعي
ما الكلام الداير أقولو
من عيوني بتسمعي

يوم تدخلي على المحافل
الحضور بتجهجهي
العيون تبراك جحافل
وكل زول بتوهي
القمر في يوم كمالو
بشبهك ما بتشبهي
والنجوم ما تشابي ليها
خلي تنزل ليكي هي
أنضميها وزيني بيها
جيدك النادي البهي
الفراش لو رك فاكرك
زهرة أوعي تنبهي
خلي يرشف من رحيقك
ما رحيقك .. مافي زول ما مشتهي
الورد لو جيتي جمبو
بقطفك ما بتقطفي
والعسل بهجر بنانو
يرشفك ما بترشفي
والبرع ببقى الأزاهر
خشي جوة وشرفي
إلاّ في خشيشتك عليهو
إجتياحك خففي
وفي الدخول خليك حنينة
نبضو أوع توقفي

ويا سلااااااااااااااااااااااااام ...
يا سلام لو شفتك أبدر
وهل تفيد بالله لو ؟
وياتو عالم جيتي منو ؟؟
وياتو مخمل وياتو جو ؟؟؟

[شجن البورت]

من جميل ما قدم على سهر القوافي من قوافي

قوافي الثنائيات

واحدة من أجملها

هو .. و .. هي

هو :
هليتي زي نجمة غروب
الغيم حواليها إرتحل
وأنا فيكي توّهت الدروب
ما ضقت غير طعم الفشل
لا قدرت من حبك أتوب
لا عرفت من غيرك أصل

هي :
عفواً إذا ما العمر راح
في الريدة وإنتحر الأمل
عذراً إذا إنكسر الجناح
من قبل عصفورك يصل
والقمري من أحزانو ناح
في حيّنا وحصل الحصل

هو :
يا قايمة وردة شوق وريد
جوايا من قبل الأزل
لو كان حلم ريدك بعيد
ولقايا بيك ما محتمل
حبك كمان إحساس عنيد
وفراقنا ما عاد محتمل

هي :
ما تبكي كان جف العبير
في الزهرة وإحترق العسل
كابر على الحزن الكبير
وأكتم شعورك بالوجل
غيرك عزف لحني الأخير
وغيرك لعب دور البطل

هو :
في الزهرة ما بجف الرحيق
مهما الفراش غنى ورحل
وفي النجمة ما بموت البريق
مهما الشهاب طش وأفل
وأنا لو فقدتك في الطريق
ما بلقى لي عينيك بدل

هي :
لو غنى في الليل الكنار
للريدة والقمر إكتمل
والنجمة تاهت في المدار
وبكت على شرفات زحل
ورحلّتَ والزمن إستدار
في الذكرى خلي لي محل

هو :
ذكراكي ما وردة في كتاب
أو لمحة من طيف المقل
لا صورة منك في جواب
لا من دهب شعرك خصل
ذكراكي من زمن الغياب
أجمل مواويل الغزل

هي :
شكراً على وعد المنى
البيناتنا قام جنة نخل
شكراً على عمر الهنا
العشناهو بالشوق والخجل
شكراً على أجمل غنى
وشكراً على شعر الغزل


ـــــــــــــــ
وكذلك من الثنائيات الجميلة

ثنائيات المبدع/ محمد الخير حامد

هو ..و.. هي


هو :
قولي أهلاً يا حبييبة
رددي معاي التحية
مهما يحصل منّك إنتي
برضو شايلك في عينيَّ

هي :

برضي بهواك يا حبيبي
ما إنت أقرب زول إليَّ
وعشت بيك أنا أحلى ريدة
ولسة باقية معاك وفية

هو :

غلطة كانت مرة واحدة
حقو تغفروا يا الحبايب
أصلي لما غلطت فيكم
بعد لحظات أنا عدت تايب

هي :

حقو يا حبي وغرامي
ويا أعز عزيز عليَّ
لوغلطت على أي زول
إنت ما تغلط عليَّ

هو :

جيتك أتأسف برايا
ونادم أرجوك يا ملاكي
عارفة بي فرقة عيونك
روحي بتضيع وا هلاكي

هي :

إنت عمري ونبضي إنت
إنت نوري وإنت ذاتي
إنت عارف روحي بيك
وإنت ياك فرحة حياتي

هو :

يا حبيبة عمري آسف
بالغرام البينا عاصف
تبتَ جيتك أرحميني
قلبي جاكي ودمعو زارف
ريدك الجاري في دماي
وعشقك السامي الفريد

هو ..و.. هي
ذاب الجليد والليلة عيد
ذاب الجليد والليلة عيد

ــــــــــــــــــ
هو .. و .. هي

محمد الخير حامد

هي :
يلا نفرح .. يلا نصدح
بي أهازيجنا وغنانا
نحكي قصة ريدنا نحنا
وشوقنا وأحلامنا وهنانا

هو :
صدفة شفتك جمبي واقفة
وإنتي في قمة جمالك
وظاهر إنك زولة راقية
واثقة معتزة بدلالك
وأدخلك بي ياتو مدخل
شان أقيس وضعك وحالك
وكنت عايز ألفت قليبك
وأسعد إحساسي المشالك

هي :
برضي شفتك وقلبي دق
وفارق الواقع وجاكَ
وسافرت أحلامي ليك
وعاشت اللحظات معاكَ
كنت منتظراك تبادر
ولي تصرح بي هواك
وصدفة جمعتنا وهويتك
ومنها القلب إصطفاك

هو :
شلّتَ منّك نظرة تانية
خفتَ تهربي أو تغيبي
وتاني ما تجمعنا صدفة
وبيكي ما يسعد قليبي
إبتسمتَ عشان أشوفك
حاسة بي شوقي ونحيبي
ولّا ساكت قلبي واهم
وفايتة خالاني في لهيبي

هي :
إبتسمتَ معاك حبيبي
وخفت ما ألقاكَ تاني
خفت إنك تمشي مني
وأبقى ضيّعتَ الأماني
أصلي كنت معاك سرحت
وقلت بلقى خلاص حناني
وراجية يوم يرتاح قليبي
وبكرة إتلقّى التهاني

هو :
فرشتَ درب الريد براي
فرحتَ بيكمي وهلَّ قلبي
بكرة جاييك طالب إيدك
وبالخطوبة أتمّو حبي

هي :
أصلي منتظراك حبيبي
تشهد الأيام وربي
وأوع تاني تسيبني تمشي
دايرة أشوفك ديمة جمبي

[شجن البورت]

من إشراقات الأستاذ محمد عباس الباشا

غازلت دنياي زهرة
وصاحبت خطواتي إيدك
والزمن الكان ظلمنا
ولي ما مأمول يعيدك
صالح الأفراح وجابا
شان معايا يحضرو عيدك
كل عام يا غالية والله
من سنا الأخلاق يزيدك
وكل عام يلقاني أكتر
من زماني الفات بريدك


ــــــــــــــ

محمد الباشا

خدعك منو ؟؟
وقال ليك زمانك أأمنو ؟؟؟
وشيد تعاليك للسما
وعاقر غرورك وأدمنو
إتبكى ياما زمان بكيت
وقلبك بكاي ما حننو
مديتا بطشك وإنت فوق
لي كوخي قصدك توهنو
عزوني ف طيبتك عزاز
لي قلبي هدو وسكنو
وقالو لي إتناسي المضي
وشرو الطلع من مكمنو
وأنا ليك نسيتا مع الزمن
وأفراح زماني علي دنو
وضاريتا آثارك خلاص
لما الشموس إستأذنوا
وريني يا البي الحسن جيت
للشينه كان جابرك شنو ؟؟
والرش مويتو علي السراب
كيفن يقول الناس جنو !!
ما العاش يمحن في الخلوق
باكر عمايلو تمحنو !!!

ــــــــــــ

مشتاق ليك
وبحلم سفني الفات وعدت
ترسي وتسكن في عينيك
ويهدي الموج العاند وباعد
بين نبضي وأشواقي اليك
وأرسم في التيار احساسك
وافرد ليك شراعي واجيك
وأكونك فوق الصيف الحارق
غيمة انشرت شان تحميك
وأرسل ليك في النسمة العابره
سوال بلهفة ينادي عليك
كيف الزمن اتجاسر وساقك؟؟
وين وداكي وهاجر بيك؟؟
وكيف السفرة بدونا تتطول
أظن اتراخه الحس الفيك
وزبل الغصن الاخضر وجف
وغطا هجير الجفا واديك
لا الوعد البينا وحاتك
معشعش جوة وما ناسيك
ومهما الدرب البينا اتباعد
لابد يوما نرجع ليك
ونروي الشجن المن فارقتك
ينادي ويسرخ انا راجيك
ومشتاق ليك


****************


عيونك مرافئ الحنان الرحيبة
ترسي المراكب مواكب حبيبة
تغازل الكواكب تشيله وتجيبه
رموشك تحاكي الرماح الرهيبة
ولحظك يجرح قلوبنا ويصيبه
عيونك تتوه عيونه وتسيبه
توقع خطانا الدروب الكئيبة
تدمع عيونه يبالغ نحيبة
وتبعد عيونك هديك المصيبة
*************
اريتك عيونك تداعب وترنا
وتعزف مقاطع تودر فترنا
تنسي المواجع تناعس سهرنا
ونفرح لانك حنانك غمرنا
عيونك مفاتن بياضن جهرنا
عيونك مدارن جذبنا واسرنا
عيونك دروبنا وطريقنا وقدرنا
اريتك عيونك ظلالن امرنا
تجاوب عيونا بحبك حضرنا


ــــــــــــــــ

الإعلامية / إبتهال محمد المصطفى


قبل صباح ... وأديني ضلك
غيمة من حر الهجير
حاجب همومك بي وراك
لي سكة فترت من خطاك
صمتك محير قبلتك
شكلك فضح مسرب هواك
والليل سفير ...
مستني يوتي بنات نعس
يتسالمن لامن تجي .. متلفحات
فترن موسدن الأمل
والناس تهش بي طلعتن
ضاحكات مقابلات القمر
وفوق القمر ...
ساويلو فنجانين بغازل في المدى
الراكبلو ناقة معتقة
وقاعد يدوزن قبلتن
وا نار قليبي الفارقن
ورحلن خلاص
من تاني تتصبح
على أم خيراً رحل
نايم على طرف السرير
ضل الضحى قصير
على الطاويهو في قلباً وحيد
لملمت طيف حبك وحيد
والصيدة جمبك هاملا
يا الما بتشوف غير البعيد
سببك على الرايحات شنو
يا أخوي عرسك من متين
داير تخفف تقلهن
ما بين عيونك تبتسم
كل التشيل في همهن
الأولى في قيف البحر
والموج سرابو بعطشن
تكّل علي باب الرحيل
وأوعك تفوت .. ما تفكهن

ـــــــــــــــ

القصيدة التي يغنيها السقيد

يا سلام لو أي زول
يوم تضيق الدنيا بيهو
يقدر يلقى وسط همومو
زول حنين يسأل عليهو
زول تفتش ليهو روحك
لما تحتار تمشي ليهو
ولما تمرق من دواخلك
أو تضج منك ملامحك
تبقى مارق شان تجيهو

زول بشيلك في ودارك
يبني بالحنية دارك
يوم تلهلب فيك نارك
يطفي جمرك بي إيديهو
ولو حصل ضاق بيك مكانك
أو زمانك مرة خانك
برضو يفتح ليك حتة
بين رموشو وبين عينيهو

تسوى إيه الدنيا ...
من غير زول يحبك
يبقى عايش في كيانك
شان يحرك ليك حسك
وتبقى مليان إنت بيهو
ويا سلاااااااااااام

وتسوى إيه الدنيا ...
من غير زول رفيقك
يمشي بيناتك ويسرع
شان يسهل ليك طريقك
ولو خلاص السكة صعبت
تلقى في دربك مشيهو
ويا سلام ............

ــــــــــــــــــــ

كتير يا غالي بتخيل
إنّك زي شموس واضحة
وزي إنّك ...
بتشبه إنفتاحي عليك
أمس .. والليلة .. والبارحة
تطمّن إتكالي وفيك
عشم صدق الرؤى الواضحة
ولو راح الوضوح منّك
علي البيناتنا يبقى الغش
نعوش تتدارى بالفاتحة
غشاوات السكات تصحى
تتمدد حبال الصوت
عليك تتنادى متصايحة
وبيناتنا الصدى وصوتك
يقيف عدم الوضوح متراس
يشلهت روحك النايحة
وتتبعثر شفافيتك
ظنون بين السكات والقول
مدارات جوة فيك رايحة
تفتش عن وضوح حسّك
وعن معنى الولف والخوف
وليه ريحة الغموض فايحة
وليش إت يا أمل سارف
مسارب روحي للأنفاس
بتقفل ضلفتي الفاتحة
علي شباك مزاراتك
وضوح وصراح ونجمة شوق
علي صفحة سماك لايحة
فما تندس من جواي
ولا تخفي المشاعر يوم
عليّ ولو بقت جارحة
حرام يا زول ...
وأريت تشبيه
وضوحي وإنفتاحي عليك
مسارب روحي ليك فاتحة

ــــــــــــــــــــــــــــ

يا غالية يا روعة
يا مصحية الوجدان
قبل الحروف توعى
يا بسمة من جواك
بتمسحي الدمعة
ويا نسمة عز الليل
يا ضاوية زي شمعة
بتموت عشان نحيا
في الدنيا بالمتعة

ويا روحي وحياتك
مشتاقة دنيانا
وتضحك صباحاتك
الدافية أحضانا
والزهرة تبسم ليك
نديانة نشوانة
لمن تشوف عينيك
بالريدة مليانة
والناس بترتاح ليك
شان إنتي إنسانة

فيكي التسامي جميل
الرقة والإحساس
ينعش هواكي الروح
ويعطّر الأنفاس
ريدك من الأعماق
ريد من قليب حسّاس
رويتي حنية
ورويتي بالإخلاص
وفرحّتي بيهو الكون
وأهديتي كل الناس

ـــــــــــــــــــ

المبدع أشرف طلبة

كفاية اللون الجوة عيونك
مالك ومال اللون التاني
الطاؤوس كيفن بتغالط
وسر ألوانو دروس ومعاني
شعرك أسود ولونك قمحي
وشايلة شفايفك لون رماني
أبيض قلبك زي الفلة
وخاتف جيدك لون مرجاني
وحتى اللبس الأسود عندك
خايل فوقك وجد شداني
ولون البسمة إخترتو عشانك
وبيك سميتو اللون الآني
أما الباقي بيعملو ربي
وبس يا ريت لو كان وراني
وأنا غلطان فكّرّتَ أغالطك
وهج اللون الفيك أعماني
وبس كيفن من تاني أميز
بين ألوانك وبين ألواني
وإنتي اللوحة وإنتي الريشة
وإنتي المنظر فيك رباني
لا بيكاسو ولا دافنشي
بقدر يعيد زي رسمك تاني
وجد غلطان لو كان غالطتك
وحتى اللون الفيك هدّاني


ـــــــــــــــــــ

الأستاذة/ داليا الياس

أنا وإنت والمطرة

أنا وإنت والمطرة
إحساس جميل والشوق
في جملة مستترة
والذكرى والنسيان
والحرب مستعرة
ما كان زمان الريد
حرفين على شجرة
تلويحة من الإيد
ملهوفة بس خضراء
وخطاب يجيك مدسوس
بتحيتو العطرة
وحبيبة مارقة قريب
لى درس أو مرسال
وحبيبها منتظرا
واقف على الدكان
من ستة لي عشرة
ما مهم وقافو يطول
لكن مهم عطرا
يمكن تجيبو الريح
زي ريحة المطرة
يدخل مع الأنفاس
يدي القليب خبرا
إنشاء الله ديمة تكون
بي خيرو منتظرة
علي عهدها المحفوظ
مهما يطول صبرا
ما كان زمان الريد
قصة وعجيب أمرها
ودخول من الأبواب
بي سكة مختصرة
ولازم دروب الريد
تمشيها لو وعرة
لو حتى عز الليل
يوم صبت المطرة
وبقينا بس في الكون
أنا وإنت والقمرة
ـــــــــــــــــ

المبدع/ عبد الله التوم المصباح

أريت الدنيا تروق
وترجّع ليَ هنايا
ويحس بي مخلوق
حبيتها من جوايا
رويتَ كاس الريت
كبيتَ في كباية
سقيتَ منا شرب
عقبان سكر في هوايا
وأدانى من حنه
حفيرة فوكة دواية
قال ليَ ليهو سنين
عشمانه فيك بحضاية
بشتاق كتير بالليل
شوق الصغير رضعاية
لكن ختر سفل
وإتناسى ريدا معايا
وقال القرش رضاي
ختاهو فوق لي هوايا
وإختار برايَ حبيب
وقلاني كيف حباية
وأنا رحت في الرجلين
دايسنّي بالوطاية
خلاني زي الزي
شايل عصا ومخلاية
ضاربّها البلدان
كان يلقى بس لقماية

ـــــــــــــ
محتفلة بيك روحي
شايلاك بشارة فال
يا أغلى من الروح
أشواقي ليك تنهال

عمر الربيع أزهار
تحكي الفراشة نضار
لو السنين فاتت
من غيرك إنتي ودار

كل العمر ممحوق
لو مرة جافيتي
طبع القلوب الريد
والدهشة يوم جيتي

نستنشق الريحان
وألقاك غنا وتحنان
يوم الفراشة تحوم
في حقلك النديان

تخضر بيك آمال
نعبر صعب ومحال
يضحك نسيم ريدك
ويفتح هواكي مجال

لو مرة نتناجى
بين الغرام والريد
يغمرني تحنانك
وألقاكي زي العيد

نبني السعادة قصور
يا صافية زي بلور
يا مطلع الأشعار
أنا بيكي جد مسحور

عشم المودة تدوم
وتزيد مع الأيام
تشرق شموس الحب
وألقاكي قيف أحلام

تطلع أحاسيسك
ريدة ومحبة ودين
توب العفاف لابسك
مهراً جموع ورزين

بكرة السنين تجمع
يوم ترحل الأحزان
نتلاقى في واديك
ونشوف شعور فنان
ــــــــــــــــــــــــ

أعاين في الغيوم ألقاك
محلّق في سماي عصفور
زخّات حلوة من مطرة
وفراشة مع الصباح بتدور
أنا الخليت مداين الشوق
وبقيت في عشك المأمور
كلام حدثني بيه قلبي
وكتّر في المحنة إمور
سألت الساقية ما ردت
تاهت رجلي في العتمور
شغلت فؤاديبي ريدك
وإنت أتاري عندك إمور
بقيت على عمري إتأسف
عشان فوقك حرقت بخور
حنانك أضوي بيو عمري
وإنت مشاعري عندك زور
ـــــــــــــــــــــــ
في الكلام ودّينا جبنا
وجابو سيرتك فيها دبنا
ومن سماع إسمك طربنا
وشفنا صورتك نحنا طبنا

إنت يا سحر البيادر
إنت يا وهج البنادر
ما تغادر وأبقى بادر
ونحنا آه الشوق غلبنا

كل لحظة نقول حليلك
لو تفوت برضو بنجيلك
وإنت فوق راسنا بنشيلك
وفي عيونّا وفي قلبنا

يا جميل أخلاق وخلقة
ما أظن زيك بنلقى
وما بنسيبك مهما نشقى
ومهما تقسى تسيب دربنا

ويا مراجيح السعادة
أصلو حبك فينا عادة
كل يوم زايد زيادة
حتى لو طوّلنا غبنا

فيصل يعقوب
ـــــــــــــــــــــــ



.

[شجن البورت]

ـــــــــــــــــــــــ

معقول نمش من غير وداع
لو كنت قادر تحتمل .. أنا صبري ضاع
شديت خيول الكلمة ليك
سافرت ليك من غير متاع
والزاد شجون ...
واللوعة في ليل البعاد
وأحشد مسادير الغنا
يا نجمة في ليل السهاد
بتضوي لي عتمة دروب
بحبس مشاعري معاك عناد
حتى الصدود يرحل يفوت
يبقى التواصل أسمى زاد
نمشي المشاويرفي الغرام
وتكوني آخر شهرزاد
والليل يغالط في النجوم
ويشع هناك بدرك تمام
يدهش دموع الحاضرين
طيفك يدغدغ في المنام
يا راقية يا كل الأنام
فوق الضفاف وردك يفوح
ينشر عبيرك والسلام

غنيتي شفت الليل رقص
فتحتيروح المهرجان
يا رايعة يا عشق الصباح
أنا جاي ليك دافر الظروف
لابس غرامك بس وشاح
بسأل عليك حتى النجوم
وألقاكي في الأعماق براح
بتونسي الليل والقمر
برتاحو في عبق الصباح

وشك صبوح يظهر عنادك وهيبتك
يا زولة يا فرسي الجموح
معقول نكون بنحب بعض
نبكي الغرام وكتين يروح
نتوسّد الشقا والألم
نحزن مع الليل يوت ننوح
كل الوداد ماضي ورحل
أضناه في دربك جموح
سافر مع البين وإرتحل
وأنا في هواك مجبور أصل
خايف أساهر بي وراك
وألقى النجم شع وأفل
وإرتد ليك شوق في الشروق
ليك يا عواصم أحلى شوق
يرحل مع الغيم والدعاش
قصة هواك إحساس وذوق
لو مرة وترك يوم عزف
طوالي نغمك في العروق

بهواكي في عمق الضجيج
وهواكي في قلبي السكون
دة الريد بيظهر في العيون
عانيت وراك نار البعاد
حرقتني نيران الشجون
وأنا لسة بتعذب معاك
نارك هي في الأعماق تكون
واللوعة والهم والجنون
بنشر عبيرك والسلام
ـــــــــــــــــــ
كل صباح بتقابل ناسك
بالبسمات ونسايم الفرحة
تفضل تغزل من إحساسك
غنوة جديدة وحاجات سمحة
بتلاقينا بشوش يا رايع
ونلاقيك بقلوب منشرحة
وأهلاً بكرة .....
وأجمل حاجة كمان متفائل
ودايماً ضاحك في وش غيرك
لا همّاك الحال المايل
ولا برتاح في هجيرو ضميرك
شايل الإلفة ورود وخمايل
كل ذبول ما كتر خيرك
وأهلاً بكرة .......

ـــــــــــــــــــــــــ
لمحتك زي شمس شارقة
وحسيت روحي متسارقة
ويفوت عمري ولا يبقى
أصلو معايا ما فارقة
عشقتك قلبي زاد نبضو
فرح الكون معاي برضو
شبيهك أصلو ما بلقو
وعيونك ديل سهام حارقة
رجعتيني للأفراح
بعد العتمة شفت صباح
يمكن أدوب أنا وارتاح
وكل حواسي فيك غارقة
أنا المن نظرة حبيتك
وجاري وراء السراب
إتلفتَ ما لقيتك
سكبتَ دموع دموع حارقة
معاك قلبي السرقتيهو
حافظي عليهو وأرعيهو
ومن الريدة أرويهو
وأبقي حنينة يا سارقة



فيصل يعقوب
ــــــــــــــــــــ
سرسار شوق

المبدع/ عزمي أحمد حمد

بعد تمشى الحبيبه تفوت
بتطلع فى القلب آهه
وتنزل زى فحيح النار
وتفتح تانى مجراها
تدفق فينى سرسار شوق
وتطلع منى كم آهه
حبيبتى كما الشمس تطلع
محل تشرق تكون ياها
وعادله كما الوطن وأكتر
بتجرى دموعا جواها
هى فاتت ولسه فينى معاى.!
نفس مندسّى فى الشريان
تفاصيل لى بلد تانى
عوالم لسه ما إنزاحت
مدفقه فينى شوق وحنان
لقيتا بعد تعب طول
لقيتا بعد سنين أحزان
هى فاتت ولسه فينى حضور.!
موقعه فى محله زمان
فتحتها شان تكون ليها
وخشت فيها بالأحضان
دفق صوتا الحنين قال لى
بحبك ولسه فينى كمان
شعارات لسه ما انكشفت
وكانت فى الحقيقه إنسان
ملك فينى الدواخل شوق
سكن فينى وسكنت زمان
محل كل الصدق ساكن
محل كنا وطوانى زمان
هى فاتت ولسه فينى تحوم.!
محل تنزل بتشلع ضو
وتتمايل فرع نديان
وكل الناس معاها تسو
وتبقى المشيه سيره عديل
زغاريد من قلب مشتاق
وكم دلوكه ضاربه الجو
أبشر زيى زى الناس
وأجيها بعد سفر ممكون
أشيل من السبيب شبال
واسافر فى أعزّ عيون
سفر دون سكه لا مشوار
وأصل بى نظره للمضمون
ونصبح فى جسد واحد
ولو جاز فى الحقيقه نكون
أنا إياها روح واحده
موحّده فى الشعور واللون
هى فاتت ولسه فينى الشوق.!
على الزمن القضينا زمان
على كل التواصل داك
على الفرح الصبح أحزان
وفاتت ولسه ما فته
ولا جرحى القديم جفه
ولا لاقيتا شان أرتاح
ولا كان المعاد صدفه
هى كانت لى كتاب مفتوح.!
وكانت ريده بى عرفه
وفاتت ولسه راجيها
ولا وجعى الزمان خفه
هى كانت غيمه ما بتنساق.!
وفاتت وفضلت اللهفه
حليلو زمن جميل عدّا
زمن بلقاها مشتاقه
زمن لامن بغيب تسرح
وتنزل دمعه حراقه
تهدهد خاطرا الزعلان
تبلل حبه أشواقه
دى ريده ولسه ما كملت
بتضحك من زمن عاقه
فتر حتى الطريق والشوق
واخيراً ها الزمن ساقا
فضلت كما القتيل مذبوح
وكايس برضو نتلاقى




المبدع/ عزمي أحمد حمد

شكراً علي كل الحضور
جوانا بي رغم الغياب
شكراً جزيلا قلت ليك
دكت بيوتننا الخراب
أنا قد أكون لوحة بيك
يا قصة الفكر الصواب
ما كلو إحساس مني ليك
تقدر تشيلو المفردات
إمكن أكون قلت القليل
إلا الكتير قالو السكات




.

[شجن البورت]

الإعلامي عبد الوهاب الخليفة

سبت الشوق يتعود همسك
ويضوي غنانا الحالم أنسك
والأحلام في قربك تبقى
لما صباحا تزينو شمسك
وين الليلة مشيت خليتو
زول جواهو كان بيدسك
ما راعيت أيام الإلفة
وهان الشوق الكان بيجيبك
غير قلبك سكة ريدنا
وفت بعيد خليتو حبيبك
وخنت القلب الكم أوفالك
وما برضالك آهة تصيبك
وسبت الشوق يتعود همسك
ونحنا الليلة وراك فاقدنك
نضوي الليل في غربة ووحشة
ورغم جفاك بالجد راجنك
مرة تجيبك لهفة شوقك
وتخشى دروب أحباب رايدنك
إلاّ الفات ما أظنو بيرجع
وترجع تاني في يوم ما أظنك

ـــــــــــ

نجيماتك ملاذي هناك
وشوق أفراحي في الغربة
ونثر البهجة للأحلام
وكت تبقى الدروب صعبة
نجيماتك مناجاتي
ولهفة خاطري للغنوات
ألوليهن في ليل بعدك
وأسويلن كمان حجوات
وفيهن أشوف خطاوي هَناي
مواكب بالفرح جايات
نجيماتك ملاذي هناك
نجيماتك مضارب شوق
قوافلي عليها ماشة دوام
وتهديها الحنين غيمات
مواسم خير تفيض أنغام
وتتوهج حروفي تقيد
مشاعل ترسم الأحلام
وتصبح في البعاد مرسال
وليك تشيل حجايا سلام


ـــــــــــــــــــــ
الأستاذ/ عثمان أحمد سعيد

أنا عندي زولة بحبها
أجمل جمال عين طلتو
منسوجة من ألق الصباح
مسقية وردة ووردتو
تحتار مع النسمة النجوم
دي الغيمة ام ديك طرحتو
ويا ربي إيه وهج الشموس
لو ما بكون من بسمتو
وإيه يعني لمعات السناء
لمعة سنا هي الحتتو
وتقولو يا قمر إتكي
وتقعد عديل في حتتو
وبحبها حباً بلوص
فيهو الزمن ...
بين إبتسامة ودمعتو
يدخلبها الشوق السما
يمرقبها السما حقتو
بس دايرة قلبي يكون أسير
وأنا قلبي حر في جنتو
لا برضى بي أغلال حرير
سكك الهوان ما سكتو
لا بنكسر بي جبرتها
ولا يوم بتنقص عزتو
دايراني ألحق ناس جميل
يتحكو بي زي قصتو
إنتي بتعيشي ورود هواك
وأنا أبقى قيس في قصتو
مسكينة !! أنا ما زول كدة
بشنق هواي في دمعتو
يا الحب يكون بي كبرياء
يا حب شنو البي ذلتو

وأنا جني جن الزول تريدو
يدس عليك معزتو
ترفعلو إيدك بالسلام
يعمل تقيل في لفتتو
أنا يا عديل بتحبني
يا كل زول في سكتو
وأنا جني جن حباً يهين
الزول ويدلق دمعتو
لا قيس وليلى ولا كثير
لا جميل وبثينتو
ديل مرمطوا الحب في التراب
وسقوهو كاساً ملتو
خلوا الهوى والكبرياء
بالذلة مقصة تفتتو


ـــــــــــــــــ

محمد الباشا

والله الشوق اللعثم حرفي
صالت وجالت فيني فصاحتو
يحي العشق الخالد ليكي
وجرحاً فيني بعادك ناحتو
يكفي أزور بروفايلك وأقرأ
نبض أزرارك في كل ساعتو
وأطلع حتى بدون ما أكتب
شوق العمر الماخد راحتو
حتي بدون ما أعمل لايك
أو إستنى كتير فى واحتو

ـــــــــــــــ

شنو البرضيك ؟؟؟
شنو الفي الدنيا بملأ عليكَ عينيكَ ؟؟؟
شنو القصّرّتَ فيهو معاك
عشان تزعل ...
تشمّت فيني عزّالي ومريديكَ
وشنو الناقصني يا مغرور
شنو الزايدك ؟؟؟
من ناس ديل وناس ديكَ
شنو الجابك ؟؟؟
تدقدق باب مراضاتي
وتفتّح لي شبابيكا
وشنو الوداك تتشبّك
وتغرق لي أعاليكَ
وعارف إنو ما ممكن
تكون ليَّ وأكون ليكَ
شنو الخلاك تبراني
وتنسج لي أحاجيكَ
جميل قولك ولا فعلك
في يوم سارت خطاويكَ
تأكد إني ما لايماك
ولا برغب أعاديكَ
ولا محتاجة أنضم فيك
ولا بي قولي بأذيكَ
ولملم حيل جفاك منّي
حتحت منّي باقيكَ
وقدر حكم القدر يفرض
تلاقيني وألاقيكَ
وقدر صوت الحنان يطرب
يسوق خطاوتي غصباً لي بواديكَ
وقدر عنفك يشتت روعتي
ويحتال عليها عشان تواليكَ
وقدر سخَطك علي دايماً
يسهل ليّ نهاية كل ما فيكَ

ـــــــــــــ

يا واقفة في نفس الكلام
حامياه يطلع إلاّ ليك
أغريتي عمري ودهشتي
توهتي روحي وذاتي فيك
يا واقفة في باب الشعور
في هدأة القلب الفسيح
في مدخل إحساسي النبيل
جواه في حضنو المريح
أنا ما بكمل روعتك
مهما أبالغ في المديح
إنتي الهوى الملك الفؤاد
فيكي الجمال باين صريح
أشعاري ما بتقفل عليك
من فتنة .. إحساس أو دلال
من أدبك الباين رفيع
ورزانتك الكاسياك جمال
كلك بديعة ولو علي
أتمنى يجمعنا الوصال
تفرح قلوبنا وتنسجم
بعد الفراق والهجر طال
أصلك نسجتي محنتك
وعمرو القلب ما راد سواك
والله من حبو وهيامو
تلقي ديمة يهيم وراك
لو جرتي في الريد والهوى
لو بعتي ما ببيع هواك
كل همويبقالك قريب
وين ما تكون هو يكون معاك

ـــــــــــ

.

[شجن البورت]

من رواااائع الأستاذ/ عمر محي الدين

التي تذكرني بأغنية لم أحفظها للفنان الجميل محمود تاور ولم أحفظ كلماتها
ولكن نفس إيقاع القصيدة


منو الهسي بقسى
علي الزول البريدو
.
.
.
.
.
خسارة الغرام
البذل حتى سيدو

.
.
.
عمر محي الدين


شنو الطراك لينا ؟؟
بعد طال الغياب
شنو الذكّر عواطفك ؟؟
وجيت تبدأ العتاب
نسيت أجمل سنين
تركت وراك عذاب

أريتك تبقى صادق
وتقدر توفي وعدك
براي بحمل أسايا
وبقدر أغالبو بعدك
عرفت فراق حبيبك
متين تلقاهو قربك
سمعت براك عزيز
بيسأل في المجافي
زمان ما كنت وافي
بريدك وقلبي صافي
وكنت وكت أتوه
بلاقي معاك مرافئ

أريتك إنت تعرف
مشاعر زول بحب
عواطفو تفيض محبة
شفوق وحنين وصب
بسلم ليك قلبو
ويبادلك إنت حب

أريتك تبقى صادق
وتقدر توفي وعدك
براي بحمل أسايَ
وبقدر أغالبو بعدك
عرفت فراق حبيبك
متين تلقاهو جمبك
سمعت براك عزيز
بيسأل في المجافي
زمان ما كنت وافي
بريدك وقلبي صافي
وكنت وكت أتوه
بلاقي معاك مرافي


معاك أصدق سنين
قضيتا نضيرة زاهية
ومشيت أطول دروب
معاي ذكراها وافية
تصدق في عوازلك
معاي ذكراك باقية

وأريتك كنت تعرف
مشاعر زول بحب
عواطفو تفيض محبة
شفوق وحنين وصب
يسلم ليك قلبو
ويبادلك إنت حب


متين ألقى الأماني
ضفافا معاكي راسية
متين تعطف سنيني
وتصبح لي مواسية
ويبقى شفاي في رشفة
ترد الروح وعافية

وأريتك إنت تعرف
مشاعر زول بحب
عواطفو تفيض محبة
شفوق وحنين وصب
يسلم ليك قلبو
ويبادلك إنت حب

[شجن البورت]

ومن الحلقات التي لا تنسى
حلقة الأم وحلقة
ورديات الراحل وردي "حلقة مثلث الإبداع "الأساتذة الإعلاميين عمر محي الدين ولقمان حسن همام وسعد الدين حسن للراحل وردي"

http://www.adalhaj.com/vb/showthread.php?t=2938&page=3


http://adalhaj.com/vb/attachment.php?attachmentid=93&d=1333296822

http://adalhaj.com/vb/attachment.php?attachmentid=94&d=1333300029

.

[شجن البورت]

أجمل ونادر الأغنيات على سهر القوافي



أغنية القرار للطيب مدثر

http://www.youtube.com/watch?v=XtjZa2FYiqc

*************************

جاني هاتف في المنام
"الأستاذ/ أبو عركي البخيت"

جاني هاتف في المنام

قال ليَ أكتب عن عيونك
صحيت لقيت ....
دواية في يدي اليمين
والريشة معطونة بحبر
مليان كلام .. كلام تمام
تمام .. تمام .. تمام
وكتبتو في الورق الكبار
طلعت قصيدة بتشبهك
الخالق الناطق تمام
غنيتها في وسط الصغار
حلّوا المسائل ...
في المدارس في إهتمام
غنيتها للناس الكبار
ضحكوا بوقار ....
وقالوا ليَ إنتي حددتي المسار
غنيتها للوطن الحزين .. والمحرومين
قالوا المعارك لازم تتحسم بالجد
(وتضحك عيون العابسين)

http://www.youtube.com/watch?v=3uA0ULGchQM

*******************

الحلنقي وعادل مسلم

أنا شفت العسجد بعيوني
لو أبكي سنين ما تلوموني
غتنازل عن لونو الأصفر
وإختار اللون الليموني

رحت الصبحية على المرمر
عن خضرة عسجد أستفسر
قال لي حرام ليه تتحسر
ما الأبيض عندك والأسمر
كل الألوان ما بين إيديك
يا الشاغل قلبك بالأسمر
خلوني وحاتكم خلوني
أسرح في اللون الليموني

سافرت سألت ملوك الكون
كيف يبقى العسجد أخضر لون
قام رد علي يا داب شيبون
الكون مليان آهات وشجون
قال العسجد فاتنا زمان
وإختار الخضرة الفي الليمون
مهما الأيام يتحدوني
ما عايز غير الليموني

يقال ان الشاعر الحلنقي في احتفال به في مدينة كسلا ، اتته فتاة صغيرة لتقلده الوشاح
وكانت غاية في الجمال ولونها لا اصفر ولا احمر ما معروف شنو لكنه في نظر الحلنقي ليموني
فسالها عن اسمها فاجابته عسجد ( وهو من اسماء الذهب ) والكل يعلم ان الذهب لونه اصفر لكن هذه العسجد الفتاة لونها ليموني .
فقال :
لو ابكي سنين ما تلوموني
انا شفته العسجد بي عيوني
اتخلي عن اللون الاصفر
واختار اللون الليموني

وكان بقربه الفاتح حمتو
فرد له قائلا:
العسجد وكيفن توليفوا
سارح بتلون علي كيفوا
لو عندي كلام اقدر اضيفوا
كل الالوان الوان طيفوا
***
العسجد لو دقة قديمة
ما كان غالي وذايد قيمة
انا ليهو بشيل الشوق ديمة
وبعرش بي فوق الريد غيمة
وخلوهو العسجد وخلوني
انحاز للون الليموني



****************************
الأغنية الروعة
وضاح المحيا

الجميل الساده وضاح المحيا
التفت يوم شفتو ما قبلان تحيه
من دلالو ولا مالو خلى نيران قلبى حيه
إبتسامة الزول بتنبع من شعورو
كيف تزعل لو تعبر عن سرورو
و البقابلك يبتسم ليك من ضميرو
لو سمحت تجاملو بمجرد تحية
كان أمل تفرحنى منك إبتسامة
إبتسامتك حلوة بتزيدك وسامة
العيون تتلاقى و يتم إنسجامه
وكل واحد يحى فى لحظات هنيه
فى الحقيقة الناس تقابل الناس و تمضى
والبقابلك يبتسم ليك بسمة ترضى
يترك آثار جوه قلبك ما بتمضى
وتبقى شمعة ذكرى ديمه عليها حيه



عوض جبريل - أبو عركي البخيت
**********************


كلمات الخاتم عبد الله
ألحان يوسف السماني
غناء الصوت الجميل/ أحمد شاويش


لما الظروف تفرض علينا
الفرقة والنوح والشتات
والزهرة تذبل
والأرض عز الربيع
تصبح موات
والفرحة ترحل للبعيد
وأحلامنا تصبح ذكريات
الحسرة بتغطي العيون
وتوشح الكون بالسواد
والنسمة في الأنفاس تروح
والرؤية تغرق في الرماد
نعش الأمل يرحل يتوه
والدنيا تمعن في الحداد
ـــــــــــــــــ
**********************


ما سلامك

مجذوب آونسة - عزمي أحمد خليل - ود الحاوي

جينا بعد الفرقة نسأل جينا نلقي محنة عندك
نحكي ليك عن ليل شقانا وعن متاهات نجمو بعدك
نحنا سالمناك بطيبة ياما بكي عيونا ردك
ليه زمان أديتنا ريدة وجيت تنا تاني ودك
وقلبنا الجرحت خاطرو برضو ما قادر ملامك

ما سلامك دا ماسلامك
ولا الكلام الكان زمان هسي كلامك
برضو يعني نويت تسيبنا إنت برضو ياحبيبنا
في الخريف تحرم غمامك

كنا قايلين بي ورانا تبقي زينا طاري ديمة
كنا قايلين نحنا عندك في عيونك لينا قيمة
قلنا تتلقانا إنت زي زهور تحضن نسيما
إلا ريدك تاري روح عدي فات زي كل غيمة
جينا ليك بإبتسامة إلا ما لقينا ابتسامك


جينا شايلين ليك فرحنا كان عشمنا تزيدو حبة
تطرا ناس فاقدين عيونك بي وراك ماخلو غربة
قلنا ننسي تعب سفرنا ما الليالي معاك أحب
جينا ما لقينا في عيونك ذكري ساكت للمحبة
شلنا شوقنا رجعنا بيهو وما ندمنا علي سلامك

http://www.youtube.com/watch?v=ZkokkAT_fUY
ــــــــــــــــــــ


ــــــــــ

مطر الشجون – مجذوب آونسة
http://www.youtube.com/watch?v=EpE5Xm7DQEshttp://



دفقت مويتي على الرهاب
الشاعرة/ سعادة عبد الرحمن والفنان إبراهيم خوجلي
http://www.youtube.com/watch?v=rr6IMC-KleY

*************************

زاد السفر يا غالية كان
كلمة وداعك ليا في ساعة الرحيل
كلمة وداعك كفكفت دمعات أساي
خلتني أنسي تعب شقاي
وأسرح مع الحلم الجميل

ورحلت يا حلمي الجميل
لاكنت باكي كسير جناح
ولا حتي دمعاتي بتسيل
ما كنت عاد يا قساي
شايل بسيمتك شمعة
في الدرب الطويل

ما كنت زي ما قلت لي
بلقاكي ما بين
كل خطوة ...
وكل لمحة ...
وكل لفتة زول جميل
في كل شتلة علي الضفاف
حاضنة الجروف ساقيها نيل
في سندس الوادي المسافر
زرعوهو رحلة علي السهول
في كل غيمة خير تطير
تصب ظلالا علي الشتول
والقاكي في سرب الظبا
الراجع مراحو مع الاصيل

والله يا حلمي الجميل
كانت حروفك زي عيوني
وزادي في السفر الطويل
كانت نغم طمبور يداوي
الوجعة في ليل الجراح
كانت حروف دوباي تشق
صمت الجروف قبل الصباح
وانا حالي يا ست السماح
حال عندليب خلص مواسم هجرتو
يا حليلو كان مكسور جناح
لاكنو يا ضي الصباح
لا داوي بالغربة الجرح ولا استراح!!


********************محمد الشمباني

قايلك أمين
كلمات الشاعر/ مصطفى ود المامور
أداء وألحان الفنان/ فضل أيوب

http://www.youtube.com/watch?v=jJM9mFxEBnA

http://www.youtube.com/watch?v=jJM9mFxEBnA

[شجن البورت]

مصيرا الدنيا يوم بتجور
ومصير أياما مرة تدور
تجرّع قلبك المغرور
شقى الأيام وحرماني
تسامر ليلك الخالي
وتزرف دمعك المحموم
تعيد الذكرى من تاني
وتراجع ماضي كلو غيوم
وتندم ؟ بعد إيه تندم ؟؟
خلاص قلبك حياتو عدم
وفرح أيامو كلو وهم
ونور دنياهو هم في هم
أنا الضميت هواك في حشاي
وكبدي الحرة وسدّتو
أنا الخليت عشانك كون
وفي العينين رضاك شلتو
وصنت صفا الوداد جواي
أريتك كنت يوم صنتو
طفيت الفرحة في عيني
بعد ما كنت إشعاعا
برعت بزيف تصور لي
سراب أمواجو خدّاعة
وخليت حالي حالاً زي
مراكب حطموا شراعا
وتأمّل كيف صبح بعدك
مصير أيام هواك ضاعا
لا دمع العين نفع عندك
ولا شفعت شفاة ضراعة
أريتك كنت من أول
كتمتو الكان خداع عني
أريت عينيك ما إرتاحت
ولا نامت علي جفني
ورعشة كفك النديان
تبلل بالدموع كفي
تصور لهفة الأشواق
تمثل ريدة في الأعماق
تعبّبر عن لهيب حرّاق
يضمنا في حنان دفاق
أماني أمسيات إشراق
على صدر المحنة عناق
لكن طبعك إنت سفور
ما بتعرف تراعي شعور
سادر حال غرامك جور
وناكر بالمودة كفور
في مسرح هواك بتدور
كأنك تحفة من بلور
تواصل دور وتنفر دور
وتلعب بالمشاعر دور
ممثل رايع التعبير
حقيقة ومافي ليك نظير
لأنّو خيالك المخمور
أسير لظنون تحوم وتدور
داخل قلبك المغرور
مصيرك تلقى يوم هجران
تضوق اللوعة والحرمان
تضم الحسرة والأحزان
تقاسي من العذاب ألوان
وتبكي الفات زمان والكان
وتندم عليهو من تاني
وتصبح إنت مجني عليك
بعد ما كنت يوم جاني
بتعرف ؟ لو بتعرف كيف ؟؟
شقا الأيام وحرماني
سهاد الليل وأشجاني
ضنا الآلام وأحزاني

******************

الشاعرة/ هند أبو العزايم
من وعدك طرح شوقي
مزيج ألوان فرايحية
بقيت أحلم سناك مطر
حنين في ليلة قمرية
عليك عينيك وبسماتك
متين جياتك المنية
راجية النور وغيماتك
ودنيا ملانة حنية

برد حيل الدروب والخوف
سرق من خاطري غنية
وغيم الهم لبس أخضر
فرش أحلامو وردية
صبح مصلوب حلم باكر
على الفرح الأبى الجية

غريب زمنك خلف وعدك
وفات النيل مغاربية
ولا جابك حريق الشوق
ولا الذكرى الحزاينية
تعبت أسابق الملهوف
وأعود حاضن السراب منية
وغريب ما إتهد حلمي الفيك
ولا ملّت خطاي دربك
فرح غرقان أبى الجية


*************
*************

مرقت من إحتمال صدك
سرقت من الأمل لحظات
ندهني غناي في صمتك
قلدني الخاطر البرجاك
وما بين إحتمال نظرة
زرعت الصحراء بالآمال
دخلت على الفرح سرقة
وطلعت من الحزن أميال
سكنت الشوق وما لقيتك
حضنت الدمعة والحسرات
وناديتك فتر حسي
ترجّع ماضي عمري الفات
لا قصيت سفر دربك
ولا إتلاقينا في عنوان
حنيني البي كسر حنك
عناوينك بقت أوهام
أقيف ما بين حلم بكرة
ولهفة ريدنا للآخر
أعدل المال من السكة
وأجبر كسرة الخاطر
وأسكن في عصب مسكون
ريد منّو الزمن حاير
وأقيف لحظة ...
***********************

أنا راجياك ...
في آخر خيط الدنيا الماشة ولابسة الخوف
والوجع الهد أكتاف الدمعة
ومال إتحكّر سكن الجوف
الروح الفاتت يوم ما غبت
ورجعت تاني تصارع الخوف
الهمسة البينّا وكانت لوحة
ألوانا إتماصت حرقت جوف
الذكرى الهبّت نار الريدة
وسكنت في جوايَ تطوف
واللشوق اللسة معاي ملهوف
أنا راجياك ...
في آخر ضو النجمة الواقفة
بين القمرة وحد الشوف
الشوق الفج العشق الأصبح
جد مجنون ...
الغنوة الماتت في جواي
الطيف الفي الأحلام مسجون
الفرح الساكن فيني إتهدهد
وصار مغبون ...
الحزن الفرهد مليون لون
أنا مسجون ...
القمر الشال من حزني شوية
وصار مخطوف ...
أنا راجياك في صمت الكون
في فرحة قلب إنسان محزون
في حروف الشوق المدت إيدا
ورسمت في جواك فنون
أنا راجياك ...
في فكرة راجع ...
تملأ الدنيا أفراح وسرور
أنا جواك من بدري وبسأل
كيف الدنيا بلاك تكون

************

ما قلناها ...
ومافي لزوم من تاني نعيدا
من ميلادنا كان متطابق
جين الحس الفي تكوينّا
ورابط أنا من ضلعك ببقى
وإنت مهجن كل خلية
ومن آمالنا رسمنا السكة
وبي أحلامنا كسينا القمرة
وكان آمالنا الضو في العتمة
وكان متوارد نبض الفكرة
وشكل إحساسنا بإننا واحد
باقي يقينّا ...
وكنّا نغني ...
ورجع صدانا بناجي الغيمة
وكان بتوسل فينا الخاطر
لحظة يبرق في خدينا
وفص الشوق أنصاص وموزّع
غرسو مفرهد في قلبينا
ولو كان ممكن ...
ضل النبقة يفارق غيمة
أو تتخلى الأرض الدايرة
عن خط سيرا
أو القمرة تخاصم ليلا
يبقى فراقنا يجوز .. وبيحصل
وجاي حقيقة
لكن بتخيل ...
إنو الروح حتباري خليلا
ويبقى الريد في قالب أسمى
وحقو حقيقة .. وما قلناها
مافي لزوم من تاني نعيدا
مصيرنا الريدة ...
وكونو نفارق .. مافي طريقة

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl23.gif

جانا القمر طل
لافح الغيوم طرحة
طرحة زفاف أبيض
متلفحة السمحة
وحوله النجوم وزيرات
شان تكتمل فرحة

والشوق حدانا حضور
مع زوجتو اللهفة
وصوت زول جميل بأثير
فنان زان الزفة
جاب سيل قوافي وفير
فاض حرك الدفة

وأنا وإنتو والأشواق
الزايدة منتظرين
وإحساسنا جوانا
وصبح الجميع حاضرين
بي خماسي وقوافي
أصبحنا فرحانين

وهسع مع الإصباح
مع طلة الأنوار
وذهب الشمس اللاح
ونفحة شذى الأزهار
وتغريد دواخل صاح
مع شقشقة أطيار
نتنفس الأفراح
باللحن والأشعار

شجن

http://i76.photobucket.com/albums/j13/ahmadziton/tajmeel/klam19.gif
صباح الورووووود
وروووعة السهر الموعوووود
صباح القواااااافي
والكلام الراقي داااااااافي
صباح الأنواااااااار
وللجمال أسراااااااااااااار

.
.
.

في نفس المكان والزمان هناكـ
كان اللقاء والوعد المنتظر
إمتطينا مراكب الأشواق
ورسينا على مرافئ الفرح
لنستريح على خمائل القوافي والألحان الوريفة
لنمتع بروووعة السهر الجميل من أجمل الورود
المختارة بألوانها المختلفة
وكان القمر حضووووووور
وألبس الغيم طرحة زفافه على وجه القمر الأبيض
وبعض النجيمات تزفه في موكب بهيج
والنسمات تصفق مع دندنه صوت جميل عبر أروع أثير
زفة فرح
وعودة فرح مهاجر
مع طلة العيد السعيد وعيدنا صبح عيدين
مع عووودة سهر القوافي
بعد الغياب
عوداً .. حميداً .. مستطاب
وكان الجمال حضور في كل الإختيارات
قوافي .. وتسجيلا لأغنيات جميلاااااااات
والشجن أيضاً حضور
ولكم ملخص الحلقة
ثم تأتي القوافي آجلاً

لكم خالص التحايا والود ***

http://i76.photobucket.com/albums/j13/ahmadziton/tajmeel/fawasl/fawasl23.gif


29/08/2012م

القوافي :
- يا سلااااااام لو أي زول
- بشوف الهم معاكـ قيل
- داير دواير
- دفقت مويتي على الرهاب – سعادة عبد الرحمن
- متاهة وتهت في شعبا
- القمرة
- ماهو عارف قدمو المفارق - الخليل
- لمغادرة الوليف – عبد القادر سليمان "صحيفة ألوان"

بأقلام :
- د. ياسر حسن عبد الله الحسن
- قصيدة للشاعر عبد القادر سليمان العطا "صحيفة ألوان"

أما أروع تسجيلات الأغنيات :
- لو بعدي بيرضيه – إبراهيم عوض والطاهر إبراهيم
- الوصية – وردي وإسماعيل حسن
- ألف أهلاً يا دموع – بن البادية
- حجبوهو من عيني – الكاشف مع عبيد عبد الرحمن وسرور
- حبيبي غاب – أبو داؤود
- أحلى البنات – عثمان حسين مع عثمان خالد
- عن خليل فرح
- إبراهيم عبد الجليل – ماهو عارف قدمو المفارق وبصوت الكــــــابلي
- "غربة ..و.. شجن" توقيع الختام مع زيدان


مع وعد قوافي الأسبوع القادم مع الشاعر الكردفاني دفع الله سعيد بخيت ومبدعين آخرين

ولنا عووودة بالقوافي .. بإذن الله

عاطر التحايا ***
http://i76.photobucket.com/albums/j13/ahmadziton/tajmeel/fawasl/fawasl11.gif

[معللتي]

يا سلاااااااااااااام يا شجون علي القوافي الجميلة

عوداً حميداً مستطاب

ماشاء الله كالعادة سرد ممتع لحلقة مميزة بعد غياب

يديك العافية شجون لكي الحب

[جلمبو]

كنا قايلين بي ورانا تبقي زينا طاري ديمة
كنا قايلين نحنا عندك في عيونك لينا قيمة
قلنا تتلقانا إنت زي زهور تحضن نسيما
إلا ريدك تاري روح عدي فات زي كل غيمة
جينا ليك بإبتسامة إلا ما لقينا ابتسامك

[شجن البورت]

يا سلاااااااااااااام يا شجون علي القوافي الجميلة

عوداً حميداً مستطاب

ماشاء الله كالعادة سرد ممتع لحلقة مميزة بعد غياب

يديك العافية شجون لكي الحب

يااااااا هلا وغلا ...

الغالية ** خلووووصة

منوووووووورة الفحة

بحضوركـ الأنيق ...

تسلمي يا رب

ولكي خالص التحايا والود ***





كنا قايلين بي ورانا تبقي زينا طاري ديمة
كنا قايلين نحنا عندك في عيونك لينا قيمة
قلنا تتلقانا إنت زي زهور تحضن نسيما
إلا ريدك تاري روح عدي فات زي كل غيمة
جينا ليك بإبتسامة إلا ما لقينا ابتسامك

يا سلام على إبتسام حضورك

الذي أضاء لنا المكان

المبدع ** جلمبو

يا هلا بييييييييك وبتواجدك


عاطر التحايا والتقدير ***

[شجن البورت]

يسعدنا مشاركتنا الإحتفال بالألفية الأولى بصفحتنا على الفيسبوك
والتي هي إمتداد لهذه الصفحة
ويسعدنا أن تشاركونا الإحتفال بالألفية الثانية التي قطعنا في مشوارها
122 خطوة لايكـ
ليصبح المعجبون على صفحة محبي سهر القوافي بالفيسبوك 1.122 محب

فالتحية والحب لهم من هنا

وألف تحايا وشكر وإمتنان للأخ المبدع خالد محمد

والذي يقوم مع الإشراف بالتصميم وإجراء التحديثات

لك منا خالص الإمتنان

http://t2.gstatic.com/images?q=tbn:ANd9GcRyDqLnSMQBATEb2nRgza-x19OOCB6xZqPXSTStbctV7CAEU_rg1cHmquKY

والتحية لنخبة المبدعين المنضمين لهذه الصفحة

نجوم شعراء سهر القوافي

الشاعر/ محمد الخير حامد عبد العزيز

الشاعر/ عبد الوهاب حسن الخليفة

الشاعر/ دفع الله سعيد بخيت

الشاعر/ أشرف طلبة

الاستاذ/ ضياء الحق الذي يقوم بالتسجيلات

وبقية المتذوقين للفن الراقي

حرفاً ونغما

على الرابط أدناه

http://www.facebook.com/pages/%D9%85%D8%AD%D8%A8%D9%8A-%D8%A8%D8%B1%D9%86%D8%A7%D9%85%D8%AC-%D8%B3%D9%87%D8%B1-%D8%A7%D9%84%D9%82%D9%88%D8%A7%D9%81%D9%8A/141975912556917



.
.
.


**********************

صفحة محبي سهر القوافي لا تتبع للبرنامج فهي محبي فقط

ولكن توجد صفحة خاصة بالبرنامج يشرف عليها الأستاذ محمد إبراهيم
ويتواجد بها مقدم البرنامج عمر محي الدين
وهي على الرابط أدناه
http://www.facebook.com/?ref=tn_tnmn#!/groups/104271766357741/

فالتحية لكل المتواجدين على الصفحة نجوم وأقمار وورود وأشجار


***********************************

حلقة العودة كاملة تسجيل بواسطة عمر البديري
.
.
.
هلا بمحي القوافي اليكم حلقة العودة من سهر القوافي كاملة (صرة في خيط) الاربعاء29.8
http://www.mediafire.com/file/ja1a8ij5m1jy25y/حلقة_العودة-سهر_القوافي_الاربعاء29.8.2012م.mp3

http://www.mediafire.com/file/dguz9e9fg2kg118/حلقة_العودة2-سهر_القوافي_الاربعاء29.8.2012م.mp3


.
.
.
.

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl13.gif

الشاعر/ د. ياسر حسن عبد الله الحسن ..

طبيب من مواليد مدينة ود مدني 17/12/1973م ،
تخرج في كلية الطب جامعة الخرطوم .
ماجستير التشريح البشري والأنسجة والأجنة كلية الطب 2004م ،
أستاذ متعاون بعدد من الجامعات .

طعم الضحكة البينّا أصالة
بسمة قمرة بترسم هالة
ولوح متكول في خلوة عتيقة
وراحة بال لأرواحنا رفيقة
شاي عصرية مع الأصحاب
وطعم الضحكة البينّا حقيقة
ومافي حقيقة بتبقى سراب

http://i76.photobucket.com/albums/j13/ahmadziton/tajmeel/fawasl/fawasl13.gif


يا سلام لو أي زول
يوم تضيق الدنيا بيهو
يقدر يلقى وسط همومو
زول حنين يسأل عليهو
زول تفتش ليهو روحك
لما تحتار تمشي ليهو
ولما تمرق من دواخلك
أو تضيع منك ملامحك
تبقى مارق شان تجيهو

زول بشيلك في ودارك
يبني بالحنية دارك
يوم تلهلب فيك نارك
يطفي جمرك بي إيديهو
ولو حصل ضاق بيك مكانك
أو زمانك مرة خانك
برضو يفتح ليك حتة
بين رموشو وبين عينيهو

تسوى إيه الدنيا ...
من غير زول يحبك
يبقى عايش في كيانك
شان يحرك ليك حسك
وتبقى مليان إنت بيهو
ويا سلاااااااااااام

وتسوى إيه الدنيا ...
من غير زول رفيقك
يمشي بيناتك ويسرع
شان يسهل ليك طريقك
ولو خلاص السكة صعبت
تلقى في دربك مشيهو
ويا سلام ............



http://i76.photobucket.com/albums/j13/ahmadziton/tajmeel/fawasl/fawasl13.gif

-بشوف الهم معاكـ قيّل
وإتلفح غطّاك بالليل
زمانك إتكى وميّل
وبرضك إنت شادّي الحيل
مطر أحزانك الشيّل
هطل عطّش سواقي النيل
حليلك والغروب ليّل
بفتش فيك إنت شليل

بشوفك راضي بالجاياك
وروحك لسة تواقة
غروبك لما عجّل وجاك
شموسك زادت إشراقا
عزيمتك ديمة ماشة معاك
وديمة السكة حراقة
وقدر ما تحرق الجواك
ملامحك تبقى براقة

لأنك معدنك صافي
وعايش بكرة بالنية
وشايل قلبك الوافي
تقسّم ريد وحنية
معذب والزمن جافي
وجواك روح فرايحية
وزيك مافي زول مافي
بشيل البسمة عفوية

وبشوووووووووف روحي فيها

بشوف الهم معاي قيّل
وإتلفح غطّاني بالليل
زماني الإتكى وميّل
وبرضي إنا لسة شادّة الحيل
مطر أحزاني دة الشيّل
هطل عطّش سواقي النيل
حليلي إنا والغروب ليّل
بفتش فيني ديمة شليل

بشوفني إنا راضية بالجاية
وروحي اللسة تواقة
غروبي اللما عجّل وجاء
شموسي إزدادت إشراقا
عزيمتي الديمة ماشة معاي
وديمة السكة حراقة
وقدر ما تحرق الجواي
ملامحي بتبقى براقة

لأني معدني صافي
وعايشة بكرة بالنية
وشايلة قليبي دة الوافي
بقسّم ريد وحنية
معذبة والزمن جافي
وجواك روح فرايحية
وزي إنا مافي زول مافي
بشيل البسمة عفوية


http://i76.photobucket.com/albums/j13/ahmadziton/tajmeel/fawasl/fawasl13.gif

-داير دواير ...
تمركز محيط التساؤل إجابة
تقرب خطوط التلاقي البعيدة
وتضحك دموع الضياع والكئآبة

داير دواير ...
تغير حياتي العصيبة
تشتت خطاوي الدروب المريبة
وتخفف ضغوط المعاناة الضريبة
وتحرر دواخلي وترفع عذابا

داير دواير ...
تشكل دليل المسافة
تطمن هواجس الظنون المخافة
تدوزن أنين المواجع رهافة
وتعاود صحاري الشقاوة السحابة

داير دواير ...
تداوي الحنايا المريضة
تحاصر جيوش الهموم الفريضة
تظلل جواي المساحة العريضة
وتسعني ومعاي الخطاوي التعابة



الحروف بتجيب حروف فذكرتني حوجة الإحساس هذه
قصيدة من أرشيف سهر القوافي :

كايس زولة تخش الخاطر

لخالد أحمد الحاج أو حسين عوض السيد



http://i76.photobucket.com/albums/j13/ahmadziton/tajmeel/fawasl/fawasl13.gif


دفقت مويتي على الرهاب
سعادة عبد الرحمن

الله على العمر الودر
دفقت مويتى على الرهاب
شقيش اقبل ما إنقفل
بينى ونعيم الدنيا باب
هو متين بديت مشوارى زاتو
متين كمل زاد الطريق
يا دوب بلملم فى خطاى
وإخترت لى دربى الرفيق
إتبدل الحال وا شقاى
ضاع حلمى ضاع قبال أفيق
ورجعت مكسور الجناح
ما إنبل لى فى الريدة ريق

*************
الله وكت زول تريد ريدتك ولا تعنيلو شى وتصارحو بالحرمان ويوت انت بتعاتبو وتختشى وتقصر المشوار تجى وتخاف من اللوم فى الوشى والسكه بيناتكم سراب درب المحال ما بنمشى
احى على العمر الودر ضيعتو بالاوهام سدى املت احيا معاك مودة ورحمة لى اخر ومدى وفرشت ليك


http://i76.photobucket.com/albums/j13/ahmadziton/tajmeel/fawasl/fawasl13.gif


متاهة وتهت في شعبا
وكيف أقدر أخليكي
مشاوير سكتي الصعبة
بترتاح يوم ألاقيكي
وتمرق روحي من تعبا
تقيل في بواديكي

وبشيلك في الزمن مسدار
أقابل بيكي يوم بكرة
أفكر وأبقى زي محتار
تحير قصتي الفكرة
غريق جوايا شبّت نار
حريق في بحيرة الذكرى

وكلي عليك هموم شبّت
أقولك وإنتي قايلاني
مشتت والرياح هبّت
مدفّق وإنتي شايلاني
مساحات بيكي إتعبّت
قدر ما أمشي طايلاني

http://i76.photobucket.com/albums/j13/ahmadziton/tajmeel/fawasl/fawasl13.gif

كما جاء على لسان الأستاذ/ عمر محي الدين مقدم سهر القوافي

في قاموس الأغنية السودانية وأغنية أمدرمان على وجه الخصوص التي تمثل كل السودان "مزيج ثقافي أدبي" بلد الجميع ومصب ومنبع الإبداع الثقافي في السودان ونمشي مع خليل فرح ، وعندما نتكلم عن خليل فرح نتكلم عن الأصالة المتناهية في كتابة المفردة السودانية بأشكالها المختلفة والمتنوعة ، وهو مولود في منطقة حلفا القديمة "دبروسة" قرأ وتعلم علومه الأولية وتعلم القرءآن الكريم ومعروف أن هذه المنطقة أتت بمحمد وردي وهي منطقة تداخل بين الحلفاويين والمحس ويتحدث سكانها بلهجة "الحلفاويين والمحس" .
وهو خليل فرح كاشف بدري محمد همد شلبي ، وهذا الإسم المسدس يرجع لنا أن خليل فرح أصوله تركية فجدهم مراد أغا فأتى العطساي كقائد عسكري أيام السلطان سليم في زمن الحكم المملوكي لمصر وبدري كاشف أتى بخليل فرح .. وكانوا ينطقون باللسان العربي الفصيح حتى جاء الخليل عام 1909م وتخرج عام 1914م منها ،

خليل فرح – ماهو عارف

وهي من أشهر أغنيات خليل فرح كتبها في القاهرة عندما ذهب لرحلة علاج ومن خلالها يظهر خليل فرح شوقاً كثيراً للسودان وأمدرمان ووديانها وشوارعها ولوصفه لحالة المرض "داء الصدر" وكان عنده إحساس أنه سيغادر الدنيا ولكنه كان يشتهي أنه يرى أمدرمان مرة ثانية ويمشي في "زقاقاتها" ومنتدياتها ويغني مع إبراهيم عبد الجليل الذي غنى فيما بعد هذه الأغنية .

ماهو عارف قدمه المفارق
يا محط آمالي السلام

في سموم الصيف لاح له بارق
لم يزل يرتاد المشارق
كان مع الأحباب نجمه شارق
ماله والأفلاك في الظلام

يا دهر أهوالك تسارق
منها كم كم شابت مفارق
ما علينا الفات كله فارق
رقنا ولا نعيد الملام

من حطامك أنا غصني وارق
في شن أبقيت للطوارق
غير قليبا في همومه غارق
ولسانا برده الكلام

ويح قلبي الما إنفك خافق
فارق أمدرمان باكي شافق
يا أم قبايلاً ما فيك منافق
سقي أرضك صوب الغمام

مسرح الغزلان في الحدايق
والشوارع الغر والمضايق
قو لي كيف أمسيت دمت رايق
ودام بهاك مشمول بالنظام

مجلس اللذات في النمارق
والترف لا زال وصفه خارق
ضاري حسك فاح جانا مارق
وله قاطعو الريح ما هو لام

في يمين النيل حيث سابق
كنا فوق أعراف السوابق
الضريح الفاح طيبه عابق
السلام يا المهدي الإمام

أين مني الودعته شاهق
باكي ناهد لسه مراهق
عيني ما بتشوف الا شاهق
أين وجه البدر التمام

أين مني الفي زهوره باسق
في شبابه نقي من مفاسق
بين ثيابه البيض المناسق
حولك اشبه رتل الحمام

يا بريد الجو فوقي حالق
ميل علي الروح ليها خالق
عدت سالم قول وأنت عالق
مقرن النيلين كيلو كام

الحبايب لفتوا الخلايق
بيني وبينهم قطعوا العلايق
إن دلال ان تيه كله لا يق
نحن ما مجينا الخصام

يا جميل يا نور الشقايق
أملأ كأسك وأصبر دقايق
مجلسك مفهوم شوفه رايق
عقده ناقص زول ولا تام

من فتيح للخور للمغالق
من علايل أبروف للمزالق
قدله يا مولاي حافي حالق
بالطريق الشاقه الترام

يا بلادي كم فيك حاذق
غير الهك ما أم رازق
من شعاره دخول المأزق
يتفاني وشرفك تمام

ما يئسنا الخير عوده سايق
الحي يعود إن أتي دونه عايق
الي يوم اللقا وإنت رايق
السلام يا وطني السلام




الكابلي – ماهو عارف

http://www.youtube.com/watch?v=n6-LJxT87o0


http://i76.photobucket.com/albums/j13/ahmadziton/tajmeel/fawasl/fawasl13.gif


لمغادرة دار الوليف
عبد القادر سليمان العطا
"صحيفة ألوان"

بمغادرة دار الوليف
جفت المدينة شوارعا
صخبا المجلجل أضحى زيف
وإهتز شارع النيل بكى
دوحو المضللو كان وريف
هجرت عصافيرو الغصون
خلت فروعو حراز خريف
ذبلت ورود خضرة ضفاف
وإتبدل التغريد حفيف
والنيل في مجراه إنحسر
وإتجزر المد العنيف

ورحل الدعاش مسرع وراه
وودع مساراتنا الخريف
وإتوحدت باقي الفصول
صارت شباب وجفاف وصيف
كل الصباحات أغفلت
حزن الأماسي صبح حليف
والدنيا غامت وأظلمت
شكل الديار أصبح مخيف
وأنا حالي زي طرفة ولبيد
كل يوم علي الأطلال أقيف
أتملى في رسم الديار
وأشرق من الدمع النزيف
لا مت من حرقة أساي
لا عرفت طعم العيشة كيف
صابر أكابد في الصعاب
أغالب الحزن الشفيف
وإتوشح الأمل البهل
وسط الخطوب إتجلى سيف
لا تهد عزيمتو النائمات
لا ينكسر حدو الرهيف
إنشاء الله يوم ...
ما ينكسر حدو الرهيف

http://i76.photobucket.com/albums/j13/ahmadziton/tajmeel/fawasl/fawasl13.gif

[شجن البورت]

الجرح الأبيض - بن البادية

http://www.youtube.com/watch?v=ruRe5f1vOT4


***************************

وصية وردي وإسماعيل حسن

http://www.youtube.com/watch?v=xtXfZMYLhpU

[λβoѕнєгOġ]

width=600 height=350

[شجن البورت]

o
o



http://i76.photobucket.com/albums/j13/ahmadziton/tajmeel/fawasl/fawasl43.gif

في صباحاتنا الندية
o يلا نتنسم قوافي
o يلا نستنشق عبيرا
o وعطر إحساسا الخرافي
o في الدخول تتحس باردة
o وجوة ببقى إحساسا دااافي

صباحاتكم خير وجمال
صباحاتكم ورود خير فال
صباحالتكم فرح هطال
.
.
.
http://i76.photobucket.com/albums/j13/ahmadziton/tajmeel/fawasl/fawasl100.gif


كالعادة كان موعدنا مع أجمل سهر
سهر القوافي
سافرنا عبر الخاطر والوجدان
في سكون ليلة جميلة
كنا في رحلة مسافريها بلا عد
لأنكم أنتم
ربانها واحد
أجانا بصوته الرخيم
عبر أثير دافئ
سمارها الحرف والوتر
أجمل الأغنيات وأروع الأبيات
مدوزنة قافية ونغم
عبر ساعتان من عمر ليلة الأربعاء
05/09/2012م

http://i76.photobucket.com/albums/j13/ahmadziton/tajmeel/fawasl/fawasl100.gif


فكانت تلك الحروف بأقلام مبدعة للأساتذة للشعراء :

- دفع الله سعيد بخيت
- عبد القادر سليمان العطا
- محمد ميرغني
- عباس محمد عباس شيبة
- عمر محي الدين بابكر
http://i76.photobucket.com/albums/j13/ahmadziton/tajmeel/fawasl/fawasl100.gif


الذين سطروا بيراعهم المبدع أروع الحروف فكانت :

- نفسي أحكي
- منو الخلاك ؟
ما بعاتب قلبي أبداً
منو القساك ؟؟؟
يا متوهطة قلب العينة – عبد القادر سليمان
- كيف الدنيا تكون منسية
- بعد السنين – عمر محي الدين
- عندي سؤال - من جميل ما قرأ أمس كما جاء على لسانه
- خليني في حالي
- ليالي الحب
- يا ريت الناس الكان محرية
http://i76.photobucket.com/albums/j13/ahmadziton/tajmeel/fawasl/fawasl100.gif


أما أجمل الأغنيات السودانية بخماسيها الرنان المتفرد بأعذب الحناجر الذهبية :

- نحنا الزمن شقانا – محمد ميرغني
- عيني أنا – سيد خليفة
- أسأل نفسك – ذكي عبد الكريم
- لا وحبك – عثمان حسين
- عندما يغني الكبار للكبار "من كلمات عبد الرحمن الريح التي غناها أولاد شمبات غنى الفنان الكبير الأستاذ/ عثمان حسين "الزمان زمانك"
حيرت بلابل الدوح – للجاغريو بصوت عامر الجوهري
- فارقيهو دربي – براهيم عوض
- أول غرام – وردي أجمل توقيع ختام
http://i76.photobucket.com/albums/j13/ahmadziton/tajmeel/fawasl/fawasl100.gif


لنا عودة أكيدة بالقوافي ...


ولكم مني أرق التحايا والود ***


http://i76.photobucket.com/albums/j13/ahmadziton/tajmeel/fawasl/fawasl43.gif

[شجن البورت]

المشرق ** أبو شرووووووووق


http://t2.gstatic.com/images?q=tbn:ANd9GcSQg6BJro1fX4MJKmQ0wYwCJqPUIG8Ib BqrdNDcydQTd3NA5P_F

ألجمت حرف القول معاك
وكل الحروف ضاعت وراك


ولكن بكل حروف أم اللغات


http://t0.gstatic.com/images?q=tbn:ANd9GcRYukxepFOrCmyzEfjuuflyE6hmNR_tE 4rehIajC9-dZnr8KrL3hg


لك شكر بلا حدود


وعاطر التحايا

وإحترامي إليكـ ...


------------------------
همسة :
والله القصيدة دي معلقة معاي ليها يومين بننسى في لحظة الزول الزيك":SugarwareZ-016:


.

[شجن البورت]

نفسي أحكي وأشكي وأبكي
نفسي في حاجات كتيرة
وأحكي ليك أنا عن ودادي
ونشوة الريدة المثيرة
أغنيات كلمات عيوني
تحكي عنك أحلى سيرة
ونفسي أحكي وأشكي وأبكي
نفسي في حاجات كتيرة
وأبكي متألم بنادي
قلبي عانى جروح كتيرة
وأشكي من سهر الليالي
وطيفك الحيرني حيرة
وعمرو ما فارق خيالي
وكيف أغير بالله غيرة
وياما عشت مع المواجع
إشتياق وأيام مريرة
ونفسي أحكي وأشكي وأبكي
نفسي في حاجات كتيرة
أبكي من نيران عذابي
وأزرف الدمعات غزيرة
وإبتعادك هني مرة
شفت فيهو سنين عسيرة
ونفسي فيك تكون نصيبي
وتبقى أنفاسي الأخيرة
نفسي أحكي وأشكي وأبكي
ونفسي في حاجات كتيرة
ــــــــــــــــــــــــــــــــــــــــــــــــ
شنو الخلاك ؟؟؟
تبدّل ريدي بي صدك
وشلتك في فؤادي وداد
عزفت هواك إنت نشيد
وهبتك كل حنيني البي
سميري المافي ليهو نديد
مغطي سمايا بالتحنان
وباين زي هلال العيد

ولو محسوب هوى الأنفاس
هواك يا سيدي كان أكتر
ولو مقرون بعقد الماس
تأكد إنو كان أنضر
نبت جواي محنة وريد
يشيل منوالربيع يخضر
حرام يا غالي تتجاهل
مشاعري عليك وتتنكر

وجد ما قايل الأيام
تبدل شخصك وتغرك
تبعدك إنت من دنياي
وأصبح ذكرى في سرّك
وأكون تايه بلا عنوان
تضل تحرمني من برّك

ـــــــــــــــــــــــــــــــــــــــــ
ما بعاتب قلبي أبداً
إنو حباك وإصطفاك
لما إختارك حبيبو
وضم شوقكوإحتواك
وهان عليك تنسى وتسيبو
تحترق بي نار هواك
لا بتسأل عن لهيبو
وكيف بيتعذب وراك
وقلبي مفتون بيك شبَ
عمرو ما إتخيل سواك
وما عرف غيرك وحبَ
وبرضو كان صادق معاك
ذنبو إيه في الدنيا رادك
وإعتبر إنك ملاك
ليه ألومو عشان عنادك
ما خسرت الريد براك
وقلبي لسع بي شبابو
ألف من راجيه هناك
لو بتفرح بي عذابو
إكتفى وقال ليك كفاك
أيوة أعلن إرتحالو
وإبتعد عن ملتقاك
يلا أطلع من مجالو
وأبقى أعرف مستواك
قلبي ما ورّاك عنادو
أقوى من قسوة جفاك
من زمان أسرج جوادو
وخلى دنياك وأباك
وإنت فاكر يوم حيرجع
يعتذر ويطلب رضاك
ما بينفع إنو ترجع
ما خلاص ودّع نساك

ـــــــــــــــــــــــــــــــــــــــــــــــ
منو القساك يا غالي
عشان تجرح مشاعرنا
وتكوي قلوبنا بي بعدك
وتكسر إنت خاطرنا
وما هاميك بنتعذب
ومن عينيك بتحرمنا
تزيد فينا الوجع والهم
وكت ترحل تغادرنا
تخلي عيونّا تنزف دم
بالأشواق بتحرقنا
منو القساك يا غالي
نسيت البينّا من إحساس
وريدك فيهو آسرنا
حرام والله يا غالي
دة أمرك جد محيرنا
ومنو القساك علينا كمان
وحطم حلم باكرنا
ولا بتسأل عن الفينا
ولا بتجينا زايرنا
عليك بالله يا غالي
تعال أرجع وسامرنا
وبيك الدنيا تحلى أكيد
ومعاك ترتاح ضمايرنا
وزي مات نحنا قدرناك
حقو كمان تقدرنا
ومنو القساك يا غالي
كتير حاولنا نترجاك
وياما وياما فكرنا
عشان نعرف شنو القساك
وحاتك إنت ما قدرنا
وعدينا وجرينا وراك
ونحوك يا حبيب سرنا
وليه تمنع علينا هواك
يفوح بالريد يعطرنا
منو القساك ؟؟ وإيه ورّاك ؟؟؟
عشان تنسى وتغادرنا
ــــــــــــــــــــــــــــــــــــــــــــــــ
الصحفي الأستاذ/عبد القادر سليمان العطا
"صحيفة ألوان"

يا متوهطة قلب العينة
وحاضنة نسيما البدّر فرحة
ويا متوشحة توب الغيمة
ولافحة دعاشا البشر فرحة
إنتي بشاير خيرنا العمّت
وجات منداحة ...
وفي جغرافيا الزمن الجاير
كنتي الواحة
وفي صحراء العمر القاحل
كنتي محطة هجعة وجمة
وفجة نور لي زولاً غبى
وتاه إتودر وسط الضلمة
ومن تالاكي ...
دبيب العافية إتسلل
وكشف الغمة
وشهقة روح مشتاقة تشابي
وبلة شوق لي نسمة ونمة
وأنا متفيئ وارف ضلك
ورامي هجير الدنيا قفاي
أروي عروق الكون بي نمك
وأملي مسارب الضي دوباي
وإنتي معاي ...
نجماً شق غياهب الليل ضواي
ونغماً شد العصب الجوة هويد الصي هداي
إنتي سحابة صيفنا الفردت توبا
ومدت غادي
وبرزم رعدك سايقو البهَر
نورو وشال عبادي
دفقة عافية تشد الحيل الطوّل مايل
حدب الوادي
وليكي ينادي
وبيكي يهاتي
الرايح وغادي
إلاّ إتهدّر
وقَفّ الدنيا
مكدر وصادي
ريقو إتبل وفوقو إتشر الندى والطل
تطفي هجيرو
وتشفي غليلو
وفوق أطرافو تمدي الضل
قمر العتمة الشق وهادر
وسال إتدفق في الوديان
ونجدة زولاً همو إتحكر
ونجع إتوكر في الضهبان
طوّل سفرو
وهد مروة الناس الغفرو
وأمعن غربة وزاد توهان
إنتي منانا
نجم السعد الهل غشانا
لمحة نشوف في طيفا هنانا
وطلة نكحل بيها رؤانا
ولزمة ندوزن بيها غنانا

ـــــــــــــــــــــــــــــــــــــــــــــــــ
يا سمرية ...
كيف ريدتنا تكون منسية ؟؟
وعشنا ليالي الفرح الباهر
كل آمالنا الكانت فينا
نهنا نعيش نسعد ونجاهر
والأيام تتناغمبينا
وعش الريد نبنيهو جواهر
والغيمات بتضل وادينا
نعيشا حياتنا وتبقى هنية
وكيف ريدتنا تكون منسية
إتعاهدنا بنبقى حبايب
ما بنتفرق في دنيانا
والأنفاس تطلع حنية
نهوى الحب والحب يهوانا
ولو ضلينا طريقنا وتهنا
يكون الريد دارنا وملجانا
وكل أحلامنا تكون وردية
كيف ريدتنا تكون منسية
ونحنا الود في جبينّا إشارة
ننسى العاطفة وننسى الإلفة
ونلقى بصيص الأمل إتوارى
نصبح ذكرى بدون ما نشعر
فيها شعاع الشوق بتضارى
وبعد أيامنا بقت قَمَرية
كيف ريدتنا تكون منسية
شتلة ريدنا الكانت وارفة
من شريان الدم مسقية
ليك في داخل قلبي محنة
سامية وصادقة وصافية نقية
ذبت في بحر الريد ومعاكي
وكان المنية تكون أبدية
وبهوى عيونك يا سمرية
وكيف ريدتنا تكون منسية

ـــــــــــــــــــــــــــــــــــ
يا قمر خليك حنيّن
وإنتظر ما تختفي
لو أساهر الليل أعاين
ضي هواك ما بكتفي
يا جمالك ويا دلالك
زي حلاتك تاني في
إنت عمري ونور عيوني
إنت ما زولي الوفي
كل نجوم الدنيا طلّت
وبرضو نورك عني خافي
بنتظر بصبر عشانك
إلاّ إنت الديمة جافي
ليه بتبعد بي كسوفك
عن مساري وعن غلافي
ويا سواد أيامي بعدك
ويا شقاي لو كنت مافي
يا قمر سيب العناد
خلي هجرك وإصطفي
أصلي ما حمل السواد
لما نورك بنطفي
يلا أرجع في المعاد
من بعادك والنفي
ضوي عيني بالوداد
ما إنتعارف موقفي
يا قمر أنا ما أبيتك
مني أسمع إحترافي
من زمان بالجد هويتك
ليه بتعشق زول خلافي
سبت كل الناس وجيتك
شان تكون لي قلب شافي
ما بريد في الدنيا غيرك
حبي ليك صادق وشافي
ـــــــــــــــــــــــــــــــ
الأستاذ/ عمر محي الدين

بعد السنين

http://www.youtube.com/watch?v=e1j9CKDl66c

بعد السنين الكنت فيها
بطاوع الهم والأسى
وبعد الدموع الفايضة كان
كل الفرح ما بحبسا
وبعد المشاتل الكنا في
روضة غرامنا بنغرسا
رحت تتدلل نسيت
بايع مشاري ومرخصا
لو كنت تعرف إيه هواي
أو يوم بحورو تقيسا
ما كان زرعت دروبنا شوك
وما كان عهودنا تنكسا
لو شفت كيف إيدي تنوم
ما بين إيديك ...
ترتاح تداعب ملمسا
أو كنت تعرف إيه هواي
أو يوم بحورو تقيسا
ما كان زرعت دروبنا شوك
وما كان عهودنا تنكسا
وخليني روح بعد الجروح
الفي الحشاشات باعثا
ولملم هواك ...
خليني في صحراء هواي
بعشق جفافا ويابسا
كيف تنسى زول
باع ذاتو شان ذات البريدا ونرجسا
وكيف تنسى زول في نار هواك
فصّل حكايتو ولابسا

ـــــــــــــــــــــــــــــــــــــــــــــــ
من جميل ما قرأ على الصحف السيارة
وصفحات الإنترنت كما جاء على لسانه
الأستاذ/ عمر محي الدين
ما كتبه الشاعر/ محمد ميرغني

عندي سؤال وبيفرض نفسو
ليه الناس بقوا ما بحسوا
ليه بتألموا لي أفراحنا
ويفرحوا لي آلامنا ويقسوا
ليه بدونا الوش اللامع
وخلفو سواد النية بيرسوا
وليه الزول قدامك طيب
وخلفك ديمة يناقض نفسو
ديمة نفاق الناس متزايد
وين من رب الناس يندسوا

ــــــــــــــــــــــــــــــــ
محمد ميرغني

خليني في حالي
وسيب حالي في حالو
أنا حالي حال لو يوم
تتبدل أحوالو
قلبي الحنين يسعد
والدنيا تصفالو
ـــــــــــــــــــــــــــــــــ
ليالي الحب ...
يا ليالي الحب تعالي
مرة واحدة وشرفينا
نحنا راجنك تطلي
في بوادينا الحزينة
ونحنا ناديناكي إنتي
نرجو منك تسمعينا
تقبلي الندا يا حنينة
وترفعي الخطوات تجينا
طلي يا ليلات تعالي
وشوفي حالتنا العلينا
وشوفي كيف عايشين حياتنا
في دنا الريد الضنينة
وشوفي كيف عاملين لروحنا
من لهيب النار سكينة
وشوفي كيف سهرن عيونا
وزرّفن دمعات سخينة
يا ليالي أنحنا تهنا
وضاعت أيامنا وسنينا
وتاهت الأفكار وحاتك
والنفوس إزداد أنينا
والقدر كتف رجولنا
لا صعدنا ولا مشينا
والنجوم الفي سماها
في نظرنا نشوفا شينة
يا ليالي حبيب عمرنا
ضل بارح وجار علينا
وشال معاهو البسمة ذاتا
شال فرحنا ونور عينينا
وخلى لينا الآهة تطعن
في الدواخل يا رزينة
وسابنا للآلام في جوفنا
عاملة مرسى وساكنة فينا
يا ليالي عليكي ربك
مرة شوفي الحال علينا
وتاني طلي علينا مرة
وزوري دارنا وشرفينا
شان تعرفي براكي إنتي
من هوى الأقدار شقينا
وشيلي للمريود رسالة
قولي ليهو خلاص فنينا
قولي لي محبوبنا قدّر
بس ظروفنا المارة بينا
من بعادو ومن قساوتو
ومن مياه الذل روينا
جاي أظنو ويحن ويرحم
لي مشاعرنا ويجينا
السعد يصبح حليفنا
وفي هنانا نكون هنينا
ــــــــــــــــــــــــــــــــــــ
يا ريت الناس الكان مَحَرية
تقدر لينا الشوق الفينا
ولمّا يسوقنا الخاطر ليهم
بكون في الخاطر ذكرى دفينة
ودمعة بتبكي علي الأحلام
شاكية الحسرة ونادبة سنينا
بس يا ريتم ما ظلموكا
وهاجوا الذكرى الباقية دفينة
صابر إنت معاهم وعارف
إنو القسمة الحقو تجينا
شالا الريح وسافر بيها
وخلى قلوبنا تزيد في أنينا
وبس يا ريتك إنتي تعرفي
تقدري عمق إحساسك فينا
جد عارفانا بنغفر ليكي
نجفف دمع البين البينا
ولو دنيتنا زمان ظلمتنا
مصيرا حترجع يوم تدينا

ـــــــــــــــــــــــــــــــــــ

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl100.gif

12/09/2012م

سلام وتحايا
وقوافي هدايا
وأشواق من جوايا
وأنتم بين الحنااااايا
.
.
.
سهرة كانت منتهى الروعة
بكل ما فيها
أغانيها
والدهششششة
في قوافيها
.
.
.


http://i76.photobucket.com/albums/j13/ahmadziton/tajmeel/fawasl/fawasl100.gif


بأقلام :
- أزهري ضياء الدين
- مامون عمر عبده
- غادة عثمان
- الإعلامي صلاح محمد طه


القوافي :
- خلو ريدنا يكون مرافي
- فيكي من نفَس البنفسج
- دليلك قليبك
- مافي حاجة تجيبني ليك
- شكراً علي ريدك – أزهري ضياء الدين
- يا قلبي خاف تعبي – أزهري ضياء الدين
- لي الليلي ما طنطن حرف _ مرثية حميد
- يا ليالي الشوق تعالي – صلاح محمد طه
- أروي يا قلبي الحقيقة – صلاح محمد طه
- مهما غبت وإغتربت – أزهري ضياء الدين
- حصل جربت وجع الروح ؟؟؟
- باقي الحنان تمي
- يا غايات الأمل – مامون عمر عبده


الأغاني :
- أنا المظلوم – عثمان حسين
- حكاية الريدة – خوجلي عثمان
- يا خاين – إبراهــــــــيم عوض
- الشوق علينا إزداد – الجابري يمدح
- عن الفنان عوض جبريل
- لي حبيب شاغل بالي – فاطمة الحاج
- يا نور النوّار – عــــــــــركي
- الليلة يا سمرة – وردي
- عندما يغني الكبار للكبار : "إنصاف للتاج مكي" غناها عدد كبير من الكبار "هدية سهر القوافي من المخرج بالإذاعة القومية الأستاذ/ حسب الرسول كمال الدين"
- أمنتك عواطفي – صلاح بن البادية وتوقيع الختام



http://i76.photobucket.com/albums/j13/ahmadziton/tajmeel/fawasl/fawasl100.gif


الأستاذ/ عمر محي الدين

خلو ريدنا يكون مرافي
وننثر الأشواق مرافي
ومافي زولاً يفوت أثيرنا
أصلو نحنا أثيرنا دافي
بحمل الكلمة الرسالة
وبدعو للحب والتصافي
ونحنا في الحلقة الجديدة
جينا في سهر القوافي

http://i76.photobucket.com/albums/j13/ahmadziton/tajmeel/fawasl/fawasl100.gif


فيكي من نفَس البنفسج
طلة الطيب والندى
ومن بريق شمس التوهج
ألف مفتاح للنداء
كنتي في الأول تلاقح
وبنتي في الآخر صدى
جوة في أعماق جراحي
وفتي لي أبعد مدى

وإلتقيتك في التباهي
ومرة شفتكـ ...
سارحة في خيلاء خيالك
ويوم عرفتكـ ...
قبل ما يلقاني إسمك
كان عشقتكـ ...
جيت أفتش لي أمانك
إلاّ آخر الأمر خفتك

فيكي في داخلك أماكن
ديمة تتباعد قصية
أرهقت فيني التواصل
وفجّرت دمعات شقية
عذّبت إحساسي بيكي
وشرّدت فيني البقية
آخر الصفحات قريتك
عاشقة ذاتك نرجسية

والغمام الشالني جيتك
في بحار ريدك رماني
إبتدأ في ذاتي التوجس
والهموم عرفت مكاني
والشراع في الريح يقاوم
والزمان زي ما زماني
بعدو هل أيامي تصفى
وجرحي يبرأ ويهدأ تاني


http://i76.photobucket.com/albums/j13/ahmadziton/tajmeel/fawasl/fawasl100.gif

دليلك قليبك
تسابقي في دروبك
تكوسي في حبيبك
هناهو ومناهو
يكون من نصيبك
منو القلبو يقسى
يفوتك يسيبك
صديقتك حديقة
وأزاهر صحابك
معاكي الأماني
ويزفك شبابك
تفتح ورودك
ويخضر يبابك
تصونك حظوظك
تذلل صعابك
بريدك بريدك
حبيبي بريدك
بعرفك أغاني
ويقولك ويجيدك
مودة ومحبة
يكرر ويعيدك
يطمن ظنونك
يسارع يزيدك

http://i76.photobucket.com/albums/j13/ahmadziton/tajmeel/fawasl/fawasl100.gif


مافي حاجة تجيبني ليك
يا العشت واهم نفسي بيك
أرجوك يا خاين هواي
أنساني لو فكرت فيك
غلطان وبتعاتب ضمير
إحساسو مات من بدري بيك
وأكبر غلط يا قاسي كان
ندمان عشان حبيت عينيك
ندمان علي الماضي القبيل
وأحلام عمر ضيعتو فيك
يوماتي من جرحك بنوح
يا ريتني ما إتعرفت بيك
مليت خلاص دنية هواك
وفقدت لهفة شوقي ليك
وإحترت في طبعك معاي
ظالم ولا أسفاً عليك
ما الريدة في الآخر حظوظ
يا الكنت دايماً مشتهيك

حكاية الريدة
خوجلي عثمان
بصوت عاصم البنا

http://www.youtube.com/watch?v=hrNWhPZYDdw




************

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl100.gif

شكراً علي ريدك
أزهري ضياء الدين

شكراً علي ريدك
علي أي دمعة هم
ما الزيي من حزنو
ومن جرحو بتعلم
أمشيها سكة معاك
وأعيشا أحلى حلم
وألقاها في عينيك
سكة سراب ووهم
إحساسي يوم ساقني
وسرحت بيك مغرم
تابعت ليّ سراب
في صحراء ما بترحم
بان زي سحابة صيف
خدّاع إذا إتلملم
دمعي البكيتو عليك
لا جف لا بتلم
يا ريتني ما عرفتك
ضاعت سنيني عدم
ولا كنت يوم ردتك
ولا لحظة بيك أهتم
وأهدر حناني عليك
وغنايَ بتألم
وألقاك شقاي وعذاب
يا دوب بديت أندم
وصعبت معاكي الحال
جرحي العميق دمدم


يا خااااااااااااااااااااااااااااااااااين
مع الـــذرررررري

http://www.youtube.com/watch?v=ZjNQtLwZpB8


حروف شكر شجون الأستاذ أزهري
معها تحضرني من حروف فرحي

تسفــار الشــوق

شكراً لشوقك لي
الزاد لشوقي إليك
ومهلاً لأشواقي
الشادة خيلا عليك
علّمّتها التسفار
كل يوم بترحل ليك
وغريبة هي بترجاك
وبي حنينا تمشي تجيك

قول ليَّ جيت من وين ؟
ومن ياتو عالم وكيف ؟؟
أو حتى تشبه مين ؟
وإنت البراك شفيف !!
زولاً جميل وحنين
وجواهو صافي نضيف
يملاك بالروعة
ويستفك تستيف

يا رب تكون ملاك
ومدّسي بين الناس ؟!
أم نجم بتواضع
ويهدي الأرض ألماس ؟؟!!
قول مين هل إنت إنسان
مرهف جميل حساس ؟؟؟!!!
تدخل قلوب غيرك
وتملاها بالإحساس ؟؟؟؟!!!!

أياً تكون فيهم
إنتَ بتعيش جوة
بين الخلوق جواي
زحزحت ليك فجوة
وخشيت مسربل ضي
طلاني دون قوة
تسعى وتحوم في الروح
في صفاها والمروة

شجن

http://i76.photobucket.com/albums/j13/ahmadziton/tajmeel/fawasl/fawasl100.gif


يا قلبي خاف تعبي
أزهري ضياء الدين

يا قلبي خاف تعبي
وخفف عليّ الشوق
ما كل زهرة تطل
أو نجمة تسطع فوق
تاخد خطاي ترحل
وتودي فيني تسوق
حلّفتك إتصبر
وإستنى أتقل روق

مرّت عليك أوقات
لا صحبة لا خلان
وشقيت هجرت الريد
جرحك نسيتو زمان
أهو هسة تاني مشيت
لا توبة لا غفران
حبك غلب صبرك
وإتعذّر النسيان

يا قلبي خاف تعبي
ما تبدأ تاني صلات
تتوه في هم الريد
لا بسمة لا ضحكات
لو درت همي يزول
نسيني حزني الفات
وأنا بمشي تاني معاك
لي كم سنين جايات

http://i76.photobucket.com/albums/j13/ahmadziton/tajmeel/fawasl/fawasl100.gif


لي الليلي ما طنطن حرف
مرثية حميد
بقلم الشاعر/ خالد عبد الله بخيت

لي الليلي ما طنطن حرف
غير إحتشادك في القصيد
من مرقتك عز الضهر
لى غيهبك سادر وحيد
مكتوبة يا المبنية قش
يتهاوى فوق مرقو الجريد
شن تاني غير نزف الجراح
أفراحنا في جوفك تحيد

الضل فراقو البينا حال
لي الهولو يغني عن السؤال
حت نورا ما خش السعن
مدت دهاليز المحال
إتقد تالالا الدرب
وألوانه تاريخ النضال
من لجة الليل الدمس
إتفجفج الفجر الأكيد

من جانب الجب إنجبد
جم يوسف الجم الجهام
صنقع صناقير الشتات
صنقر صدق مسك الختام
يا سادر الراي في العرق
معشوقة أحلامك وسام
لكنها الأقدار عمر
شادنو بي حبل الوريد

من قبل ميلاد البذور
ألوانك الأرض البكر
دمع المظاليم الكتار
الليلة صافي الكون عكر
تبكيك نادوح للأبد
خيلك تملي ولا فتر
عز المواسم يا جميل
خضرت في العمق البعيد

أندشر الشر الشرار
بشراك ما بشّر خريف
وإنكشر الشرا شن تشيح
شارينو شوران الصريف
وصريفنا والتكل القديم
يا فاني ما بفنيهو زيف
بيناتو والحلم اللي جاي
يتعارف الهم العتيد

حدثنا عنك كل جيل
في كل ديباجة كتاب
وروينا من سالف الزمن
حتى المحطات القراب
وأحلامنا تأشيرة خروج
للجاي من بلد الضباب
شورانو قلاية وسرج
ولعنا نيراناً بتقيد

قالولنا من قبل الكلام
إتعلموا الحس السكات
في أسرة البرزخ تقيف
أيقونة آلاف الجنات
الليلي نيرون ما جدير
لون روما ما زي الفرات
بي ديبا إنشاوو ووهم
وعداً مهادو عليّ وعيد

تطراك ست الدار وري
كل الرواكيب محتواك
الفقرا في كل البيوت
راجياك تتسامر معاك
وين حومتو من ضل العصير
شوقاً يسوقو على لقاك
آآآآآ طيبة محبوبك هناك
موجعنا جد بالجد شديد

تبراك دعوات الأهل
من سوق بليلة وللجبل
القلعة من ود الربع
تتماهى لي عند البلل
تطراك والعطرون حزن
والحزن كاين لم يزل
وجع الحقاب والإكتئاب
إشتدو أحلامك تشيد

إترجل الفارس خلاص
إستوطن الذكرى الأبد
والرادي يهرج ما سكت
راجينا يا ود اللحد
محدودة أيام العمر
شوقا كم عابر ورد
أبكيها يا الحلم العصب
ما طالما رايداك شديد

تعب الغلابة وسمرتم
تقراك في شوقا الجموح
في كل شاليقة ودرت
بي عشقك الجدول يبوح
قنديلة منقاية وقريب
خليها روحك ليها روح
وروح روح الشوق بي وراك
والمولى يفعل ما يريد

دمعك قويبا على المقل
من همو ينزف ذاتو دم
كل نوري في كل الجهات
تشكي وتقاسيك الألم
الليلة تهزمنا الدموع
يا ماشي دون جيتك قسم
كل المواسم تعرفك
شان إنت يا حميد فريد

ياما في ناس مرسومة ناس
لكن مكانا ولافي ناس
النخلة ماعون الصدق
شن ليها يسوي الكدرباس
والواطة محزونا القدر
نقطة نهايات الحواس
بين مطرقة وسندان تهم
في كل طراقة حديد

إتوسد الأرض الوطن
إتغنى بالسما في المدى
بيوضة من أزل الأزل
لي آخر إنصات الصدى
ليل الزنانيل ما وعت
ما غيب إشراقا الندى
إندس في حرقك وجع
طفل المواويل السعيد

الليلة يوم شكرك وجب
الكل بعزي الكل يمين
البينا بينك ليك شوق
للمولى رافعين اليدين
كل الوجوه مكسية غم
شلناك في موكب حزين
يا فاطر الكون البديع
أقبل مصير المتعبين
شلناهو من طيبة الأرض
جبناهو نزرعو من جديد


عذراً إن حدثت بعض الأخطاء

فالقصيدة عمييييييقة وموغلى في العامية

فعذراً ...

http://i76.photobucket.com/albums/j13/ahmadziton/tajmeel/fawasl/fawasl100.gif


يا ليالي الشوق تعالي
صلاح محمد طه

يا ليالي الشوق تعالي
جيبي لي ذكرى الحبيبة
من زمن مستني طيفا
ساعي ذكراها الرطيبة
من غشت دنيايَ صبحت
كل منى الأشواق طروبة
وقاسمت روحي الأماسي
ومن قليبي بقت قريبة
دي السقت روحي المحنة
وحايمة في الشريان رحيبة
ودي الملت دنياي أماني
وسابحة في الآمال حسيبة
يا ملاك طل في حياتي
ويا قلوب مليانة طيبة

http://i76.photobucket.com/albums/j13/ahmadziton/tajmeel/fawasl/fawasl100.gif


أروي يا قلبي الحقيقة
صلاح محمد طه

أروي يا قلبي الحقيقة
وأحكي للناس الحكاية
عن حبيب الروح وسيدا
وكيف بدت أصل الرواية
صدفة عمّقت المشاعر
وبددت ليلات أسايا
وكيف جمال إنسان دواخله
حاملة خفة روح سجايا
وجمّلت إحساس مفرهد
وعمقت أشواق جوايا
هي لي روحي الرفيقة
وشايلة لي أجمل هدايا
وباقية في قلبي إبتسامة
راسمة في دنياي زوايا
راشة ألوان المشاعر
وصابغة بي شوقا الحنايا


http://i76.photobucket.com/albums/j13/ahmadziton/tajmeel/fawasl/fawasl100.gif

مهما غبت وإغتربت
أزهري ضياء الدين

مهما غبت وإغتربت
كلي جيتك في النهاية
أحكي لي عن ناس بريدم
عيدي لي تاني الحكاية
مشتهيكي وإنتظرت
يلا أبقي عليّ جاية
صبي شوقك لية قهوة
ورشفة من نيلك كفاية
تخترق دمي ومسامي
وحبي رافع شوقي راية

نفسي أتوحّد معاكي
وأوصل الزمن النهائي
أدخل اللوحة وأشارك
أعلن أصلي وإنتمائي
لي صحاريكي وبحارك
للمناخ الإستوائي
وأبدأ أكتب لمّا أتعب
وأختم الحرف الهجائي
مني تاخدي وتدي منك
صرخة الوجد البدائي

أعترف فيكي التواجد
وأبري غيمك ضلة ضلة
وألقى في البعد المكاني
إتجاهك ليَّ قبلة
والعرق عطر الفقارى
عندي زي ياسمين وأحلى
حضني في حضنك تواصل
ريدة بين تربال ونخلة

http://i76.photobucket.com/albums/j13/ahmadziton/tajmeel/fawasl/fawasl100.gif


حصل جربت وجع الروح ؟
حصل هبّشت ذاتك يوم ؟؟
لقيت في كل حتة جروح ؟؟؟
حصل غلبك تواصل السير ؟؟؟؟
مع إنو الطريق مفتوح ؟؟؟؟


http://i76.photobucket.com/albums/j13/ahmadziton/tajmeel/fawasl/fawasl100.gif

باقي الحنان تمي
وخلي المحبة تدوم
وبالله إهتمي
ما تشيليني اللوم
بالريد عليك ضمي
قلبي الهمومو هموم
عندك حنان زايد
ما تخلي للمحروم
وأنا كل يوم واقد
شوقي الحرمني النوم
وحبي السكن راقد
بين الضلوع مهزوم
قاصد يجيك عايد
ما الريد قدر محتوم
كلمني فيك قلبي
وباح ليَّ بالمكتوم
قال ليَّ كان قربي
ما غاب علي في يوم
وسقيتو فيض حبي
لكنو جافي ظلوم
وقال ليَّ إيه ذنبي
أنا راضي بالمقسوم

http://i76.photobucket.com/albums/j13/ahmadziton/tajmeel/fawasl/fawasl100.gif


يا غايات الأمل
مامون عمر عبده

يا غايات الأمل الحالمة إجتمعي
ومهدي للأفراح الجاية طريقا
أنا إستنيتك لمتين تحكي
وتملي حياتي تفرجي ضيقا
وكيف صارعت حبال الشهوة
لويت إيديها كسرتَ صمودا
وكم مليتا قيود الفكرة
وحياة الزيف ما عدت أطيقا
أنا الراعيتا حياتي الحرة
وكم حققت أماني عريقة
شارب لون الطهر النابع
من أسلاف أجدادي فريضة
ولابس توب العفة الساتر
لي تاريخ أيامو مجيدة
أنادي العازة وأنشد غنية
من أحلام أشعاري قصيدة
أصون الكلمة الباقية رصينة
وللأجيال الجاية عقيدة
ماسك جمر الهم الباكر
كل ما أطفي النار بتقيدا
كانت ناراً جد بتداوي
كي في كي خلتني صديقة
وكونو الدنيا مدارس شاسعة
توري الحكمة تعلم سيدا
دي ما أغنية ولا مرثية
دة بس إحساسي وحاجة أكيدة

ــــــــــــــــــــــــــــــــــــــــــــــــــ


ولكم خالص الود ***

http://i76.photobucket.com/albums/j13/ahmadziton/tajmeel/fawasl/fawasl100.gif



********

[شجن البورت]

http://www.sheekh-3arb.info/islam/Library/img/3ater/div1000.files/image012.gif

http://www.sheekh-3arb.info/islam/Library/img/3ater/div1012.files/image017.gif

18/09/2012م

مع إطلالة الهلال على دنيانا
كانت إطلالة هلال آخر
على دنيا القوافي
ليلة أربعاء
زينها الجمال الذي شكل حضوراً أنيقاً
في المفردة والمضمون
لقوافي وأغنيات بألحان ساحرة
إهتز الأثير وسكر بصوت دافئ لأروع قوافي
وتمايلت النسمات الليلية طرباً لأجمل أغنيات
وإهتزت أركان دواخلنا ألماً وشجناً حد البكاء
لتلك القوافي والأغنيات الآسرة
وتمايلت أغصان الأحاسيس فرحاً
وإخضرت وتوردت بزخات مفردات
نزلت وسقت جفاف قلوب جفت بجفاء قلوب جافية
وإرتجفت رعشة ووحشة ووجفة
وتاهت بين أنين وحنين الذكريات
وجمال وخيال الخاطر
وخيفة لهفة الغد المجهول بلا حد
وأرتحل الخاطر ألف مرة
عبر أجنحة تلك القوافي
ليجدد بين جمر البين
أمل الحياة
في تلك القلوب المحتضرة

http://www.sheekh-3arb.info/islam/Library/img/3ater/div1012.files/image018.gif

.
.
.

ودابو الهلال هلَ
في سمانا بادي بعيد
وصوت زول جميل طلَ
عبر الأثير زي عيد
لي قافية ما خلى
في شجون يقول ويعيد
نتمنى من الله
يا الراقي تبقى سعيد

والليل خلاص عسعس
زاد شوقنا فينا شديد
وبي سحرو تتنفس
روح الصباح .. وتغريد
وجوانا نتحسس
في القافية أنفاس ريد
نلقى الشجن دسدس
من الوريد لي وريد

وببقى الفرح فيكم
وفي كل راقي مريد
وكتين سهرنا يلم
في إبداع جميل وفريد
لي كل دروبنا يعم
ويفوت حزن عربيد
وكتين لقانا يتم
الحزن ببقى شهيد



شجن

http://www.sheekh-3arb.info/islam/Library/img/3ater/smallcards.files/image059.gif

وبذلك الإحساس الجميل
إجتمعنا على المحبة وفي ثواني
وفي طريق مفروش بي حبي وحناني
وإفترقنا
كل واحد في طرقو
أنا ضايع
وهو مخدوع بالأماني
كل زادي .. "في ضياعي"
قلبي مفتوح للأحبة
للجمال الأشقى روحي
وفي شعوري سحرو شب
ورسالة فن سامي
تدعو للخير والمحبة

وعلى تلك الرسالة السامية التي تدعو للخير والمحبة
إجتمعـنـــــــــــــــا
أنا .. والنجم .. والمساء
والهــــلال
والقوافي .. والأغنيات
والشـــجن
وبنات الفرح الصغيرات
والفرح المهاجر
الذي أتى بلقيا أحبة
مريدي ومحبي سهر القوافي
ومعهم الحب كان أكبر حضووور

http://www.sheekh-3arb.info/islam/Library/img/3ater/smallcards.files/image037.gif



فكانت القوافي الجميلة بأقلام مضيئة :

- الأستاذ/ الحلنقي
- الشاعر/ أزهري ضياء الدين
- الإعلامي/ محمد عباس الباشا
- أستاذنا/ عمر محي الدين

http://www.sheekh-3arb.info/islam/Library/img/3ater/div1000.files/image003.gif


سطروا أروع الحروف فكانت :

- ما تبكي أيامك ندم – الحلنقي
- جربت فيكي الليل غنى
- نبضة في عرق التواصل
- جوايا لا سكت الحرف
- قلت أمشي أسيب طريقك - الحلنقي
- قطعت بحار الدنيا الواسعة
- خدعك منو ؟؟؟ - محمد الباشا
- "بيــ خاطرينــــ ـــن – عمر محي الدين
- أفتش هويتي
- مليتي فراغ

http://www.sheekh-3arb.info/islam/Library/img/3ater/div1000.files/image012.gif

http://www.sheekh-3arb.info/islam/Library/img/3ater/smallcards.files/image060.gif

أما الألحان الخماسية المدوزنة التي عزفت على أوتااااااااااارنا الحساسة كل إيقاعات الفرح والحزن والتي يتمايل معها كل ساكن في الأرض كانت :

- أنا من شجوني – أبو داؤود
- ما أول حبيب – أحمد المصطفى
- أذاني – إبراهيم عوض "أوائل الأغنيات التي غناها النادرة الإستماع"
- ما إعتيادي – العطبراوي
- حاجة فيك – مصطفى سيد أحمد
- عندما يغني الكبار للكبار "غنى العندليب الأسمر زيدان إبراهيم للفنان الذرررررري إبراهـــــــــيم عـــــوض "عـــزيز دنيـــــــــــــاي"
- العودة لمتين – العاقب محمد الحسن
- الريلة – وردي
- حنية – محمد وردي
- عشرة الأيام – عثمان حسين مع عوض أحمد خليفة أجمل توقيييييع ختااااااااااام

http://www.sheekh-3arb.info/islam/Library/img/3ater/div1012.files/image021.gif

.
.
.

ومني خالص الحب ***

http://www.sheekh-3arb.info/islam/Library/img/3ater/smallcards.files/image003.gif


http://www.sheekh-3arb.info/islam/Library/img/3ater/div1012.files/image002.gif

http://www.sheekh-3arb.info/islam/Library/img/3ater/smallcards.files/image004.gif

[شجن البورت]

http://www.sheekh-3arb.info/islam/Library/img/3ater/div1000.files/image017.gif


بعض قوافي هذه الحلقة ذكرتني أغنية "هسة خايف" للراحل هاشم ميرغني
وكلمات عزمي أحمد خليل المحزونة

والفرح في دربي عارفو
أصلو ما بطول كتير
زي غمام في سمايا عد
سابني في عز الهجير
كم فراش علي وردة طل
أصلو ما قايلا بيطير
فات وراح شايل هناها
خوفي من نفس المصير

ومن عرفتك كنت حاسس
الزمن لي ما بسيبك
كنت شاعر رغم ريدي
إني زي الما حبيبك
والحنان البينَا ولّف
لا نصيبي ولا نصيبك
والزمان عارف مصيرنا
حقو لي ما كان يجيبك

وهسة خايف من فراقك
لما يحصل ببقى كيف
زي ورد في عز نداهو
خوفو بكرة يزورو صيف

وحقو يا عيني توالفي
الصبر قبال فراقا
وإنتي عارفة الجاي بكرة
وبرضو تغرقي في إشتياقا
كم عيون في الريدة غرقت
والزمن من ريدا ساقا
ما كتير القلبو حب
ياما كم في هواهو لاقى
.
.
.

http://www.sheekh-3arb.info/islam/Library/img/3ater/div1000.files/image017.gif

الأستاذ/ الحلنقي

ما تبكي أيامك ندم
أو يوم تشيل للدنيا هم
إيه فايدة الأسى والدموع
وهو الزول بعيش في الدنيا كم

ما تبكي لو سابك قريب
أو غدر بالريد حبيب
الدنيا لسة ملانة طيب
والبسمة للمجروح طبيب
أنا شلت جرحك بالسنين
يا ريتني منك يوم أطيب

عيش للفرح أنسى الألم
ما تبكي أيامك ندم
إيه فايدة الأسى والدموع
وهو الزول بعيش في الدنيا كم

ما تبكي من ظلم القدر
أصلو الظلم طبع البشر
يلاك نطوف وسط الزهور
لا دمعة لا هم لا كدر
عيش السنين الباقية ليك
قبل السنين ما تروح هدر

يا زاهي يا أجمل نغم
أوعك تشيل للدنيا هم
إيه فايدة الأسى والدموع
هو الزول بعيش في الدنيا كم

أوعك تقول زمنك مضى
والدار من الخلان فضى
ما تخاف من الزمن الأليم
بكرة السنين بتعوضا
لو رحت تابعت الدموع
تلقى العمر كلو إنقضى
ويبقى الجمال في الناس عدم
ما تبكي أيامك ندم
أو يوم تشيل للدنيا هم
وإيييييه فايدة الأسى والدموع
وهو الزوول بعيش في الدنيا كم ؟؟؟

http://www.sheekh-3arb.info/islam/Library/img/3ater/div1000.files/image017.gif

جربت فيكي الليل غنى
نمة وشعر
وعزفت فيكي دموع أسايا
بلا وتر
قربت ليكـ ...
قايل هواكي بينقدر
لا قرّبت بينّا الضفاف
ولا همي في ريدك فتر
دونكـ
بلاد نائية ومدن
ودونكـ
بحار ترهق مشاوير السفن
لا بتنقطع ...
لا عني بنقطع الشجن
لا قدرت أفرح من فرح !!
لا قدرت أحزن من حزن !!!
سديتي أبواب الأمل
وأصبحت مطرود فرحتك
يا فرقتكـ .. دمعة وعذاب
في سكتكـ ...
ضيعتي أحلام الوصول
وفقدت مفتاح جنتكـ
وبقيت مع الوهم السراب
تفرحني صورة بسمتك
وأنا بين عذابات النوى
وبعد السراب ...
محسور علي الزمن الصبح
سكة خراب !!!
الريح تذيع عزف المطر
ويبكي السحاب
سايق عليك وعد الخريف
يسقي اليباب
لا إنتي فتّحتي الشرف
ولا حتى نفّضتي الغبار
نفس الخطى .. وقلق الأمل .. والإنتظــــــار
لا يوم عبرتي ...
ولا وفد منكـ قطار
وطويتي في الرحلة الشراع
وطفيتي أضواء الفنار

http://www.sheekh-3arb.info/islam/Library/img/3ater/div1000.files/image017.gif

نبضة في عرق التواصل
وومضة في الخاطر أجيك
لا فتر عندي التساؤل
لا إجابة لقيتا فيك
إلاّ مد الشوق وبحرو
ساق مراكبي وجابا ليك
ما البحار الدافية عندك
وأزرق الموج في عينيك
وماشة تتباعد ضفافك
وأي عاصفة بتبدأ بيك
قلبي عارف من بدينا
قبل يغرق ويشتهيك
كم معذّب قبلو غنى
وكم دموع سالت عليك
وكم غريق الموج طواهو
وعمرو ما إمتدت يديك
وبرضي جيتك بإختياري
وإنتي بس في اللحظة ديك
خلي في بالك مشاعري
وعلمي الشوق يعتريك
كلمي الريد المكابر
إنتي لية وياني ليك

http://www.sheekh-3arb.info/islam/Library/img/3ater/div1000.files/image017.gif

جوايا لا سكت الحرف
لا الكلمة إرتاحت رقاد
والعاصفة إجتاحت هناي
والبينّا إتناثر رماد
وأنا جيت وجيتك وتاني جيت
سايقني ليكي الإعتقاد
إنك ملاذات الأمان
من خوفي في الزمن البعاد

وأنا وإنتي والسكة السفر
والريح وقاسيات الظروف
والوحدة .. والليل .. والسهر
والهم وقت يجتاحني خوف
ألقاكي زي ضي القمر
يهمس ملايين الحروف
وأتحدى بيك عاتي القدر
تشبع عيوني معاكي شوف

يا إنتي يا الوعد القبيل
خلاني أرحل في العيون
وأكسر ضراوة المستحيل
وأطوّع العقل الجنون
أنا منّكـ الوهم الجميل
وإنتي الأقاويل والظنون
يا قصة الصبر الطويل
أيوب معاكي أكون يكون

http://www.sheekh-3arb.info/islam/Library/img/3ater/div1000.files/image017.gif

الجزء الأخير من أغنية "الأبيض ضميرك" للفنان الطيب عبد الله التي كتب حروفها الحلنقي وهذه الأبيات لم تلحن :

قلت أمشي أسيب طريقك
أنسى أيامك معايا
أصلي شايف في عيونك
قصة لي إنسان سوايا
الحقايق ظاهرة عندي
ما العيون للناس مرايا
وإنت لو فارقت دربي
ذكرياتي معاك كفاية
وقبلها كانت

إنت يا الأبيض ضميرك
صافي زي قلب الرضيع
في كلامك وإبتسامك
أحلى من زهر الربيع
عشت متهيئ لحبك
كل أيامي وحنانا
إبتساماتك عزيزة
بحرق الآهات عشانا
وكنت شايلك في عيوني
باني ليك أرفع مكانة
جيت لقيتك إنت جاير
بتظلم الحب بالمهانة
الدموع السايلة منك
ياما سالت غرقتني
والظنون الحارقة قلبي
كم شقتني وأرهقتني
وكم هنيت بإفتتانا
وللمآسي كم سقتني
وكنت بجني شقاك محنة
وبعشق آلامي الطوتني

http://www.sheekh-3arb.info/islam/Library/img/3ater/div1000.files/image017.gif

قطعت بحار الدنيا الواسعة
وسط النوة وعصف الريح
وشايل منك جمر الذكرى
طقطق شررو بكاهو فصيح
لون الفكرة رمادي مغبّر
طَمَس الفرحة وكَسَر اللوح
ما بتجينا قوافل بكرة
نبكي عليكي وتاني ننوح
فتك فت الهم الخالد
يوم صاحبت سفاين نوح
وصلت شواطئ أمينة مسالمة
غنت فيها بلابل الدوح
فيها الناس أحباب وأحبة
بشفوا الوجعة بداووا جروح
لو إتراخى الزمن المايل
ناس بقلوبا بتبني صروح
يمسحوا دمع الحزن الطوّل
ناس شفافة ترد الروح
فات كم ماضي ننسى الماضي
نبقى في بكرة وليها نروح
ما صدّقت بقابل زيّك
وتاني الدنيا صفاها يلوح
وأكتب فيكي معاني تهمك
بيني وبينك يحلو البوح
وأرسم ليكي اللوحة اللسة
ما خطاها بنان في وضوح
ونبقى البذرة الشجرة السدرة
حب بالفطرة خيالي جموح

ذكرتني قافية من حروفي


وصـــال

كنا بنوصل عبر الخاطر
قبل ما يوصل صوت البوح
ودايماً عشم اللقيا البينا
يزرع ويكبر فينا طَموح
عادي بنوصل ونحنا بعاد
لأنو الهوى شايلاه الروح
وكان الشوق البينا بقرب
مرسوم جوة حنايانا جَموح
وكل البينا رياض نديانة
وكل الفيها شعور مشروح
ولما الشوق يدفق من وردك
تجيبو النسمة عبير وتروح
يوصل عز النجمة الشاهدة
تفرح بيه دنياي ويفوح
تعطر كل الكون الفيهو
ويبقى أماني بشذى منفوح

وفجأة بعدت نسيت الجنة
وكم كلمتك أوع تروح
وصبح الريد أحزان ممتدة
تبني تهد جوايَ صروح
وبدل الريد السامي يخضّر
هسي عذاب ونزيف وجروح
وبدل ما تحيا قليبي بقربك
أصبح بي إيديك مذبوح
وكم أهديتك ضحكة طفلة
جبتو أنين وحزين بينوح
وكم ناجاك الخاطر ونادى
يرجع صدى بي صوت مبحوح
وسبت الحب بالماضي وحاضرو
راقد أسى جواي مطروح

شجن

http://www.sheekh-3arb.info/islam/Library/img/3ater/div1000.files/image017.gif

أفتش هويتي
بطاقتي وجوازي
ألاقي في عيونك
أماني وملاذي
أعرفك عرفتك
سبيلي ومطافي
وعشتك رفاهة
وزمان برجوازي
أقالد عيونك
وأصابح سماكي
حريرة وضريرة
وبخوراً معاكي
لقيت روحي فيكي
وبلاك ريدة مافي
ومعاكي وبعيشك
أراكي وأراكي
أكاتل همومي
وأصارع زماني
أكون فيكي غيساً
وبرعي اليماني
أشوفك أطوفك
وأشرب سلافي
وحليب شفاهك
وأدوب مرة تاني
أفتش لقيتك
براءة وطفولة
مفاخر جدودك
وعز القبيلة
وجمالك حياكي
ومقاصدك نبيلة
وعرفتك لأنك
وفية وأصيلة


ومن قوافي الحلقة السابقة
.
.
.

دليلك قليبك
خطاكي بتجيبك
تسابقي في دروبك
تكوسي في حبيبك
هناهو ومناهو
يكون من نصيبك
منو القلبو يقسى
يفوتك يسيبك
صديقتك حديقة
وأزاهر صحابك
معاكي الأماني
ويزفك شبابك
تفتح ورودك
ويخضر يبابك
تصونك حظوظك
تذلل صعابك
بريدك بريدك
حبيبي بريدك
بعرفك أغاني
ويقولك ويجيدك
مودة ومحبة
يكرر ويعيدك
يطمن ظنونك
يسارع يزيدك


http://www.sheekh-3arb.info/islam/Library/img/3ater/div1000.files/image017.gif

http://www.sheekh-3arb.info/islam/Library/img/3ater/div1000.files/image017.gif

[شجن البورت]

http://www.sheekh-3arb.info/islam/Library/img/3ater/div1000.files/image017.gif

http://www.sheekh-3arb.info/islam/Library/img/3ater/div1000.files/image017.gif

مليتي فراغ جنبات أزماني
فرضتي حضور مليان بالدهشة
شاع النور وإنداح رباني
طرد أيام الظلمة الوحشة
وحتى الخوف الكان جواني
أخدت منو مداها الرعشة
وين يلقاني ويتحداني
وأنا في الغيمة معاك بتمشى
صدفة لقيتك بين أحزاني
وسط الفرحة المنك نابعة
زي الحفلة المشية القدلة
الطلة النزلة الضحكة الطفلة
هوي يا شافعة
ألف فراشة معاك دوارة
زفة مطرة وعرس الحارة
غنت ليكي حنين مسدارا
وعلمتيها أصول الطاعة
وأنا في بالي ...
أوقد شمعة
وأنسى الوجعة
وأتلقاكي في حد الروعة
وبيكي إستنى قيام الساعة
يا واجعاني وما بتكلم
وفي وجداني سكنتي الساحة
لو بيناتنا الحب إتحرّم
طلعت شوكة في خاطر السكة
وحرمت وهج البهجة الراحة
غازلي شفيف الشوق الدافق
وعبي معاكي الدنيا سماحة
وأنا في الآخر ...
بكتب ليكي
وببكي عليكي
وما تتخيلي شعري مناحة


http://www.sheekh-3arb.info/islam/Library/img/3ater/div1000.files/image017.gif

من الحلقة السابقة

عوض جبريل
بلسان الأستاذ/ عمر محي الدين

قدم لمكتبة الغناء في السودان أغنيات جاهزة كلمات وألحان غناها غيره إنه الفنان الراحل الكبير عوض جبريل في الأربعينات كان يغني بصوته بعد أن يكتب ويلحن أغنياته ويغنيها في حفلات الزواج التي عرف بها
وهو عوض الكريم جبريل إسماعيل يوسف
ولد ونشأ في أسرة متوسطة الحال قدمت من الجزيرة العربية وإستقرت في الشمالية ومن ثم إنتقلت إلى ولاية سنار وأهله يحترفون دباغة الجلود ولكان هو صنايعي وهو أوسطى بنى . وأيضاً في أحاسيسنا عماير جميلة بكلماته وألحانه
وقضى طفولته في أمدرمان وإنتقل به المستقر في حي الدباغة شمال أبروف على النيل ودرس دراساته الأولى في خلوة الشيخ خليل في أبروف وحفظ القرءآن الكريم ودرس الفقة وعلوم اللغة العربية في المعهد العلمي في أمدرمان في جامع أمدرمان العتيق وفي تلك الفترة الدرامي إسماعيل عبدالقادر والشاعر مهدي محمد سعيدوالممثل الكبير الفاضل سعيد وكان زميله الملازم له الشاعر الكبير محمد علي أبو قطاطي .وعوض جبريل إشترك في عدد من المسرحيات "البامسيقا" ممثل في فلم وليددارفور ومسرحية وليد دارفور بالنصوص والغناء "وليد دارفور بمشي معاك الليلة محل ما تدور بمشي معاك الليلة"
وأريد أن أثبت أن المسارب الأولى لكبارنا من الفنانين والشعراء والرواد هي صوفية الأصل .
عوض جبريل المتوفى في يوم الأحد 12/4/2003م للميلاد تركفي مكتبة الأغنية السودانية الجميل والمنوع وغنى له الكثيرونوإرتبط بالفنان كمال ترباس وفاطمة الحاج وخليل إسماعيل والرحمة مكي والفنان المغترب وأستاذ الموسيقى في الإمارات عبد الله الكردفاني ومحمود الحاج وزينب خليفة وصديق متولي وعبد المنعم حسيب في الأغنية الشهير الهوى العذري "كل ما سألت عليك صدوني حراسك" و "أستحيل صدك لأني حبيتك"
وعوض جبريل واحداً من الذين أرسوا أغنية الفرح والسهل الممتنع في مدرسة الأغنية السودانية ودائماً أقول أحياناً الناس تسمع الشيخ سيروا لأم برعة وتسمع سيرو لعوض جبريل فهو كتب واحدة من أغنيات التراث السوداني وأغنيات البنات في بمفرداتها ووضع لنا في خارطة الغناء السوداني أغنيات السيرة التي نسمعها الآن "يا عديلة يا بيضا ويا ملايكة سيري معاه" ويا ريت يا عديلة يا بيضا والشيخ سيرو تبقى شعار الزفة بدلاً من الأغنية العربية وغيرها التي نسمعها اليوم في الحفلات فعندنا أشياء جميلة في مكتبة الغناء السوداني .
عوض جبريل بكل جماله هذا مات فقيراً والتحية لأسرته ، ففي أسوأ الحالات للفنان المبدع المرهف يكون إحساسه جميل فلوفرضنا أن مرت بشاعر مشكلة فلو طوعها بإحساس جميل "تطلع جميلة" هكذا كان عوض جبريل . ففي يوم من الأيام جاء مطر وسيل أو فيضان وكسّر بيته تخيلوا أن عوض جبريل القصير الأصلع البديع في طرفته والظريف في إطلالته "إتخيلوهوقعدت في حجر فوق يعاين في بيت كسرته المطرة وعفشه برة وما عندو حاجة سوى اللطف وكيف كتب واحدة من الأغنيات الجميلة في شكل إحساسه يخاطب أسرته في البيت وأولاده ويقول لهم :
ما تهتموا للأيام
ظروف بتعدي
طبيعة الدنيا زي الموج
تشيل وتودي
سبيل الزول
عشان يفتح طريق يا دوب
يكون زادو البعيشو معاهو شوق مشبوب
عشان يلقى إنتصارو يا زمن محبوب
بضوق المرة ويتوشح بصبر أيوب
وما تهتموا للأيام ...
أصلو الناس حياتا ظروف
بتتحكم تغير كل خط مألوف
مصيرو الزول حياتو ياما فيها يشوف
وفي دنيانا بنلاقي الفرح والخوف
جمال الدنيا في بسمة سرور وجمال
وفي فرح الخواطر الطيبة في الآمال
وفي شروق الصباح .. في بسمة الأطفال
ومهما تظلم الأيام ضياها الفال
في عام 1947 .. 1948 كان عوض جبريل يغني في واحدة من حفلات أمدرمان وكانت تشاركه الفنانة الراحلة فاطمة الحاج ومن خلال هذه الحفلة قدم عوض جبريل أول أغنية تغنيها فاطمة الحاج وغنتها بعد ذلك للمرة الأولى في واحدة من حفلات الإذاعة وكانت مباشرة على الهواء وعندما سمعها متولي عيد مدير الإذاعة سمح لفاطمة الحاج أن تطل أكثر من مرة في حفلات الإذاعة وكانت هذه الإنطلاقة والبداية للفنانة الراحلة فاطمة الحاج وهي أغنية :
"أنا لي حبيب شاغل بالي
دايماً محطم آمالي ..
لي حبيب ناكر مالو
محير أفكاري دلالو ..
ولا حن علي قلبي الشالو
والعيون ساهرة ليالي"


وراجعيييييين بإذنه تعالى

مع بين خاطرين
و
خدعك منو ؟؟؟

http://www.sheekh-3arb.info/islam/Library/img/3ater/div1000.files/image017.gif

[شجن البورت]

بين خاطرين

بين خاطرين أنا متحير !!!!

ما بين خاطر إنى أخاطر يبقى خيارى مخير فيه؟
بين خاطر إنى أسامح أعود من تانى وأرجع ليه؟
وحتى الحيره الكانت باديه.. ساقا الشوق للشوك وداها
لبست منيه زول بتمنى إنو أمانى العمر يلقاها
إلاّ لقاها داير وقفة
وقفة طويلة بين خاطرين ؟؟
خاطر زى الغيمة الراحلة لما تسوق المطرة معاها
وخاطر زى الأرض البور لما يفوتا المطر ينساها
وخاطر زى أحلام زولاً لما أمانى العمر يلقاها تسافر روحو لدنيا بعيدة تسوق أحلام المنية معاها

************

وأنا متحير بين خاطرين !!!!

خاطر زى إحساس طفلة يوم العيد جابولا هدية
وقالوا معاك أخوك يتقاسم يشارك روحك في العيدية
وقفت حائرة بين خاطرين؟
خاطر إنو تشيلا براها تشيلا لى روحا وماتديا؟ وخاطر إنو أخوها الأصغر يمسخ عندو العيد بهدية؟

************

وأنا متحير بين خاطرين !!!!

خاطر زى أحلام زولاً غادر بلدو يجيب الشبكة
ولما يعود لى مناهو الأعظم يلقى عروسو حداها الشبكة؟
يبقى محير بين خاطرين ؟؟
خاطر داير يستلقى ينوم ينساها وداير أمنيتو تقوم تتحقق
وقبل تفوتو يقوم يلقاها

************

وأنا متحير بين خاطرين !!!

خاطر الثابر كافح وذاكر وداير يحصد بى مجهودو
وخاطر زى خاطر المهمل وناسى جهودو قام راح سارق جهد الأول
وفجأة تجيهو صحوة خاطر !!
يبقى محير بين خاطرين ؟؟
خاطر العزة بإثمو تشيلو
وخاطر إنو كيف يتمتع بى مجهوداً جد ماهيلو !؟

************

وأنا متحير بين خاطرين !!!!

خاطر زى خاطر الزارع ينضف أرضو يبارى زراعتو سرابة سرابة
وفجأة المطرة تكب صبابة..... تغرق زرعو الليهو إتشابا
يبقى محير بين خاطرين ؟؟
خاطر الساخط وناسى إلاهو وخاطر المومن والله معاهو
داير يرتد يعاقب نفسو وداير يتصبر والله يرجاهو

************

وأنا متحير بين خاطرين !!!!

خاطر زى خاطر الأم الشقيت وتعبت ودايرة وليدة يبقالا الزاد
إلاّ الولد الجاحد بعد إتغرب سافر ما عاد !!
صبحت حايرة بين خاطرين ؟؟
خاطر إنو الأمل يملاها تقضى مساها حنين وسهاد !
وخاطر إنو الذكرى تفوتا وتبقى الحسرة ثواب وحصاد !

************

وأنا متحير بين خاطرين !!!!

وخاطر زى خاطر راحل فى صحراء صباحها هجير مساها سموم
شايل الزاد مخلاية حسره حطام الذكرى وقربه ملانه هموم
وفى طريقو تشلع بسمة تمد إيدينا سحاب وغيوم
وقف إتحير بين خاطرين ؟؟
خاطر يمشى تجاها يطرب لى حجاها يسرقو النوم
وخاطر يبعد بى شغلو يناضم ضلو يبارى الطير ويرجى اليوم


************

وأنا متحير بين خاطرين !!!!

خاطرزولا كل مناهو انو حبيبتو تقاسمو هناهو
تنور عمرو تبدد ليلو وظلم دجاهو
إلاّ شقيقو الكان متغرب دار البت الدارا أخوهو !!
سترة حالو ونفح شذاهو
وقف اتحير بين خاطرين ؟؟
خاطر انو يقول للناس عن ريدو وعمق مداهو !
وخاطر انو يضحى .. حبايبو يتهنو .. يصابح الوحدة !
ويماسى عناهو !!

************

وأنا متحير بين خاطرين !!!!

خاطر زى خاطر عامل بعد التعب الجوع هداهو ولحظة
سمَّ وختَّ اللقمة حداهو
جات حدية الشوم من فوق منشرة !
تختف اللقمة معاها مناهو
وقف إتحير بين خاطرين ؟؟
خاطر إنو يصيح
عساها تخاف الطيرة تسيب اللقمة وراها
وخاطر إنو يتيقن بى قسمة غيرو
مهما سوّا محال فى يوم يلقاها

***********

وأنا متحير بين خاطرين !!!!

خاطر طالب يلاقى الزولة العاش راجيها فرحة عمرو وصمت ضجيجو
تبقى الراحة وضل الواحة وزينة تاجو يوم تتويجو
إلاّ الفقر الكان قاساهو ظل يلازمو بعد تخريجو
وقف إتحير بين خاطرين ؟؟
خاطر إنو يشقى حبيبتو تضوق المرة وطول تهريجو
وخاطر إنو عشانا يسيبا تسعد دونو ويزيد تأجيجو ؟!

***********

وأنا متحير بين خاطرين !!!!

خاطر زولة بتسكب روحا
تفرح ذاتو وتفرج همو
تبقى الحس الساكن قلبو
تبقى حياتو ومسلك دمو
إلاّ الاهل الكان إجتمعوا قاموا ادوهو بنية عمو !!
وقفت حايرة بين خاطرين ؟؟
خاطر تبعد وتهرب منو ... تبقى الفرقة وما يتلمو
وخاطر تبقى قريبة كفاها حبيبها
تداوى جراحو وتبعد غمو


الأستاذ/ عمر محي الدين

************************
************************


خدعك منو ؟؟؟
خدعك منو ؟؟؟
وقاليك زمانك أأمنو
وشيد تعاليك للسما
وعاقر غرورك وأدمنو
إتبكي يا ما زمان بكيت
وقلبك بكاي ما حننو
مديتا بطشك وإنت فوق
لي كوخي قصدك توهنو
عزوني ف طيبتك عزاز
لي قلبي هدو وسكّنو
وقالولي إتناسي المضي
وشرو الطلع من مكمنو
وأنا ليك نسيتَ مع الزمن
وأفراح زماني علي دنو
وريني يا البالحسن جيت
للشينه كان جابرك شنو؟؟
الرش مويتو علي السراب
كيفن يقول الناس جنو
ما العاش يمحن ف الخلوق
باكر عمايلو تمحنو

!!!!!!!!!


الأستاذ/ محمد عباس الباشا

[شجن البورت]

*



http://t3.gstatic.com/images?q=tbn:ANd9GcSWLPE7xjyp9_yuDprMwZrl3Osfjcxei KYOow3C6phAy9wpAurOKxbOXnY


http://www.yabdoo.com/users/15732/gallery/1381_p53544.jpg


أنا والنجوم في الليل نساهر
ننسى الهموم وألماً بناتر
وجوة الغيوم وقليبا ماطر
جانا السهر وغشانا بدري

عز الزحام كان شوقنا حاضر
وبدر التمام طلانا زاير
والناس نيام صحى المشاعر
غازل قمر كان لونو سحري

وعبر الأثير ناغمنا شاعر
زولاً كبير كان صوتو جاهر
طفى زمهرير خضّر بيادر
فتح زهر نديان ومغري

والليل مشى وكان شوقو غامر
وكيفنا إنتشى صفى لينا خاطر
وفرحاً غشى بي لقيا باكر
وأجمل بشر في دنيا عمري

وجانا الصباح وكان ضيّو آمر
ودّع جناح ضياً مغادر
وطال ما متاح وصلاً وخاطر
طول العمر بالغافية نسري


.
.
.

إكتمل البدر .. وإحلوّ السهر
وما قبل السحر .. أطربنا الشعر
وفي سكة سفر .. ومعانا القمر
وبي روعة سمر .. الخاطر سكر
من صوتاً بسر .. بي قولاً درر
.
.
.

وكان الوعد المنتظر .. لأروع سهر
سهر القوافي
كنا أنا والأشواق وهم وهو
في تلهف لنسافر عبر الأثير
في رحلة بين طيّات السحاب
أنا .. والنجم .. والمساء
وزارنا القمر
في ليلة مقمرة
وهو صاحي وماهو نايم
وأنا نعسان
ونسمات الدواخل
طربت أزهار القلوب
فإزدادت بروعة الكلام المقفى
والوتر الخامس المدوزن
ميسان
وبتلاطم أمواج الأحاسيس
أصبح الخاطر نشوان

http://www.sheekh-3arb.info/islam/Library/img/3ater/div1012.files/image001.gif


http://www.sheekh-3arb.info/islam/Library/img/3ater/div1012.files/image004.gif

http://www.sheekh-3arb.info/islam/Library/img/3ater/div1013.files/image021.gif


فكانت القوافي بصوت الأستاذ/ عمر محي الدين حنينة جميلة والألحان المختارة النادرة رائعة لسفراء قوافي وألحان يمتعونا دوماً بالمدهش ، حروف راقية للأستاذ الكبير/ مدني النخلي والأستاذ المبدع/ هيثم مامان والأستاذة المرهفة/ سعادة عبد الرحمن

http://www.sheekh-3arb.info/islam/Library/img/3ater/div1013.files/image021.gif

http://www.sheekh-3arb.info/islam/Library/img/3ater/div1012.files/image012.gif

فكانت القوافي :

- مــدخــل ... على لوحة مساء الفال – مدني النخلي
- يوم رشرشتك بالموسيقى
- في عيونك ريدة واعدة
- ما بخاف
- نبيل الحزن يا رايع – مرثية مدني النخلي في الراحل المقيم مصطفى سيد أحمد
- وداعية – هيثم مامان
- الجرح المنوسر – سعادة عبد الرحمن

http://www.sheekh-3arb.info/islam/Library/img/3ater/div1013.files/image021.gif

أما الألحان :

- أتذكري – صلاح مصطفى ومسعد حنفي
- زاهي في خدرو – أحمد المصطفى
- عشان كدة – صلاح محمد عيسى وإسماعيل خورشيد
- داوي ناري – العندليب الأسمر وإبراهيم ناجي "في الذكرى الأولى لرحيل العندليب الأسمر"
- المصير – عثمان حسين
- عندما يغني الكبار للكبار "في رحاب العبادي" بلابل الدوح لسرور غناها الفنان عبد الرحيم الأمين والفنان الكبير مصطفى سيد أحمد"
- الليمون سقايتو علي – سيد خليفة
- اذاني - أذا الــذررري
- دمعي الإتشتت – مصطفى السني
- جابتني المحبة – العاقب محمد الحسن
تو قيع الختام على باب الخروج

http://www.sheekh-3arb.info/islam/Library/img/3ater/div1012.files/image004.gif

ولنا عودة بالقوافي بإذن الله ،،،،،،

http://www.sheekh-3arb.info/islam/Library/img/3ater/div1012.files/image014.gif

تحياتي ووردي وودي للجميع ***

http://www.sheekh-3arb.info/islam/Library/img/3ater/div1012.files/image002.gif

http://www.sheekh-3arb.info/islam/Library/img/3ater/div1013.files/image021.gif



*

[βєτ λŁмάĻκв]

بالجد مدهشه شجن سرد ولا اروع واناقة فى البوست مااااعاديه يخليك ربي

[ود اشول]

بت البورت مافي ولا اروع من كدا
تسلمي كتيييييييييييييييييير

[λβoѕнєгOġ]

السلام عليكم لكل متابعي برنامج سهر القوافي على اذاعة البيت
دي روابط حلقة الاربعاء الموافق 3.10.2012
للتحميل
.التحية للغالية فاطمة حسين


لما تسرحي بي خيالك
http://www.mediafire.com/download.php?6uij467zggt5rvd
لو اديكي النفس الطالع
http://www.mediafire.com/download.php?mbagmsa8ouj4m0j
منتظر جيتك
http://www.mediafire.com/?gddiieym3vheioz
الفرح في الدنيا نادر
http://www.mediafire.com/?l8zr537q293zkt7
خلي ريحة القهوة تطلع
http://www.mediafire.com/?s7650j0ndbshov4
جاي من طينة الاسى
http://www.mediafire.com/?q7ndn7kbp14rww1
زي عنادك
http://www.mediafire.com/?kwk7wyk06bbehco
قطعت صحاري
http://www.mediafire.com/?kiwla2kid3wc4aw
انا ما معيون
http://www.mediafire.com/?1mrqr322c2563c4
قبل ما يرحل شراعك
http://www.mediafire.com/?5c316473cgqi72f
لو حبيبك جار عليك
http://www.mediafire.com/?pvojj71i2q3vtry
ناداني مرسال الهوى
http://www.mediafire.com/?334ovquudeq76x0
ما اتجاوزت الحد الفاصل
http://www.mediafire.com/?x7ht4aa9as0pbii

[ريم المها]

الشكر لك أبو شروق ولهذا المنتدى الأروع

ولجميييييع الاعضاء

[λβoѕнєгOġ]

لو اديكي النفس
الطالع
وشهق الدهشه ونو عينيا
لو اديكي
النجوي الهامسه
واشعار قيس في
ليلي
هديه
لو اديكي
الروح الحلو
برضي بشوفا عليكي
شويه
افتحي طاقة شمسك واسعه
جاكي الشوق بردان
ي بنيه
كبي المطره الفيك
محبوسه
وافتحي بابك
للحريه
العصفور والورده
تشارك
ولمة ناس في النيل عصريه
وشجره بترمي الضل
وناسه
تباري الموج بعيون
حنيه
ودايرك تعرفي بس
في الاخر
ليه اصبحتي ملاذ وهويه
تدخلي في شباك انفاسي
وتسرحي نسمة ريد
دغشيه
ادي الدنيا نداوة
طلك
لي افراح كانت
منسيه

width=599 height=401

[بت عدو]

رؤؤؤؤؤؤؤؤؤؤعة ابداااااااااع
معجبة حتي النخاع

[شجن البورت]

http://images.aarabladies.com/media/thumbs/thumb_b2ae1393.gif


ريييييييييييم المهاااااااااا

سعادتنا بكي لا تحدها حدووووووود

منورة والله

يا زولة تااااااااانية

ونتمنى أن لا تحرمينا

من طلتك المستدييييييمة


لكي خالص التحايا والحب

[شجن البورت]

أبو شرررررررررررروق ناااااااا

http://images.aarabladies.com/media/images/81040578.gif


وشكراً لن تفيـــــــــكـ

ويا رييييييييييييت تواصل علي كدة

والتحية للمبدع ضياء الحق

الذي يقوم بتسجيل هذه الدرر

وليك يا زولة تانية برضو تحيايا ندية :SugarwareZ-051:



لك عاطر التحايا والتقدير والإمتناااان

[شجن البورت]

بالجد مدهشه شجن سرد ولا اروع واناقة فى البوست مااااعاديه يخليك ربي

غاليتنا ** بت المالكاب

يا فرااااااااااشة عدو الأنييييقة

شاكرة لكي كثيراً إطلالتك الراقية

وما نتحرم منك القك يا رب


خالص التحايا والود ***



بت البورت مافي ولا اروع من كدا
تسلمي كتيييييييييييييييييير

الأخ العزيز ** ود أشول

ولا في أروع من

إحساس فرحي بتواجدك

وتسلم ياخي إنت


لك شكر وتحايا عاطرة ***

رؤؤؤؤؤؤؤؤؤؤعة ابداااااااااع
معجبة حتي النخاع

الغالية ** بت عدو

والروعة نحسها فعلاً فينا

بتوقيع حضورك المفرح

حتى النخااااع وبهناك ليهو:SugarwareZ-015:


لكي أرق التحايا والتقدير ***

[شجن البورت]

الغالية ** رييييم المهااا

بهدي ليك الصورة أدناه

لأني كلما أشوفا بتذكرك

لو ترضي أو .................:SugarwareZ-009:
.


.



.



.



.


.


http://www.yabdoo.com/users/15732/gallery/1381_p53544.jpg

[λβoѕнєгOġ]

التحية للاستاذ ضياء الحق

.
.
كم مرة حاولت
http://www.2shared.com/audio/euQeLF84/___online.html
يمة خلتني الظروف
http://www.2shared.com/audio/lj3tYsaS/___online.html
يا معصورة سلاف من دمي
http://www.2shared.com/audio/GzdA21bD/____.html
من القال ليك لما تفوت
http://www.2shared.com/audio/_d5cqdSZ/____.html (http://www.facebook.com/l.php?u=http%3A%2F%2Fwww.2shared.com%2Faudio%2F_d5 cqdSZ%2F____.html&h=iAQFnljpmAQFVAvbhFxfaKFscg262YD9L6ireqU86P_Z7Dg&s=1)
كل ما يبعد مداكِ
http://www.2shared.com/audio/3shY02NS/___.html (http://www.facebook.com/l.php?u=http%3A%2F%2Fwww.2shared.com%2Faudio%2F3sh Y02NS%2F___.html&h=cAQEJPTStAQFVKlkFJy5-PsJoYLyPmlrSvK-IswDMoiezvQ&s=1)
شايفك وعارفك
http://www.2shared.com/audio/5sz0uBO0/__online.html (http://www.facebook.com/l.php?u=http%3A%2F%2Fwww.2shared.com%2Faudio%2F5sz 0uBO0%2F__online.html&h=GAQHZZeWwAQFUSk5-qGL_3HB2PPVSyTGNhNh39qTYr13XAA&s=1)
الدنيا لسة بخير
http://www.2shared.com/audio/rLaCjvYr/___online.html
عاشقة ذاتك نرجسية
www.2shared.com/audio/aM9KzG0f/___online.html (http://www.2shared.com/audio/aM9KzG0f/___online.html)
الشاغلين فؤادي
http://www.2shared.com/audio/3GovOKGj/__online.html
ناس تناغم وناس تسالم
http://www.2shared.com/audio/YDnFxetf/___.html

[ريم المها]

الغالية ** رييييم المهااا

بهدي ليك الصورة أدناه

لأني كلما أشوفا بتذكرك

لو ترضي أو .................http://www.glbaljazeera.com/vb/images/smilies/Smilies/%28273%29.gif
.


.



.



.



.


.


http://www.yabdoo.com/users/15732/gallery/1381_p53544.jpg



هدية منك مقبولة معناها أنا على بالك

ومشكورة جدا على الصورة اعلاه
...........................

معرفتك أكبر هدية شجججججججججججن:SugarwareZ-107:

[الشاعر قباتى]

حلقة سهر القوافي ستكون على غير العادة مساء الخميس بدلاً عن اليوم الأربعاء بسبب أربعينية وردي اليوم وستكون السهرة اليوم عن وردي ...

وعلى غير العادة أيضاً سيشارك في تقديم سهر القوافي غداً بإذن الله مع الأستاذ عمر محي الدين

الإعلامي الكبير من قناة الجزيرة لقمان حسن همام

والإعلامي المتمكن سعد الدين حسن من قناة النيل الأزرق

وسوف تكون ورديااااااااااااااااااااااات

أتمنى أن نتابعها معاً فسوف يكون التميييييييييز عنوانها


لكم كل الود ***

لكم التجلة القايمين على امر المنتدى شكرا لهذه الدرر والنفيس من القصيد:SugarwareZ-266:

[شجن البورت]

لكم التجلة القايمين على امر المنتدى شكرا لهذه الدرر والنفيس من القصيد:sugarwarez-266:

ولك التحية على الحضور

على صفحة محبي القوافي


شاعرنا ** قباني


والتحية للمبدع الأستاذ/ عمر محي الدين

الذي ينتقي لنا هذه الدرر لنمتع بها


وفعلاً حلقة القامة وردي

مع مثلث الإبداع الأساتذة/
(عمر محي الدين/نعمان حسن همام/سعد الدين حسن)

كانت منتهى الرووووووووووووووعة والجمال



لك عاطر التحايا والتقدير ***

[ضياء الحق]

احساس جميل
http://www.2shared.com/audio/k9z-6zkE/__online.html
لما بتقدر تريدو
http://www.2shared.com/audio/kbf6Ruzk/___online.html
زيف بصوت عمر محي الدين
http://www.2shared.com/audio/2XYhhWCb/___.html
زيف بصوت ايمان متوكل
http://www.2shared.com/audio/v_2Gkbds/______.html
زول جديد
http://www.2shared.com/audio/ktqBFRr3/__online.html
يا مشاغل
http://www.2shared.com/audio/t-ZjAqng/__online.html
عيون الصيد
http://www.2shared.com/audio/tn78ockJ/__online.html
انت حكمة
http://www.2shared.com/audio/GakX7fxE/__online.html
ما بخاف من شي
http://www.2shared.com/audio/W9gdkLls/___.html
مربعات
http://www.2shared.com/audio/ZqRYpExJ/_online.html
في سكة الريد
http://www.2shared.com/audio/3cKvBmqg/___online.html

[λβoѕнєгOġ]

:SugarwareZ-023::SugarwareZ-023::SugarwareZ-023:
ياسلام عليك ياحيبب
بالجد روعة يسلمو ياغالي

[بت عدو]

يسلموووووووووو ضياءالحق
رؤؤؤؤؤؤؤؤؤؤؤؤعة

[الرايح]

ضياء الحق
قمة الابداع الفكرة .. والاروع بكل المقاييس المحتوي
شكراً كتير علي هذا الجمال ..
نحن في انتظار القادم للابهار

[شجن البورت]

المبدع ** ضياء الحق


في حضرة جمالك

وروعة حضورك

تضيع الحروف

ويطيب الجلوس

وتصفى النفوس

تضج الدفوف

يشع لينا نورك

وحواليك نطووووف




أينما تطل تكون بدراً على سماء فضاءاتنا

وتلونها بشعاع إبداعك وتنزل زخات عطاءك الجميل النبيل


مرحبابك الأستاذ/ ضياء الحق

على صفحات عد الحاج فقد إزداد نورها نوراً

فمرحباً بك وأنت تنضم إلى أسراب مبدعي ومبدعات عدو

ونتمنى أن يطيب لك المقام هنا

كما يطيب لنا دوماً الحضور في حضرة إبداعك

على مد الإسفير

و

هنـــــــــــــــــا

بإذن الله


ومجرد إقتراح : بتمنى تكون كل الحلقات في بوست واحد

حتى نجد كل ما يضيع منا في أي وقت


لك أرق وعاطر وأندى

التحايا والإمتناااان ***

[شجن البورت]

غيمات الحزن عدّت
وخلت لينا ميعة وطين
بيوت أفراحنا إتهدّت
وضل للبهجة ما لاقين
مساحات بينّا إمتدّت
وحتى وصالنا أضحى ضنين
خطاوي دروبنا ما ودّت
وكيف الوصل ما عارفين

قدر نسرق خطانا نقول
خلاص نصفى ونجي عليكم
يجي ويهجمنا ذاك الغول
وتجري الروح تناديكم
نفتش عن دروب أفراح
دوام نلقى الفرح فيكم
ونهرب تاني بالنفاج
نسوق الريد نجي عليكم

ومهما زادت الأحزان
ومنعت لينا للترحال
وخطانا إتوحّلت في الطين
من حزناً صبح هطّال
جسور الفرحة هي حنين
وواصلين ديمة عبر البال
ونركب أجنحة أشواقنا
ونجيكم ولو أميال





شجن/سحر




عدنا والعود أحمد

عدنا ننتشل أشلاءنا من بحور الأحزان الكئيبة

وأعتذر عن كل الحلقات التي غابت عنكم وعني

وما غابت شموس الشوق في أرض بها أنتم


نتمنى من الله كثيراً أن تدخل الأفراح كل الأوكار والأعشاش وقصور الشوق الحزينة

بلا إستئذان

وأن تقيم فيها أبدا ..

وأن ترحل الأحزان إلى مدن المجهول بلا عودة


ونعيش أفراحنا في دنيا
وريفة ظلالا بألوان طيفنا مكسية


لكم خالص التحايا والتقدير ***

[شجن البورت]

*******************

قوافي حلقة
26/09/2012م



الشاعر/ إبراهيم العبادي
"من فم الأستاذ/ عمر محي الدين لي كيبورتي وأذانكم":SugarwareZ-009:


ونريد أن نسبر غور عميق من عمق العمق "ونمشي نشوف" شاعرنا الكبير إبراهيم العبادي وهو مدرسة ومن الذين طوروا الأغنية السودانية الحديثة وغنى له فناني الحقيبة :

"يا عازة الفراق بي طال وسال سيل الدمع هطّال"
سال سيل الدمع هطال ياعازة الفراق بي طال
أرضي آمالي في إمحال من الهم بقيت في وحال
بعدك عزاة ساء الحال نومي صبري أضحي محال
ياعازة الفراق بي طال
طريت برق الفويطر الشال وسال دمعي البكب شلال
فقد صبري ومنامي اتشال لبس من ناري عمه وشال
ياعازة الفراق بي طال
أنا والهم دوام في نزال نحل جسمي وصبح في هزال
أفرحو ياشماتي العزال في العليل مازال
ياعازة الفراق بي طال
طريت الناسية ناسا طريت أمدر حنان ناسا
كيف أسلاها وأتناسا مفتون بظبي ناسا
ياعازة الفراق بي طال
ولع جوفي جمرا حي مابتطفيهو آه وأحي
فيازينة شباب الحي لدياركم يعود الحي


والعبادي السايق الفيت ، والعبادي كل الشعر الجميل الذي نسمعه ويغنيه الفنانين . وأريد أن أقف معكم مع إبراهيم العبادي بحساب أن الشاعر الكبير إبراهيم العبادي كان في زمانه قائد أو "ريّس" لكل الشعراء المجتمعين تحت لواء شعر أغنية الحقيبة وكان الكل يرجع إلى إبراهيم العبادي ويشاوره في كتابة الشعر وتقييم جديد الإنتاج وعنده علاقات وثيقة وحكاوي وقصص مع محمد ود الرضي ومع غيره من الشعراء ، يذكر أنه عندما ذهب إلى غرب السودان ومكث فيه عدد من السنين ترك الراية إلى عبيد عبد الرحمن وسيد عبد العزيز وكانوا يتابدلون الأغنيات التي يغنيها سرور . والعبادي "سايق الفيات ، ويا عازة الفراق بي طال ، وجيبوا لي قلبي الودر، والجرحو نوسر بي وببكي وبنوح وبصيح" وغيرها من الأغنيات ، ولكن "داير أشوف" واحدة من الأغنيات التي غناها سرور وكتبها إبراهيم العبادي :





بلابل الدوح ناحت على الأغصان
طرب وسرور ماحت فروع البان
فتح الياسمين زهره المنصان
وفل النرجس والكون صــان
غار الرمان مال الأغصـــــان
لولى ثماره ورمّى القمصان
يتمثل لي محبوبي عيان
حاولت أقطف زهرو النديـان
منعنّى تقى الورع التقيان
إتدفق لي أملي المليان
مر بالروضه وصفى لحوارها
ولع خده وطفى أنوارها
فضح الأغصان شوف نوارها
غمض خجلا وحيا إتوارى
خلنى أنوح عيني غرقن
بي نار الشوق وأعضاي حرقن
يا ديسا حكيت حظي الزرقن
يا شموس أفراحي متى تشرقن ؟؟
حين ولى وفات يلعب فرعه
ما ليه الهادل نام في درعه
ود عيني اللاج يجلب ضرعه
ما أقسى الحب وأصعب شرعه
ربيع الحظ بها حيالك
دمت ودامت أيام زاهيالك
علي بعيد لثم أذيالك
رد لي النوم لأجل خيالك


كتبت هذه الأغنية عام 1926م وغناها الفنان عبد الرحيم الأمين عام 1936م ومن أشهر الأغنيات التي غناها عبد الرحيم الأمين هي "الرشيم الأخضر ونغيم فاهك يا أم زين دواي للمساح" ، والفنان الراحل الكبير مصطفى سيد أحمد غنى هذه الأغنية أيضاً .


**************************************

مرثية الشاعر/ مدني النخلي
في الفنان/ مصطفى سيد أحمد

نبيل الحزن يا رايع
صديق الوردة والبستان
جميل المعنى والمغنى
ملان بي ساحر الألحان
حلف وترك من التغريد
أبى البهجة وبدأ الأحزان
خيول الرحلة خانا دليل
وتاه حاديها يا إنسان
حليلو الياما غنانا
رقيق الكلمة والمعنى
عريس الفكرة وإنسانا
منو الغيرك وطى الجمرة
منو القدرك شقى وعانى
فتح درب الغنا الرايع
وصاغ للعزة ألحانا
وشال هم وردة عطشانة
وصدح لي بنية شقيانة
حليلو الياما غنانا
حبيب الناس جمل شيلا
وفياً كان ومتفاني
أصيل أهدى البلد عمرو
أخو البنوت وسوداني
سَلَك سلك الثبات راجل
ملان أحلام ووحداني
سكن فينا وبكون باقي
بريق نجم الوفا الداني
بكون سيد أحمد الطيب
وفي سامر بعيش تاني

ــــــــــــــــــــــــــــــــــــــــــــــ

ما بخاف أنا يوم فراقك
من تموت جوايا ريدة
خوفي تنهد الغناوي
وينكسر خاطر القصيدة
الشمس من ضي عيونك
والنجيمات من بريقك
والعصافير من غناكي
والزهور من فيض رحيقك
والمجاذيب في دروبك
بين كتيلك وبين غريقك
وا شقاي أنا كان عشقتك
وضعت بالشوق في طريقك
قالوا قمر الليل قريبك
والفراشات والنوارس
قالوا كم رادوك وراحو
في دروب الريد فوارس
كان مقدّر لي أحبك
بالشعور البيهو حاسس
يكفي طيفك يبقى ليَّ
قمرة في ليل الهواجس
ما بقول عايزك حبيبة
تمحى من خاطري الكآبة
أو أقول دايرك قريبة
في سنين زايد عذابا
إنتي أكبر من تكوني
جنة مفتوح لية بابا
ويكفي إنك في ضميري
وفي ضمير كل الغلابة


ــــــــــــــــــــــــــــــــــــــــــــــــــ ـــــ


في عيونك ريدة واعدة
وحلم سافر في الأماسي
وإشتياق من تبَّ راحل
ولسة ما وصل المراسي
إنتي يا حبي وجنوني
وجنتي ومتعة حواسي
يا صميم عمق المشاعر
في زمن فرّاق وقاسي

عشت بعدك طيف مسافر
في المسافات القصية
لا محطات لا مرافي
لا بطاقة ولا هوية
وزادي من عينيكي دمعة
وهمسة مشتاقة وشقية
في جواب بالريد معطر
كنتي رسلتيهو لية

بين عويناتك إشارة
لي ملايين الحيارى
في البويتات القديمة
وكل شارع وكل حارة
يبقوا أكبر من جروحن
ومن قلوبن وإنكسارا
ويشتلوا الريد والأغاني
ويبقوا للأفراح بشارة

بس وحاتك يا حنينة
الفرح من بدري هاجر
وياما خانتنا الغناوي
وياما فينا الحزن تاجر
الزمن صعّب ظروفنا
وللأماني الحلوة كاجر
والقدر ختم الرواية
لما لي أحلامنا صادر

إلاّ لسّة الوعد بينّا
لسة لسّة الوعد بينّا
لا حليلي ولا حليلك
ولسة عمر الريدة باقي
وقلبي عابر في سبيلك
وأصلي زول مجنون وعاشق
وماشي سكة مستحيلك
عشت كل العمر ليكي
وياني في الآخر كتيلك

ـــــــــــــــــــــــــــــــــــــــــــــــ

يوم رشرشتك بالموسيقى
ويوم غرّقتك في ألحاني
ويوم غنيتك جرحة وفرحة
وفيكي سكبت نزيف أحزاني
وإتبنيتك فكرة لبكرة
وإتجاوزت جروح أزماني
إلاّ الجرح الكان بيناتنا
رافض فكرة يعود من تاني
ما إتلوّمت معاك وحياتك
وعمرو اللوم ما كان أخلاقي
ولا شيلتك هم الريدة
لا شردتك بين أشواقي
أنا غنيتك غنوة جميلة
وانا ربيتك بين أوراقي
وأهديت ليكي قصايد شعري
كل سنين العمر الباقي
كنت بفتش فيك عن موطن
ما لقيت غير الخوف والهم
حزنك في جواي مستوطن
وجرحك لسّة بينزف دم
بيكي مليت الدنيا قصايد
وإهتميت بالكيف والكم
وهسع سايبك وناوي أسافر
مالي ومال الهم والغم
في زمن الصورة المكسورة
بتسلم صورتك أسلم صورة
ترحل بين الغيمات نجمة
وفي نغم الموال مازورة
ولو في الدنيا ظروف بتفرّق
وفيها الناس بتكون معزورة
حتبقى حكايتك أحلى حكاية
وحبك في التاريخ أسطورة

ــــــــــــــــــــــــــــــــــــــــــ



الأستاذ/ مدني النخلي


على لوحة مساء الفال
تخيلوا دنيا من غير خوف
ولا المرض البهد الحيل
ولا الجوع البعضي الجوف
حدايق عامرة بالأطفال
على مد الحلم والشوف
تصور حلمك إتحقق
بعالم فيهو نتصافى
زمنّا من الضياع يمرق
نصح ونطيب ونتعافى
ونقوم من وقعة الفاقة
وتبقى عيونّا شوافة
حمايم شايلة غصن الحب
رحل زمن الضغاين راح
بيوتنا تنوم ومتطامنة
وفاردة علي المحبة وشاح
تخيلوا نحنا في السودان
نغني على نغم صدّاح
على لوحة مساء الفال
تخيلوا كيف يكون الحال

ــــــــــــــــــــــــــــــــــــــــــ

الوداعية
الشاعر / هيثم مامان
(من مذكرات عاشق)

وداعية قالت لي
مصيرك تنجرح في الريدة
ترحل زي رحيل الموج
تتوه في سكة البتريدا
محبوبتك نجيمة صيف
محلقة في سماها بعيدة
لا بتقدر تعدي مداها
لا في يوم بتمسك إيدا

عينيها في بعادا سحابة
مين بقدر يطول أنيابا
والدرب البوصل ليها
ياما ضاعو فيهو غلابة
قمر السبعتين والنجمة
والشمس المفتحة دابا
عيناً شافتن مسحورة
وإيداً طالتن كضابة

حبيبتك سكّنوها الوادي
من سابع البحور لي غادي
بيناتكم بلاد وبلاد
وبيناتكم جبال وبوادي
ولو تمكلك ملوك الجان
وتتسيد علي أسيادي
زولتك ماها في الإمكان
وحزنك غنى بيهو الشادي

يا مسافر وراء المريود
ويا ماشي في طريق مسدود
ضلل نجمو ساري الليل
وغابت في حدودو حدود
شايفاك في رؤاي يا ولدي
بين موجود وما موجود
ومعشوقتك تجينا في غابة
محروسة بنمور وأسود

وقدرك تمشي مشوار ريد
وتدخل في حروب وحروب
تعيش عمر الهوى مجازف
مقسم بين دروب ودروب
سلّم بالقدر والقسمة
وأحسن ترضى بالمكتوب
والزول البحب يا ولدي
بدفع عمرو للمحبوب
ــــــــــــــــــــ


الجرح المنوسر

الشاعرة/ سعادة عبد الرحمن


اثنين ان ختنك في المحن ماتبالي
رفق الدون واطماع النفس في المالي
ترديك في الهوان وان كان مقامك عالي
والاتنين خصم من صالح الاعمالي

واتنين لا تصغر نفسك اتحاشاها
سيرة الناس وان كان الخشوم لايكاها
الموقدلو نار يوم بكره بتوطاها
والجابلك خبار الناس اكيد اداها

والجرح المنوسر ما بتطبو الكيه
وماببرد حشى الحروقه قولة احيه
علا الليل بطيب خاطر المأذيه
باعك واشتراك زولا غفرك سيئه

والتجى من بعيد قسمتنا نتلاقاها
حار الشينه من الليك كان سواها
لابتقدر تصل حدا تلزمو ياها
ولا بداوي الزمن جرحك ولا بتنساها

والماساتروا الله كضبته ما بستروا
الزول ان ختيت فيهو المروه اختروا
الظفر ان نقح صح البدن في بترو
دربك اعوج ان قبلك كبارك عترو

وحذر وش منافق ببشاشه يقلدك
وحين تديو قفاك بسياط لسانو يجلدك
ماتأمن عدوك ما حك جلد ظفرك
نسبك للوراك صحيح ابوك الولدك

والليك ان عدوك بتختوا في ود عينك
الناس ما تياب كيفنها اصابعينك
مهما انت بازل ما بتسدد دينك
ترجع لمراح العرجا والله يعينك

وزول ان ملكت امرك كان غلط ما تلوموا
وماتعشم صغير بيك يكبر كوموا
الزول الصميم بحكمه داوى هموموا
ما تستنى لقسم البقوم من نوموا

[شجن البورت]

***********

03/10/2012م

القوافي :

- لما تسرحي بي خيالك
- لو أديكي النفس الطالع
- منتظر جيتك تفرّح
- الفرح في الدنيا نادر – أسامة مختار
- خلي ريحة القهوة تمرق – عمر محي الدين
- جاي من طينة الأسى
- زي عنادك إنتي أكبر
- قطعتك صحاري
- ما إتجاوزت الحد الفاصل
- ناداني مرسال الهوى
- لو حبيبك جار عليك – أزهري ضياء الدين
- لوزمانك جار عليكا – عمر محي الدين
- قبل ما يرحل شراعك



أما الأغاني :

- ملايكة – الكابلي مع إبراهيم عوض عثمان شاعر القضارف
- البلوم في فرعو غنى – الجابري
- قهوة منك – د. منال بدر الدين
- في الليل الهاجع – عوض الكريم عبد الله
- يا ناسينا – حسن عبد الوهاب مع وردي
- فنانة مصرية من أصول سودانية شيرين عبد الوهاب "جرح تاااااني"
- عندما يغني الكبار للكبار "شاعر سوداني من أصول مصرية" سيد عبد العزيز وأغنية "أنا ما معيون" لكرومة وغناها أحمد المصطفى وعدد من الكبار
- في ربيع الحب – سيد خليفة
- المصير – مزج الأنغام بين إبراهيم عوض وعقد الجلاد
- كل لحظة – عثمان حسين وبازرعة توقيع الختام



بأقلام :

- فيصل يعقوب
- أزهري ضياء الدين محمد
- الإعلامي أسامة مختار بالقسم العربي بإذاعة الصين
- عمر محي الدين وبعض أصدقائه

[شجن البورت]

زي عيونك إنتي ظالمة
رغم إنك إنتي عالمة
إنو كل الدنيا في عينيكي حالمة
وحتى آهاتك وحاتك
نابعة من جواكي نادمة
بس عنادك رغم عنك
عمرو ما خلاك مسالمة
فرحة الحزن العليكي
نابعة من جواك حقيقة
أما حزن الفرحة فيكي
أفقدت دمعات بريقها
لو زمان أنصفتي ريدك
كان قدر خلاك حقيقة
وكان وهب ليك من وفاهو
زهرة بتجدد رحيقها
وكان وفاء الدنيا كلو
أهدى ليك زفرات عميقة
بسلأنك رغم عنك
كنتي لي ظلمك رفيقة
وبكرة بالدنيا المشاعر
تصبح الآمال حقيقة
********
وبي عنادك إنتي أكبر
وباقية في أعماقي ديمة
تمسحي الجرح المنوسر
وكل أحزاني القديمة
وبيكي بتحدى القواسي
وبقطع المشوار نغيمة
وعندك إنتي بنسى ذاتي
وقصة الذكرى الأليمة
وزي عنادك ...
بانية في أرواحنا عزك
وحتى لو إحساسي بيكي
ما قدر في يوم يهزك
وبرضي صاين ليهو عهدك
والله بحترمك بعزك
وكل شعري القلتو فيكي
قصدي ما كان إستفزك
إنتي ما درتنا غالية
وبانية في أرواحنا عزك
ولي عنا الروح إستراحة
إنتي لي أرواحنا جنة
وفي غفار دنيانا واحة
وفي لهيب أرواحنا راحة
فرحي الروح والأماسي
يا منى الروح يا سياحة
وعن عنادك مالني راحل
والحقيقة بتوصليها
في عيونك غيرة بادية
بس وحاتك لملميها
وعودي لي دنيا المبادئ
أحكي ليها وعلميها
إنك إنتي فيني أسمى
وإنتي هي الواحة البجيها
وقصة الفرح البعيشها
وهي المودة متين أجيها
ـــــــــــــــــــــــــــــــــــــــــــــــــ

قطعتك صحاري
مشيتك فترت
أفتش حنانك
بريدك تعبت
لقيتك بلاداً
وفيها إغتربت
ومن تيه دلالك
سرحت وسهرت
مقدّر تكوني
أكونك وكنت
أحبك أريدك
معذب مرضت
شراعي في بحارك
طلقتو وغرقت
رسمتك كتبت
وبذرتك زرعتك
برايَ وشتلت
وبنيتك مطافي
رحلت وسكنت
وكنتي البداية
المشيتا وعرفت
وسنين المتاهة
وقبلك ودرت
وجدتك أماني
ومعاكي إسترحت
كتبتك أغاني
جميلة وأجدت
محطة في محطة
وصلتي ووصلت
تقول لي عيونك
إذا ما سألت
بريدك بريدك
كفاية وقبلت

ـــــــــــــــــــــــــــــــــــــــــ

جاي من طينة الأسى
الموسوم علي عين الغلابة
زادي عرفة زول بعزو
خيلي أشجان الكتابة
وفي الصدى الجاييني منو
روحي سلمت من عذابا
شفت برك كيف يطمن
لي سفن طال إغترابا

كنت متتبّع بحارك
شوقي كايس لي ضفافا
ويوم لقيتك جمبي غنية
رقة في الذوق واللطافة
ضحكي فات الغيم صداه
وقرّبت بينّا المسافة
أي أحزان مني فاتت
وأي سكة منو البخافا

صندلك فوّاح يتاوق
وغابة حنة
لا بفوتك لا بفارق
فيكي كم تهنا وغرقنا
زفة النور والمشارق
فرحة صوت أجراسا رنَّ
وكل يوم يلقاني عاشق
وقلبي فايض بالمحنة

ــــــــــــــــــــــــــــــــــــــــــــ
منتظر جيتك تفرّح
دقي بابي
عطرك الشفاف أناقة
خلي يمطر في يبابي
وشوقك الفارد قلاعو
يرجع يسبح في عبابي
وتاني تغريد القماري
صوتو يصدح في ربابي

يا البنية ...
الشايلة في خدّك شفق
ريدك أكبر من غنايا
ومن خيالات الأرق
حتى في ليل القوافي
ولمّا ننزف في الورق
إنتي ما سحر القصيدة
وإني بحر الشوق غَرَق

آهة في ريدك تحرّق
وأي آهة ...
فيها من جرحي البتاور
لمحة من ليل المتاهة
أفتحي الخاطر نوافذ
وأدي من ريدك سماحة
أي ماضي بتشتهيهو
وأي جاي معاكي راحة

ــــــــــــــــــــــــــــــــــــــــــــــ

وبلسان الأستاذ/ عمر محي الدين

في واحدة من صباحات 2006م وفي فناء ساحة أمدرمان على الكافاتيريا الكبيرة جلسنا في وردية صباحية مجموعة من الإذاعيين وإنزوى بي جانباً زميلي الأستاذ/ أسامة مختار وهو الآن يعمل مذيع بالقسم العربي في إذاعة الصين في شتاء بارد وعلى كباية شاي دافئة قال لي أنني "طول الليل" في خاطري أبيات شعرأريد أن أكتبها وكتبت :

الفرح في الدنيا نادر
لكن الأحزان عديدة
مالا دنيا الناس بتقسى
تحطّم الآمال تبيدا
والأماني الحلوة تبقى
ذكريات ماضية وبعيدة
والصباحات والأماسي
والمسرّات السعيدة
ديمة تقصر ونشتهيها
وتمضي لما يفوت جديدا


فقلت له الدنيا صباح وشتاء ليه إحساسك إحساس متشائم جيب لي الورقة وعلى كباية الشاي فضلت أكتب ليهو وفي الإذاعة في ناس مجهولين وقدامنا كانت خالتك زينب الحاجة الكبيرة القاعدة معانا في الإذاعة تبيع الشاي ونرسل لها التحية وكان عندها ريحة جبنة منبعثة في تلك الصباحات !!! فقلت ليهو يا أسامة ياخ إنت شيل الإحساس وخلي :

خلي ريحة القَهَوَ تطلع
وأمزجيها عطور جديدة
خلى ريحة القَهَوَة تمرق
ورجعي الذكرى البعيدة
الحزن في الدنيا نادر
لكن الأفراح عديدة
وأحكي لي عن بكرة قصة
قصة إلاّ تكون فريدة
ضمّنيها غرام سنينّا
وتوجيها بأسمى ريدة
لو سمعتي الغيبة طالت
دوزنيها أنغام جديدة
ولو خلاص فاض بيكي إنتي
وصبحت الأشواق شديدة
ولو لقيتي الحيرة بادية
في الوجيه الكلو ريدة
وضمني الحب بالأماني
وأرجي لقيا تكون سعيدة
وببقى باقي أنا في قليبك
والأماسي أنا ببقى عيدا
ونحنا أسمى ونحنا أرقى
ونحنا أحلامنا بنشيدا
ونحنا باكر نبقى قدوة
نحكي للعالم قصيدة
وتضحك الدنيا وتغني
وتفرح الآمال سعيدة

مع إحساسي بأن كلام أسامة مختار أصدق
الفرح في الدنيا نادر
لكن الأحزان عديدة

ـــــــــــــــــــــــــــــــــــــــــــــــ

لو أديكي النفس الطالع
وشهقة دهشة ونور عينيَّ
لو أديكي النجوى الهامسة
وأشعار قيس في ليلى هدية
لو أديكي الروح الحلوة
برضي بشوفا عليكي شوية
أفتحي طاقة شمسك واسعة
جاكي الشوق بردان يا بنية
كبي المطرة الفيك محبوسة
وأفتحي بابك للحرية
العصفور والوردة تشارك
ولمة ناس في النيل عصرية
وشجرة بترمي الضل ونّاسة
تباري الموج بعيون حنية
ودايرك تعرفي بس في الآخر
ليه أصبحتي ملاذ وهوية
تدخلي في شباك أنفاسي
وتسرحي نسمة ريد دغشية
أدي الدنيا نداوة طلك
لي أفراح كانت منسية

ــــــــــــــــــــــــــــــــــــــــــــ

لما تسرحي بي خيالك
وينشغل يا حلوة بالك
القلوب تتشابى ليكي
وتسألك يا سمحة مالك
ونحنا نتعذب وحاتك
وأصلو ما بهدالنا بال
الهموم الفي حياتك
بنشيلا لو كانت جبال
يلا أضحكي يا عيون
إتوسدي الفال يا أميرة
كونو تنشغلي بظنون
والله جد منك كتيرة
دة العمر بنعيشو مرة
أيامو ما بين حلوة مرة
وليه الفرح زي نسمة مر
والعذاب دام إستمر
بكرة الزمن يضحك علينا
ضيعنا في اللوم والعتاب
وحقو السنين الباقية لينا
نملاها ريدة بلا عذاب



وراجعين مع
لو حبيبك جار عليك
ما إتجاوزت الحد الفاصل
ناداني مرسال الهوى


لأنو إرسالنا عمل خخخخخخخخخخخخ:SugarwareZ-121::SugarwareZ-121:


ودحين بالله يا المخلوق
سألتك الله عندك ذوق
أسبوع نرجاه بي كل شوق
ووكت اللقيا بالنا يروق
معاك عشمنا ليه ما يحوق
وطعم المرة نحنا نضوق:SugarwareZ-120::SugarwareZ-110::SugarwareZ-099::SugarwareZ-266:

شجن/سحر

[شجن البورت]

شاعر سوداني من أصول مصرية


عبد المحسن عبد العزيز ولد في أمدرمان المسالمة عام 1905م ، والشهير بسيد عبد العزيز والده مصري ووالدته سودانية كان والده يعمل في مصلحة المعارف عند ولادته وبعد ذلك كان له "زريبة مواشي" في حي العرب في أمدرمان وبعد ذلك إنضم له إبنه عبد المحسن "سيد عبد العزيز" ليواصل معه المسيرة . ووالده سماه عبد المحسن وبعد وفاة شقيقه بمصر سيد سمى عليه عبد المحسن بسيد ، ويعتبر من شعراء الجيل الثاني في حقيبة الفن وهو من الشعراء القلائل الذين كتبوا مسرحيات خلال حياته الشعرية وكان من أول الشعراء السباقين في كتابة المسرحية الشعرية بالعامية السودانية هو إبراهيم العبادي وبعده سيد عبد العزيز وكان عندهم مسرحيات بالعامية "المك نمر ، صور العصر" وغيرها ، ولكن سيد عبد العزيز يعتبر من فحول شعراء الحقيبة غنى له سرور وكرومة وعبد الله الماحي وغيرهم من فنانين الحقيبة الكبار. درس وتعلم القراءة والكتابة وبعض العلوم الدينية وبدأ يعمل مع والده في "زريبة المواشي" في أمدرمان ليساعده على نفقات الحياة وبعد ذلك ترك العمل بها وعمل بالميكانيكا في قسم للميكانيكا تابع لشركة سودان ماركن وبعدها عمل ميكانيكي في شركة أخرى وعمل سائق تاكسي لعدد من السنوات وكان إحساسه دائماً متدفق وجميل . عمل في النقل الميكانيكي في مدينة الأبيض 1954 – 1967م وعرف عنه أنه رجل عصامي إستطاع تعلم اللغة الإنجليزية ليترقى في العمل الميكانيكي ، بدأ كتابة الشعر مبكراً عندما كان يعمل في "زريبة المواشي" بأمدرمان 1912 - 1913 – 1914م وكان لصيق بعدد كبير من المثقفين والمتابعين والمتعلمين والأساتذة في معهد أمدرمان العلمي . يلاحظ النقاد في شعره أنه كان قريب جداً ومتأثر بالمجلات والكتب العربية القديمة التي كان يقرأها ويلاحظ ذلك من خلال مفرداته الشعرية ودائماً في ذلك الوقت كان هنالك تنافس بين كرومة وسرور فكان الشعراء يتنافسون بأنهم من يغني لمن . سيد عبد العزيز شاعر كبير ومجيد وأول أغنية ظهرت له كانت "يا أماني جار بي زماني لو أراكم أصبح سعيد" . ولكن عام 1927م كتب أغنية شهيرة وكانت الأغنية التي فعلاً بدأت تشهره وتجعله معروفاً بين الناس وغناها كرومة عام 1920م وشكلها يعطي إحساس للذين يعرفون الشعر أنها من الأغنيات المصنوعة صناعة جيدة طابقت لحنها وقافيتها وجاءت أغنية مكتملة التطريب وهي أغنية "أنا ما معيون"

أنا ما معيون
أذاى ودواى خدود وعيون
يا ناس .. أنا ما معيون
***
حليف آلأم وعيونى عيون دائى عظيم ودواى مصيون
سامى بعيد عن العيون وأنا عقلى بقاله رقيب وعيون
أغنى عليها وأبدى فنون أفوق الساجعة حنان وجنون
أأمل ليمها الما مظنون وسيف هجرانها علي مسنون

تجدنى مغيب وحولى شجون كانى اسير فى حب مسجون
أملى بكل قماح معجون موتى دنى وسببى العرجون
رزينة ذكية حراك وسكون تامى جمالها الما ملكون

لو عبرنا صفاتها تكون هى أول غانية تضوى الكون
عفاف وترف فوق القانون دلال وثبات وهيات وحنون
فى فاهه الدر منظوم مكنون ومدام ومسك وعسل مشنون
ناعمة جسيمها حرير ووهون طبيعة بطيب الند مدهون

عزيز أرواحنا لذاك يهون ملى اذا أًبح مهيون
لمكلة جنوده خدود وعيون لحاظها تخيف قايد المليون
وترهب عنتر ونابليون

ليها سلامى بعد ما يصون عاشق حب قمر محصون
وبعد ما غنى الطير فى غصون يبقالها سمير وسرير وحصون


ذكرتني عندما كنّا في المرحلة الإبتدائية كان إحساسنا الأولي بأنه يمكن أن يركب كلمات فكنا نقول :
أذاي علوم ودوايا فنون
أنا ما معيون
في الجغرافيا من الناجحين
بينت أم در على نهرالسين

غنى "أنا ما معيون" كرومة 1929م وبعد ذلك غناها ميرغني المامون وأحمد حسن جمعة وأخيراً غناها أحمد المصطفى



ـــــــــــــــــــــــــــــــــ
فنانة مصرية من أصول سودانية

شيرين أحمد فنانة مصرية ترجع لأصول سودانية قابتها في أستديوهات العرب 2010م فقلت لها عندما أستمع إلى "غناك" وإحساسك أحس بأن "فيكي عرق مننا" فقالت لي بأن أصولها من والدها هي سودانية ولكن أسرتها مولودة في مصر وعاشت فيها وهي فنانة معروفة وبدأت الغناء منذ أن كانت طفلة في التلفزيون المصري وأخيراً أصبحت من الفنانات الكبار في جمهورية مصر العربية وفي العالم العربي وفي العام 2009م من خلال التواصل في FM100 تكلمت عن شيرين أحمد في واحدة من الليالي وقلت أن إحساسها يشبهنا في الغناء ومفرداتها قريبة من مفردتنا السودانية عكس الغناء العربي الذي نسمعه في العامية المصرية أو العامية العربية نحس به غير مضبوط فنجد أن مفردتنا السودانية عالية جداً من حيث الكلمة والنظم الشعري .

http://www.youtube.com/watch?v=AEjORZ9eMgA

[شجن البورت]

********************

10/10/2012م

القوافي :

- كم مرة حاولت
- يمة خلتني الظروف
- منو القال ليك – محمد الباشا
- كلما
- شايفك
- الدنيا لسة بخير – داليا الياس
- فيكي في داخلك أماكن
- ناس تناغم وناس تسالم


أما الأغنيات :

- ضنين الوعد – الكابلي – وصديق مدثر في رحيلة في ذات اليوم
- يمة السبب عيشة المنى – تاور مع حكمة محمد يس
- بتقولي لا – عبد العزيز المبارك
- البيسأل ما بتوه – البلابل مع الحلنقي
- عندما يغني الكبار للكبار – الشفيع مع ود القرشي "لوحة" شقتومن نظرة وغناها الكابلي
- واحشني – عــــركي مع التجاني حاج موسى
- معلومة عن المساح "على أحمدان"
- ليالي يا ليالي – اللحو
- الشاغلين فؤادي – بصوت الكاشف والبلابل وعثمان مصطفى ومجموعة من الأصوات
- لو أحبك – زيدان وتوقيع الختام


بأقلام :

- محمد الأمين الزين القرشي
- فيصل يعقوب
- داليا الياس
- أزهري ضياء الدين
- محمد عباس الباشا

[λβoѕнєгOġ]

:SugarwareZ-023::SugarwareZ-023::SugarwareZ-023:
الله عليك بت البورت
عدتي وعادت القوافي وعاد النبض والفرح

[شجن البورت]

كم مرة حاولت
تصفح تبين إنت
يا الزاد علي شوقك
لو مرة سالمت
أرجع تعال لية
ما تزيد صدود وجفا
أصلي المعاك أوفيت
وأنا للعهود صنت
سايقني ليك حنين
يا حبي أظهر وبين
ما تخفي لي ودك
خلينا أوفى إتنين
أوفيني زيد في الريد
ما تحرم القلبين
نفضل أنحنا سوا
ويدوم سعد عاشقين
أنا أصلي ما حبيت
أبداً سواك وأوفيت
ما العشرة أصلو كدة
ما تهون عليك ظنيت
دامت سعادتنا
وأشرق صباح العيد
يا ريت هنانا يدوم
ويكبر هوانا ويزيد



محمد الأمين القرشي




ـــــــــــــــــــــــــــــــــــــــ
الشاعرة الجميلة حكمة يس في مداخل شبابها جاءت والدتها ووجدتها تكتب فسألتها "بتكتبي في شعر ؟؟؟" فقالت لها :

يمة خلتني الظروف
أبقى فنانة حروف
يمة السبب عشق المنى
والكان زمان في حيّنا
يا حليلو سافر مننا
وخلاني أكتب في الغنى

خلاني سافر من زمن
وعيوني باكيات طولن
ما أظن يفارقني الشجن
وبلاهو وين ألقى الهنا

يمة لومك قللي
قلبي خليهو علي العلي
وبرضاكي لي ما تبخلي
يا حليل زمان قلبي الخلي

ــــــــــــــــــــــــــــــــــــــ

يا معصورة سلاف من دمي
وغيري بيشرب من أكوابك
مدي البعد البينّا مسافة
وسدي عليكي مشارع بابك
ما بتوحد قلبك ويهمد
وباب الريح الفيكي بغالبك
هوي يا شافعة الدنيا مواجع
وأنا هم وجعي معاك متشابك
وفتحت صَرّة وشك جرحي
زي ما تقول العرفة نساها
سال جوايا الألم النازف
وأنا في خوفي طلقت الآهة
وعارف حبك غيمة بترحل
زمن الصيف الغادر جاها
وأنا بتخطى جروح أحزاني
وقبلك قلبي السكة مشاها

ـــــــــــــــــــــــــــــــــــــــــــ

الأستاذ/ محمد عباس الباشا

منو القال ليك لما تفوت
بدونك ما بشوف الضي
وبدونك عمري يصبح صيف
يناديك وإنت تحدر لي
حليلك كان عدوك زولك
هداك بعد المروج للصي
وقرر ليك شان مسكين
وأغراك بي كلامو الني
همو تموت مدينتنا
سبيلك ما يكون يوم لي
وإنت سمعت دون إمعان
أطعتو صبحت جاني علي
أنا إندملت جراحي وكان
بعد كل العلاج الكي
في ذكر الحكيم أحكام
وبي يد الكريم كل شي
إرادتو هي راسمة لينا الحال
ومافيش قسمة فاتت حي
حليلك ما خطاك نصيب
أريتك كان صبرت شوي

[شجن البورت]

الأستاذة/ داليا الياس


الدنيا لسة بخير
ما دام وشينا صبوح
ما دام في لسة أمل
وجوانا باقي طموح
حنعمر التاريخ
ونشيد جبال وصفوح
نبني المحبة وطن
ونبني الريادة صروح
وحا ترحل الأحزان
ما فينا زول حينوح
نطرح هموم النيل
ونداوي فيهو جروح
وعشان وطنّا يعيش
عادي بتروح الروح

الدنيا لسة بخير
لو لسة بينّا ثقة
نتقاسم الأحضان
ونوزع الصدقة
نحفظ عهود الريد
ونشيلو شوق وشقا
ونصبر علي المافيش
ولا بد في يوم نلقا

والدنيا لسة بخير
ما دام في لسة ضحك
ما دام في لسة عيون
مليانة شوق وصدق
ما دام في جار ضكران
كفكف علينا مرق
لمن سمع بالليل
صوت نسمة شايلة ورق
وبي سرعة فتح الباب
قايل الحرامي سرق

يا ريت يدوم الخير
بيناتنا بالأحلام
نحلم نشوف كل زول
ناجح ولي قدام
نفرح عشان فرحو
نطراه ونقول يا سلام
ما أصلوا حظ الزول
من قسمة الأيام
ما بتدي قالوا حريف
وأقدارنا ماها كلام

والدنيا لسة بخير
ما دام في بر ممدود
ورغم الكضب والزيف
والقالوا إسمو جحود
بنشوف جمال النيل
مزروعة جمبو ورود
تشهد علي العشاق
تسمع وعود ووعود
وتفوح بعطر الحب
لو حتى بينا صدود

والله كل الخير
في بسمة الأطفال
فيهم بشوف النور
والخضرة والآمال
طيبين ومتصالحين
في معظم الأحوال
بيهم جمال الكون
وبينم حنان ووصال
عايشين علي الموجود
مهما زمانم شال


ـــــــــــــــــــــــــــــــــــــــــــ

فيكي من نفَس البنفسج
طلة الطيب والندى
ومن بريق شمس التوهج
ألف مفتاح للنداء
كنتي في الأول تلاقح
وبنتي في الآخر صدى
جوة في أعماق جراحي
وفتي لي أبعد مدى

وإلتقيتك في التباهي
ومرة شفتكـ ...
سارحة في خيلاء خيالك
ويوم عرفتكـ ...
قبل ما يلقاني إسمك
كان عشقتكـ ...
جيت أفتش لي أمانك
إلاّ آخر الأمر خفتك

فيكي في داخلك أماكن
ديمة تتباعد قصية
أرهقت فيني التواصل
وفجّرت دمعات شقية
عذّبت إحساسي بيكي
وشرّدت فيني البقية
آخر الصفحات قريتك
عاشقة ذاتك نرجسية

والغمام الشالني جيتك
في بحار ريدك رماني
إبتدأ في ذاتي التوجس
والهموم عرفت مكاني
والشراع في الريح يقاوم
والزمان زي ما زماني
بعدو هل أيامي تصفى
وجرحي يبرأ ويهدأ تاني

ـــــــــــــــــــــــــــــــــــــــــــــــ



في حضرة الشاعر علي المساح

علي أحمد الشهير بعلي المساح كان بليغ وبديع في كتابته لأغنياته

وكاتلني الظمأ
وأنا صابر عليه
ناشد قول أخوك
المساح علي
وحالتو صعيبة جد
يا محمد علي



إنه المساح يتكلم عن نفسه وعن الشاعر محمد علي الأمي في الأغنية الشهيرة الشاغلين فؤادي

علي المساح من مدينة ود مدني ولد فيها عام 1904م من شعراء الحقيبة الأوائل بعض الروايات تقول أنه ولد في أمدرمان ولكن ذهب في سن الطفولة مع والده وإستقر في مدينة ود مدني ، ويصنف علي المساح من شعراء الجزيرة الكبار وشعراء السودان . توفى والده وتربى ما بين شقيقته حبيبة وإبنها محمد الحسن وبدأت عليه في صباه الباكر نفحات تعاطي المفردة والشعر لأنه كان ما بين 15 إلى 17 عام كتب أشهر الأغنيات السودانية والأغنية الشهيرة المعروفة "الشاغلين فؤادي"


لشاغلين فؤادي وتايهين فايقين
يفتى البى زارف دمع المايقين
*******
تال القبلة شايف لي برقا لمع
والصيد في الخمايل ياناس إجتمع
قوموا يا أحبة نسترق السمع
ما يطيق القعدة والمايق دمع
*********
البلابل صاحت في الليل الهجيع
سهرانات عيوني وجافيت الضجيع
من الحاله ديه اولالي النجيع
وا حسرة شبابي الما لقيت لي وجيع
******
كلف أحبابى لي يا مولاي قدروا
إنسلبت لحومي وأعضائى خدرو
لاموني العوازل بى حالي إزدروا
هم تايهين دلالن ساهين ما دروا
********
سامرت الكواكب لما الفجر لاح
منادى الفجر نادى وقال ياأهل الصلاح
صلوا الوقت حاضر قام أهل الصلاح
وأنا الليل قايمو لخيال ليَ لاح
******
النسيم عاودني أقوم من نومي تاب
مدهوش فكرى حاير مشطوب انشطاب
يا نسيم بلاهى جيب رد الخطاب
أوع الجاهلة نية وما بتحمل عتاب
*******
حليل القدرو سامي فوق الجيل فريد
حليل روحي بقت ليه طوق في الوريد
بكتب ليه خطابي وعذري عذر مريد
يا نسيم بلاهي طبق ليه البريد
***********
إنكسرت اعضائى من كسرة الولوع
وأبكي العبره خانقه وأنا ليها البلوع
أصبح قلبي يرجف خلى من الخلوع
يا ناس روحي شاهقة هيه ناوية الطلوع



هذا علي المساح في عام 1918م وفي تلك الفترة لم يعرف علي المساح وكل الأغنيات التي كتبها المساح غناها الكاشف وغنى أغنياته في ود مدني فنان إسمه الطيب الإنجليزي وعندما جاء المساح إلى أمدرمان وجالس عبد الله الماحي وإبراهيم عبد الجليل كتب أشهر أغنياته "ليالي يا ليالي .. ليالي عودي تاني" غناها اللحو .
وفي عشرينيات القرن الماضي إشتهرت الأغنية التي غناها كرومة "ظبي الخدر الما شاف غفار"

ظبى الخـدر المـاشاف غفار منو العسجد عار الصفار
ظـبي الخـدر اين المـسار ناحل جسمي وزاد الحسار
جـيتك واقـع بـي انكـسار بعدك عسري وقربك يسار
ظـبي الخـدر مـحياه دار حـسنا فـيه الماء و الخدار
مـن لحـظاتو سبب الودار ريقو خلاصة الفي خليتو دار
ظـبي الخـدر مـحياك قـمر مـيل فـرعك شال الثمر
طـايل ديـسك ينـضح خـمر مـن العـلقم هجرك امر
ظـبي الخدر في حشاي مقيم حزنك دمعي وحنان وغيم
لـمتين اسـمع من فاك نغيم طيب انفاسك يشفي السقيم
ظـبي الخـدر صـاد مو ودود جيدك دمية وورد الخدود
جند انصارك منعو الحدود زور المضني و خلي الصدود
ظــبي الخدر طـرفك كحيل صدرك عالي وخصر نحيل
من اردافك دايما وحيل تحكي سحايب الضحي في الرحيل
ظـبي الخدر فـي إئتلاف عقلي غرامك لي جسمي لاف
نـومي وعـيني في اخـتلاف يسكر نغمك زي السلاف
ظـبي الخدر قـدرك وسـيم يالبي عفافك محجوب لثيم
مـني سلامك مامر نسيم يرضي لذاتك ويكوي الخصيم


وإستمر علي المساح في مسيرته الغنائية والكتابية وفي الثلاثينيات الفنان مبارك حسن بركات وعبد الرحيم الأمين وبعدهم إبراهيم الكاشف وأخيراً محمد حسنين رددوا الأغنية الشهيرة للمساح "نغيم فاهك يا أمزين دواي شفاي البجبر قواي"


نغيم فاهك يا أم زين دواى
شفاى البجبر........ قواي
يا أم حبا ردف...... تواى
كمل صبري وزود هواي
رقى رقى جودي بدواى
ظمأى بعدك وقربك رواى
أقيم ليلى واحسب سهاى
يغيب عقلي وافقد نهاي
وفى جسمي ظاهر وهاى
اسعفينى دنا .....انتهائى

ذكرت البين ليه ياغراب
صياحك يافراق يا خراب
ديار أم زين كانت قراب
غبن بانن في... السراب

البدر محيك وشعرك كليل
يميل خصرك منه العليل
تقل ردفك لاعضاك فليل
قتيل حبك ودمعي الدليل
رق جسمي وصابه انتحال
على حبك حمل الرحال
ومن بعدك أنا حالي حال
يالقمره وصالك محال

أنا أعيد الحب من جداد
أنا الحافظ حق الوداد
أنا الهائم والناس شداد
أنا اللابس توب الحداد

أنا الكاتم السر ما حكي
أنا الحاضن البلا ما اشتكى
أنا الحجة بحل مشبكا
أنا المساح دمع البكا

وحتى عام 28 عبد الرؤوف عطية في مدينة ود مدني وهو فنان كان يغني إنضم أخيراً إلى مجموعة الشيالين الذين يغنوا مع الفنان محمد أحمد سرور . ولكن أكثر الأغنيات التي أشتهرت لعلي المساح بعد الشاغلين فؤادي هي "زمانك والهوى أعوانك وأحكمي فينا هذا أوانك"



زمانك والهوى أعوانك.....احكمي فينا هذا أوانك

حمامة الغصون صداحة فوق أغصانك
ذكرى لي حبيب ياحمامه مولاي صانك

هاجت عبرتي ويا دموعي كيف حبسانك
وين تلقى المنام يا عيوني غاب إنسانك

مدنف ودى بيك لكن فقدت... حنانك
روحي وهيبه ليك هي هدية طوع بنانك

هاروت سحره مأخوذ من سحر عينانك
ظلموك لو يقولوا الدر شبيه أسنانك

في صبحي ومساى نازلات دموع ساحالك
وأنا كايس رضاك ورضاك أظنه محالك

أتعكر صفاي وبياضي أصبح حالك
والحال العلى ياريتو لو يو حالك

حسنك مافى عجمان ولا عربانك
لو هب النسيم الزاكى ميل بانك

أدبك خدرك الضاراك على ما بانك
ما ضر لو أكون أنا من احد حبانك

قلبي أمين هواك يا الجميلة خلالك
يا ذات الجمال فرضا علىّ إجلالك

لو شوفتك مباح دمى العزيز ما غلالك
عدتي وعاد هناى يا البهجة هلّ هلالك

وفي ثلاثينيات القرن الماضي ردد له مطرب مدني الطيب الإنجليزي واحدة من أشهر الأغاني التي غناها بعد ذلك الفنان رمضان زايد وعبد العزيز داؤود :



يا غصن الرياض المايد
يا الناحِلني هجرك وانت ناضر وزايد
تهجرني ليه.. وأنا ليك رايد؟

يا غصن الرياض المايد
ما أظن عن غرامك لو أموت ما حايد
سهران ليلي طال و العين صِحت ما قايد
تعبان قصدي ليمك، وإنت ناضر وزايد

يا الهاجر جفيتني بنظرة لي ماك عايد
شوفتك زي هلال العيد، وفيهو بعايد

أنا و حبك ترعرعنا ونشأنا ندايد
من زمنا قِبيل، أيام قُلال وعدايد
ما خلِص القديم، و تبين مصايبو جدايد
حِن يا حبيب .. كفاي مُر العذاب وشدايد

يا خُلاصة الحواري الـمن جِنان وخوالد
حُسنك ليك يدوم، لا أم تلِد لا والد
راسخ في ظلال مجدو التليد التالد
يا الـلابس العفاف حلية وعقود وقلايد


وكثير من الغناء



انت بدر السماء في صفاك
فولي عن عيني من خفاك
ياحبيبي متي وفاك
***
قلبي دون الناس اصطفاك
وروحي تسمو سماك الفاك
الممات والحياة بين شفاك
فيك نفور الظبي في صفاك
***
قلبي واله بيك ما نساك
عاني فيك العنا من اساك
قصدي زورة طيفك عساك
ياحبيب القسا سيب قساك
***
انت كعبة حب لليطوف
انت جنة وادانيات قطوف
***
ما الو بدر السماء ما شروق
ما الحماه ومنعه المروق
خده زهري وبسمة البروق
وغير اشوقه انا مابروق
****
حاجبه يحكي النون والهلال
وطرفه فيه معاني الدلال
فاه فيه الدر والزلال
وجيدة اتلع ظبي التلال
***
ياحليل زمن الجهل
بين تلال الابي في السهل
من جروفنا بنشرب نهل
يازمان هل من عوده ...هل


ومجموعة من الأغنيات التي غناها فيما بعد فنان الجزرة إبراهيم الكاشف .
توفي علي المساح في مدينة ود مدني في العام 1966م بعد أن ترك مجموعة من الأغنيات الخالدة والجميلة والحلوة .

[شجن البورت]

************
17/10/2012م



القوافي :

- إحساس – إيمان متوكل
- يا زول جديد – إيمان متوكل
- يا مشاغل ويا مواجع – عباس محمد عباس شيبة
- مربعات – إيمان متوكل
- كان الزمان



بأقلام مرهفة :

- إيمـــــان متوكل
- عباس محمد عباس شيبة
- أزهري ضياء الدين محمد



الأغنيات :

- الأماني العذبة – خليل إسماعيل
- الرسايل – الجابري
- حنان "منايا أشوفك تاني" – شرحبيل
- أذاني – إبراهيم عوض
- يعني ما مشتاقة لية – هاشم ميرغني
- معلومة : في حضرة الشاعر/ محمد علي عبد الله الأمي
- عيون الصيد – للأمي وكرومة بصوت محمد أحمد عوض
- إنت حكمة ولا آية – بصوت بادي محمد الطيب
- الوكر المهجور – عثمان حسين
- وردي – توقيع الختام



شكري بلا حدود للغالية فطوووووووووووووووم

التي عبر أثيرها أسرجنا أثير سهر القوافي
ولحقنا بروعة سهرتين ماضيتين رحل فيها الأثير
مجافياً مدينة الثغر الحبيبة

لكي تحايا ريم المها بإمتداد المسافة بيننا
وتداخل دواخلنا
وبعمق البحر

وخالص الحب ***

[شجن البورت]

:sugarwarez-023::sugarwarez-023::sugarwarez-023:
الله عليك بت البورت
عدتي وعادت القوافي وعاد النبض والفرح

تسلم المشرق أبو شرووقنا

فأنتم نبض الفرح ودفقه وإشراقه

ومنكم دوماً نستمده


لك عاطر التحايا والإمتنان ***

[شجن البورت]

ما إتجاوزت الحد الفاصل
بين أقراكي عشان ألقاكي
وبين إتخيل إني أكونك
كان الهاجس في معناكي
إنك زي الحاجة المافي
وألقى حقيقتك إني معاكي
إتخيلت جمال عينيكي
يوم ما تعملي ما هاماكي
وزي ما عارفة حقيقة روحك
روحي كمان بالجد عارفاكي
وأسألي حال الدنيا الواقف
وكل شفيف إحساس جواكي
ولمن موجك يفارق الضفة
كيف الضفة بتبقى بلاكي
لا رسلتي الغيم في رسالة
بي عصفور نقّر شباكي
وأنا مستني خطاوي الجفوة
قفلتي ممر الإلفة وراكي
وكان في داخلك حلم الغيمة
الجاية مهاجرة ومالية سماكي
لا الأنهار الدافق شوقا
تبقى محطة وتتلقاكي
إلاّ بعيدة شواطي اللقيا
وإنتي إخترتي وقلتي كفاكي
وبحر الندم البينّا إمتد
لا بتنسيني ولا بنساكي
وآخر خطوة عليك مكتوبة
دمعة حزني تلاقي أساكي



ــــــــــــــــــــــــــــــــــــــــــــ

ناداني مرسال الهوى
ومرقت متتبع خطاك
ونزلت في ضل العيون
ورقصت في محفل هواك
نقّرت في طبل الجنون
درويش على أوتار غناك
وشطحت شديد همتي
سرّجت شعري وكلمتي
بي دهشة في مسرح هواك
وحلفت في حبك أكون
يا واحدة بين كل الخلق
آخر فراشات المسا
تكويني نارك وأحترق
وأشفيكي من كل الظنون
فارد جناحات الصدق
أمشيها نفس الخطوة ليك
في كل ثانية ومشتهيك
يا جارية في الدم والعرق
شايلك مع النبض البحس
ساساق علي درب الهوى
طنبور وجابودي وهسيس
نتلاقى في الأفراح سوا
وتتمي لي حلو الحديث
لا فرقة لا بين لا نوى
وتدقي في نبض القلب
آهات تدوب أشواق وحب
من حسنك الريد إرتوى
وناداني مرسال الهوى

[ضياء الحق]

لمتين ازورك
http://www.2shared.com/audio/_DmFCRH2/__online.html
بستناك
http://www.2shared.com/audio/aOWdF0Ah/_online.html
ما تتلفتي يا امبارح
http://www.2shared.com/audio/VbIz1qWm/___online.html
زي ما كنت معاك
http://www.2shared.com/audio/qFx2mENI/___.html
حاجة في لونك
http://www.2shared.com/audio/wN24-fiF/___online.html
غناوي الفرحة
http://www.2shared.com/audio/zIkM9AZU/__online.html
سمعنا بيك سمع
http://www.2shared.com/audio/lVd0q5Mt/___online.html
ما اتعودت بلاكِ العيد
http://www.2shared.com/audio/STqzGmGh/___.html
عليك صلينا
http://www.2shared.com/audio/HYbPXi0l/__online.html

[ضياء الحق]

بفقدك في كل عيد
http://www.2shared.com/audio/DKuotDDu/___.html
رغم انك كنت قاسي
http://www.2shared.com/audio/UjiImAII/___.html
يا راحل
http://www.2shared.com/audio/2B3caMQF/__online.html
اعاين في القيوم
http://www.2shared.com/audio/vflG76rU/___online.html
منو القال ليك
http://www.2shared.com/audio/lAuOq9Jt/___online.html
بريدك
http://www.2shared.com/audio/GcyWk-fI/_online.html
آه منك
http://www.2shared.com/audio/Je9rBxE2/__online.html
اخر نفس
http://www.2shared.com/audio/AKQsZIES/__online.html

[λβoѕнєгOġ]

ياسلام عليك ياحبيب
كل سنة وانت بالف الف خير
مشكور غالينا ضياء سلمت الايادي :SugarwareZ-023:

[شجن البورت]

كل عام والذي بيني وبين أحبتي
بحر من الوصل الجميل
وأمنيات لا تعد

كل عام
والفرح يسكن جواركم
والأماني الطيبة تتمنى إختياركم

كل عام وثياب الصحة والعافية تتلفحكم

والقابلة في البيت الحرام
لابسين تياب بيض الإحرام
جمب الرسول وفوق المقام
تغروهو تدوهو السلام


كل عام تامييييييييين ولاميييييييييين يا رب


-------------------
كل عام وأنت كما تتمنى

المبدع الراقي ** ضياء الحق

وكل عام ودفق عطاءك الثر لا ينضب معينه

وشكراً لن تفيـــــــــــك .........

وسعدنا بإسمك يترنم به

الأستاذ/ عمر محي الدين

عبر الأثير

شكراً وإمتناناً على ما ترصده لنا


ومنا ألف شكر وإمتنااان وتقدير

وأرق التحايا لك ***

[شجن البورت]

ــــــــــــــــــــــــــــــــــــــــــــــــــ ــــ
31/10/2012م

على دوزنة الوتر الخامس
وعلى بوح الحس السادس
وعلى روعة الصوت الهامس
كان اللقاء

القوافي :

- أنا بفقدك في كل عيد
- قلتي لي إنك مسافرة
- رغم إنك كنت قاسي
- يا راحل وكت ترجع – عبد الوهاب الخليفة
- منو القال ليك لما تفوت – محمد الباشا
- بشيلك
- آه منك
- آخر نفس

الأغنيات :

- بخاف – عركي مع حسن السر
- حسدوني في حبي – محمد أحمد عوض مع الأمي وأحمد المبارك
- لي زمن بنادي – نورا مدني لعبد الرحمن الريح والفنانة رابحة
- صدقني ما بقدر أعيد – ترباس مع حكمة يس
- كمل صبري وتعبت خلاص – حقيبة
- يكفيني جراح – بصوت الشاعر والملحن أحمد حميد وتسجيل نادر للفنان الراحل الخالدي
- عندما يغني الكبار للكبار : "عبد الدافع عثمان يغني لأحمد المصطفى والجاغريو السادة ألميني"
- العزيزة – فتحي حسين وسعد الدين إبراهيم
- هوج الرياح – الجابري ومصطفى عبد الرحيم


:::::::::::::::::::::::::::::::::


أنا بفقدك في كل عيد
في كل لحظة فرحة جات
مع إنو فات العيد معاك
وكل حس فرحة في
أنا شفتو مات
بتذكرك والناس صباح
عايشين صدى البهجة أغنيات
لاماهم الإلفة ورؤاي
ضاربات من التيه والشتات
أنا بي فراقك يا مناي
فارقت أجمل أمنيات
ــــــــــــــــــــــــــــــــــــــــــــــــــ ــــــ
وقلتي لي إنك مسافرة
وجوة في ذاتي الطريق
لو تطول الرحلة بيكي
برضي بتصبر وأطيب
ولو غيابك طال عليَّ
ما بفتش لي رفيق
مين بترضى العتمة نفسو
وعينو في أجمل بريق
في حلم أنا وإنتي مافي
ولما ترجعي تاني عيد
وقام يعتب فيني مرة
ولمتو مرات في بعادو
قايل الأسبوع شوية
قام يأخر في ميعادو
ولا زاد دلك عليَّ
المهم حقق مرادو
لو معذبني وسهرت
عاد يسطر في جوابو
ماها نقطة ضعف فيني
لما جيت للقلبي رادو
وأبقى ليك غيمة وأدسك
من شمس حرّاق شعاعا
وللمراكب الفيها آتي
أبقى وسط الريح شراعا
ولما ساب إيديكي تكتب
بي حنان أصبح يراعا
ومن دروس الحب فهمت
إني ردتك بي قناعة
محبة لو صناها نحنا
بالسنين بتزيد نصاعا
ـــــــــــــــــــــــــــــــــــــــــــــــ
رغم إنك كنت قاسي
إلاّ ما بقدر أعاتبك
لو هويت غيري وعشقت
برضي في الأيام بكاتبك
ولو سكت عنك لساني
اليراع بالشوق يخاطبك

وكل ما الأيام تعاند
ليك يرجعني الغنا
أفتكر لطفك عليَّ
وروعة الريد يا أنا
أمشي أسرح بي خيالي
وتاني أرجع ليك هنا

وريدي ليك ما كلمة عابرة
أو نقط فوق الحروف
لا حنانك فيهو يظهر
لا خيالات أو طيوف
منك إتعلمت أمشي
وبي عينيك بقيت أشوف

لا بخاف آلامي تكبر
أو تزيد عندي الجراح
لو قدرت الموج أقاومو
والعواتي من الرياح
إلاّ بتخوفني كلمة
يوم تقول الماضي راح

ــــــــــــــــــــــــــــــــــــــــ
يا راحل وكت ترجع
تعال لي ناس بعزوكا
تعال لي ديار حنينة عليك
خطاك برضاها مبروكة
وكت ترجع تعال لينا
بتلقى الإلفة والتحنان
بتلقى الشوق مرافي سماح
عليها خطاك بترسى أمان
وكت ترجع تعال بنكون
هناك راجين بشوق لهفان
ويا راحل بدون عينيك
سواد الدنيا بشقينا
ونبض الشوق بعيد عنك
لهيب نيرانو بكوينا
ويا راحل أريت تعرف
هواك أنبل أمانينا

ــــــــــــــــــــــــــــــــــــــــــــــــــ ــــــ
أعاين في الغيوم ألقاك
محلق في سماي عصفور
زخات حلوة من مطرة
فراشة مع الصباح بتدور
أنا الخليت مداين الشوق
بقيت في عشقك المأمور
كلام حدثني بيه قلبك
وأكتر في المحنة أمور
سألت الساقية ما ردت
وتاهت رجلي في العتمور
شغلت فؤادي بي ريدك
إنت أتاري عندك إمور
بقيت علي عمري أتأسف
عشان فوقك حرقت بخور
حنانك أضوي بيه الكون
وإنت مشاعري عندك زور

ـــــــــــــــــــــــــــــــــــــــــ

منو القال ليك لما تفوت
بدونك ما بشوف الضي
بدونك عمري بصبح طيف
ينأجيك وإنت تحمر ليك
حليلك كان عدوك زولك
هداك بعد المروج للصي
وقرر بيك شان مسكين
وأغراك بي كلامو الني
وهمو تموت مدينتنا
سبيلك ما يكون لي
وإنت سمعتو دون إمعان
أطعتو صبحت جاني علي
وأنا إندملت جراحي وكان
بعد كل الجراح الكي
وفي ذكر الحكيم أحكام
وبي يد الكريم كل شئ
إرادتو هي راسمة لينا الحال
ومافيش قسمة فاتت حي
حليلك ما ختاك نصيب
أريتك كان صبرت شوي

ـــــــــــــــــــــــــــــــــــــــــــ
بشيلك في سما الفرحة
وأسكن جوة في الأحداق
تفرهد سنبلاي هناك
تغازل في السنا البراق
وأجيك يا حلوة زي غيمة
أشر ضلي علي الرقراق
تنور فرحتك قلبي
وتزيل حزن الأسى الحرّاق
تسوق البهجة للآمال
تزين للعيون أشواق
بريدك كلمة لو أقدر
أشيلا وأطوف علي العشاق

ــــــــــــــــــــــــــــــــــــــــــ
كثيراً تكلمنا عن شعراء أو فنانين أو ملحنين وكثير أيضاً في حركة الأغنية السودانية أغنيات "إتكتبت وإتغنت" بأصوات ولكن ظهرت غنائياً بأصوات لفنانين أخر مثل تجربة عبد الكريم الكابلي مع أبو عركي البخيت في "جبل مرة" أو تجربة عبد الكريم الكابلي مع عبد العزيز محمد داؤود في "يا زاهية" وتجارب لصلاح بن البادية في الألحان مع حمد الريح ، وصلاح مصطفى في الألحان مع صلاح محمد عيسى وغيرها من المشتركات .
"كلمتكم" في واحدة من حلقات سهر القوافي "وقلت ليكم دة صوت" ملحن والشاعر أحمد حميد من مدينة بحري غنى له عبد العظيم حركة الأغنية المعروفة "يا أسير الغرام يا قلبي و"ظلموك الحبايب" لصلاح بن البادية وغيرها من الأغنيات الجميلة لكن "داير أسمعكم" تسجيل على سهر القوافي يذاع ويبث للمرة الأولى على fm100 لأغنية كتبها ولحنها الفنان أحمد حميد الملحن المعروف وهو لا يغني بصوته ولكن هذا صوته ( )
وقتها قلنا "يكفيني جراح" لأحمد حميد كانت واحدة من الأغنيات في بدايات الثمانينات لها صيت وحضور وسمع كبير .
ونسمعها بصوت الفنان الرقيق الراقي الخالدي .


"ويا ريييييييييييييييييييييت
الأستاذ/ ضياء الحق"
يسجل لنا هذه النوادر من الأغنيات
التي تكون على سهر القوافي


ــــــــــــــــــــــــــــــــــــــــــــــــــ ــــــ
آه منك ...
ومن تحكيم الزمن الشتت فيني هواجس
سكنت في جوف الآهات
وغيب عن إحساسي الحاضر
وشرد مني شعور بالذات
وآه منك ...
ومن نفسك لمن يطلع
ويرحل بي لي عالم تاني
فيهو الحب مطرة وغيمات
شكل الزولة الكانت واضحة
وقلب الوردة الناعمة الجارحة
وضؤ الشمس المدت شمعات
قلنا نسافر من الليلة
ونمشي نشوف الحل في باكر
أو نتأخر لي أمبارح
ونمشي نفتش باقي دفاتر
نفتح جرح الفرح المات
إلاّ وحاتك مافي خلاص
بعيش الزول بدون إحساس
كيف بتقوم الشجرة في صخرة
وكيف النخلة تعيش في صحراء
وكيف الصحراء بدون واحات
ولما الريدة إتلمت وجات
وعارف إنو الجاك مني
أكبر من يتحملو صدرك
غايتو إستحملي دي العندي
أو فتش للزول القدرك
وشتت ضلك في الساحات
وخلي الناس منك تتعلم
كيف بتقوم الشجرة في صخرة
وكيف النخلة تعيش في صحراء
وكيف الصحراء بدون واحات

ــــــــــــــــــــــــــــــــــــــــــــــــ
أ

الجـــــــــــاغريو

حمد محمد الشيخ محمد عبد الرحمن محمد بركات أبو شرا حمد الشيخ إدريس محمد الأرباب "الجاغريو" المعروف عنه شاعر غنائي من مواليد مدينة الدبيبة سنة 1910م درس في الدبيبة الخلوة في خلوة الأمين ورحل مع أسرته إلى منطقة بري في الخرطوم ورجعوا إلى العيلفون وشب وترعرع فيها وإنتقل إلى الخرطوم وصحب كرومة ودخل في نهاية الثلاثينيات في السياسة وشارك في مؤتمر الخريجين سنة 1938م وكتب القصيدة الشهيرة "الزارعنا غير الله الليجي يقلعنا" وتنقل للعمل في مدن مختلفة في السودان وسجل عدد من الأغاني لمكتبة الأغنية السودانية بصوته والجاغريو المتوفى في مدينة العيلفون أول يناير سنة 1969م وشيعته حكومة السودان وعلى رأس التشييع إسماعيل الأزهري والناس عرفته من خلال مجموعة من الأغنيا الجميلة "أنا دستوري نازل في الخرطوم تلاتة سميري الفي ضميري" و"طار قلبي" و "الزهر لاقيتو في ربوع بحري لاقيتو" و "حبيب الروح"و"سيدة شباب الكون" و "يا عيوني إنتو خفتوا" وكثير من الغناء الذي غناه أحمد المصطفى وهو كان لأحمد محمد الشيخ الجاغريو "يا رايع جفيتني وأنا ضايع تعال لي" و "حاولت أنساه قلبي زاد في جروحو وكيف الحي بودع روحو؟" وغيرها من الجميلات وعبد الدافع عثمان غنى السادة ألميني وعن ريدا كلميني" وغناها أحمد المصطفى بطريقة جميلة وهي من الأغيات الراسخة في مدرسة الغناء السوداني ومن أجمل الأغنيات الكبيرة التي سمعتها للجاغريو "زهوري اليانعة في داخل خميلة فتحت عن أكماما بي ألوان جميلة"


ــــــــــــــــــــــــــــــــــــــــــــــــ


آخر نفس من ريدي شلتو
وإتمليت منك كتابة
وإكتفيت بي لمحة عابرة
لما حسيتك بعيدة
وشاردة من نبض القرابة
وقلت إنك رغم ظنك
شايلة في قبك ربابة
وياني بس مستني منك
حاجة زي خدر التلاقي
تمحى من عمري الرتابة
وزي حلم جينات بتغزل
رملة الحلة وترابا
زهرة تتفتح تواصل
من أريجا يبق حنين
يغمرني بي عطر السنين
وبي غمايم لسة دابا
وإنتي عارفة البيني بينك
إلفة بين النيل ونجمة
مرة تبقى الدنيا صافية
ومرة تفصلنا السحابة
ما الحواس الفيني منك
وحاسة سادسة هي إنك
ماخدة من إحساسي ظنك
ودافقة في روحي الكتابة

[شجن البورت]

------------------------

24/10/2012م

القوافي :
- متين أزورك – علي شبيكة
- بستناك في الزمن المبهم
- ما تتلفتي لي أمبارح
- زي ما كنت معاكي وبحكي
- بين السمرة وحاجة في لونك
- إتكلمي وخاصمي السكات
- حلمنا بيك
- مسافر
- ما إتعودت بلاكي العيد – عمر محي الدين

بقلم الإعلامي الأستاذ/ صلاح الدين مصطفى محمد


الأغاني :
- متين أزورك – ثنائي العاصمة وعلي شبيكة
- كيف يهون – الكابلي وعوض أحمد خليفة
- شاركي حياتي – إبراهيم عوض والطاهر إبراهيم
- ما شقيتك – خضر حسن سعد وحسن سليمان
- تعال يا روحي مشتاق ليك – محجوب عثمان والتنقاري
- معلومة : في حضرة الشاعر د. علي شبيكة
- أمانة – عثمان حسين وعلي شبيكة
- نانا – سيد خليفة وعلي شبيكة
- مرحبابك يا هلا – ثنائي العاصمة وعلي شبيكة
- أشيل الريد – الأمين عبد الغفار
- يا رسول الله – صلاح مصطفى وعلي شبيكة


:::::::::::::::::::::::::::::

بستناكـ .. في الزمن المبهم
وإنتي بتطلعي من واقعنا
تشرحي معنى الريد والخوف
بستناك يا جاية تعاندي
وتكتمي نفس الماضي الزيف
بستناك زي شتلة رزينة
تقاوم وجع المحل الصيف
بين جواكي وبين جوايا
أسمحي لي يا حلوة أقيف
أسطر فوق الغيمة هوايا
وأنسج من عينيكي خريف
يطير الفرح الأخضر منك
يرك في شرفة ريدنا الواسعة
ويربط بيني وبينك طيف
وأبقى أواصلك وإنتي بعيدة
ويبقى العهد البينّا قصيدة
وتبقى الريدة حروف ونزيف
أفرتق حبل ضفايرك منك
وأربط بيهو في عمق خريف
أشيل من صدرك باقي غنايا
أقوم أتجاوز لحظة شوفتك
أفرد ليكي مساحة شوف
يبقى الشوق بيناتنا مداين
وغرفة وشرفة ولهفة وخوف
خوف من لحظة إني عرفتك
وخفت عليك من حسي ومنك
ونبض إحساسك لمن يكبر
خفتو كمان يتعطل يقيف
يا موعودة بواقع أفضل
بستناك برجاكي وأفضل
أرسم منك لوحة وأضيف
خط للغابة وخط للصحراء
وخط ننسجبو طرف القيف
عشان أتجاوز بيكي حقايق
ويبقى الريد بيناتنا نضيف

ــــــــــــــــــــــــــــــــــــــــــــــ
ما تتلفتي لي أمبارح
ختي عيونك في يوم باكر
خلي ملامح الأمل الأخضر
تمسح حزني الباطن وظاهر
وأفتحي قلبك للأشواق
وطرزي لون الغيمة أزاهر
وأنا بستغرب !!!
كيف الناس تشقى وتتحارب
وإنتي سلام الدنيا الماطر
طفلة وحلوة وقلبك أخضر
فيكي نداوة الريد الأول
ونار الشوق في الزمن الآخر
وأغرب حاجة بريدك أكتر
لما أشوف طيفك يتبخر
ولمن تقسي علي وتغيبي
وتجرحي خاطر النجم الساهر
ولمن أقسى عليك وأتوجع
ونبضك يفتح فيني جزاير
يا مخضوبة بموية المطرة
ريقك طعم الفكرة الخطرة
ووعيك أعمق من الحاضر
وأنا راجيك تكبر أحلامنا
ويبقوا أولادنا البت الثمرة
فاطنة القمرة ...
وحسن الخير الولد الشاطر

ـــــــــــــــــــــــــــــــ

ما كنت معاكي وبحكي
والكلمات بيناتنا أزاهر
جاني سلامك فيهو ملامك
فيهو مواكب من أحلامنا
ونكهة ريدنا وطعم الخاطر
جاني كلامك وعطر أيامك
جاني كيانك ...
هز سكون الليل الساهر
وزي ما كنت معاكي وبحكي
هسي بشوفك قاعدة معايا
أسرح في لحظك أسافر
ولما عيونك تحكي حكاية
وأرجع تاني أفتش ليكي
صورتك ترجع تملأ عيوني
وصوتك يمحى الوجع الفيني
وأفيض أملاكي حنين للآخر
إلاّ كمان الفرق كبير
بين الطيف لمن يغشاني
ولما نكون في عمق الحاضر
أصلو الطيف مرات بيعادي
ومرات ببقى عنيد ومكابر
ولما تكوني معايا وتحكي
ببقى الكون أنغام وتسامي
وطعم الدنيا في قربك أحلى
وضل الإلفة قصادك رامي
نفضل نحكي شقاوة الريدة
للجايين من شرفة باكر
وزي ما كنت معاكي وبحكي
والكلمات بيناتنا أزاهر
شوفي الناس لاهية وفرحانة
ونجم الليل طربان ومساهر

ــــــــــــــــــــــــــــــــــــــــــــ

بين السمرة وحاجة في لونك
حس جواني بيرسم كونك
وحاجة بتنبع من الضحكة
وتقعد جوة هناك في عيونك
ومنها طرف الدهشة بيبدأ
وتبدأ الرعشة معاكي ودونك
يا مسنودة بقلبي وحلمك
مين قال ليكي الدنيا غريبة
طعم الغربة بيسكن فينا
لو فرقتنا مسافة قريبة
ضي بسماتك هو البيحدد
إنو الدنيا بلاكي صعيبة
والإحساس بالحب بيفرهد
في جوانا محنة وطيبة
ولما نسافر لي عالمنا
تبقى ملامح الدنيا مفارقة
دهب الشوق في عيونا بيسطع
ويشعل نار الريد الحارقة
ومن عينيكي بتطلع طفلة
شايلة غناوي الفرحة ومارقة
ـــــــــــــــــــــــــــــــــــــــــ
في حضرة الشاعر/ د. علي شبيكة

علي شبيكة واحد من الشعراء السودانيين وهو طبيب صيدلي تخصص في مداواة المرضى بالعقاقير الدوائية وتخصص في مداواة القلوب بنظمه للدرر الممتعة والفريدة من خلال كبار الأغنيات التي غناها كبار الفنانين "صلاح مصطفى ، محمد ميرغني ، عثمان حسين ، سيد خليفة ، وثنائي العاصمة" ويمكن الثنائية المشتركة التي جمعت علي شبيكة بثنائي العاصمة من خلال تجربتهم الطويلةعلي شبيكة يتميز بمفردته الشعرية بالتنوع والإختلاف بمعنى إذا سمعت قصيدة لعلي شبيكة وسمعت قصيدة ثانية له نفسه موجود داخل المفردة ولكن في القالب العام مختلف ومنوع في كتابة القصيدة فمثلاً عندما نسمع "ضربت أقول صباح الخير وأشوفك كيفن أصبحت" لصلاح مصطفى تختلف تماماً عن "أبداً أهواكي محيرتي" وإذا سمعت "ست الودع" أو يانا الزمان يا ناس كيفن نسيتونا" أو "لما ترجع بالسلامة" أو "يا أرض أحفظي ما عليك ويا بدر أوعك تسحرو" نجد أن علي شبيكة يتنوع ويختلف ونجد أن صلاح مصطفى تفرد في أغنياته مع علي شبيكة مثلما تفرد ثنائي العاصمة ومثلما تفرد سيد خليفة .
الدكتور علي دفع الله شبيكة أمدرماني قح من أبناء حي الهاشماب العريق المولود فيه في ثلاثينيات القرن الماضي والذي تلقى فيه كل مراحله التعليمية في أمدرمان وتحديداً في مدارس الأحفاد ودائماً علاقة علي شبيكة بالأحفاد التي درس فيها كل مراحله التعليمية وإنتقل للدراسة في كلية الصيدلة الجامعة الأمريكية بيروت فدائماً لدي قول : "أن الذين عاصروا الأحفاد في مدارسها مرهفين" منهم حسن عوض أبو العلا وعلي شبيكة ومبارك حسن خليفة وغيرهم من الشعراء الذين رأوا الأحفاد وزمانها وشابات الأحفاد . وإنتقل علي شبيكة إلي بيروت ليدرس الصيدلة وبذاك "النفس" كتب مرحبابك يا هلا شوف الجميل سيد الحلا التي غناها ثنائي العاصمة ، وعلي شبيكة عمل نقيباً للصيادلة السودانيين ورئيساً لإتحاد ومستوردي الأدوية ومن أوائل الناس الذين قاموا بفتح "إجزخانة بحري الشهيرة" ومن ثم إنتقل لشركة شبيكة للأدوية الكائنة والقائمة الآن والتي يرئس مجلس إدارتها علي شبيكة .
في طفولته ترعرع نشأ على حب الإستماع للأغنيات السودانية القديمة ومثلما يقول كان لوالده جهاز من خلاله يطل صوت خليل فرح وكرومة و"نضفت"آذانه على "في الضواحي وطرف المداين وعازة في هواك" وغيرها من الأغنيات الجميلة ، وكانت والدته تحفظ المديح وصوتها جميل وتجيد أداءه ما جعل علي شبيكة مختلف ما تحكيه له والدته من قصص وحكايات عن "فاطنة" السمحة وغيرها ، عنده علاقة خاصة جداً مع سيد خليفة منذ الصبا وقبل أن يكون سيد خليفة فنان وإمتدت هذه العلاقة لتصل إلى رفيقه وصديقه الفنان الراحل محمد الحويج ويمكن أول أغنية سجلت في الإذاعة وغناها فنان لعلي شبيكة كانت من نصيب الفنان الكبير عثمان حسين الأغنية التي كان من المفروض أن يأخذها الحويج ولكن أخذها الفنان عثمان حسين ولحنها وغناها وكانت إسمها "أمانة" وتقول :
"دايماً قلبي ساهر ساهي وبيك يطوف
وإسمك في المشاعر يا حبي العطوف
مهما تجفو إنت مسامحك لو تعود"
وظل يواصل في كتابة هذه الدرر السودانية ما بين العامية السودانية وما بين العربية الفصحى ووصولاً إلى مدح الرسول صلى الله عليه وسلم في أكثر من عمل "لمتين أزورك ، ولبيك الله" .
وكان قد طلب محمد الحويج من علي شبيكة "أنه عنده أغنيتين في الإذاعة مفروض يسجلها" وبطريقة أو أخرى ذهبت لعثمان حسين ربما أغضب الأمر محمد الحويج وأسعد عثمان حسين ولكن ظلت العلاقة ممتدة وموصولة بين محمد الحويج والشاعر علي شبيكة .
وعلي شبيكة واحد من الشعراء الذين إستخدموا في عاميتنا السودانية مفردات سودانية قحة بحتة "يانا الزمان يا ناس مالكم نسيتونا وبدلتوا ريدنا بناس في الدنيا سبتونا ، وناس ناسيانا وفي سمانا سحابم مر وما سقانا" ، ومدرسة السهل الممتنع عند علي شبيكة توصلك حتى "دنيا الريد غريبة سر ما بنفهموا ناس أفراحا زايدة وناس يتألموا" و "أحلى غرام وأجمل هوى" وعدد من الأغنيات الوطنية الجميلة ، والثنائية المميزة التي جمعته مع ثنائي العاصمة ويمكن أخف وألطف الأغنيات التي كتبها علي شبيكة بإيقاعها الخفيف "نانا" وأداها بأسلوب درامي سيد خليفة وهذا دلالة على أن علي شبيكة كان منوع ومختلف وشاعر مجيد ونجده كتب لصلاح مصطفى "رجع الصدى وكلام أشواق" وكتب ليه يا قلبي ليه .
ونرى الإنتقال بالفردة إلى بيروت "يا أرض أحفظي ما عليك ويا بدر أوعك تسحرو" يا هلا على الإيقاع العربي . واللالات الكثيرة "404" لالا لصلاح مصطفى "لا لا لا لا لا لا لالا نقبل قسى الحبيبة ونقدر علي دلالا" .

[/color]

[شجن البورت]

ــــــــــــــــــــــــــــــــــــــــــــــــــ ــــــــــــــــــــــ

إتكلمي وخاصمي السكات
يا صامتة زي ضل الضحى
إتأملي الزمن اللفات
يا مارقة من حزن إتمحى
شايقاني بي صمت السكون
حارماني من طعم اللهيج
ساجناني في منفى العيون
لا فرحة لا خوف لا ضجيج
يا صامتة في مدن الكلام
يا ضجة شاردة من السحاب
يا واعية في الزمن الجنون
اللهفة منّك تشتكي
والريدة في شرفة صباحك تتكي
والشوق يسارق غربتي
ويجبرني إتلوم معاك
راجيك مواعيد في زمن
قاصد يحول سكتي
وأصبر علي صمتك وأشيل
إحساسي في الظرف الصعب
أحزم خواطرك وأبتعد
وأجيك ملفح بالتعب
وألقاكي في الصمت القبيل
أترجى في الهمس الرحل
وأتمنى لو ساب الرحيل
يا صامتة فكيهو الكلام
ينشر في عين الضلام
ويغمر هواكي بالمقيل

ــــــــــــــــــــــــــــــــ
سمعنا بيك ...
ما قلنا بنشوفك عيان
يا أحلى زول في الدنيا
جاد بيك الزمان
قاطع الخبر منك سنين
خليتنا نحلم بالقمر
يا أحلى زول مليان حنين
يا أندى من كل الزهر
شوف القليب هيمان وراك
هيمان ويحلم بي هواك
فتحت ليهو آفاق رؤاك
بتمنى لحظة تكون معاك
وأتحدى بيك جور الزمان
من نور عينيك ألقى الأمان
يا أحلى من كل الحنان

ــــــــــــــــــــــــــــــــــــــــ
ما إتعودت بلاكي العيد
وكل سنيني العدو معاكي
وكان العيد بوجودك أسعد
إلاّ العيد شن طعمو بلاكي

ليلة باكر وصابح العيد
كنت بفكر إني بدونك
كيف حأكون والساعات جارية
وشمس اليوم الفيهو بكونك
جات متسارعة وشارة بنورها
ما إتمنيت الضو من دونك
وكان بتردد فيني بدونك
كيف يوم باكر طالي بدونك
هل ذاكراهو صباح العيد
وهل فاكراهو حلم مفتونك
وهل محتفلة معاي بي خاطرك
رغم مشاغلك وزحمة يومك
وهل تتردد فيني تدوي
وآه يا غالية محال مفتونك

وجاني العيد وصباحو البشرق
برسل نورو وفيني بضوي
عرفتَ بدونك كيف العيد
وكيف هو بعادك فيني بسوي
لقيتها بلاكي الدنيا بتصعب
ورغم يقيني وإيماني القوّي
كنت بصبر قلبي برايا
شلت الشمعة الفيني تضوي
دمعة زولاً صابح عيدو
ويوم العيد دنياهو تخوي
وكان العيد بدونك فاقد
طعم العيد ولون الفرحة
وين أشواقك وبلة ريقي
هديتك وين وحروفها السمحة

ومر العيد يا غالية بدونك
وكل الناس معاي بتهني
وكل الكانوا معاي بيقولوا
تهاني العيد مليانة تمني
لا حاسيها ولا بتمنى
كيف إتمنى وغايب عني
وحرف المنية لساني البنطق
ربطو الشوق قام فارقني
وكيف يا غالية معاك العيد
ومتين يا السمحة مسافتك تدني
ــــــــــــــــــــــــــــــــــــــ

الإعلامي الشاعر/ صلاح الدين مصطفى محمد
وهو صحفي محترف إعلامي متعاون مع عدد من القنوات والإذاعات من مواليد مدينة المسلمية ولاية الجزيرة ، عاش على ترعة بعشريناتها وثرابات البصل ولقط القطن "بالقفة" وتعلم أشياء جميلة وإحساس ما بين الصبر والمعاناة والحس الجميل بالخضرة ، صلاح الدين مصطفى تلقى تعليمه الإبتدائي والمتوسط في القضارف وينسب إلى مدينة القضارف بجباريكا وتخرج في كلية اللغة العربية من جامعة القرءآن الكريم 1990م متخصص في الدراسات اللغوية جامعة النيلين صحفي في عدد من الصحف وهو ناقد وشاعر وناشط في مجالات المرأة والطفولة وحقوق الإنسان وأقرأ من "غناوي الفرحة"

[شجن البورت]

من حلقات سابقة

ناداني مرسال الهوى
ومرقت متتبّع خطاك
ونزلت في ظل العيون
ورقصت في محفل هواك
نقّرت في طبل الجنون
درويش علي أوتار غناك
وشطحت شديت همتي
سرّجت شعري وكلمتي
بي دهشة في مسرح هواك
وحلفت في حبك أكون
يا واحدة بين كل الخلق
آخر فراشات المسا
تكويني نارك وأحترق
وأشفيكي من كل الظنون
فارد جناحات الصدق
أمشيها نفس الخطوة ليك
في كل ثانية ومشتهيك
يا جارية في الدم والعرق
شايلك مع النبض البحس
ساساق علي درب الهوى
طمبور وجابودي وهسيس
نتلاقى في الأفراح سوا
وتتمي لي حلو الحديث
لا فرقة لا بين لا نوى
وتدقي في نبض القلب
آهات تدوب أشواق وحب
من حسنك الريد إرتوى
وناداني مرسال الهوى

ــــــــــــــــــــــــــــــــــــ

ما إتجاوزت الحد الفاصل
بين أقراكي عشان ألقاكي
وبين أتخيل إني أكونك
إنك زي الحاجة المافي
كان الهاجس في معناكي
إنك زي الحاجة المافي
وألقى حقيقتك إني معاكي
إتخيلت جمال عينيكي
يوم ما تعملي لا هماكي
وزي ما عارفة حقيقة روحك
روحي كمان بالجد عارفاكي
أسألي حال الدنيا الواقف
وكل شفيف إحساس جواكي
ولمن موجك يفارق الضفة
كيف الضفة بتبقى بلاكي
لا رسلتي الغيم في رسالة
لا عصفور نقّر شباكي
وأنا مشيتي خطاوي الجفوة
قفلتي ممر الإلفة وراكي
وكان في داخلك حلم الغيمة
الجاية مهاجرة ومالية سماكي
لا الأنهار الدافق شوقا
تبقى محطة وتتلقاكي
إلاّ بعيدة شواطي اللقيا
وإنتي إخترتي وقلتي كفاكي
وبحر الندم البينّا إمتد
لا بتنسيني ولا بنساكي
وآخر خطوة عليك مكتوبة
دمعة حزني تلاقي أساكي

ــــــــــــــــــــــــــــــــــــــ

الأستاذ/ عمر محي الدين

ﻟﻮ ﺯﻣﺎﻧﻚ ﺟﺎﺭ ﻋﻠﻴﻜﺎ
ﻭﻋﻠﻤﻚ ﻣﻌﻨﻰ ﺍﻟﺘﺠﺎﻓﻲ
ﺧﻠﻲ ﻗﻠﺒﻚ ﺇﻧﺖ ﺻﺎﺑﺮ
ﺃﺑﻘﻰ ﺻﺎﺩﻕ ﺃﺑﻘﻰ ﻭﺍﻓﻲ
ﻭﺍﻟﺤﻴﺎﺓ ﺇﻥ ﺩﺍﺭﺕ ﺗﻌﺎﺗﺒﻚ
ﻓﺠﺮﺕ ﺟﻮﺍﻙ ﻗﻮﺍﻓﻲ
ﻓﻴﻬﺎ ﺗﺸﻜﺮ ﺃﺑﻘﻰ ﻣﺨﻠﺺ
ﻓﻴﻬﺎ ﻓﺘﺶ ﻋﻦ ﻣﺮﺍﻓﻲ

ﻟﻮ ﺯﻣﺎﻧﻚ ﻣﺮﺓ ﺧﺎﻧﻚ
ﺟﺮﻋﻚ ﻣﻦ ﻛﺎﺳﻪ ﻋﻠﻘﻢ
ﺃﻓﺘﺢ ﺍﻵﻣﺎﻝ ﻣﻨﺎﻓﺬ
ﻓﻴﻬﺎ ﺃﺻﺒﺮ ﺗﻠﻘﻰ ﺑﻠﺴﻢ
ﻭﻟﻮ ﺟﺮﺍﺣﻚ ﻓﻴﻬﺎ ﺯﺍﺩﺕ
ﻭﻻ ﺯﺍﺩﺕ ﺑﻴﻚ ﻫﻢ
ﺧﻠﻲ ﺻﺪﻗﻚ ﻓﻴﻬﺎ ﺩﺍﻓﻊ
ﺑﻜﺮﺓ ﺑﻴﺰﻭﻝ ﺍﻷﻟﻢ

ﻟﻮ ﺣﺒﻴﺒﻚ ﺟﺎﺭ ﻋﻠﻴﻜﺎ
ﺑﺎﻉ ﻋﻬﻮﺩﻙ ﻭﺑﺪﻻ
ﺿﻴﻊ ﺍﻵﻣﺎﻝ ﻣﻌﺎﻙ
ﺃﺭﺧﻲ ﺍﻟﺴﺘﺎﻳﺮ ﻭﺃﺳﺪﻻ
ﻣﺎ ﺗﻔﻜﺮ ﺗﺒﻘﻰ ﺟﺎﻓﻲ
ﻟﺤﻈﺎﺕ ﺑﻌﺎﺩﻭ ﺇﺗﺄﻣﻼ
ﺑﺘﺒﻘﻰ ﺫﻛﺮﻯ ﻣﻌﺎﻫﺎ ﺑﺴﻤﺔ
ﻟﺤﻈﺎﺕ ﻋﺼﻴﺒﺔ ﺇﺗﺤﻤﻼ

ﻭﻟﻮ مﻭﺩﺭ ﻟﻴﻚ ﺧﺎﻃﺮ
ﺟﻤﻊ ﺍﻷﻓﻜﺎﺭ ﻭﻋﻴﺪﺍ
ﻓﻴﻬﺎ ﺃﺳﺒﺢ ﺑﻲ ﺧﻴﺎﻟﻚ
ﺭﺟّﻊ ﺍﻟﺬﻛﺮﻯ ﺍﻟﺒﻌﻴﺪﺓ
ﻟﻴﻬﺎ ﺣﺘﻤﺎً ﺇﻧﺖ ﺗﻮﺻﻞ
ﺗﻨﺸﺪ ﺍﻷﻓﺮﺍﺡ ﻗﺼﻴﺪﺓ
ﻭﻓﻴﻬﺎ ﻣﻌﻨﻰ ﺍﻟﻔﻜﺮﺓ ﻇﺎﻫﺮ
ﻭﺯﺍﺧﺮﺓ ﺑﻲ ﺃﻓﻜﺎﺭ ﺟﺪﻳﺪﺓ

ﻭﻟﻮ ﺣﺒﺎﻳﺒﻚ ﺿﻨﻮﺍ ﺟﺎﺭﻭﺍ
ﺳﺎﺑﻮﺍ ﻟﻴﻚ ﺇﻧﺖ ﺍﻟﺪﺭﺏ
ﻟﻴﻪ ﺗﻔﻜﺮ ﺇﻧﺖ ﺗﻘﺴﻰ
ﺃﺑﻘﻰ ﻣﻠﻬَﻢ ﺯﻭﻝ ﻣﺤﺐ
ﺣﻘﻮ ﺗﻔﻬﻢ ﻣﻦ ﻓﺮﺍﻗﻬﻢ
ﻋﺮﻛﺔ ﺍﻟﺰﻭﻝ ﺍﻟﺒﺤﺐ
ﻛﻴﻒ ﺗﺼﺒﺮ ﻗﻠﺐ ﻫﺎﻳﻢ
ﻟﻮ ﻣﻌﺬﺏ ﺻﺎﺑﻮ ﺣﺐ

ﻟﻮ ﺑﺪﻳﺖ ﺇﻧﺖ ﺍﻟﺨﺼﺎﻡ
ﻋﻮﺩ ﻭﺳﺎﻣﺢ ﺃﺑﻘﻰ ﻭﺍﻓﻲ
ﻓﻨﺪ ﺍﻟﺴﺒﺐ ﺍﻟﺒﺪﻳﺘﻮ
ﺃﻗﻌﺪ ﺃﺷﺮﺡ ﻓﻲ ﺍﻟﺒﺪﻳﺘﻮ
ﻟﻮ ﻟﻘﻴﺖ ﺭﻭﺣﻚ ﺑﺘﻐﻠﻂ
ﻟﻲ ﺷﻌﻮﺭ ﺣﺎﺑﻴﻚ ﺭﺍﻋﻲ
ﻭﺣﻘﻮ ﺗﺮﺟﻊ ﻟﻴﻬﻮ ﻣﺨﻠﺺ
ﻟﻰ ﺧﺼﺎﻣﻚ ﻣﺎﻓﻲ ﺩﺍﻋي

[ريم المها]

ما إتجاوزت الحد الفاصل
بين أقراكي عشان ألقاكي
وبين أتخيل إني أكونك
******
هذه أنتي شجنَّا أحاول قرأتك وتخيّل كيف تفكرين ولكن حتما سأكونك يوما ما
وزي ما عارفة حقيقة روحك
روحي كمان بالجد عارفاكي

[شجن البورت]

ناس تناغم وناس تسالم
وناس بتفرح بي جديدا
ونحنا حال الدنيا كلو
لينا ما إبتسمت دقيقة
ولما نشتاق للأصايل
ديمة خاتة الريدة عيدا
وعمري ما فكّرت أشكو
وأحكي في عيونك قصيدة



************************

شايفك وعارفك
http://www.2shared.com/audio/5sz0uBO0/__online.html



شايفك وعارفك من زمان
من قبل ما رحم العشق العشق
يعلن بذور بدر التمام
من قبل ما نجمك يلوح
أفراح تجي وأحلام تروح
عطرك يفوح يملأ المكان
شايفك كتير .. شفتك كمان
في ضل عيون العاشقين
لما تنداح الأماني
ولما نصدح بالأغاني
وتهدأ ترتاح المشاعر
ويشعر الناس بالأمان
شايفك كتير .. وشفتك كمان
في هجعة الزول القنوع
بعد الكفاح إرتاح قعد
إتوسد الفال إتكى
متطامن إتيقن رقد
في دهشة الرجع البلد
بعد الغياب
من الفرح بيتو إنتشى
بين الأهل طربان مشى
وحس يا دابو إتولد
شايفك كتير .. وشفتك كمان
في دفقة النيل الجرى
بل بي ريقو الجروف
في الصبابة
وفي الكتابة
وبكية إيقاع الحروف
وفي دموع وتر الكمان
شايفك كتير وشفتك كمان
في اللوعة والتيه والمنى
وفي القصايد والغنى
في ضحكة في لمة حنان
يا غيمة جاية من الجنان
لو جمبي ما جابك مناي
ما بعترض
وأنا بفترض
إنك حداي .. وإنك معاي
وريدك معربد في حشاي
بتنسمك
بتنفسك
بتحسسك
وبونسك
في السكة ماشة معاي وجاي
وخطوة خطوة مع خطاي
بلغتي سدرة منتهى عشقي وهواي
وإحساس يفوق كلمات غناي
ما إنتي لا غيم لا دعاش
ولا صباح مشرق بهي
إنتي عيد ما بنتهي
*****************************
كل ما يبعد مداك
http://www.2shared.com/complete/3shY02NS/___.html

أنا كلما يبعد مداكي
بحلم قطاراتك بجن
وأسمع خيال صوتك نداك
في الليل وقت ما الليل يجن
وا غربة القلب الشفيف
في قيف محطات الزمن
سافرت متوحد غريب
وفي ذاتي إحساس بالسفر
ومشيتَ والأرض البراح
ضاقت مع عنت القدر
وأبحرت لا ريح لا شراع
لا أصلو كان جمبي البحر
وزرعت آمال السراب
لا إنتي لا كان المطر
وتتسربي ...
في الشهقة قالدتي النفس
في الزفرة مارقة وتدخلي
تتفصدي وتتقطري
وتبيني في ملح العرق
في الدم وفيني بترحلي
في الخوف وفي تعب السفر
البين مسافات النهى والإشتهى
وما تزعلي
مليت طقوس الإنتظار
جاييكي بتنفس غبار
وإتخيلي ...
أنا كلما يبعد مداك
بحلم قطاراتك بجن

[شجن البورت]

قوافي حلقة إيمان متوكل
والأحاسيس المتدفقة المرهفة

http://adalhaj.com/vb/attachment.php?attachmentid=109&d=1352290184

إحساس المرهفة إيمان متوكل

إحساس بإحساس عمر محي الدين
http://www.2shared.com/audio/k9z-6zkE/__online.html

إحساس بصوت عمر محي الدين
http://www.2shared.com/audio/2XYhhWCb/___.html

إحساس بصوت ايمان متوكل
http://www.2shared.com/audio/v_2Gkbds/______.html

إحساس صفا خوف إنتباه
لمن يحين وقت التمام
إحساس قدر ما تنقصو
لسايَ في جوايا تام
إحساس أكان إبليس مشاه
كان في شريعتنا إستقام
كان الله رجعوا للسما
وخلاهو في جناتو حام
إحساس قدر ما أوصفو
يعجز عن الوصف الكلام

الدنيا رغم حلاتا زيف
من بدري إنكسر الألم
لي الليلة ما قادر يقيف
فيضان هواك
ما رضى زول يوم هد
وأنا جرحي من غدر الزمن
لساتو بنتح بالنزيف
عهداً علي ما أوصلك
ولا يلمسك حسي الرهيف
وأنا في هواك جيعان ويوت
لا ضقت كسرة ولا رغيف
تايهة وبفتش لي عشم
شان أوصلك وألقاك كيف
بردانة مكسية هواك
في دنيا قالوا عليها صيف
وأنا قايلة سكني معاك ملك
ما قايلة ببقى معاك ضيف
لو زول غلط غلطانة أنا
كونت ليك إحساس نضيف
لا فيه خيانة ولا خداع
لا فيهو إرهاصات وزيف
إحساس بنطق للبكم
ويضوّي في عيون الكفيف
إحساس بشيل حجر الجفا
وبي ثقلو حاسة علي خفيف
إحساسي بعين للناس أمان
وعينك ظلم شايفاه ومخيف
إحساس بتلعب بيه الزمن
والريدة للزول الحريف
إحساس بنور في الضلام
إحساس حرام
مولود هو من رحم الحلال
إحساس بتيح كل المحال
رضعتو بالفوضى النظام
وفطمتو ليه .. يا قاسي ليه
قبال يصل سن الفطام
سن الفطام عارف هي كم
دي سنين تفوت الألف عام


إحساس صفا خوف إنتباه
لامن يحين وقت التمام
تتحارب الأشواق عليك
شان توصلك
كان تلقى فيك ذرة سلام
إحساس قدر ما تنقّصو
لسايَ في جوايا تام
إحساس أكان إبليس مشاه
كان في شريعتنا إستقام
كان الله رجعوا للسما
وخلاهو في جناتو حام
إحساس قدر ما أوصّفو
يعجز عن الوصف الكلام
وأنا إفتكرتك ردتني
مخنوقة خانقاك بي هواي
الليلة كيفن لمتني
وركبت بصات الخداع
وأنا جارية أركب فتني
وحرمتني .. أسكن هواك
يا البي هواك سكنتني
موجعني إنك ما معاي
وبدون مقابل بعتني
وموجعني إنك قلت لي
رغم الصراعات ردتني
ومليتني بالشوق الجميل
هسة بتساهل سبتني
جاياك وماليني العشم
يا البي العذاب كونتني
وأنا شايلة ليك الريد قماش
قطعتو لي لتقتني
ما ظني محمولاً براك
وكل همك البستر عراك
عايش بتيار الحزن
همك علي حزن المعاك
بالعافية تزرع ليك فرح
ويوم الحصاد تجنيه براك
ما إنت رغم القلتو ليك
معترفة بيك إنسان ملاك
بس يا ملاك
أنا زيي زي كل الخلق
بنتح هموم
هماً يعلم في السهر
تحرس مع القمر النجوم
هماً يجيك عز الشتا
يصرخ جلد باقي الصبر
بي موجة اليأس السموم
وعلى العموم
أنا ما بقول ليك دايرة ألوم
هو الزول وكت ما يحس براهو
ما الميت إحساسو بينوم
مهماً يضيق بيك الزمن
أصبر عليهو كمان زمن
ربك كريم وبيفرجا
طول ما إتكلت عليهو بس
من غيرو ما حالف رجا
أطراهو دايماً وأحمدو
ليهو بس همومك فوضا
صدقني بتعيش مبتهج
وأنا هسة ماليني الرضا
غسّلت ريدك بي صبر
بتعب همومي ويقرّضا
شرباااانة ريدك في جواي
وغسيلا هد عديل قواي
وأنا وا شقاي
أنا إفتكرتكـ .. ردتني !!!

ــــــــــــــــــــــــــــــــــــــــــ
المرهفة إيمان متوكل
يا زل جديد

يا زول جديد
http://www.2shared.com/audio/ktqBFRr3/__online.html

يا زول جديد أفهمني صاح
عيشني فيك لو جد مباح
بدلت ظلماتك صباح
أشطبني منك كان وراح
يلاك أبداي من جديد
كونّي في داخلك وطن
وأكتبني كلمات من قصيد
أملاني لو داير شجن
ما إنت لي أحزاني عيد
يا منتهاي ...
لو كنت عارف كم هواي
ما كان تقول لي ياتو حد
أنا حالي إني بديت هواك
ما طق عود ما فيهو شق
يا زول وكت تاتيت هواه
غفلني في الجوف إندفق
وأديتو تأشيرة دخول
يسكن رؤاي ولو مرق
وأنا حقي أكبر بي كتير
من كونو تسأل عنو وين
الديمة واهب ليهو فرح
من حقو تبكيه لو حزين
والفيك بيكبر كل يوم
دة اليومي في جواك سنين
وأنا حقي ليك من بدري بان
قبال شمس ريدك تبين
هو القسّى ليك قلب الحزن
الكان علي قلبك حنين
هو العاش مصدق إنو ليك
عيشتو في جواك سجين
بي ياتو حق إنت بتجيو
وتقول عليهو ما عندو حق
وهداك باين في غناك
زفر إنتماءاته وشهق
والقاسية في قربك تهون
أوعاك تغدر أو تخون
ما بحملك ...
مجبورة أبعد وأجهلك
شان ما ألومك وأسألك
والطيبة ما طيبة كلام
والكلمة تعني الإلتزام
والطاعة ما باب إحترام
لو ما غشيتو أكون ملام
يا زول حرام ... !!!
أنا لو معكر فيك ما كان عشتني
وأنا لو بجهجه فيك ليه ما فتني
ولو ما بهمّك يبقى ما كان لمتني
ما كان بنظرة شوق وحب عشمتني
ما كان لقيت لي حق عليك وسألتني
لو عفوي ليك إتلاشى ما كان خنتني
أنا حقي أكبر بي كتير
من ضيق براحات الفهم
حتشوفو كيف ؟
وتعرفو كيف ؟؟
لو ما حصل عانيت ألم
وأنا حقي لو خليتو ليك
بفتح عليك باب الندم
تسألني كيف بي ياتو حق
أبني الغرام الإنهدم !!
بي ياتو حق ؟؟؟!!!



ـــــــــــــــــــــــــــــــــــــــــــ
الأستاذة/ إيمان متوكل
مربعــــات

مربعات
http://www.2shared.com/audio/ZqRYpExJ/_online.html

عربدت الظروف القاسية قامت جارية
سلت سيفا قوق لا خايفة لا متضارية
تهرد في حشاي وأنا بالصبر مو عارية
ولّعت الغبار لفتت جميع السارية

ضهبان في النفوس حتى الجشع والقدرة
ما طالن كتير علا النجاح والسترة
يفرج الله لي كل الهموم والعسر
يمسع لي أساي مسح البياض للبدرة

قاعدة الكون حداي ما داري بي نيراني
آه يا ناس أبوي أخواني ناس جيراني
بياع الفرح باع الفرح مجاني
دق الباب علي مكتوبة ما يلقاني

مكتوب لي أعيش في الدنيا أشقى أعاني
أعشق أي زول قاسي ولئيم وأناني
يمدحوا فيه الخلق في ريدو يصبح جاني
طلّق يا قليب ما بتهوى زولاً تاني

رصرصت الهموم بستنى أبيع لي حبة
جاني فرح عديل بسراع وما بتخبى
سكنتو في غناي سكن المشيخ للقبة
دسّيتو ومليت إحساس فراغ ومحبة

ويا بخت الولد زولاً عديلاً زيي
ويا بخت الشمس كان نورا بشبه ضيي
يا بخت الزرع لو كان شرب من ريي
عيان بالكرم كان الكرم بيعيي

عرّستَ السكات طلّق كلامي الشين
زغردت الهموم فرح العديل والزين
بشّروا بالشقا والعين تقالد العين
وإن قلت الديار وين تلقى متلها وين

وا زول ما سمع نبشوني قالوا بخيلة
معدومة أصل مجهولة مالي قبيلة
معدومة سرج فيني الشمالى عديلة
كضاب الكلام ما عندي غير قال قيلا

قالوا علي كتير آريتا كان قدامي
كنت حلف قسم قت ليها أحلفي أمامي
إن قصّرت فيك أو جار عليكي كلامي
يتشل اللسان ويتذل بيها مقامي

أنا بت الأصول زينة ومكارم وطيبة
بت عز الرجال عزة وكرامة وهيبة
أتحدى الخلق من الصغير لي أب شيبة
إن زماني يوم أو قال علي العيبة

من بلد الرسول يا زولة أصلاً جينا
سمونا الكنوز إسماً مسمى علينا
جوانا النضيف شايفا الخلق في عنينا
قدام الصفوف في الحارة تجي تلقينا

يوم قسموا الشرف أول بشر أدونا
ويوم قصدوا الكضب قصداً عديييل فطونا
الدين والعلم يا زولة هم رفعونا
رفعونا السما ولي الليلة مااا دلونا

من كل الجهات جاني الوجع وجّعني
بندهلك تعال هوي يا الأصم أسمعني
إن درت الحرب ماف شئ بقيف يردعني
وإن درت السلام ياني البكون المعني

وصمات الشقى والله هردن جلدي
مالك آآآ الحنين هسّع بتوقف ضدي
عند بلد الجفا سايق رويحتي تحدي
وشايقني الطريق ديمة لشقايَ يودي

ما ظنيت تكون كايس شقاي أو ضيقي
وأنا خاتاك أخوي سفاً غطاي وصديقي
لهلبت القليب ولّعتَ فوقو حريقي
خانقاني الظنون ما قادرة أبلع ريقي

وين الخوة وكتين الحبيب يرتدَ
وين القوة وكتين الضراع تتهدَ
الواجعني في الزول البريدو وصد
من سعف الهموم طرزلي توبي مخدة

وكان حالاً مسوّد في الماضي قالوا وقلنا
هسع يا الرجال مالكم بقيتوا متلنا
كت قايلة الرجال بلداً ملانة محنّة
في بلد الرجال كتر الكلام محنّا

[شجن البورت]

عباس محمد عباس شيبة

لما ما بتقدر تريدو
سبتو ليه يهواك يريدك
يبني بيك أحلام بإيدو
إنو يوم حتسوقو إيدك
تبقى بين الناس وحيدو
ويبقى فيك زي دم وريدك
في نهايتك قلت فيدو
ريدو أبداً ما بفيدك
سبتو ليه تنزف جروحو
رغم عاش دايماً طبيبك
ورغم عارفك ما حبيبو
وإنت ناكر ما حبيبك
برضو بعشم يا وحيدو
الزمن يرجع يجيبك
تبقى ليهو من نصيبو
ويبقى ليك ومن نصيبك
ليه تزيد نيران لهيبو
بإبتعادك وبي مغيبك
روحو فيك شوقو ونحيبو
ومستحيل يقدر يسيبك
سبتو ليه يا قاسي ترحل
لما سبتو يكون أسيرك
وإنت عارف ما حيقبل
إنو مرة يحن لغيرك
كنت تعرف إيه حيحصل
قبل ما تحدد مصيرك
أو تحاول مرة تسأل
بعدو كيف يرتاح ضميرك

ــــــــــــــــــــــــــــــــــــ

عباس محمد عباس شيبة

يا مشاغل ويا مواجع ويا ألم
أنسوني أنسوا
ومهما كان في قلبي وادع
من يفارق ما بحسو
لا عذاب مكتوم أصارع
لا أنين جواي أدسو
ومافي هم يقدر يمانع
قلبي يرتاح أو يمسو
أي زول فارقني غادر
أو منع عني نفسو
إفتكرتو علي بكابر
أصلو واهم وغاشي نفسو
يبقى هو الظالم وظاهر
وما بهم من قلبي ترسو
الصباح تلقاهو باكر
مهما غابت عنو شمسو

ــــــــــــــــــــــــــــــــــــــــ


في سكة الريد الجميل
كانت مشاويرك هنا
وكان الزمان ماديك حنان
كانت كليماتك غنى
يا قلبي ياشقي يا رهيف
الريدة بعدت مننا
ما كان زمان سمحت ظروف
كانت سعادتك ممكنة
خليك هناك أرضى بشقاك
بدد سنينك في المنى
لو يوم هناك مرت خطاك
بعد السنين والأزمنة
جددت تاني ظروف هواك
إشتقت للويل والضنا
سايقاك خطاك نحو الهلاك
وإنت الزمان ضيعتنا
أذكر زمان ما بتنسي
وأحلى السنين من عمرنا
ضاعت معاك ما باقي شي
باقي العمر راح مننا
وجاييني هسة تقول في زول
بسأل علينا بلمنا
سايقني فترني للمشي
ريحنا ما تزيد همنا



ــــــــــــــــــــــــــــــــــــــــــــــــــ ـ

معلومة في حضرة الشاعر/ محمد علي عبد الله الأمي

شاعر كبير وشهير ولد في أمدرمان في حي الركابية عام 1908م ولكن تنقلت قصائده في مدن السودان المختلفة ، فكتب قصائد في ود مدني والأبيض وأمدرمان والحلفايا وغيرها من المدن فكان كثير التسفار والتنقل ، محمد علي عبد الله الأمي كان يتنقل مع جده وتلقى تعليمه الأول كحال شعراء الحقيبة وبعد أن توفى والده عمل ترزي مع خاله شيخ الخياطين يعقوب عبد الله وكان أول إنتقال له إلى ود مدني وبها إلتقى بالشاعر الكبير علي المساح بعد لقاءهما في جبل أولياء ، وفي فترة مبكرة من حياته مثله ومثل أقرانه كان من مرتادي حفلات الأعراس ومشاهدة الرقص للفتيات وكان يقال لهم في الماضي "الصيع الصعاليك" وهذا تركبداخله إحساس بالمفرده وبالكلمة وبالجمال فإستطاع محمد علي عبد الله الأمي أن يضع قصائد جميلة ، وفي عام 1923م نظم الأمي أول قصائده الشهيرة "مستحيل عن حبك أميل أساهر الليل أنا يا جميل" وهذهكتبها في سنار عندما كان يعمل في خزان مكوار وكان بها أيضاً إبراهيم العبادي عمل فيها فترة ومحمد ود الرضي عندما كتب قصيدته الشهيرة كان في سنار "متى مزاري أوفي نزاري" القصيدة الجميلة الخالدة والرائعة لمحمد ود الرضي .
محمد علي عبد الله الأمي عنده كثير من الأغنيات سجلت على الأسطوانات وسجلت على مكتبة الإذاعة السودانية والتي غناها كثير من الفنانين ومن أشهر أغنياته الأغنية التي غناها كرومة "عيون الصيد ناعسات عيوني عيون النيل حاكن عيوني" ويستخدم من البلاغة والبديع الجناس والطباق من الجميلات لمحمد على الأمي في شعره نجده يقول :

يا حليف الصيد يا أب عيوناً صاد
قولي ليه يا جميل عني ناكر وصاد
كل يوم يا حبيب ليك بالمرصاد
وضعي ما حمد والشرك ما صاد

ويقول :
عيون الصيد ناعسات عيوني
وعيون النيل حاكن عيوني
نسيت قلبي وروحي ونسوني
وفقدت الكانوا بآنسوني
ليالي هناي جد عاكسوني
وأخاف من نوم كيف درسوني
فقد صحاي كيف تنصحوني
خطاب وعتاب كفى بارحوني
عيون الصيد الجرحوني
سروري يتم لو يلمحوني
مع الآلام هاجت شجوني
وأطباء الكون ما عالجوني
جفوا وبنفورهم هيجوني
متين في الطيف يصفوا ويجوني
غلبني أسير هيا درجوني
على الأطلال ديل
هواي شريف لا تحرجوني
وعلى الأكفان لا تدرجوني
طار أملي وفيهم ظنوني
يزيدوا دلال وتزيد جنوني
يزيد تعذيبم أو ضلوني
وصالم آه راحتي ومنوني

وهذه الأغنية التي غناها كرومة والتي كتبها الأمي وغناها عدد من الفنانين ، وفي عام 1944م كتب واحدة من أشهر الأغنيات "إنت حكمة ولا آيه ولا إنسان .. إنت صاحي ولا نايم ولا طرفك من طبعو نعسان"

انت حكمة...... انت آية....... ولا
إنسان.........؟
انت صاحي ولا نايم ولا طرفك من طبعه نعسان؟
انت راحى انت روحي انت إنسان
عيني يا صاحي وانت إحسان
انت نادي انت هادى انت ميسان
انت ظافر انت ضافر اسود وفرسان
انت شادن انت لادن انت فتان
انت ضامر انت سامر انت هتان
انت نادر انت ناضر انت بستان
انت صافى انت نافى زور وبهتان
يا حياتى ويا مماتي هاك سطران
الصبابة ومر عذابها وقلبي أقران
انت ساهي انت لاهي انت بطران
في دلالك في جلالك يا سامي وكران
ياصفاى ويا وفاى هاك برهان
عن غرامي وطول هيامي السابنى ولهان
عزّ قربك.. أما بعدك مالو لي هان
قلبي خافق هل توافق قدري ينهان؟
ياحبيبى كن طبيبي امرى حيران
طول نهاري ثم ليلى ساهي سهران
طال عذابي وصاح غرابي جوى عكران
دمعي هامي وشوقي نامي وفرشي نيران
انت حالي انت عالى انت سلطان
انت ساطع وانا ساجع بى غناك طان
طال انينى وفاق حنيني الحان لأوطان
والبلومنى فى هواك ياسيدى غلطان

غناها كرومة وعدد من الفنانين حتى جاء بادي محمد الطيب وسجلها لإذاعة أمدرمان . والأمي من الشعراء القلائل جداً في الحقيبة الذين طبعوا دواوين فطبع عام 1944م ديوانه الأول للأغاني في أسوان والأمي عاش في مدينة الأبيض في ترحاله الكثير وهناك كتب واحدة من أعظم الأغنيات وفيها إحساس صوفي عميق "ما بخاف من شئ برضي خابر المقدر لا بد يكون "

ما بخاف من شئ برضي خابر المقدر لا بد يكون
***
إن اتانى الهم جيشه دافر يلقى يا خلاي صبري وافر
يلقى عزمي التام ليه خافر يلقى قلبي شجاع ما جبون
***
بالعدا معروف ما ببادر ما بخون الجار مانى غادر
ما بقول للناس مثلى نادر بل بقول للخالق شئون
***
ما عصيت مولاي مانى فاجر لا ولا بالعالم بتاجر
نفسي يا أحباب ليها زاجر لم أكون كل يوم لي لون
***
الثبات معروف لي معاصر لو بقيت في داخل معاصر
و الإله غير شك لي ناصر رغم انف الواشي الخؤن
***
قول لشاهد الزور فيما ثائر هدى روعك قبل الخسائر
يا ما قبلك عميت بصائر من لساني وقولي الهتون
***
قول لأهل الجور والمساخر مافى أول ما ليه آخر
مابدوم العز والمفاخر وما بدوم الظل والحصون
***
عن لسان الحق مانى نافر وما جحدت الخير مانى كافر
ما ضمرت السوء مانى حافر للصديق هاويات السجون

السيرة النبوية الشريفة وكل المضامين التي تمثل المسلم والإنسان كتبها الأمي في ما بخاف وغيرها من الأغاني الجميلة ، غنى له عدد من الفنانين الكبار "حسن عطية وأبو داؤود والتاج مصطفى" وغيرهم ، قضى الأمي بقية حياته في الحلفايا شمال الخرطوم إلى أن توفاه الله عام 1981م بعد أن ترك لنا من الأغنيات الجميل والكثير .


[/font]

[شجن البورت]

في حضرة المصطفى
صلى الله عليه وسلم
الأستاذ/ علي شبيكة
ومشكور الأستاذ/ عمر محي الدين
الي يدهشنا بإختياراته
حلقة وقفة العيد "التيمونة"
التي تلاقت فيها أشواقنا مع أشواق عمر محي الدين
مع الشوق القديم للشاعر/ علي شبيكة
في تلك الأيام المباركة
لرسول الله
ولعرفات وللبيت الحرام
ويوعدنا الله


لمتين أزورك
"شوق علي شبيكة"

لمتين أزورك ويغمرني نورك
وتجري الدموع وتروي سورك
يا نبي

طال شوقي طال بي الهيام
للروضة والنور والمقام
بشتاق أقيف وأقول سلام
سلام عليك يا نبي

يا دارو يا دار السلام
والليلة جافاني المنام
إنشاء الله كل البيك هام
يوصل يزورك يا نبي

وليك السلام يا المصطفى
يا هادي يا بحر الصفا
أشواقي كيفن بوصفا
وكيفن تصل يا نبي

ويا واهب الروح الرضا
وخير الأنام لينا إرتضى
يا ربي أغفر ما مضى
بي جاه حبيبك النبي

*********************

تلبية نداء علي شبيكة
فوصف حاله في يوم عظيم
وهو يناجي
لبيك الله

ويا رب نحنا جمييييييييييييييييييييييعنا
يوعدنا الله


كبّرنا المولى وعليك صلينا
وأحرمنا وقمنا للكعبة جينا
لي بيت الله

بين صفا والمروة حافين سعينا
وفي القبلة الطاهرة طفنا ولبّينا
لبيك الله

وبلغنا منانا والفرض الأعظم
نطلع عرفات ونشرب من زمزم
بإذن الله

جينا المدينة في دارو الوريفة
والقبة الخضراء لاح لينا طيفا
وما شاء الله

وفيها الحمايم تهدل أليفة
وا شوقنا للروضة الشريفة
ولي رسول الله





يوعدنا الله
ياااااااااااااااااااااااااااااااااااااااااااااا رب العالمين
تلبي نداءنا لزيارة بيتك الحرام وحبيبك المصطفى
صلى الله عليه وسلم في أراضيك المقدسة

[شجن البورت]

في صباحاتنا الندية
يلا نتنسم قوافي
يلا نستنشق حروفا
وعطر إحساسا الخرافي
في الشهيق تتحس باردة
وجوة ديمة إحساسا دافي
تضمد الجرح البينزف
بي كلام مشجون وشافي
وتسكر الألباب وتسحر
من عذب نبعاً سلافي

و

لمّا يبتسم الصباح
وتضحك أزهار الحديقة
مستعدة عشان تغازل
للفراشات الأنيقة
وتبدأ قصة إلفة دايمة
من عذب عسجد رحيقا
والنسيم من ليلو جايب
صوت طروب ممزوج موسيقى
ومن سهر لمة حبايب
والقوافي بقت صديقة
يلا ننتشي في الصباح
ونمشي هايمين في طريقا

و

وكت ما الليل يجن
وتظهر النجمة البعيدة
بالأثير تنساب قوافي
شايلة في جواها ريدة
تشجي للوجدان وتسحر
لي أحاسيسنا العنيدة
أو مع الأيام تكبّر
طفل مشاعرنا الوليدة
أو تصفي الكان معكر
من لظى الريدة التليدة

وفي الصباح تشرق أماني
ضاوية بي أحلام جديدة
ناسية هم ألماً مسافر
شايلة للفرحة السعيدة
والأحزان تنسانا ترحل
للبعيد وتموت شهيدة
والحلم آماله ضاوية
فيها فرحتنا الأكيدة
ونحنا نبصم للقوافي
بي محبتنا الشديدة

ونمشي ننتشي في الصباااااااااااااح

و

في الليل وفي نفس الميعاد
نتلاقى في أجمل سمر
بغناوي من أيام بعاد
وقوافي بحروفاً درر
بي صوت يجينا بكل وداد
ونردو ريد أجمل مهر
ونهيم ونغرق في السهاد
أو نركب الخاطر سفر
وبالروعة نقصد كل بلاد
والدهشة تبقى المستقر
وأنحنا بي رغم البعاد
نتلاقى في أروع سهر
وفي الصبح ينتم المراد
وباللقيا يبتسم الزهر
والشوق بحر نلقاهو زاد
وجوانا رشة من العطر
والحرف ما جفف مداد
بدفق بأجمل لون حبر

و

كالعادة كل أربع
راجين قطار الشوق
في محطة الروعة
كان شوقنا كابي دفوق
شان نلقى في الميعاد
وبالقافية بالنا يروق

وبدينا تسفارنا
في ليلنا ما أحلا
والقافية كان زادنا
شلناها في الرحلة
وإيقاعا في الأوتار
وصوت الأثير يحلى

وفي الليل قطارنا يطوف
بطوى في مسافاتو
ومن رحلة الإمتاع
قلل في ساعتو
وخاطرنا بعدو سرح
وتاه القليب ذاتو

والشوق أكيد شوقين
لي لقيا مفرحة
لقيا السهر بالليل
بحروفو منشرحة
ولقانا بالشوق ليكم
وقت الصباح يصحى



شجن/سحر

[شجن البورت]

http://i76.photobucket.com/albums/j13/ahmadziton/tajmeel/klam19.gif



عقد نضيد وفريد من الحروف المنظومة
تناثرت حباتها فزيّنت جيد القصيد وجمّلت سمرة الليل السودانية
فجهرتنا روعة
حروف ملونة .. وأنغام مدوزنة .. لأقلام مدوزنة
بأصوات مشجونة وبالإبداع مسكونة

فبدأت حبات الحروف الملونة بشعار البرنامج الثابت
بصوت الأستاذ/ عمر محي الدين المشجون

حمّلت أشواقي عناء مسيرتي
وتركت أنّاتي بقرب الباب
لوّحت بالأشواق توقاً لـ اللقاء
دخلت فإستبقت خطايا الشوق للأحباب

http://i76.photobucket.com/albums/j13/ahmadziton/tajmeel/fawasl/fawasl5.gif

فكانت الاقلام المدونة التي تناثرت منها حروف القوافي :

- الشاعر/ خالد القضارف "خالد أحمد الحاج"
- الشاعر/ عثمان محي الدين بابكر "شقيق المبدع عمر محي الدين"
- الشاعر/ دفع الله سعيد بخيت
- الشاعر/ يوسف محمد يوسف الجيد
- الشاعر الكبير/ محمد أحمد سوركتي



http://i76.photobucket.com/albums/j13/ahmadziton/tajmeel/fawasl/fawasl5.gif

وكان واسطة العقد المكون من السوميت والعاج والماس والذهب والدرر الثمينة لحروف ملونة :

- أوبريت سودانية – الشاعر الشريف زين العابدين الهندي
- القوافي – خالد أحمد الحاج
- ليه تلوم وإنت الملام – عثمان محي الدين
- إنت يا راحل مفارق
- الزمن لي غيرنا يبسم
- الصدف – يوسف محمد يوسف الجيد
- قصة الكاشف عجيبة – عثمان محي الدين
- يا قلم أنسى الكتابة – يوسف الجيد
- أنا داير أقول ليك شئ
- أديتك أصدق أشعاري – عثمان محي الدين
- فاتناني – عثمان محي الدين
- خليني للأسى والشجون
- عادي جداً إنت تقسى – محمد أحمد سوركتي
- بقرأ آية الكرسي مرة – يوسف محمد يوسف الجيد
- لقيتو وبعد غيبة – عثمان محي الدين

http://i76.photobucket.com/albums/j13/ahmadziton/tajmeel/fawasl/fawasl5.gif


والحروف الملونة مع الأنغام المدوزنة في واسطة العقد تمازجت في ليلة جميلة على إيقاع خماسية وسباعية فكانت أجمل الأغنيات :

- المشاوير – السقيد
- نابك إيه في هواه – عثمان حسين مع صلاح أحمد محمد صالح
- مين في الأحبة – شرحبيل
- أبداً أهواكي محيرتي – سيد خليفة مع على شبيكة
- عندما يغني الكبار للكبار : (غنى سيد خليفة للكاشف "الحبيب وين" وغناها صاحبها الكاشف)
- لسة بتسألي – هاني شاكر والإحساس الجميل الذي يشبهنا
- أسأل قلبك – وردي مع إسماعيل حسن والسؤال الذي يشبه سؤال
- نسيم الروح – بصوت بن البادية لعمر البنا وأولاد شمبات
- فارقيهو دربي – الذررري إبراهيم عوض مع الطاهر إبراهيم
- يا راسي طبعك – عثمان الأطرش مع عبد الماجد خليفة

http://i76.photobucket.com/albums/j13/ahmadziton/tajmeel/fawasl/fawasl36.gifhttp://i76.photobucket.com/albums/j13/ahmadziton/tajmeel/fawasl/fawasl36.gif


خاتمة العقد الفريد للحروف الملونة والأصوات الشجونة وبالإبداع مسكونة مع توقيع ختامي شبه ثابت للأستاذ/ عمر محي الدين :

وتبقى الفكرة أشوفكم تاني
وبيني وبينكم شوقاً حاني
وغير ما أقول الشوق بتكلم
ويبقى لقانا كلام ومعاني

http://i76.photobucket.com/albums/j13/ahmadziton/tajmeel/fawasl/fawasl40.gif


ولنا عودة مع حبات حروف قوافي العقد الجميل


مع خالص حبي وتقديري ***

http://i76.photobucket.com/albums/j13/ahmadziton/tajmeel/fawasl/fawasl11.gif

[شجن البورت]

ما إتجاوزت الحد الفاصل
بين أقراكي عشان ألقاكي
وبين أتخيل إني أكونك
******
هذه أنتي شجنَّا أحاول قرأتك وتخيّل كيف تفكرين ولكن حتما سأكونك يوما ما
وزي ما عارفة حقيقة روحك
روحي كمان بالجد عارفاكي



الحبيبة ** ريم المها

"يا قمرنا برانا"
وقمر الناس جميع
كل ما يوم تطلي
بي إحساس بديع
وتبقي فصول مواسم
بادية من الربيع
ليك جواي مكانة
ماخدة محل وسيع

و

ياااااااااااااااااااااااااا زولة تانية

وأنا نفسي أقراك مرة صاح
وأفهم خباياكي وأزيد
وأنا كل يوم بقراك غلط
وألقاكي أكبر وما بفيد
كل الخيالات العليك
تتهجى في داخلك تعيد
تستنتج الروعة وتكون
الروعة أبعد من بعيد
يا زولة تانية وفي الوجود
بتخلي كل أيامي عيد
قوليلي لي وين منتهاك
وببداكي كل يوم من جديد
وألقاك خبر وأصوات ندا
وحروف تجر فوق القصيد
مسكونة بي نون الحنان
مدغونة في القلب الوريد
وعميقة أعمق من بحور
وشفشفة شافية أساي أكيد
بس كيفن الشوف الببل
شوق العيون أو لهفة إيد
وألقاك قريب وأتأمّلك
يا زولة تانية ملتني ريد



وأنا بيكي ماليني الكلام

بس

أقراكي كيف ؟؟؟
وإنتي
التطور .. والتحول .. والثبات

وتكونيني كيف ؟؟؟:SugarwareZ-044:
ذكرتني برد
عايزة أبقى ......:SugarwareZ-296:

يا ست البوح والرقي والحن
كيف بتكوني وتبقي شجن
أهلاً بيك نورتي الحتة
من نبع الحرف النبعو الدن
وبي حرفك حرفي المتواضع
دنقر عينيهو وإتفّن
ولي كامل حرفك قام تاني
وللقافية معاك لي بوحو حرن
وبرضو بتقولي تكوني شجن !!!!
كيف بس بالله بتكونيني
يا ست الناس بالله كيفن
وأنا ذاتي بدور أبقاك إنتي
إتبحبح بيكي وإتلوّن
وأطرد كل الأحزان مني
وإتبعثر تاني وإتكون
أما لكونك تبقيني
نو أبداً نهى لا ما ممكن
إلاّ تكوني مشتهية شقا
مشتاقة معاناة عذاب ومحن
ولو تبقي شجن ...
تتشاقي شقاوة .. شقاوة الجن
ومن لاند 11 حتعاني
ورجليك للماركة دي ما شبهن
حا تمشي مجهجهة طول عمرك
لا بتوصلي لا بتلقي الزن زنننننن
حا تتعبي من سفرك دايماً
وأيامك ليك ديمة يدقن
وأحلامك ذاتا حتتغير
وتلبس توب تاني وتتكفّن
وتكون في الذكرى المنسية
لمن ترحل وجواك تدفن
وبرضو بتقولي تكوني شجن !!!
وأنا ما برضيني تكونيني
وما برضى حياتك تتبشتن
لكن بي كامل حرفك داك
وحرفي المتواضع ومتشوطن
على كل جميل ليك تقديري
ومع كل الود مجزول شكراً



تسلمي يا رب
وما عدمناك


يا غالية يا زينة حياتي
يا ست البنات



لكى كل الحب ***

[ضياء الحق]

اوبريت سودانية
http://www.2shared.com/audio/6M8mzP8v/__online.html
ليه تلوم
http://www.2shared.com/audio/UyCckbks/__online.html
يا راحل
http://www.2shared.com/audio/2B3caMQF/__online.html
الزمن لغيرنا ببسم
http://www.2shared.com/audio/5EsSRIuQ/___online.html
الصدف
http://www.2shared.com/audio/gVUUVfvB/_online.html
قصة الكاشف
http://www.2shared.com/audio/aUty_IFV/__online.html
يا قلم انسى الكتابة
http://www.2shared.com/audio/RE5GBOrg/___.html
العمر عبرت سنينو
http://www.2shared.com/audio/Z_54JOxi/___online.html
داير اقول ليك شي
http://www.2shared.com/audio/eO-7UziB/___.html
فاتناني
http://www.2shared.com/audio/LDVs7fEE/_online.html
خليتني للاسى والشجون
http://www.2shared.com/audio/DU3FuyHe/___online.html
عادي جدا
http://www.2shared.com/audio/V4PfI0ki/__online.html
بقرا اية الكرسي
http://www.2shared.com/audio/eAHCAMaM/___online.html
ادفق النيل في السما
http://www.2shared.com/audio/PWLX23f9/___.html
لقيتو بعد غيبة
http://www.2shared.com/audio/ryFsocoJ/___online.html

[λβoѕнєгOġ]

الله عليك ياسمح يازين
مشكور كتير حبيبنا ضياء
جاري التحميل ابدعت بالجد والله

[شجن البورت]

بسم الله الرحمن الرحيم




قصيدة الملحمة

أوبريت سودانية



تأليف : الشريف زين العابدين الهندي

http://www.alwasatnews.com/data/2006/1502/images/main_prt-1.jpg

http://t3.gstatic.com/images?q=tbn:ANd9GcRX7ftwlU8rCCuvM9_D0ZTRjYEcN6l4Z aZZf5vzkrHtZDlkhScA

http://t2.gstatic.com/images?q=tbn:ANd9GcTzOhfDFs46Afg2Wz4gTo_U81qh3TK97 T36kidH1pb6b9JVqRzu


مقدمة :
هذه أوبريت سودانية ، أنشودة الهجرة والإغتراب ؛ أغنية حب وتصد وعرفان .. فداء الذين خرجوا من أجل أوطانهم ، فالتصــقت بأرواحهم ووجدانهم ، وظلت تتفتح صورا يعيشــونها بأعماقهم ؛ ترطب لهم هجير الغربة ؛ وتحدولهم ركب العودة الحثيث . إنها ليسـت من تأليف أحد ، إنما هي مشاعر قوم وموال أمة ؛ إنها ليست غناء ، إنما هي عزف هادئ رزين على أوتار الحقيقة ؛ إنها ليست ذكريات ، إنما هي دفق حي لواقع ملموس معاش مستمر؛ إنها ليست رثاء ، إنما هي ملحمة الحماس اللاهب .. لانطلاق الشباب المغزى بحكمة الشيوخ ؛ إنها عروة وثقى تشد أهلها برباط محكم متين .. فلا يسقطون في المحن ، وإنما يحطمونها ؛ ولايتراجعون للعقبات ، وإنما يتجاوزونها ؛ ولايضعفون للصعاب ، وإنما يطوعونها .. إنهم جيل ضــرب له موعد ثان مع القدر ؛ وتعين له لقاء جــديد مع التاريخ والحرية .. إنهم جيل البطولات ، وجيل التضحيات ، وجيل الفداء .
إنها من تأليفهم جميعا ؛ بعزف موقع من ســيمفونية الخلود ، مع أوركسترا الحق والصدق ، في مهرجان الشروق الجديد ، بعد ليلهم الطويل الوبيل ....



*****************
http://mash-had.org/images398/sudan_Resources.gif



(1)

مساهر ليلك الطول نجوم وهجوع ..
وغرقان قمرُ في جو السحاب مصروع ..
بصارع فيك ضلام تمنِّ سنين واسبوع ..
واراقب فجرك الآذن زمانه سطوع ..

وشايلك سيف نصر لا يطيش ولاهو بزوغ..
ورابطك في حشاي من العطش والجوع ..
واســـقيك مــني دم ... ودمـــوع ..
واوقــــدلك جحـــيم وشــــموع .

واقش منك دموع الضيم على خدودك بتتحدر ..
واقبل فيك جبين مرفوع .. كراية النصر .

وبيرق عزة رفرف في ركاب فاتحين ..
واغسل ليك تراب الهجرة باليدين ..
ويجيك المجد مدخورلك سنين وسنين ..
من حبوبتك الوقفت ترد الدين ..
وتطرد حملة الباشا .. ومع الغازين ..
حليلة مهيرة كاسرة التوب وحد الزين .

ومن جدك بكبر فوق جبل سرخام..
ودافن ضهره في كرري ومتكنتر ركاب ولجام ..
وسال في إيده سيف العود ببعج بيهو كبدة وهام ..
وقبال دمعه مايرشح مع البارود ، يكون شتت عليك اجسام .

أجسام من غزاة ما قدروا يسبوك ..
ولاكشفولك المقنع ، ولافي الشينة ختوك ..
ولاخلولك أحداقم ، ولاهم قدروا يدنوك ..
ومما فاتوا لي هسع .. بدوروا رضاك واطروك .

وكيف إنساك ؟ وكيف إنساك وذكراك لي دماهو عروق ..
ومما الهجرة حلت ليهو، لابسك إنت عمة وطوق ..
وعايشك جو وجدانه ، معايشة الحنين للشوق ..
وممزوج فيك .. ممازجة اللسان للضوق .

بشوفك في عيون النيل ، وفي الأطفال ..
وفي تاريخك الأخضر، على الأجيال ..
وفي بحر الدمي ، اللسع بجم سيال ..
وفي مستقبلا ، واعد كبار وعيال ..

بشوفك بشرى فيك ، شقق جبال ورمال ..
وفي حدقاته مفتوحات ، تلاتة ليال ..
بترسم لي طريق نجم العشاء الولوال..
وتكشف فيك ، أسرارا كتار واهوال ..

ويلقاك ؛ ويلقاك حتى في رمش الغريب الضال ..
مهموم في اليمن ، لا الحامدي لا السلال ..
ويلاقيك في الخليج ، مشرورة حالك حال ..
ويسكّل فيك .. ببيعوك بالدهب والمال !

فلذاتك مبعثرة في البلاد مأجورة ..
تبني على الرمال أحلامها ثم قصورها ..
خلوك سايبة في أيد الطغاة مأسورة ..
شان ما يسلموك الحلبي ، روب في كورة ؟

أبشري ؛ أبشري نحن لسع في الخلا مرابطين ..
ونحن عقاب عهود ، أنصار مع مهاجرين ..
ونحن سهارى ما بنعرف غمضة العين ..
ونحن فداك ، نذود عنك بقالنا سنين ..

حالفين بيك قسم ، غالي وعزيز ويمين ..
مانضوق راحة ، لانشوف زوجة لا والدين ..
ولاندفن رؤوسنا على الرمال خايفين ..
حتى نودي من أشلانا ، أعلامك على القصرين ..

وحتى نسوي للقصفوك مقبرتين ..
زي ماصنع تارا ، علي الألف ألفين ..
وحتى نكسر السد ، وينقسم نصين ..
ويكون عيدنا الكبيـــر، في مقرن النيلين .

وما بنساك ؛ وما بنساك عشان يطراك في الأزمان ..
قريـــــــب منك ، قرابة الحدقة للإنسان ..
وجايل فيك ، جولة الدم علي الوردان ..
وقيمتك عنده ، زي قيمتك معاه زمان ..

بعيشك هضبة ، بتشارف تلال قيسان ..
ويحياك موية في دارفور، تبل عطشان ..
ويديّم فيك من سنار، ترع خزان ..
ويدفق خيره بي عند الرهد بستان ..
ويقول للدندر الغاضب ، كفاك قيسان ..
ويسهر لي وليداتك ، يعشي الحاري والجيعان ..

منو الزيك ، منو الزيك ولد واستالد الأولاد ؟
منو الزيك ، بجيبم ديمة عشرة اولاد ؟
منو الزيك ، ببز الدنيا موية وزاد ؟
منو الزيك ، ضروع وزروع ونيل مداد ؟

منو الزيك ، بطانة وغابة دون حداد ؟
منو الزيك ، سهول وادي وجبال اوتاد ؟
منو الزيك ، أصل موروث من الأجداد ؟
منو الزيك ، جراتق دم .. قدام وجداد ؟
قشي الدمعة يابت الرجال ، ما بحكموك أولاد .

بت الحر .. وأم الحر .. وأخت الحر ..
وست الضنبه مردوم .. بي وراه يجر ..
ست الفي الخشش من العصير بنتر ..
وست الخيل ، وست الفي القلوب بنقر ..
وأم الحلفوا بيك ، وبي العذاب المر ..
ما بختولك الشينه ومناحة كر ..

أولادك ؛ أولادك فضلة الموت وبتلجوبو ..
ودايما سيرته في لسانم ، وبتسلوبو ..
وزرعك من زمان المهدي ، طارح دوبو ..
واحدين بحصدو ، وواحدين بفكو دروبو ..

تيلادك مسكّر في الخزن محروس ..
هجليج واندراب ، ومهوقني وأبنوس ..
من صمغ الهشاب ، سوّى السنط كرتوس ..
ومن شجرالتبلدي ، المويه كوس في كوس..

ومن ضل النخيل ، الشمش دايرة تكوس ..
ومن حرب المطر، فرع الحراز مدروس ..
ومن شوك السدر، جيش السلم هكسوس ..
ومن زهرالتبر، البادية باقية عروس ..

وبي توب البرم ، سوى الطلح ملبوس..
ومن شدرالأراك ، عطر الدعاش مبثوث ..
ومن سيف العشر، جيش هكس صار مهروس ..
والدوم واجي ، بي قيف الأتبراوي خروس..

فيكي الفيل ، وفيكي العنجة والجاموس ..
وفيكي التيتل ، الليّات قرونه تروس ..
وفيكي الأصلة ، والدّابي اب درق وجروس ..
وفيك أسد العرين ، رب العراك والدوس ..

وفيك ريل الودي ، البي نالو راتع إجوس ..
وفيك فهود ، وفيك نمور، وفيك طاؤوس ..
وفيك صقر الكواهلة ، العينو كالفانوس ..
وفي نيلك عشاري ، إشيل من الجاقوس.

فيك الأزرق ، البي عرقو هد القيف ..
وفيك الأبيض ، الماش منطرح ما بقيف ..
وفيك رهد المفازة ، الوعده ما خلّيف ..
وفيك الأتبراوي ، اللي الشواطي أليف ..

وفيك الدندر، البهجم هجمة السيف ..
وفيك الباسلام ، الفي الفشقة عامل هيف ..
وفيك سيتيت ، منبّت من قناه صريف ..
وفيك القاش .. بوري الرعدة والصاقعة الدوادم كيف.

وفيك بحرالجبل ، حاقب عرى الرجاف ..
وفيك بحر غزال ، والجور وبحر زراف ..
وفيك سوباط ، ملولو زي دبيباً خاف ..
وفيك بحرالعرب ، مليان نعام وزراف ..

وفيك بحيرة قال نو، سيدها ماالأسلاف ..
وفيك خور أب حبل ، شاقي البلد كشاف ..
وفيك تمت العظيم ، شايل الكليت والشاف ..
وعندك مقرنا .. حرّم سواك ما إنشاف .

وعندك ألف خورفي الوادي ، والفين رافد ..
وحسبان الجزاير والجروف ، ما وارد ..
والنبروالحبيب ، لي عودو سيدو يقالد ..
والساقية الحنين توريقها ، باكي وساهد ..

والبلدات .. ونجاضات حليلة فايد ..
وسمسم ، وام صقور، وسهل قبوب ود زايد ..
وصقيعة ام بليل ، براقها قايم وقاعد ..
والمطرالبكب ، أربع شهور ودارد ..

وفيك قدمبلية ، وكمبو ستة الوارد ..
وأم سينات ، تغازل دوكة ماشه تحادد ..
الكفاي بقول للفشقة ، بهمك شارد ..
كونوالفاو بقت .. ترع ، وجناين ، وموارد .

في غروبك ؛ ربوع خصبة وتبرمبهول ..
وديان من عقيق ، مغسولة مطروسيول ..
وكثبان تابة ، بطرزحواشي سهول ..
تجود بالكركدي ، وصمغ الهشاب والفول ..

وتدى القنقليس ، طول الشهوروالحول ..
وفيك حفرة نحاس ، وأبوتولو غير مصقول ..
والعيش ، والسماسم ، والصمغ ، والكول ..
والتور ، والخروف .. والناقة ، والكاتول ..

علي دينار، كسب ليها الشرف والطول ..
أبو زكريا أداب العصاة ، زول زول ..
من وداي مكربت في ربوعها وجول ..
لي الكفرة وصحاريها العجاف والفول .

وجبل مرة الشمخ جايب مناخ لبنان ..
فجر من ينابيعه العجاف بستان ..
طارح عنب والزيتون مع الرمان ..
وجاب من يافا تفاحا كبار ومكان .

من مليط مكربت شاقي دار الريح ..
نازل بارا وام فتنه بتسر وتريح ..
وتياسرعلى التياره ، وصوتها بيصيح ..
ونوخ تقلي ، في السهل الكبير وفسيح .

ومن تقلي ، امبرم شايل جبال النوبه ..
عامــــر قلبه ، بي برشم عريس الحوبه ..
جلجال واللحيمرالنارم إدفوبها ..
وين مجدوب وشامبي ، الحارة بتسلوبها ..

وفي شروقك ؛ في شروقك ربا العنافي قاطع تيهو ..
وفي ضهرو الدوم ، دوباي حرارتووتيهو ..
وفي الشبرية ، راكبة حمامة بتغنيهو ..
مسدارابشوارب .. ياخدو ووديهو .

أمانة عليك بطانة أب سن ، بتنسي الكاعه ..
يوم أكلت كباد ســـــاكت ، رخم وضباعه ..
يوم محمود وناس عوض الكريم سمساعه ..
واقفين في الشمش دايرين يغطوا شعاعها ..
في ضحوة عجاج وسيوفم اللماعه ..
ياكلن في التراقي .. ويقطعن في ضراعه .

يا المعزوزة بي دمانا وعضام ابواتنا ..
عارفنك مقريفة لي شراب قهواتنا ..
زغرتي يا ام شيوم ، خلي الندق نحساتنا ..
ونحاسب عقاب الجاتنا والماجاتنا .

هسع قومي ، سوي السيرة جري النم ..
خلينا النهشك فيك ونملاك دم ..
ندفنلك شقوقك ، شورعضام ولحم ..
ندفق ليك نحيراً لا وقف لا جم ..
نشبع فيك صقور، وضباع ، وطير، ورخم ..
لامن ترضي ضيفك .. ودورهناك انتم .

كيفن عاد ؛ كيفن عاد بتــــعادينا ..
وشوفي عزيمة للحمل ، الوقف راجينا ..
شوفينا بنتر، ولا بنكف الشينه ..
شوفينا بندكدك ، ولا ما هامينا ..
شوفينا بنبشر فيك ، طوال إيدينا ..
ولا نغطي بالطين والعجين إضنينا.

وفي شروقك ؛ في شروقك ، أرض مليانة خير ومعادن ..
وفيها السارح الناشق وفيها الساكن ..
وفيها المن حلايب جايي غاشي سواكن ..
وفيها الأركويت نسام أراك وجناين ..
وفيها غزال جبيت وقل قصاد الشادن ..
ومن صمت إنطرح لي أربعات .. بعاين .

وناس أوشيك إخنقو في الربابة وغنو ..
وأوهاج سل شوتالو وبركلو يسنو ..
تمباك الدمك جو الكدوس حاشنو ..
جبنات يابنات ، هريوا .. قامن وجنو.

دبايوا؛ دبايوا أوجات كيها يا أدروب ، أبوك كيفنو ..
روح تندلاي ، ولا الصهب فاتنو..
قالوا الليله هبباي بركة زايد جنو ..
ناس باكاش وحامد .. في أروما استنو.

الكور دلو والمربيت بتمشي الوادي ..
خت الدرقة والهاري السنين بي غادي ..
وادني اللي انقلب قرب علينا ينادي ..
والهوشاب برد .. بروي الغليل لي الصادي .

وفي شمالك ؛ في شمالك نخيل بازخ ، يداعب الريح ..
بقول للبركل الشامخ كفاك تبريح ..
إت عارف كلامي ورايي بالتلميح ..
جيب رايا قديــــم ، بيهو بتفيد وتريح ..
قش دمع السواقي البي العذاب بتبيح ..
واطرى العضام .. تحتك تنين وتصيح .

.

[شجن البورت]

قصيدة الملحمة

أوبريت سودانية


http://mash-had.org/images398/sudan_Resources.gif

(2)
أطرى السناجك ووقعة الخشخان ..
واطرى النحاس وكتين إزم بطران ..
ونادي أولاد جعل والينم ينم القرمان ..
والخيل عركسن واتروقن ريقان ..
وصقر الجو بحلق في السماء جيعان ..
يا الكدك بدور.. كبدة ، وكلى ، ومصران.

نادي المك نمر؛ نادي المك نمر، معلم أباة الضيم ..
شاي الباشا شي ، خلاي جناهو يتيم ..
ودفتردار بدك عند المتمة زميم ..
أرفع صوت ، لعل الناسي يبقى فهيم ..
أرفع صوت خلاص ، شرطنا شرب الهيم ..
وكاد عاقلنا يصبح .. من سكاته بهيم .

مر بالدامر البي ذكرو عز وجل ..
واتنوخ فســيح ، وادي المجاذيب طلة ..
شوف النارمتلعبه في المساجد ، ولا ..
مات نورالضيا ، وجات بعده نارالجلة ..
شوف المصحف ، الأربع قرون بدله ..
ماسك وردو.. أم سحرتو عين خلق الله .

حبابك عشرة يا بت مقرن النيلين ..
حبابك ياأم عجن ، بعد العديل والزين ..
حبابك يا المحكرة في المشاعر، والفؤاد ، والعين ..
حبابك يا المغسلة ، بي طهور مويتين ..

حباب أهلك بلاعبوا الموج ، مع البردين ..
حبابن كتفوا بوطليح ، علي اللضنين ..
حباب قصرك ضبح غردون من اللضنين ..
حباب الخندق .. العجن الجلود بالطين .

حباب المهدي فيك ، كبر حرارة ودين ..
حباب أسد العرين ، عبد الله ود تورشين ..
حباب النور، عقيد الخيل ، عقود الشين ..
عنقرة المعزة .. الأصلو مابتلين .

حباب الزاكي أداب النقز في الحين ..
حباب ود النجومي القبرو في توشكين ..
حباب عثمان سواكن دقنه في الدورين ..
حباب يعقوب ؛ حباب يعقوب ، حباب محمود ، وشيخ الدين ..

سلام يا البقعة ، مبروكة الإله والدين ..
حباب الحرروك ، لا إنتماء لادين ..
حباب السودنوك ، خلوك سماره وزين ..
حباب الأزهري ، النكس ذرى العلمين ..
حباب الراية ، هفهافه وتكيل العين ..
قولوا معاي تبارك ، أقول دقر ياعين ..

وزغرتي ياام رشوم ، وقولي البطان وين وين ..
بركزلما سيطانم تبيد وتلين ..
ولما يشوفوا قطع إيدي بالسكين ..
ولما تقول حمامة ، كفاك .. دقرياعين .

سلام ياالقلعة بي بدورها وجواهر تاجها..
سلام يااب عنجه خورك لاقى نيلو الناجا ..
سلام يااب روف وودنوباوي ضوى سراجها..
سلام ديم أب سعد نارالخيم وجاجه ..

سلام - الله أكبر- في الفتح دجاجه ..
بسيوفها ورماحها ، ولي الحمد سجاجه ..
بحرأبيض فتح أبوابه وقت الحاجه ..
زي ما موسي عد .. بلا تعب لا حاجه .

كلـــــك أدباء من عشاق وفنانين ..
شالوك في عيونم وصوروك تلوين ..
وشاشوبك شعر مطبوع جزيل ورصين ..
فيه أم در.. وفيه الأسكلة وستين .

وعازة الفي هواك ، نحن الجبال ثابتين ..
يا فلق الصباح ، قول لي نهارك وين ..
ترعاك في الفؤاد ، بعناية الحارسين ..
يا كروان كرومه .. خليل فرح ما يلين .

يا ود الرضي القلبه انقطع نصين ..
ترى العبادي ماسك الدابي بالليدين..
مع أبو صلاح ونورالكهربائي الزين ..
فيك الحاج سرور، غني الفراق لي متين ..
وما عارف المفارق ، قدموماش لي وين ..
وياعازة الفراق .. طال بي ، وكله حنين .

مطروحة الجبين من سوبا لي سنار ..
نيليك من غرامن لبسوك سوار ..
أكنافك موطأة فيها ماء وخضار ..
ولي عزازالقبائل .. صرتي أحسن دار.

محصولك دهب ما بكيلو بالعبار ..
مواسمك عدة محسوبات طوال وكتار..
أرضك في الجمال محسوبة بالأشبار..
مشكلة بالتراب .. لكن لجين ونضار.

ترعك زي بحار لبنان طوال وعدال ..
واب عشرين يفوق ناس بردى في الأمثال ..
لياليك بالقمر رويانه نور وظلال ..
مطرزة بالنجوم .. في إحتفال وجمال .

قرآنك بزين من قمت إنت بلاد ..
تقاقيبك تضوي الليل زناد في زناد ..
ما شقاك ضلالي إلا انشبح وانحاد ..
وما جال فيك ظلوم .. إلا انكبح وانقاد .

عزك من قديم ، محسوب جدود واحفاد ..
عمروك الرجال ، تيلاد قصاد تيلاد ..
زرعوك بالسلاليك ومنجل الحصاد ..
وجرنك في التقي ، تمتم قرافو وزاد .

مبسوطة ومحكرة لاهبك لا تقوب ..
وقطنك زي لتيب الحقنه ، خاتي عيوب ..
نعلات منتني ، ولوزا عفي ومكروب ..
وتيلته طويــــله .. زي خيط الحريرفي التوب .

دواوينك مفتحه للضيوف مفروشه ..
وحلالك مجندره لاوسخ لاكوشه ..
شاربه الهمبريب بالساريات مرشوشه ..
والعجب الأماسي .. تقول ليالي الروشه .

في مدني الكبيرنشأتلك الحيثية ..
فجرتي المواهب ومنبع الوطنية ..
بذرة مقدسة اتربت علي الحرية ..
من المؤتمر.. لي الليلة نامية قوية .

من يومك كسبت الكاس وشلت الراية ..
وافكارالمحافل باقية ليهم تاية ..
بالتعليم سقوك وشبعوك قراية ..
وادوك من شبابن .. كل حب ورعاية .

حليل قلب الجزيرة المستقيد النابض ..
حليل جمعة رجالها وجيل شبابها الناهض ..
حليل جمع الصراط زي الهزبرالرابض ..
كل واحد .. علي وطنيته عاضي وقابض .

يا أم الزهورماتسوي قبض الريح ..
كان رايك زمان بشفي وبفيد وبريح ..
قشيلنا السواكب وامسحي التبريح ..
فاتوك الرجال .. لسع جناك بصيح .

ما برضالك الخوف والضياع والحيره ..
مابرضالك اليوم تبقي إنت أسيره ..
مابرضاك أكلت الحلوة تنسي مريره ..
والتاريخ رهيب .. مابنسى ليك تسطيرها .

حاشاك الملامة ؛ ومابتسوي العيب ..
إيدك لسع تجدع من بعيد وتصيب ..
ويومك في المحاص ، شايفنو جايي قريب ..
ودورك بتلعب .. قبل الشمش ماتغيب .

أكسري المين كنار؛ خلي الأراضي تعوم ..
سويهن بحر، من ريبه لي الخرطوم ..
ولعي في الفبارك ؛ غيظ ، ونار، وسموم ..
خلي الهايفه تنقد ؛ والنصيحة تقوم ..
سوي الترع ساتر، والمصارف كوم ..
وسلي سيوفك .. الجبابه مامسلوم .

أعقب سنجه طوف الدالي والمزموم ..
روح للقرابين والسماسم كوم ..
شوف كرمك شرف ، قال للردوك ماتلوم ..
أنسى الفاتت .. أيامك بجيهن يوم .

أرفع ساعديك ؛ أرفع ساعديك ربك العظيم بتشوفها ..
حيي أبا القديم وجديد ، بقت معروفه ..
قول للشهداء نارنا متلعبه ومكلوفه ..
لا ماتت .. ولاغمضوا البجيبوا ظروفها .

أرجينا ؛ أرجينا بنجيك موحدين صادقين ..
شايلين المدافع وبالسماء طايرين ..
صواريخنا بتسكل تطرش اللضنين ..
وفي الجاسرنقيف ليك .. بالنصرهازين .

ديل أولاد حشاك لاإرتزاق لازيف ..
وديل الكلهم صنديد وأصلوشريف ..
ديل دخريك لسنين الجفاف والحيف ..
وديل دفقة ينابيعك .. شهورالصيف .

ديل نيلك وكت قطع البرك والقيف ..
وديل ديم السواري الأصلومابتقيف ..
ديل الرضعوا حرلبنك بدون تحريف ..
وديل البقعوا في نارك .. بدون تكليف .

ديل إتباشروبك إنت درقة وسيف ..
وديل بفدوك بي ارواحم نقيب وعريف ..
ديل أخوان صدق ، في الله دون تحريف ..
وديل ياهم .. عيونك ، وقلبك الوليف .


خايضين فيك صحاري تقيد لهيب وشرار..
وطالعين فيك جبال عاليات علي الطيار..
ونعرف أرضك المحدودة بالأشبار..
وننزل في ربوعك لينا مليون دار..
وندخل فيك ضحى ونمرق مع الأسحار..
ماحجبوك علينا حيارى .. أوأغرار.

نارك ماانطفت ؛ نارك ما انطفت من يوم رماك الغادر..
وسجنك مافضى وأهلك عليهو تدافر..
وللموت كمبلوا ولادك مغني وشاعر ..
وكل عام ليك عيد بالدم موشح وظافر ..
خلي عدوك مجهجه في حكومته وحاير ..
وقيدك هسه بنكسره .. ونجدلوضفاير.

نحن أولادك العارفانا دون تذكار ..
ونحن الجينا في نسلك من الأبكار ..
ونحن الليله شمعك في الضلام سهار..
ونحن الفجرلي الليل كان قعد كان طار..
ونحن نضري ورتابتو ونشيلها عصار..
ونحن بلابل الحرية .. تصدح حتى في الأوكار .

أقول فيك تاني يا ست الشرف والطول ؟
وعزك في الأرض تريان فروع وأصول !!
أرقدي قفى بنجيك ، مهما زمانا يطول ..
ومهما الدهريردم ، في حمولنا حمول ..
ومهما نموت فداك ، نترامى زول في زول ..
برضومنيعة إنت .. علي القدروالصول .

وانت كبيــــرة ؛ كبيرة أكبرمن صغارة العسكر..
وانت عظيمة ما بزلك سلاح البقهر..
وانت عزيمة لا بتلين ولا بتتكسر..
وانت أنوف .. أشم من بيله ، ما بتتعفر.

قوديلنا الرسنة وخلفي الأشتام ..
خنقي لي دلاليكك وصحي النام ..
أرقصي الفاشرالهضليموكب ونام ..
وقولي الليلة شبالكم علي حرام ..
لما تكسروا القيد أب عشرأعوام ..
ولما تقنعوا الكاشفات وراء وقدام ..
ولما تجيبوا سجانكم خزي ومنضام ..
ولما اولادي يبقواجنود .. ومش خدام .



**********************


الخاتمة :

هذي الأراجـز يا أماه ... من كــبد الســــــماء ..
من حيث يتعب بالشموس الغر سيل الكبرياء ..
من حيث يحتصد الرصاص صدوركل الأبرياء ..
من حيث يسخربالمشانق إعتناق الشرفاء ..
من حيث يعصف بالزلازل احتشاد الأتقياء ..
من حيث تحتشد السجون جحافلا للأوفياء ..
من حيث يلتقط الرسالة قلب كل الأنبياء ..
من حيث كل الكون حق وسلام وضياء ..
من حيث ما كذب الفؤاد ولا ألم به الرياء ..
من حيث ينبوع المحبة والجلالة والبهاء ..
من حيث لا بدء ، ولا حيث ، ولا ثم انتهاء ..
إنها محض خشوع .. وصلاة ، ودعاء ؛
إنها محض خشوع .. وصلاة ، ودعاء [/FONT].[/FONT]

[شجن البورت]

الشاعر/خالد أحمد الحاج


تاني لي مرافي وصالنا جينا
نرقب إشراقات فريدة
نسمو بي روعة حضوركم
فوق جناح لحظات سعيدة
في سهرنا نقول تحية
ضامة أشواقنا الشديدة
وندعو فيها نقول حبابكم
تابعوا حلقتنا الجديدة

************************

وإتدفّق النيل في السما
والواطة راقدة علي السحاب
كبيتني في دنّك شجن
وأنا في متون الشوق سراب
راقد على نصل الهوى
وفي خاطري مسلوب العذاب
صفحاتي عندك إهترت
وأنا لسة حافظك زي كتاب
القمرة تمرق بالنهار
وأنا ليلي منّو النجم غاب
واعدني كل العمر زيف
وأنا وعدي ليك ما كان رهاب
باكتني فيك عشرة سنين
يا التهت في سكك إغتراب
فاكر غرامي كبر وشاخ
مع إنو في عز الشباب

************
الشاعر/ دفع الله سعيد بخيت

بعد الجرح الأول نازف
تاني إتنوا وبقوا جرحين
وعشت جحيم الفرق الأول
كيف أتحمّل أنا فرقين
طالعة شموسي بلا أنوار
وحزني الظاهر في العينين
صرت سجين في سجن الآهة
وعندي الليل بقى ليلين

[شجن البورت]

-----------------


قوافي حلقة 7/11/2012م



الشاعر/ عثمان محي الدين بابكر

قصة الكاشف عجيبة
فنّو سامي عفاف وطيبة
دندن ألحانو الحبيبة
والنجوم بانت قريبة

ومدني يا فنانة فن
بحكي عنّك عن وعن

عن جمالك في صباهو
وعن صباحك في بهاهو
وبهوى نيلك في إباهو
وعاجبني في زولك وفاهو

كل ما فيك إنتي طيّب
والنسيم الفيكي طيّب
بالوصال فرحك قريّب
الحبيب بلقى الحبيّب

شط نيلك شط طنجة
وإنتي لي أرواحنا منجى
طرت أم در أم عنجة
ولما وبدرك شال كمنجة
وأبدع المسّاح وكان
منحة جاد بيها الزمان
شعرو عطّر بيه المكان
وكان حنان بقطر حنان

كل من أديتي حنّك
تبقي منّو ويبقى منّك
إنتي سحر الكون كأنك
شايلة منو ومالية دنّك

ـــــــــــــــــــــــــــــــــــــــــــ

الشاعر/ يوسف محمد يوسف الجيد

يا قلم أنسى الكتابة
وأترك الأوراق بعيد
ما تخط في السطر جملة
أو حرف عنوان قصيد
أبقى جاهل يا قلم
ما توصّف ليَّ جيد
وما تحاول تحكي قصة
عن محب أصبح شهيد
أنا يا قلم سطّرت بيك
من زمن شعري الفريد
وكتبت بيك أصدق مقال
وعشت في دنياك وحيد
أرعى طيفك في الخدود
وألقى رسمك في الوريد
أنظر الحب في عيونك
وفي جمال خدّك وجيد
وا لهفة القلم البيدمع
يوم تصد تصبح عنيد
كيف يحاول تاني يكتب
ولي غناك كيف يجيد
والعمر عَبَرت سنينو
وإنت عايش في المشاعر
باني في قلوبنا الأماني
ونحنا شايلنّك أزاهر
في النثر نقراك جملة
وفي الشعر إبيات مشاعر
تحوي سر الدنيا كله
فيها ودّك ديمة ظاهر
لو خيالك عاش معانا
نحنا دايماً بيك نفاخر
ما جمال الدنيا كلّو
نام علي خدّك ضفاير
إنت عارف الغربة مرّة
ونحنا من أجلك نهاجر
كل منانا نعود ونرجع
لي حماك نحمي البشاير
نحيا قربك يا حبيبنا
تبقى سيدنا وتبقى آمر
والحياة بقربك تفرهد
ريدنا بنمو يبقى ظاهر
ودة العمر عبرت سنينو
إنت عايش في المشاعر ؟؟!!!

ــــــــــــــــــــــــــــــــــــــــــ

أنا داير أقول ليك شئ
لكني كتير متهيّب
للكلمة رقيب وبلومني
ومحمود القول الطيّب

من شفتك قمت نثرتك
في حسي عبير وقصايد
وشتلتك فيني معاني
يرويها الشوق الزايد
يوماتي بتدي ثمارك
ما بترجي الفصل العايد

النسمة الجاية تصافحك
إرتعشت ياما إرتعشت
والزهرة الفايح طيبا
مريتي عليها إنتعشت
معزورة القمرة الغارت
شافت محياك إندهشت

يا أرق من الياسمينة
وأحنّ من التذكار
الصورة بتعجز وصفي
والروح روح الأفكار
من طينة وسوّاك جنّة
والرب خلّاك مختار

ــــــــــــــــــــــــــــــــــــــــــــــــــ ــــــــــ

الأستاذ الشاعر/ يوسف محمد يوسف الجيد
أستاذ معلم لسنوات طويلة ، من أبناء مدينة الجزيرة منطقة فداسي الحليماب وعاش في بيئة كردفان لسنوات طويلة وتنقّل للعمل في مدارس مختلفة ، ويكتب الشعر على نَفَس المربعات ووديان كردفان ويكتب الشعر بعاميتنا السودانية البسيطة .

الشاعر/ يوسف محمد يوسف الجيد

الصدف قادت خطايا
لي حماكي ولي ديارك
إنتي يا أجمل جميلة
جل من سواك تبارك
بهدي ليك أحلى المشاعر
العشت فيها وحيد برايا
عشتها يا سمحة فرحة
يوم خيالك كان معايا
وكان عيوني
وكان ظنوني
وكان زماني
وكان منايا
ومرّت الأيام تدوّر
وإنت ساكن في الحنايا
وجوز نواعسك قصة خالدة
وعود قوامك طيف زوايا
يوم لقاك إحتار خيالي
يا جميل يا أحلى غاية
شلت بيك الليل مساهر
في اسطور أكتب غنايا
والخيال تسرح خطاهو
وإنت لي نقطة بداية
إنت روضة عبيرا فايح
وإنت غاية منهايا
وإنت أحلى من الجواهر
جل من سوّاك آية
بتمشي في أعماقنا ريدة
ونحنا ليك نكون ضحايا
بس مناي تسعد يا غالي
ونحوك إنت تسير خطايا
شايلة ليك أحلى الأماني
وسائلة ليك رب البرايا
السعادة تكون دروبك
والفرح يكسيك غاية

ــــــــــــــــــــــــــــــــــــــــــــــــ

الزمن لي غيرنا ببسم
وفينا برمي عظيم جراحو
نحنا ما طالبين كتير
يا حبايب بس سماحو
أصلي في الريد ما بعاتب
البخاصمو علي الهيام
ما كتار في الحب بجورو
إلاّ متموم الغرام
عندي معنى الود نداوة
تبدأ في أوّل كلام

ـــــــــــــــــــــــــــــــــــــــــــــــ

إنت يا راحل مفارق
ودّع الناس بي مهل
وأبقى في غيبتك مواصل
وأذكر الدار والأهل
ويا حبيبي الغربة حارة
أبقى إتحمل ظروفا
من هناك رسّل رسايل
نقرأ بي أشواق حروفا
وجوة في عينينا صورتك
وبرضو مشتاقين نشوفا
ودمت يا أغلى الحبايب
لي قلوب حانية وعطوفة

ويا حبيبي الدنيا قاسية
أصلو ما تأمن طريقا
الفرح في عيونا زايف
والغريب في وساعا ضيقا
نبني في سنينا الأماني
تفنى تتهدَّ في دقيقة
والله لي قلبي المودّع
ما الفراق أصبح حقيقة

وصورة في ذكرانا خالدة
جلسة النيل والسمر
صفّق الموج لي لقانا
وإكتمل نور القمر
ونحنا ما بي إيدينا حيلة
ربنا القادر أمر
والله يجمعنا بعيونك
ويحلى من تاني العمر

ــــــــــــــــــــــــــــــــــــــــــ

الشاعر/ عثمان محي الدين بابكر

شقيق الإعلامي الأصغر الأستاذ/ عمر محي الدين بابكر
وكما ذكر عنه أنه يلمس على الوجدان بطريقة جميلة
وغنى له عدد من الفنانين بالجزيرة
وهو شاعر يهوى الشعر ولكنه لا يعترف بذلك

ليه تلوم وإنت الملام
أصحى يا الظالم حبيبك
إنت خنت الريدة أوّل
والبصيب ظالم بصيبك

كم كتير في الريدة أخلص
وإنت ناكر ما بتقدّر
مرّة تهجر ومرّة تظلم
ومرّة تخدع ومرّة تغدر
إنت ظالمو العمر كلو
هسة بتقول هو المبدّر

شفنا درب الريد طويل
كل واحد بي تجاربو
ليهو حق كان خلّى ريدك
بالرجوع أوعك تطالبو
كان حنيّن وكنت قاسي
كم صبر والصبر غالبو

إنت في الأول هجرتو
وهسة زعلان منّو ليه
لمّا إترجاك ترجع
برضك إنت قسيت عليه
أصلوما ليك حق تلومو
إيه كسب من حبّك إيه

ــــــــــــــــــــــــــــــــ

الشاعر/ عثمان محي الدين بابكر

فاتناني وسيدة أحلامي
وحبّك عاد لي ترتيبي
هاجراني وقصدك تنسيني
أنا قلبي رهيف أوع تغيبي
قصدك أنساك ؟؟ ما بنساكي
وآمالي تعاند تعذيبي
أهديتك أصدق أشعاري
والشعر دة درة آلامي
سميتك زينة أيامي
وحسيتك طيّب أنسامي
لو رحتي بعيد مهما بعدتي
أنا شايفة غاية أحلامي
لو إنتي وقفتي وراجعتي
من أوّل يوم إتلاقينا
تلقيني غمرتك بحناني
وأنا خفت جفاك يجني علينا
إخلاصنا طريق لي جنتنا
وقليل من عطفك بكفينا

ـــــــــــــــــــــــــــــــــــــ

خليتني للأسى والشجون
نيرانا تحرق في إيدي
وأنا فيكَ كمّلتَ الوله
لو قلت تعتب يوم علي
أنا ما طلبت المستحيل
شان يبرأ جواي الجرح
بي حبة من رقّة وحنان
لو مرّة أشعر بالفرح
وأنا لو بعاتب يا زمان
ما كان لسان الحال شرح


ــــــــــــــــــــــــــــــــــــــــ


الشاعر الأستاذ/ محمد أحمد سوركتي

عادي جداً إنت تقسى
وعادي جداً نحنا ننسى
أصلو ريدكـ ...
فينا قيل .. وفينا أمسى
وعندي حبّك شكلو تاني
وتاني بعدك مافي تاني
وبرضو لسّة مهما تقسى
عادي جداً نحنا ننسى
لو بتشتاق زيي إنتَ
ما أظن بتجافي مرّة
وتمشي تخلف لي عهودك
ولي وعودك تاني مرّة
ورغم خوفك من ظروفك
كنت عايز بس أشوفك
يا الهواك فيني إستقرّ
الخطاوي الراسية ترسم
في الدروب روعة جمالك
والقلوب الهايمة واقفة
دايرة تعرف إيه جرالك
كل عصفور ليك بغرّد
أصلو صوتك سر دلالك
وفينا آسر كل رعشة
وبينّا سارح في خيالك

ــــــــــــــــــــــــــــــــــــــــــــــــ

الذري إبراهيم عوض
مع
الطاهر إبراهيم

أحلامك أحلام ما بحلم بيها
ودنياكي دنيا غير العايش فيها
وليالي غيابك أبكي ما بتبكيها
ليالي أشمعنى أساهر وتنوميها
.
.
.
فارقيهو دربي
أنسيهو حبي
أخليهو قلبي

حبك أمجد فيهو بلحني وفني
وحبك جار في دمي يتخللني
حبك افرح بيهو لما اغني
حبك فسرتيهو بعدك عني

عهدك كنت بصونو بكل أمانه
و ريدتك تفني حياتي واقول علشانه
ولولا حسابي اخلاصي وجدته إهانه
كنت أجود بالروح لو عز مكانا

بتجري الأيام زي ما بتجري دموعي
بتجري تمر وتسيب الهم في ضلوعي
لا تسألي ولا يوم تتمني رجوعي
مع شمعك في النور ولا حتي شموعي


تسجيل جمييييل :SugarwareZ-016:
لكن ما زي تسجيل البيت السوداني;)

http://www.sm3na.com/audio/f4006e44cc1e

ــــــــــــــــــــــــــــــــــــــــــ

الشاعر/ يوسف محمد يوسف الجيد

بقرأ آية الكرسي مرّة
ومرّة بكتب من دواية
ومرّة أطفي النور وأغمّض
وأسأل الله تكون حدايا
فيك أشوف أحلى الأماني
وفي الصلاة أهديك دعايا
صوت يمضّي الليل ويظهر
في الصباح سهري وعنايا
وإنت عارف إني مخلص
قولّي مين حبّاك سوايا
عود بعقلك تاني مرّة
وأقرأ ما كتبت يدايا
ما أنا الحامل عذابك
وديمة بتعذّب برايا

ـــــــــــــــــــــــــــــــــــــــ

الشاعر/ خالد الحاج

إدفق النيل في السما
والواطة راقدة على السحاب
كبيتني في دنّك شجن
وأنا في متون الشوق سراب
راقد على نصل الهوى
وفي خاطري مصلوب العذاب

ـــــــــــــــــــــــــــــــــــ


الشاعر/ عثمان محي الدين بابكر

لقيتو بعد غيبة
وجمالو يزيدو هيبة
وكان في خطابو راقي
ومشاعرو نبيلة طيّبة
وبعد عانى وتردد
سألني سؤال محدد
لسّة هوانا باقي
ولّا صبح مهدد
حبيبي محال أخونك
محال العيش بدونك
وأطرأ هوايا وأنصف
وما تتابع ظنونك
هواك في غيرو زايد
وعالم ربي شاهد
وصادق في مواقفي
وبتشهد لي مشاهد
سكت وجيت أواصل
لقيت بيناتنا فاصل
متين ألقاهو تاني
وتدوب بينّا الفواصل

[ضياء الحق]

سلامات لكل اعضاء المنتدى الجميل ودي روابط حلقة يوم الاربعاء الموافق 14.11.2012 من برنامج سهر القوافي


علمتيني اصالح زمني
http://www.2shared.com/audio/ju8e8YPU/01-__.html
اطارد نعاسك
http://www.2shared.com/audio/dMLIqnHt/02-_.html
الهوا الشارق المكيف
http://www.2shared.com/audio/COciHK6h/03-__.html
عندي ليك كلمات قليلة
http://www.2shared.com/audio/J0tj04Qm/04-___.html
لما الدنيا معاك غدرتنا
http://www.2shared.com/audio/_O1orr8t/05-___.html
زمن الفرح الودع هاجر
http://www.2shared.com/audio/vCdcUejl/06-___.html
وقفنا هنا
http://www.2shared.com/audio/Xnmx6woU/07-_.html
بين اتنين
http://www.2shared.com/audio/7Fv4oPgt/08-_.html
عذرا اذا مات الكلام
http://www.2shared.com/audio/nYLCtTFu/09-___.html
احلى حاجة الابتسامة
http://www.2shared.com/audio/LaWb3dz9/10-__.html
كانت دروبنا مفرقة
http://www.2shared.com/audio/t95mwYlL/11-__.html
ناحت حمامة ودمعتين
http://www.2shared.com/audio/nVMQIndy/12-__.html
مستنياك
http://www.2shared.com/audio/L_VV2Fe9/13-.html
عندك زمن
http://www.2shared.com/audio/aSt1Y4fm/14-_.html

[λβoѕнєгOġ]

شكرا شجنا علي تلك الروائع
شكرا كتير حبيبنا ضياء علي المجهود المبذول
دمتم ودام نبض القوافي

[شجن البورت]

*********************************
حلقة : 14/11/2012م

هكذا البداية :

حمّلت أشواقي عناء مسيرتي
وتركت أنّاتي بقرب الباب
لوّحت بالأشواق توقاً للقاء
دخلت فإستبقت خطايا الشوق للأحباب

أقلامها :
الشاعرة الباشمهندسة/ غناوى الفضل الشيخ إدريس
الشاعرة الصبية/ لينه طارق مبارك
الشاعر/ أزهري ضياء الدين
الشاعر/ محمد عباس الباشا


قوافيها :

- علمتيني أصالح زمني
- أطارد نعاسك
- الهوا الشارق المكيف – محمد الباشا
- عندي ليك كلمات قليلة – غناوى الفضل
- لما الدنيا معاك غدرتنا
- وقّفنا هنا – بصوت ليلى المغربي
- بين إتنين – غناوى الفضل
- عذراً إذا مات الكلام
- أحلى حاجة الإبتسامة – لينه طارق
- كانت دروبنا مفرقة – لينه طارق
- ناحت حمامة ودمعتين
- مستنياك
- عندك زمن – أزهري ضياء الدين


أغانيها :

- إنت ليه دايماً حزين – الحلنقي مع صلاح مصطفى
- ما سلامك – مجذوب آونسة مع عزمي أحمد خليل وود الحاوي
- ما دمت إنت سعيد – بن البادية
- خاطرك الغالي – عثمان حسين وعوض أحمد خليفة
- حياتي حلوة – تاور مع ليلى المغربي
- حبيب الروح – أحمد المصطفى
- في حضرة الفنان الراحل "صلاح محمد عيسى"
- ليالي الأنس – صلاح محمد عيسى مع إسماعيل خوشيد
- الدار الما داري – بصوت عائشة الفلاتية وصلاح محمد عيسى
- قوام قوام – سيد خليفة


وهكذا النهاية :

تبقى الفكرة أشوفكم تاني
وبيني وبينكم شوقاً حاني
وغير ما أقول الشوق بتكلم
ويبقى لقانا كلام ومعاني


ومني خالص الحب والتحايا ***



همسة :
بالقوافي وإحساسي بها
جااااية .. جاية :SugarwareZ-102:

[شجن البورت]

علمتيني أصالح زمني
أعيش أحزاني في ضل البسمة
وكيف إتقبل ظلم أيامي
وكيف إتحمل وأرضى القسمة
ولمّا الليل الحالك يقسى
عز الليل ألقاكي النجمة
للأطفال تدلّي غناوي
شموس بتضوي في ليل العتمة
كتير بلقاكي في صبر الفقراء
عيون بتصارع وسط الزحمة
ما إتغيرتي وذاتك إنتي
نفس الروح وسماح الكلمة
ما إهتزيتي وإتزحزحتي
لمّا الحال المايل عمّ
وجاكي الزمن الفارد حزنو
وغدر الدنيا عليكي إتلمّ
قاصد العفّة الجمر الحارق
ما ضليتي هناك في الضلمة
وضيك .. شرفك زايد وشفتك
نور إيمانك هادي نعمة

***********************

وأطارد نعاسك
تفتّح عيونك
أبدد جفاكي
وأعاود سكونك
تسافر خطايا
في محطات ظنونك
مسافات تلاقي
تجيني وأكونك
جناحك يرفرف
يهاجر يجينا
تحلّق طيورك
تواعد عيونا
وتغرّد خطانا
نوحّد مشينا
نبارح خرايط
مدنّا الحزينة
أقصّك حكاية
وأختّك مرايا
أشعّة شموسك
غطايا ودفايا
حدايق رموشك
تجدد رؤايا
وأطوفك مقامة
وأشتت غنايا
تسارع عيوني
وأحلّق فراشة
أراك في حدايقك
نداها ودعاشا
تفرهد رويحتي
ويزيد إنتعاشا
ومحل تمشي بمشي
خطاي ليكي ماشّة

***************

الشاعرة/ غناوى الفضل الشيخ المكاوي

عندي ليك كلمات قليلة
وفي المعاني مدن فسيحة
أدي نفسك فرصة تانية
تلقي دنياك جد مريحة
طعم الآسي المر شرابو
أديهو حبة لون وريحة
ما أصلو حزن القلب دايم
والأمل رجلين كسيحة
والجروح كترت وغارت
وكم قلوب بالريد جريحة
إلاّ ببقى الفال معانا
شايلنّو في الأعماق نصيحة
أوع تسكن جوة ذاتك
أوتكون ذاتك جريحة

*****************************

لمّا الدنيا معاك غَدَرتنا
وشالت مننا ما أدتنا
بكينا عليكي جرت دمعتنا
وعشنا عذابنا وإتعودنا
زمن الفرح الودّع هاجر
زي النسمة المرّت باكر
لا إنتظرتنا معاكي نسافر
لا وعدتنا حتجبر خاطر
ولسّة الفال الطيّب فينا
زي ما أوّل إتلاقينا
الأيام الصعبة بترحل
تاني السكّة بتجمع بينّا
ما نساية وعارف ريدك
وعارف صبرك جمرة في إيدك
لا إتحوّلتي ولا بتخوني
دم الحب السال في وريدك
تعالي نعيد الذكرى الأولى
طهر براءة وحلم طفولة
الأفراح الجاية نعيشا
ونكتب ليها أغاني جميلة

***************

الشاعرة/ غناوى الشيخ الفضل

بين إتنين
صدق الكلمة .. وحرف البوح التاني
وزمن اللقيا .. وزمناً بيك أشجاني
شلت جراحك والآهات
ونفس الوعد الخلاني
أتعب في الدنيا وإتألم
وأعود في الآخر وحداني
ما لوّمتك وما إتظلمت
ولا غمّصتك دور الجاني
أنا علّمتك معنى العفّة
أنا جمّلتك ريد ومعاني
أنا وريتك درب السكة
أنا وفيتك سر أشجاني
أنا دلّيتك لمّا إحترت
بين أطماعك وبين إنساني
أنا خليتك تفهم حاجة
إني مسامح .. وإنك أناني
وإنو الطفرة الجات للدنيا
وحد الروعة الفيها كفاني
إني بشيلك من أحزانك
وإنك دايماً عمق أحزاني
وإنك دايماً بتفرض حاجة
دون ما تفهم ودون ما تعاني
وإنو الظلم دة عندك عادة
وما بستغرب لو هدّاني
وكم هدّيت بي ظلمك حيلنا
كتلت الفرح الفينا أماني
خليتنا نشوف الدنيا صغيرة
رغم البوح الرادي مواني
خليتنا نحس بي طعم الغصة
ونبني عزيز الصبر تفاني
خليتنا نجابد في الأحلام
في ضهب العمر الفاني
خليتنا نفتّش في الرايحات
في خشم البقرة وما لاقاني
وخليتنا بنعش حزن الذات
خليتنا نردد أغاني .. أغاني
أنا خيّرتك بين أمرين
إنك تبعد .. أوتنساني
وعارف إنو الأمر دة واحد
النسا والفات إتنين سياني
في فرق بيناتنا في إنو إحساسنا
بقربك مافي حتى ثواني
وإنوملامح الدهشة الفينا
من غير ما تكون بالنور راجياني
غايتو يا زول يا أغرب حاجة
أنا خلّيتو هواك خشاني
سرقت عذابك من إيديك
أهديتك وردة عبيرا مكاني
فوّضت الأمر الطال وإستصعب
لرب الناس خالق الأكوان
تكالي عليهو أول وآخر
وأكيد الخير في يوم بطراني
في ذاك اليوم الدنيا حتضحك
بعد الوجع الشر كساني
كل الكان الشفتو عشانك
حيرجع لية ويبقى عشاني

*******************************


الشاعرة/ غناوى الفضل الشيخ المكاوي

عذراً إذا مات الكلام
في كل تصاوير الغنا
وعفواً إذا ما الليل سرد
آهات جديدة ومحزنة
حزناً إذا طلّ الصباح
جرّح عيون الأمكنة
صمتاً إذا ما الهم برد
وستّف مساحات الضنا
وهماً سكن جوة الهموم
وفوق كل هم ...
بهواكـ أنا !!!
لطفاً إذا غابت رؤاك
وعشم الرجوع كان المنى
صدق المشاعر فارقك
طول الطريق ماهو العنا
وعداً سكب عطر السنين
وأهداهو ليك بهجة سنا


*******************

الشاعرة/ لينه طارق مبارك

أحلى حاجة الإبتسامة
تزرع العمر المجدّب
وتبقى راية وتبقى هامة
وأصلو ما بتمل تشوفا
وهي ما بتهجرني ياما
دوام بترسم غصن أخضر
وديمة حاسماها الملامة
تصفي بيناتا الخواطر
واعدة بي شمساً بتطلع من غمامة
واعدة ناساً بي حلم
تتمنى فيهو يطول مناما
واعدة للمكسور تشدو
ولما يوقف يدو عامة
يكون زعلان مضرّب
شكلة ما مضمون ختاما
وزولنا داك جاييك مفرهد
خاتي في وشو إبتسامة
تنسى كل الفات وترمي
كل سبابك في القمامة
وتلعن الشيطان تطلّع
إنت نفسك من ندامة
هاك دة المفتاح هدية
وخلي دنياك إبتسامة

****************************

الشاعرة/ لينى طارق مبارك

كانت دروبنا مفرقة
لا عرفك لا سمعت بيك
لا إنت حتى سمعت بي
لكن قدر كان اللقا
شاء الكريم أنا أعرفك
والريدة بينّا أصدقا
مع إنو كان عهداً علي
هي تكون حدودنا مصادقة
ونقضت عهدي مع اليقين
وكانت قلوبنا محلّقة
من قبلك أبعاد الأفق
بالنسبة لي أنا ضيقة
الدنيا بيك لبست جديد
وأحداثا دايماً شيقة
أيام تمر والريدة جات متسابقة
أنا بيك نوّرت الدروب
وأنا بيك هجرت الأروقة

***********************

الشاعر/ أزهري ضياء الدين

ناحت حمامة ودمعتين
والصوت رحل ضل الشعاع
ما مدّت الأيام يدين
والريح هزم أمل الشراع
يا وجعة الليل والنهار
يا الصبر مفتاح الودار
وا ضيعة الشوق الخسار
سايقنا للدنيا الضياع
وا غربتكـ ...
والدمعة حرّاقة قلب
والشوق إذا ما الشوق غلب
ماشين علي السكة التعب
وإنشرت الأرض الوداع
بكّاية يا دنيا المحن
ما بين دميعاتي وحزن
تواه أفتش عن وطن
وإمتد في الجوف الشعاع
والريح هزم أمل الشراع

**************************

مستنياكـ ...
يا أجمل أحلامي ومنى
أهوإنت جيت وبحلم معاك دفق المطر
يدخل نسيم علي كل بيت
ماشين وسط زفة غنا
تتماسك إيدينّا ومشيت
في لحظة بي لهفة وشغف
بتصدق إنو فرح بكيت
وعرفت في ساعة لقاك
يا دوبي في الريد إبتديت
مستنياكـ ...
بالود وبالقلب الشفيف
أحضن زوايا الإنتظار
نكتب أساطير الوجود
الجاية من مدن البهار
نتتبّع أسراب الفراش
وسنين شقاوة وإنبهار
ندخل خبايا الأغنيات
ونطلع مع شمس النهار
بالريدة والشوق والولف
وأبراك لي آخر مدار
ونتحدى بالأمل الظروف
جرأة وجسارة علي الزمان
مكتوب مع الأقدار وعود
في بسمتك حس الأمان
تلاقيني عصفورة في إيديك
أرحل معاك مكان مكان
نتلاقى في الزمن الولف
نتوشحك ريدة وحنان
نمسح ملامات الأرض
بي وردة .. نخلة .. وبرتكان

********************

***************************

الفنان/ صلاح محمد عيسى

سنة 1953م إلتقى إسماعيل خورشيد ليعطية عمل للإذاعة السودانية وكان معه سيد خليفة وإبراهيم عوض وصلاح محمد عيسى لإجازة أصواتهم وكان فتح للغناء السوداني أن يأتي ثلاثة فنانين يصبحوا من كبار الفنانين في السودان وإلتقى الفنان صلاح محمد عيسى بأغنية "ليالي الأنس" وبعدها واصل صلاح محمد عيسى المسيرة الفنية والإبداعية في إذاعة أمدرمان بعدد من التواشيح الدينية والغناء الديني والمدائح والغناء الجميل ، وإستمرّت رحلته في تلاقي وفي ثنائية جمعته مع إسماعيل خورشيد في عددمن الأغنيات الجميلة فغنى له وللسر أحمد قدور وإلتقى عبد الله النجيب وغنى "عروس الروض" القصيدة العربية الجميلة ، و نجده في إلتقاءه مع إسماعيل خورشيد في عدد من الأغاني الخفيفة الجميلة وفي عام 1953م كان اللحن الأول مع إسماعيل خورشيد والذي أجيز به صوته ، وغنى "أهوى العيون السودا" لسيد قاسم ، غنى الخفيف الجميل وأيضاً له العميق .
.

[شجن البورت]

بصوت الراحلة المقيمة الأستاذة/ ليلى المغربي


وقفنا هنا

http://www.2shared.com/audio/Xnmx6woU/07-_.html

وقّفنا هنا .. وأسمعنا هناكـ
ما إتحركنا وما جيناك
بنحي الشمس الطالعة عليك
ونبارك عيدك يا إذاعتنا ونهتف ليك
يا صوت النور
والنور بيغني ويرقص
في موجاتك ويرجع ليك
النور الفن
والنور آداب .. وثقافة .. ونهضة .. وعيد
والنور مليون تغريدة وألف نشيد
يا مجد قديم
يا مجد أصيل
يا مجد جديد
مبروك مبروك
صافحنا مذيعنا
وجينا نبارك للفنان
لي كل أديب كلماتو بتنبع
من أعماقك وتنبض فيك
لي كل من غنّى وشارك في الألحان
للوطن الرائع
للحرية وللإنسان
في كل مكان
في كل زمان
في صوتك عشنا
زمان والآن
في عود في نغمة
وكلمة وريشة بتنبض
من فنان
من مقرئ صوتو يرتّل
في القرآن
من منشد ومادح
غارق في الإيمان
من قلب نضيف
من حرف شريف
مليان بالعزّة وبالسودان
حققتي الوحدة الغالية
الكانت في الأحلام
بالصوت النابض في دنيانا
حقائق كبرى وحب وسلام
حييتي الغايب عن أوطانو
غريب الدار إتلمّ
وليل أحزانو إتلاشى ونام
يا سلام يا إذاعة
وألف سلام
في صوتك عشنا
وقفنا نعاين لي قدّام
للوطن الشامخ
عزّة .. وخير .. وسلام
بي فضلك عشنا تمام
بقينا كتيبة وروح وطنية
مشينا نخطط لي قدام
وكنتي مسارح فن
ومنابع للإلهام
إبداع متواصل
لا بتراجع لا بنضام

[شجن البورت]

الأستاذ/ محمد عباس الباشا

الهواء الشارق المكيّف
والكراسي المخملية
وجمبك التلفاز حديثو
في المراحل المفصلية
وداك خبر عن داكا صرّح
بي رؤاهو المرحلية
قمتي بي كل ذوق تجيبي
العلاج للوعكة دية
ونفسي لي ذاتا بتردد
وهي بي نارك صلية
يعني إيه معنى السياسة
وإنتي حل لي كل قضية
يسلم الألم البجيبنا
لي رحاب بالنور جلية
شان نشوف بالعين شفانا
جاي من أنفع خلية
والله رايعات هن عيونك
وغاية للذات العلية
وجمبك الأرفف ملية
بالعلاج من كل هوية
ماكي عارفة سناك بداوي
ويبقى للنفس الخلية
العقاقير إيه لزوما
وإنتي ترياق للبلية
وتعني إيه كل المشافي
وإيه لزوم الصيدلية



قافية صيدلية ود الباشا
ذكرتني بت ورق
الشاعر/ أحمد الريح العليش
"بت من ورق"
ساخرة هادفة


وقرمت كرعيها بالمشي .. وكلمتها ..
خلي بالك يا بينة .. العمارات البناطحن والمعاني القرمزية …
أوع تسرق من ملامحك أو تغير فيك شوية ..
ماني شايل هم قرايتك إتي قراية .. وذكية ..
أبقي جد ياحلوة فاهمة وأبقي واعية وكوني حية ..
أصلو في الجامعة العريضة .. وفي بيوت الداخلية ..
في الحبايب .. وفي القرايب .. وفي البقاسموكي الأسية ..
الإ برضو خلي بالك .. هي المصايب مي شوية ..
العقارب والكهارب و الدبايب والمصايب .. وألف سوسة وألف حية ..
وإنتي سمحة ..إتي قمحة ولسه نية …
ولو دقستي أسأليني أنا الدقستا وأكلوني السمسمية ..
في زمنا وحات عيونك بدفنوك يازولة حية ..
أبقي واظبة على صلاتك .. قومي كل ما نادى حي ..
وخلي بالك في الشوارع .. والمسافات القصية ..
وفي مشاوير العصاري .. وإنتي ساعة المغربية في الحدائق والكباري والملاهي الأجبينة ..

http://www.youtube.com/watch?v=6ge_LXxmZ5Q

النص كامل
"بت من ورق"

هوي يا الحبيب ..
أحسن عيونك فتحن …
ونفض غبار الجامعات الكتحن …
عبرات هواي لو سدسدن حلقك دحن لي زول سواي ما تنحنحن ..
وأنا أصلي عارفك ما بتحن ..
ليه العوينات البريدنك تخونن .. .. وتجرحن
ليه بالدموع والنوح مع الناس .. تفضحن ..
وأنا ديمة بسأل ربي إنو الطالبات .. يسمحن ..
الطالبات .. يسمحن .. ويفرحن ..
وبالخير تملي يصبحن ..
ولو في مشيهن لكلكة .. يصلحن ..
بس لو ظهر كاشف رقم
لا يصافحن لا يصبحن
***
هو شنو الفضل في الدنيا عشان الناس تذاكر .. وتمتحن ..
بس نبرى من عيشة الفقر ..
وسمح السكات الفي خشم سيدو .. وكمان سمح الصبر ..
مادام في مدرسة مدرسة .. وأساتذة خصيصين نجاح ..
وحصص صباح .. ودرس عصر ..
حنسوي ايه .. حندق جرس أخر فصل أو ننفصل نتلمى نشوف باقي العمر ..
ماواضحة زي عين الشمس ..
واضحة كان هسه وأمس ..
***
وأصلي مارق ياضنى .. من غنوتي الأنا مدمنة ..
من بلوتي وسلواي أنا ..
من قصة لا بتأكلنا عيش لا تفر جبين هذا العناء .. من شدة فاردة الإرتخا ..
ومتمكنة من ممكنة وما ممكنة .. وايه لزوم يعني القصيد وكتين تموت العاطفة ..
وكتين نعتم فكرتو … وحروفو ذاته نلونا ..
وكتين نغطغط مهجتو .. وندس عيونو وندفنا ..
ايه لزومي عن الشعر.. الماعرف معانهو ولا شيتا عنى..
وأبقى مارق ياجنى ..
كان من هناك .. أو من هنا ..
كان منهم .. أو مننا ..
من مزامير التوجس والغناء .. من صباحات الهواجس .. ومن طوابير المدارس ..
ومن مروق الروح .. وأمرق من متاهات النفس ..
ماواضحة زي عين الشمس ..
واضحة في كل الجرايد والقصائد والمعـابد والمصانع .. والشوارع ..
لما دون نشعر نحس .. ولما دون خاطر يمر ..
واضحة إنو سكاتو مقدود من دبر .. وكلامو مقدود من دبر ..
وضميرو مقدود من دبر.. وقميصو مقدود من دبر ..
لكن منو البشهد عليك يا بت ما دام كلك عذر ..
يا بت مدام عرفوك جد بتخافي من ضل الضحى .. ومن بشرة الناس السمر ..
ويؤسفنا جدا إننا .. ويؤسفنا أسود مننا ..
ومحنية ضهرو من الكبر ..
وعرفوك جد بتخافي من ضل الضحى .. ومن ضحكة الناس السمر ..
عرفوك .. بس هم ما أظن فهمو العيون السمحة فيك كانت شتر ..
ويسلم ضراع الطين .. وقدح المونة .. جية أمونة ..
حر الواضة وادٌٌٌة صحونا .. للولد البشيل طوريتو سباق الفجر ..
***
وتضيع سنين العمر ليه في المدرسة .. المدرسة الما بتجبر الخاطر إذن ..
المدرسة الما بتسر الحال بكرة ..ما بتملانا فت شوال تمر ..
ياخ ايه لزوم يعني الدفاتر والمحابر والشنط والأردية والدق ودرس اليوم وحلق الراس وقليم الضفر ..
ايييييييك يا سنين المدرسة .. فدتينا ايه يامدرسة ..
دي الجامعة لسه فيها ناس لسة بتحب بعض .. وتلبس بعض .. وتاكل بعض ..
وتقوم بعض وتقعد بعض و ت…….. منو العوض وليهو العوض ..
وفي ناس تجمع ورق فاضي وتمر .. تنجح فشل .. تسرق حصاد غيرا وتمر ..
وكتير في ناس بتفط سطر ..
***
ياشعب أصحى كفاك شقى .. وكفاك خطاك على الجمر ..
لمتين حنحلم بالغناء .. لمتين نعدي من الضياع والفرقة والحرقة ونمر ..
وسمح السكات الفي خشم سيدو .. وكمان سمح الصبر ..
والدنيا مازالت بخير … والدنيا مازالت فقر ..
وأنا زي دراويش العشق .. ماسقتا خطوات الرحيل ..
لكن مشيتا وبالجبر .. لكن مشيتا وفوق جمر ..
وحبيبتي قالت لي تعال ..تعال
ومرقت من جلدي القديم .. ودرعت توب الصبينة .. ومشيتلها ..وانا منتشي
سنتين ولا قعدت عيوني مع عيونها اتونست ..لا في الخيال لا قيتا .. لا لاقتني هي ..
سنتين ولا بدلنا سكة ولا خطانا بتنتهي ..
سنتين ورغم الإبتعاد والعشنا من خوف وارتعاد لسه ..
سعاد هي بتستحي …… وأنا بشتهي وأنا بستحي …. وهي بتشتهي ..
ومابين نعم واللقيا كان حرفين نهي ..
وانا خاطري من كتر الهموم الساعة خمسة نسى .. وسهي .. وفي الهم غرق .. وبالشوق حرق ..
وحبيبتي قالت تعال ..
خافت وكت قتليها شيخ .. مسكينة
ما عارفة الفرق بين الدراويش والشيوخ …
بين الصفيقات والعرق…. بين الغرق والماغرق ..
تاريها زينا يا خلق طينة ومطينة بالعشق … ومقتولة لحد السكات ..ومتيمة
بس كنت ديمة بعلما إنو الحزن زاد الفرح .. والفرحة نفسها مؤلمة ..
والعافية أسمح منها .. لو حتى كانت بلسما ..
والشمس في توب من حلال .. والقمرة أكبر مجرمة .. وكضابة وما بتحلب لبن ..
القمرة ما بتحلب لبن ..
ومليانة زيف ومهضلمة وممسوخة .. ومهما اتبرجت مازي مصابيح السما ..
والقدرة ما بتنفات شبر .. والسترة ميها الكمكمة .. والناس سواسية كالمشط ..
والحرة دينها ملجمة .. والحلوة مي حلوة طعم .. والمرة ربنا قاسما ..
والقسمة ما بالأيد كمان … الأيد هي ذاتها مقسمة ..
أصبع صغير .. واصبع كبير .. واصبع وسط .. واصبع نضم .. واصبع بدخل خاتما ..
وتفرق بداية الشوق كتير وكتين تصل للخاتمة ..
ما الريدة بتشوف بي تحت .. والحب موشح بالعمى ..
وما بفهم النور الإ زول عاش في دياجر مظملة ..
النجمة ما بتعني الوضوح .. العتمة ميها الهضلمة ..
الوشمة مانسمة جروح .. والبسمة عايزة البفهما ..
والنسمة في الصيف لو تفوح تحرق حشى البتنسما ..
والوجعة باااااردة على الببوح .. وتسل رويحة البكتما ..
والروح بتمرق ما بتموت ..
الروح بتمرق ما بتموت .. والجتة بتقيم مأتما ..
واحنا انعكاسات للنجوم .. والواطة ضل راميا السماء..
وأنا ما رميت إذ رميت وأي عاشق مارمى ..
وضحك المشيب برأسه فبكى و نادى سلما ..
وسمت بغات الطير حين كبا حزينا .. حزينا مرغما ..
***
وريتا معنى القارعة وعقرو وربك دمدما . حفظتها الناس والفلق والحمد والإخلاص وطه ولم يكن والعاديات وكأنما ..ماكان في شي ..
وبعد ده كلو بتنتشي .. ولا بتستحي ولا بتختشي ..
وقرمت كرعيها بالمشي .. وكلمتها قتليها أوع تدقشي ..
الطيبة مافي كل شي ..
وما تهبشي .. الجو خليو جو فيك والمابخش ماتخششي ..
ودمع الظنون البيني بينك قشقشي .. والشوق على باب البريدك وشوشي ..
ونار النضال جنب الشمش ماتمشي بي راحتك عليها آآآ روحي هوي بتشمشي ..
وكان جاك خريف الوجعة سويلك بيوت في داخلي ابني وعشعشي .. وأديني احساس إني شي ..
وقرمت كرعيها بالمشي .. وكلمتها ..
خلي بالك يا بينة .. العمارات البناطحن والمعاني القرمزية …
أوع تسرق من ملامحك أو تغير فيك شوية ..
ماني شايل هم قرايتك إتي قراية .. وذكية ..
أبقي جد ياحلوة فاهمة وأبقي واعية وكوني حية ..
أصلو في الجامعة العريضة .. وفي بيوت الداخلية ..
في الحبايب .. وفي القرايب .. وفي البقاسموكي الأسية ..
الإ برضو خلي بالك .. هي المصايب مي شوية ..
العقارب والكهارب و الدبايب والمصايب .. وألف سوسة وألف حية ..
وإنتي سمحة ..إتي قمحة ولسه نية …
ولو دقستي أسأليني أنا الدقستا وأكلوني السمسمية ..
في زمنا وحات عيونك بدفنوك يازولة حية ..
أبقي واظبة على صلاتك .. قومي كل ما نادى حي ..
وخلي بالك في الشوارع .. والمسافات القصية ..
وفي مشاوير العصاري .. وإنتي ساعة المغربية في الحدائق والكباري والملاهي الأجبينة ..
والوليدات الأخيرلك من تصاحبيهم بينة .. والبنيات البظلطن وشهن ..
والبتعمل فيها شيخة أو تقول بتشوف لها طية .. وفي القراية سجم رمادن ..
أبقي مارقة وناغمي لية ..
مرة تلقى الضمة شدة .. ومرة تلقى الشدة مدة … وعادي تلقى الخمسة مية ..
واسمع … اسمع ..
وياما تسمع في البغنن .. في البغنن
الله ليا .. وكر عليا … وجيبو ليا .. وسـ…… عاد ده كلام ..
ونحنا يا حليلنا الغلابة .. بلعبننا كوعلية ..
ودايرة بيرقر .. ودايرة شية ..
ودايرة طرحة وفيهو ملحة .. ودايرة جستي وميج ومسحة ..
وخصلة تايه .. وشنطة بطة ..
وعمو أسرع إنقبضت
وزولي نطة .. ودي المحطة
وهنا لقطة وهنا ..............
وهي يا إنت هي وهي .. وتاني هي
عندكم كلب ولا أجي بالدرب
أصفر ولا بتدفر
الماف شنو
أبوك لا راضي لا راضي
كيسك فاضي ولا نمشي القاضي
أشخط شخيط و........

***
وفي النهاية القصة فكة .. دي الحضارة الدينا فكى .. ولاحقة حبوبة أمي مكة ..
وعاملة فيها رشيقة حية .. ومهما نصرخ هي هي ..
ومهما نصرخ هي هي ..
وفي البتنسى أبوها يقدح .. في ضنى أيامو الشقية ..
عشان هي تقرا .. وبكرة تنجح .. وتحيا مستورة ورضية ..
وفي الحليل أماتن ببكن بي وراهن ووب وحيا … الإ هن سجم المحنة …
حليل زمنكن يارضية .. لا فؤادن مرة حن .. ولا طرن بالمرة جية ..
الشفايف مي شفايف .. والشعر سوون كية ..
وبدن الإسكيرتي شرطة .. وتاني فوق الركبة طية ..
وبمرقن ………
أحسن أسكت ……. أحسن أسكت ..
شدي حيلك يا بنية ………
شدي حيلك يا بنية …..

[شجن البورت]

الشاعر/ أزهري ضياء الدين

عندك زمن ؟؟
ولّا الزمن دايماً معاك ضيّق كدة ؟؟؟
أنا من غرامي معاك بدأ
كانت ظروفو معقدة
يمطر سحابك للبعيد
وأنا منّو حارقني الندى
راجيك بالشوق والشجن
عينيَّ بالدمعات بكن
لو مرّة في الريد أنصفن
وأدنّي من زمنك زمن
سارع شراعي بلا ضفاف
وبحرك معكر ما هدأ
لا طيف يزور
لا همسة لا رنة صدى
لا الريح تجيب منك شذى
لا الشوق يقرّب لي مدى
أنا من زمانك أنا مشتهيك
وريدي يا دوب إبتدأ

ذكرتني بفنان مرهف رااائع من الطمبور محمد النصري

أديني من زمنك زمن
قبال يحين وقت الوداع

وذكرى قديمة :SugarwareZ-069:


يا حسرة فى قلبي الجريح ما بان لي في دربك شعاع
كيفن بعد ريده وحنان آخر المطاف يبقي الضياع

أديني من زمنك زمن قبال يحين وقت الوداع
بين يوم وليله إيه الحصل وريني ما سبب النزاع
أحلامك الكانن معاي مالن بقن لوعه وصراع
وأيامك العشقن صفاي يا غالية ليه مرن سراع

** ** **
خليني لي همي وشقاي خلي اليكون قلبك شجاع
مهما يكون ردك صدود لي حكمك الأمر المطاع
باكر يجود تاني الزمان يرحم يجيب سمح الطباع
والواقع الما بيرضي زول خلي اليروح ما دام متاع
** ** **

أخديهو من عابر كلام هاكي المفيد دون إنصياع
القالك الريده إنتهت في الريده ما عبرلوا باع
والبيت بلا حن كيف يكون مادام أساس ساسو الخداع
والباني ريدو علي النفاق في الريده ما بجنيلو صاع

[شجن البورت]

في سكون ومن بعد غيبة
حن وإنتصف القمر
والنجوم يا دابة شاتة
في صفا السما كالدرر
ليلة صيفية وصفاها
صافي في السما دون عكر
صفّت الخالطر وصحّت
لي خيالات الفكر

وطفنا بخيول القوافي
في فضا مداين الشعر
صوت صهيلا بيدوي ديمة
في الدواخل من أثير
عبر صوت فارس روائع
تهنا في أجمل سهر
ينسي آلامنا وكئابة
وبيت فرحنا يكون عمر

وبي نغم أروع خماسي
تكتمل روعة سمر
وبالخواطر نغفى .. نسرح
فيها لي وقت السحر
ومن نفس أجمل صباح
والشمس للتبري تنثر
والعصافير دابة صاحية
بي تغاريد تشجي تسحر
والشجر بحفيفو غنى
في تمايس .. ونسمة تسكر
جابت العبق المعطر
من رحيق أجمل زهر
في صباحو جميل بيزهر
دابو فتح مزدهر
ونحنا وإنتو مع القوافي
نمشي لي آخر العمر
.
.
.
ودابو الهلال هلَ
في سمانا بادي بعيد
وصوت زول جميل طلَ
عبر الأثير زي عيد
لي قافية ما خلى
في شجون يقول ويعيد
نتمنى من الله
يا الراقي تبقى سعيد

والليل خلاص عسعس
زاد شوقنا فينا شديد
وبي سحرو تتنفس
روح الصباح .. وتغريد
وجوانا نتحسس
في القافية أنفاس ريد
نلقى الشجن دسدس
من الوريد لي وريد

وببقى الفرح فيكم
وفي كل راقي مريد
وكتين سهرنا يلم
في إبداع جميل وفريد
لي كل دروبنا يعم
ويفوت حزن عربيد
وكتين لقانا يتم
الحزن ببقى شهيد
.
.
.

وجانا القمر طل
لافح الغيوم طرحة
طرحة زفاف أبيض
متلفحة السمحة
وحوله النجوم وزيرات
شان تكتمل فرحة

والشوق حدانا حضور
مع زوجتو اللهفة
وصوت زول جميل بأثير
فنان زان الزفة
جاب سيل قوافي وفير
فاض حرك الدفة

وأنا وإنتو والأشواق
الزايدة منتظرين
وإحساسنا جوانا
وصبح الجميع حاضرين
بي خماسي وقوافي
أصبحنا فرحانين

وهسع مع الإصباح
مع طلة الأنوار
وذهب الشمس اللاح
ونفحة شذى الأزهار
وتغريد دواخل صاح
مع شقشقة أطيار
نتنفس الأفراح
باللحن والأشعار
.
.
.

وفي الليل وفي نفس الميعاد
نتلاقى في أجمل سمر
بغناوي من أيام بعاد
وقوافي بحروفاً درر
بي صوت يجينا بكل وداد
ونردو ريد أجمل مهر
ونهيم ونغرق في السهاد
أو نركب الخاطر سفر
وبالروعة نقصد كل بلاد
والدهشة تبقى المستقر
وأنحنا بي رغم البعاد
نتلاقى في أروع سهر
وفي الصبح ينتم المراد
وباللقيا يبتسم الزهر
والشوق بحر نلقاهو زاد
وجوانا رشة من العطر
والحرف ما جفف مداد
بدفق بأجمل لون حبر
.
.
.
ووكت ما الليل يجن
وتظهر النجمة البعيدة
بالأثير تنساب قوافي
شايلة في جواها ريدة
تشجي للوجدان وتسحر
لي أحاسيسنا العنيدة
أو مع الأيام تكبّر
طفل مشاعرنا الوليدة
أو تصفي الكان معكر
من لظى الريدة التليدة

وفي الصباح تشرق أماني
ضاوية بي أحلام جديدة
ناسية هم ألماً مسافر
شايلة للفرحة السعيدة
والأحزان تنسانا ترحل
للبعيد وتموت شهيدة
والحلم آماله ضاوية
فيها فرحتنا الأكيدة
ونحنا نبصم للقوافي
بي محبتنا الشديدة
.
.
.
وفي مشاوير الصباح
والشمس يا دابا ضاحكة
والنسيمات الحنينة
لي دروب الورد سالكة
والفراشات الجميلة
ذاتا جات في الزهر راكة
ونحنا للأحرف نغازل
في القوافي اللينا مالكة

يلا نرتاح في دروبا
يلا ناخد لينا وقفة
في القصايد الحالمة نغفو
وفي الحلم فاتحالنا شرفة
ومن وجع حرفاً مغاير
الدموع نلقاها زارفة
تغسل آلام الدواخل
زي بحر جواهو صَدَفة

والفرح وأحزانو جاطت
حير الإحساس ولفَّ
مرة يبتعد الفرح
في حزن باقيلو منفى
وتاني يرجعو من جديد
وفجأة تبقى حداهم إلفة
والأمل يبدو في صباحنا
بي كلام موزون مقفى

ويلا ننتشي في الصباح
.
.
.


.
.
.
وهاش الزهر طربان
مع طلة الإصباح
عصر الرحيق دافق
ومنو العطر كان فاح
ونثر الجمال ألوان
مهلاً أقيف يا صاح
كان بالفرح مزدان
وكت الفراش ليه لاح
من عابق الجنان
قصد المكان الصاح



شجن/سحر

[شجن البورت]

http://i76.photobucket.com/albums/j13/ahmadziton/tajmeel/klam19.gif


لم يكتمل البدر
ولكن هل في وقت التمام هلال آخر
ما زال الإحساس يحتضر
ولكن خضرته يانعات قوافي شعر
وكنا على جمر الشوق ننتظر
ولكن طفينا نار أشواقنا حينما وقت اللقيا حضر
وما زلنا في تلك الليلة على طولها نعزم السفر
وبحضور أسطول الروعة
إكتمل السحر

حلقة منتهى الجمال
بكل ما فيها
بكل قوافيها
وأغانيها
وأقلامها
التي رسينا على مراسيها

http://i76.photobucket.com/albums/j13/ahmadziton/tajmeel/fawasl/fawasl23.gif

21/11/2012م

شعرائهــــــا :

- الشاعر/ عزمي أحمد حمد
- الشاعر/ محمد محمود محمد سعد
- الشاعر/ إبراهيم أحمد الفكي
- الشاعر/ عبد الرحمن بشير عبد المحمود
- الشاعرة/ آمنه خيري
- الشاعرة/ فاطمة محمد
- الشاعر/ يوسف أبو شرا
- الشاعر/ عمر محي الدين


http://i76.photobucket.com/albums/j13/ahmadziton/tajmeel/fawasl/fawasl23.gif


قوافيهـــا :

- الرحيل – عزمي أحمد حمد
- سهرت معاي كل النجوم
- محتفلة بيك روحي
- وقت تمشي الحبيبة تفوت – عزمي أحمد حمد
- بعد ما راحت الأحزان – عمر محي الدين
- شبعت عيوني أسى ونحيب
- شديت الرحال – يوسف أبو شرا
- قصة الريدة القديمة – آمنة خيري
- حلاة اللقيا لمّا تكون – فاطمة محمد
- ضايع أنا ومحسور – عمر محي الدين
- زهرة الفلة الجميلة


http://i76.photobucket.com/albums/j13/ahmadziton/tajmeel/fawasl/fawasl23.gif


أغانيهـــــا :

- قلبي هام مالو – حقيبة بأصوات مجموعة من الكبار
- حبيبي جنني – بأصوات مجموعة من الفنانين الكبار
- الحبيب وين - بأصوات مجموعة من الفنانين الكبار
- محبوبي لاقاني - بأصوات مجموعة من الفنانين الكبار
- من أول نظرة - بأصوات مجموعة من الفنانين الكبار
- البلوم في فرعوغنى - بأصوات مجموعة من الفنانين الكبار
- قصة الريدة القديمة – محمود علي الحالج
- القربو يحنن والبعدو يجنن "عندما يغني الكبار للكبار" غناها أحمد المصطفى وغناها له الفنان خلف الله حمد
- الليلة وين لابس الشريط – خلف الله حمد
- سيدة وجمالا فريد – بصوت عبد الله البعيو


وماااااااااا خفيَّ أرووووووع ...:):SugarwareZ-003:

http://i76.photobucket.com/albums/j13/ahmadziton/tajmeel/fawasl/fawasl23.gif


خالص التحايا والود ***

مع عودة أكيدة بإذن الله

بأجمل القوافي ...

http://i76.photobucket.com/albums/j13/ahmadziton/tajmeel/fawasl/fawasl11.gif

[شجن البورت]

الشاعر/ عزمي أحمد حمد

قبل التزاكر والرحيل
إتذكرى الزول المعاك
يا مارقه من حس الصدق
يا داخله فى روحى ودماى
أرجوكى قبل السِكّه والزمن اللى جاى
شوفى الأمان الجبتو ليك
باعدى المسرّات والألم
ضمى المساحات والطريق
دِلّينى يمكن أمش معاك
شان عارفه غيرك ما بكون
وإمكن أكون...!!!
لكن بكون مكسور جناح
عاشق تباريح الألم
زى المسافر فى الهجير
يتمنّى بين الرمله موج
تظهر هناك واحه وخدار
يسرع عشان يروى العروق
لكن تكون مليانه دم....
يا مارقه من الروح نفس
يا بلسم الشوق والألم
طلة غيومك فى سماى
نستنى رحله حصادا هم
دلّتنى من فوق المحال
جافيت مسادير العدم
والليله يا شوقى الودر
بتفوتى ليه قبل المواعيد القبيل
خلينى أتأمل رؤاك
شان أعرفك من أى طين
خلقوك وجابوك الأرض
شان عمرى يتعذب معاك
كل ماسرج خاطرى الخيال
بلقاك مع النجمات شمس
تهدم بويتات الضلام
تدى الخلوق ريحة النهار
لا تقولى لى باكر بجيك
ما بكره أبعد من أمس
والشوق مع الجفا والبعاد
بين الضلوع ما بتحبس
شوقى المساهر بى هواك
غمّض عيونو خلاص نعس
لكن بغالب نومو ليك
ما إنتى أغلى من النفس
يا مارقه من رحم القصائد أمنيات
يا صادقه ياأجمل عمر
قضيتو فى الزمن اللى فات
لامتين عشانك بحترق
أنا قلبى أصبح ليك رفاة
إتشتتت من غير تحس
مكتول وحاضن ذكريات
أنا غيرك إنتى محال أريد
لو حتى أدمنت السهاد
كان عشت متشرد زمن
كل الشعور الفينى مات
لو برضو قاسمت الجثث
فى اللهفه...
والخوف...
والسكات...
أنا غيرك إنتى محال أريد
يا زول مقاسم روحى ذات
والله غيرك مابريد....
يا زول سكن فى ذاتى ذات



****************************

سهرت معاي كل النجوم
ومناها قلبك أوصلو
لو قالوا ليك حسنك قمر
حسنك قمر ما بحصّلو
حتى الجمال منّك شكى
قال لو نقص بتكملو
آسرني دايماً بالغرام
أقبل هواي لا تهملو
إنت الوحيد مالك القليب
بتمنّى بس لو تقبلو
خليك لي دايماً وفي
وإحساسك أوع تبدّلو
قلبي الرهيف الإصطفاك
حاسب تصيبو وتجرحو
بعد العذاب الشافو داك
أعطف عليهو وفرّحو
وريني ليه ذكرى الغياب
أحكي السبب ولي أشرحو
خلي القلوب بعد إشتياق
يتلاقو تاني ويفرحوا

***************************


الشاعر/ عبد الرحمن بشير عبد المحمود

محتفلة بيك روحي
وشايلك بشارة فال
يا أغلى من الروح
أشواقي ليك تنهال
عمر الربيع أزهار
وتحكي الفراشة نضار
لو السنين فاتت
من غيرك إنت ودار
كل العمر ممحوق
لومرّة جافيتي
طبع القلوب الريد
والدهشة يوم جيتي
نستنشق الريحان
وألقاك غنى وتحنان
يوم الفراشة تحوم
في حقلك النديان
لو مرّة نتناجى
بين الغرام والريد
يغمرني تحنانك
وألقاكي زي العيد
نبني السعادة قصور
يا صافية زي بلّور
يا مطلع الأشعار
أنا بيكي جد مسحور
عشم المودة تدوم
وتزيد مع الأيام
تشرق شموس الحب
وألقاكي قيف أحلام
تطلع أحاسيسك
ريدة ومحبة ودين
توب العفاف لابسك
مهراً جموح ورزين
بكرة السنين تجمع
يوم ترحل الأحزان
نتلاقى في واديك
ونشوف شعور فنان


دة كلام جمييييييييييييييييييييييل
تشرق وروده وتبسم خدوده
عاجبني شدييييييييييييد

مطلعها :
"محتفلة بيك روحي !!!"

ومن القصائد الراسخة
من سهر القوافي
كنت متخيلاها لفيصل يعقوب
فالتحية لشاعرها الأستاذ/ عبد الرحمن بشير عبد المحمود
ولحروفه الوردية :SugarwareZ-027:


***************************

غابات الحزن

الشاعر/ عزمي أحمد حمد

شبعت عيونى أسى ونحيب
لامن رحلتى مع الزمن
وإتشحتفت روحى المصير
عمّتنى غابات الحزن
رغم إنو فى الخاطر معاى
فى الغربه حسّيتك وطن
يا غايبه والناس بى وراك
تنده عليك لا قلتى هوى
لا منك إتردد صدى
يا حاضره بى رغم الغياب
عِزّ السموم غيمه وندى
مشدوهه ماليك البعاد
وإتجاوز الشوق المدى
لا متين أكون جنبك براى
جنبك تكون الروح فِدى
يا صاحيه والناس دار تنوم
وإتكحلت عينيك سهاد
مشغوله ماليكى الحنين
ما نُمتى بى رغم الرّقاد
إتخيلى الحال بى وراك
الغربه
والشوق
والبعاد
ما روحى من روحك بقت
للإلفه والريده العماد
بهواكى حد ما قلت ليك
باريك وماخايف المصير
مشغول ومالينى الشجن
قايدنى إحساس الضمير
مسلوب وهامينى الوطن
سويتك الحب الكبير
برجاك لو طال الزمن
كان شلتى من عمرى الكتير
برجاك لو كان الحزن
فى داخلى بتأجج سعير
لو حتى لمّانى الكفن
يا غاليه برجاك فى الشبير


*************************

الشاعر/ يوسف أب شرا
"في القصيدة الكاملة في أبيات محدودة أو بيت

شدّيت رحال أفيالي ليك
أنا كنت فاكر أبرهه
ويممت شطرك قلت بيك
قبلة هواي والمنتهى

***********************


قصة الريدة القديمة

الشاعرة/ آمنة خيري

قصة الريدة القديمة
بسألوني عليها ديمة
وكل ما حاولت أنسى
يصحّوا ذكراها الأليمة
وإيه تقول بالله فكّر
مرّة لو سألوك إنت
كيف بعد قمة هنانا
هان عليك الريد وهنت
ما بعيد حتقول عليَّ
إني غدّار وإني خنت
وأصلوما بتقدر تصدّق
إنو في أعماقي كنت
وفت ما سائل وراك
عن شبابي وعن مصيري
ما بقيت زي الفراشة
وإشتريت لي زهرة غيري
يا خسارة سحرت قلبي
شلتك آمالي وأميري
وإنت حبيت المظاهر
وحبي من آخر ضميري
سيبا قصة ريد وولّت
والأيام يا ناس كفيلة
لو تفيد الماضي حسرة
كنت أندم كل ليلة
ياما ناس كايسين وفايا
سامية أغراضهم نبيلة
ولسّة في حدقات عيوني
بحضن الآمال وأشيلا

*************************


الأستاذ/ عمر محي الدين

ضايع أنا ومحسور شديد
وملان أنين ...
يا الفرقتك لي طوّلت
لسّاك كاسيني الحنين
ولسّع بغني عشان هواك
موال وحسرة شقى وأنين
أنا ما بقيت شادي وطروب
ولا المحبة الكان زمان
خضرة دروب
مسقية بالشوق والمنى
بيتين أنا ...
بيت من ضنا .. وبيت من منى
وسور من عذاب
وزرعة مشتاقة المطر
وكتين تصب ينزل صبوب
ضيّق نفس محدود شديد
والنسمة بتدور الهبوب
يا ربنا ...
بنشوف كتير في الدنيا كيف
فرقة حبايب جمبنا
لا بنوصلم .. ويا ليتنا
أسرعنا كمّلنا الخطى
حضّرنا للأيام طيوب
يا ليتنا ...
والإنتنى ...
والكان عديل مشكول علي
وكايس أنا وفاقد دليك
جيبوهو لي
درب الخواطر والرجوع
زي الدليب قايم هنا
والضل هناك في مكان بعيد
ما بنوصلو ...
وإن قلت داير أوصلو
أو أضوق حلو
لا بد مر ما بوصلو
ضايع أنا .. وحسور شديد
وملان أنين
يا الفرقتك لي طوّلت

****************

راجعيييييييييييين

بزهرة الفلة

بإذن الله ،،،،

[شجن البورت]

الشاعر/ عزمي أحمد حمد

سرسار شوق

بعد تمشى الحبيبه تفوت
بتطلع فى القلب آهه
وتنزل زى فحيح النار
وتفتح تانى مجراها
تدفق فينى سرسار شوق
وتطلع منى كم آهه
حبيبتى كما الشمس تطلع
محل تشرق تكون ياها
وعادله كما الوطن وأكتر
بتجرى دموعا جواها
هى فاتت ولسه فينى معاى.!
نفس مندسّى فى الشريان
تفاصيل لى بلد تانى
عوالم لسه ما إنزاحت
مدفقه فينى شوق وحنان
لقيتا بعد تعب طول
لقيتا بعد سنين أحزان
هى فاتت ولسه فينى حضور.!
موقعه فى محله زمان
فتحتها شان تكون ليها
وخشت فيها بالأحضان
دفق صوتا الحنين قال لى
بحبك ولسه فينى كمان
شعارات لسه ما انكشفت
وكانت فى الحقيقه إنسان
ملك فينى الدواخل شوق
سكن فينى وسكنت زمان
محل كل الصدق ساكن
محل كنا وطوانى زمان
هى فاتت ولسه فينى تحوم.!
محل تنزل بتشلع ضو
وتتمايل فرع نديان
وكل الناس معاها تسو
وتبقى المشيه سيره عديل
زغاريد من قلب مشتاق
وكم دلوكه ضاربه الجو
أبشر زيى زى الناس
وأجيها بعد سفر ممكون
أشيل من السبيب شبال
واسافر فى أعزّ عيون
سفر دون سكه لا مشوار
وأصل بى نظره للمضمون
ونصبح فى جسد واحد
ولو جاز فى الحقيقه نكون
أنا إياها روح واحده
موحّده فى الشعور واللون
هى فاتت ولسه فينى الشوق.!
على الزمن القضينا زمان
على كل التواصل داك
على الفرح الصبح أحزان
وفاتت ولسه ما فته
ولا جرحى القديم جفه
ولا لاقيتا شان أرتاح
ولا كان المعاد صدفه
هى كانت لى كتاب مفتوح.!
وكانت ريده بى عرفه
وفاتت ولسه راجيها
ولا وجعى الزمان خفه
هى كانت غيمه ما بتنساق.!
وفاتت وفضلت اللهفه
حليلو زمن جميل عدّا
زمن بلقاها مشتاقه
زمن لامن بغيب تسرح
وتنزل دمعه حراقه
تهدهد خاطرا الزعلان
تبلل حبه أشواقه
دى ريده ولسه ما كملت
بتضحك من زمن عاقه
فتر حتى الطريق والشوق
واخيراً ها الزمن ساقا
فضلت كما القتيل مذبوح
وكايس برضو نتلاقى




الأستاذ/ عمر محي الدين

وكسرت اليوم كل قلم
مسكتو عشانك
ومسحت كمان بدموع سياله
كل قصيده تعظم شأنك
زرعت مشاعر
حصدت صدود فقدت الحب
حرمت أمانك
وغصباً عني بكتب فيك
معاني قصيده يرويها زمانك

وبعد ما راحت الأحزان
ودمع العين كمان جفَّ
أقابلك صدفه مكتوبه
تحركي للحزن دفه
وتعيدي معايا ذكري زماااان
بعد جرح القليب خف
وتحاولي معايا بي جهدك
ترجّعي لحظه الإلفه

وكان مكتوب الاقيكي
وجرح الماضي يصحي كمان
وعارف قلبي زي حالو
بصحّي الذكري والأشجان
وبرجع تاني للماضي
ويقلّب دفتر الأحزان
ويشيلا مراره الذكرى
وينصب للحزن صيوان

وجايه تفتشي الماضي
بقولّك لالا مافي مكان
زمان ماكان بقودني هواك !
ونضره قلبك الرويان
هدوء طبعك جمال خلقك
عيون خجلانة ملانه حنان
مش شكلك ولا لونك
ولا لي عودك النديان
ولا مظهر جمال قامتك
ولا لي صوتك الرنان
ولا زي ناس دوام لاهية
طباعا خداع ما ليها أمان
عشقتك جد بصدق مشاعر
وحس مرهف وروح إنسان
وفتشي عن قلب تاني
قليباً بالحنان مليان

كان غنيتي ولّا بكيتي
كلو اليوم عندي سيان
لأني حقيقه فاقد الحب
وكل الكان هديتو زمان
وفاقد الشئ لا يعطيه
قوله قديمه قالوا زمان
حكمه تحرك الجامد
تذوّب نشوة الولهان
غرامك إنتي ماعندي
لأني اليوم بقيت حيران
زمان ما كان قليبي معاك
وفي الأحزان بواسيكي
وفي الأفراح بكون جنبك
صباحي معاك واماسيكي
واقابلك بي حنان دافق
وأقيل في مرافيكي
بشيلا معاك صدق كلمة
بحكي معاك وأقول ليكي
وأطوفا معاك بلاد الهم
وأعود وأرجع لي واديكي
جزاء المعروف يكون صدك
كأني أسير في واديكي
وحاتك لا لا مابقدر
لأني الليلة ناسيكي


الشاعرة/ فاطمة محمد

سماحة اللقيا لمّا تكون
بلا ميعاد تكون صدفة
لا إتلاقينا قبل اليوم
ولا بيناتنا كان عرفة
وكانت روعة المشهد
قلوبنا تهيم حنين ووفا
جلسنا على بحور الريد
نسوق أمواجنا للضفة
بنينا بيوت من الأحلام
زرعنا شتول من الإلفة
ورسمنا على القلب تذكار
عيون تتناجى دون رفّة
وبحلم إنو تبقى معاي
عشان جرح الزمان يشفى
ويوم تعصف رياح الهم
تبقى ملاذ ولي مرفأ
ويتمدد هواك جواي
ويصبح قلبي ليك شرفة


"ذكرتني القوافي أعلاه للشعراء عزمي أحمد حمد وعمر محي الدين وفاطمة محمد كلمات لشاعر آخر :

بريدك ما فراغ مني ولا ريق العشم جف
ولا في لحظة اتجليت طلع مني الكلام صدفة
بريدك عن وعي واصرار وعن تقدير وعن الفة

وكل القوافي ولقاء الصدفة ذكرتني بحروفي
ومشهد
اللقاء الغريب

حاجة غريبة وغريب الزمن الجمع بينا وزرع العاطفة
وعاد من تاني وخلى لقانا غريب ونزع الإلفة
حاجة غريبة!!!!!!
إتلاقينا بعد طول فرقة سنيناً طالت ويوماً فيهو نهيت ريد أوفى
حاجة غريبة!!!!
إتلاقينا كأننا غرباء وما كان يوم بيناتنا في عرفة
وإتسالمنا سلاماً فاتر وجات الكفة تصافح الكفة
وشديت إيدي بحاول أنهي سلامنا الفاتر ... وصمّت اللحظة
الا الايد البين ايديا خدر احساسا و أخدت وقفة
***
وكان بين الناس زولاً عايز يمزح مزحة ويعمل طرفة
ينادي عليهو كأنو بقولو شوف الكان حابيك بي عفة
ناسي قساوة هذي الطرفة بتشعل ناراً توقد وتطفى
***
إتلاقيناوغاب الشوق ... وراحت من عينينا اللهفة
وحتى الريد ودع دنيانا إتبخر من بيناتنا وجف
***
وإتلاقينا !!! بين الصدفة ... وعدم الصدفة
وكان الخوف جواي من بدري إننا يوم نتقابل صدفة
بس لاقيتك عز الليل وبين الأهل اللّمة بتصفى
إلاّ معاي حسيتك تايه وزي متفاجئ وجاتك رجفة
وقلت كلاماً بيهو نطقت ودرت علي نفسك كم لفة
وشلت خطاك بسرعة بعدت تركت مكاني بعجلة وخفة
***
رحلّتَ ورَحَلت بعدك ليلة وجابت صبحاً صافي مصفى
وفجأة لقيتك تاني أمامي ويمكن صدفة أو ما صدفة
وشفتك عز الشمس الساطعة ومافي مجال لي ليلاً حالك
فيهو كما السابق تتخفى
***
وجات عينيك قصاد عينيَ وكان بيناتهم غيمة ووجفة
وكنت بفتش في عينيك وديمة بلاقي في حاجة بتظهر
وحاجة بتخفى
وكان عينيك دايماً خجلانة تحاول تهرب مني وتخفى
وكان الكل عينيهم فينا عساهم يلقو إجابة بتشفى
إجابة لماضي وقصة جميلة كساها الحب .. والشوق .. والعفة
ما كان سادي طريقها حواجز ولا إترفعت فيها الكلفة
كان آمالها تتوج فرحة بريئة تتم بالزين والزفة
***
وكنت بفتش ...
ما زلت بفتش ...
برضي بفتش ...
زيهم أفتش في عينيك عسايَ ألاقي إجابة بتشفى
إجابة لحيرتى الطالت وعنك وهل ريدي الكان ليك ما كفى
ولا سمعت كلام لي حاقد وكان لهوانا عزول بتشفى
ولا كمان كان عندك غيري حبيب راجيك هناك في الضفة
ولاالريد الكان بيناتنا كان أوهام في القيف في الحافة
عليهو بنيت أحلاماً تايهة كسفناً ضلت قيفا ومرفأ
***
وكنت بفتش ...
ولسة بفتش ...
فيك بفتش ...
وفي عينيك ...
وما عشمانة في ريداً جاي يجدد شوقاً مات إتوفى
وما عشمانة في شوق عينيك ينبض تاني وتصحى اللهفة
ولا عشمانة أجدد ماضي لما الكفة تلاقي الكفة
ولا في وادي الريد الجف يرجع تاني وأرشف رشفة
***
بس عشمي في إجابة بتشفي غليل من ماضي عليهو بتجفى
وإيه البدل ريدك عني وشمت عازل ديمة بتاوق من الشرفة
إلاّرحلّتَ بعدت في ثانيةبسرعة كعادتك عني بتتخفى
ورَحَلت عينيك خجلانة .. غريبة .. كسيرة تعاتب لقيا الصدفة
ورحلت فيني الحيرة الساكنة دواخلي سنين بالهم معترفة
***
وما رديت عن عشم الماضي رحلّتَ تسابق الخطوة بخفة
وكان عينيهم ديمة بتسأل حولنا عن حاجات مختلفة
وما حأرد علي عينهم تاني ردك واضح شفَّ وكفَّ
ولا بغفرلك ذنباً سابق وتوه حيرتي بعيد في منفى
إلاّ الاقى إجابة صريحة عن الكان بيناتنا وجف
إجابة تبرر ماضي نهيتو بدون أسباب ونسيت العرفة
وحاضرخلى لقانا غريب وخلى عيونك
خاجلة ... غريبة … كسيرة ... دوام تتخفى
ولما الاقى إجابة شفيفة وشافية أكيد عن عينيك بعفى
***
وبعد الرجعة !!!!
بعد الرجعة الكل كان بسأل ..... كيف اللقيا ؟ .... كانت تحفة ؟؟
برد بإنو لقانا غريب !!! زي الفرقة ويمكن أجفى
لقانا غريب !!! زي الفرقة ... ويمكن أجفى (شجن/سحر)

[شجن البورت]

بقلم ومجهود الأستاذ/ ضياء الحق

التسجيلات والحروف أدناه :



سلامات لكل متابعي برنامج سهر القوافي ودي روابط حلقة البرنامج يوم الاربعاء الموافق 28.11.2012 بصيغة ال MP3
للتحمــيل
.
.
.
...
.
إشتهيت طلت عيونك
http://www.2shared.com/audio/WFuLifHr/01-__.html
وريني يا قمرا
http://www.2shared.com/audio/fqoQLtY4/02-__.html
لقمة ناشفة
http://www.2shared.com/audio/aoRi06PS/03-_.html
عشان اريدك
http://www.2shared.com/audio/9bAhHM5N/04-__.html
غني لينا الغنوة تاني
http://www.2shared.com/audio/UIKsjz8r/05-___.html
حجاك بي بكرة
http://www.2shared.com/audio/2qBZ1M0S/06-__.html
قمر الزمان
http://www.2shared.com/audio/vStQ8uIo/07-_.html
في غيابك
http://www.2shared.com/audio/F-SlqRQZ/08-_.html
حكاية ملام
http://www.2shared.com/audio/pm7M0EHS/09-_.html
لو هاماك مشاعر الناس
http://www.2shared.com/audio/eTgZSHKA/10-___.html
ما بنجم علي ضلك
http://www.2shared.com/audio/QdWBbS-_/11-___.html
البخاصم
http://www.2shared.com/audio/rbB1WgLR/12-.html
علمتني الدنيا أقسى
http://www.2shared.com/audio/id6sGESN/12-__.html
جديدكhttp://www.2shared.com/audio/yvO2fA1G/13-.html


------------

ضياء الحق دوماًننتظر شروقك

مع خالص التحايا والشكر والإمتنان***

[شجن البورت]

دايماً بفتش في جواي

http://www.youtube.com/watch?v=ckKevQz71Qw

[شجن البورت]

زهرة الفلة الجميلة
الليلة عاد يوم ميلادك
يا حلاة نفحة عبيرك
لما الربيع يزور بلادك
كلمي القمره ومدارا
قولي ليها متين ميعادك
خليها مرة تشوف عيونك
إنشاء الله يتحقق مرادك
كل غيمة ترش دريبك
كانت الأشواق معاها
ومافي نسمة تشيل عبيرك
تردد الآفاق غناها
وتاني ترجع لي قلوبنا
وتترك الأحزان وراها
عطري الدنيا بأريجك
وضمخيها بي شذاكي
ورجعي الشوق لي عيونّا
وجيبي لينا الخير معاكي
ما بنريدلنا زول وحاتك
وما بندور أبداً سواكي
نحنا في الأفراح نجيكي
وما بنخليك يوم براكي
ومن بعيد جاني صوتك
جاني رايق وجاني دافي
زي مياه النيل حلاوتو
وزي بحور فكتوريا صافي
خضّر الساحات نداهو
وبدد الحزن الخرافي
إنتي تلقي العزة فينا
وزيك إنتي أصلو مافي

[شجن البورت]

حمّلت أشواقي عناء مسيرتي
وتركت أناتي بقرب الباب
لوّحت بالأشواق توقاً للقاء
دخلت فإستبقت خطايا الشوق للأحباب
هكذا البداية

بأقلام :

- الشاعرة/ شادية عطا المنان
- الشاعرة/ غناوى الشيخ الفضل
- الشاعر/ عصام الدين بابكر
- الشاعر/ خالد أحمد الحاج
- الشاعر/ محمد عباس الباشا
- الشاعر/ النيل المدني عجيب
- الشاعر/ بدر الدين بريمة
- الأستاذ/ عمر محي الدين

القوافي :
- إشتهيت لي طلة عيونك
- وريني يا قمرة – عمر محي الدين
- البتاكل لقمة ناشفة- غناوى الفضل
- عشان أريدكزي زمان
- غني لينا الغنوة تاني – بدر الدين بريمة
- محمد الباشا – حجاك
- في غيابك
- كتبت ليك – صلاح حاج سعيد
- لو هاماك مشاعر الناس
- ما بنجم على ضلك
- علمتني
- البخاصم – خالد أحمد الحاج
- جديدك جابو جوابك – عمر محي الدين


الأغاني :
- اللقاء الأول – عثمان حسين وقرشي محمد حسن
- في هدأة الليل والسكون – العاقب محمد الحسن مع التجاني حاج موسى
- صبرت كتير – صلاح مصطفى
- غربة وشجن - زيدان
- أشكيك لمين يا ظالم – عبيد الطيب مع خورشيد
- حكاية ملام – الجابري مع الصادق الياس
- غيب وتعال – هاشم ميرغني
- توبة – وردي

تبقى الفكرة أشوفكم تاني
وبيني وبينكم شوقاً حاني
وغير ما أقول الشوق بتكلم
ويبقى لقانا كلام ومعاني

وهكذا النهاية

وماااااااااااا خفيَّ أرووووووع
.
.
.

وما بين البداية والنهاية مشوار قوافي ليلي مع حضور القمر وحضور عشاق القوافي النجوم والشموس والأقمار

ولنا عودة أكيييدة مع القوافي
بإذن الله تعالى ،،،،،،،،



مع كل الود ***

[شجن البورت]

إشتهيت طلّة عيونك
وأي سكة عليك تودي
يا البقيت لي روحي روحا
ولي شجوني كمان تهدي
وإنت فرحي وقت أقابلك
ومن حنانك لية تدّي
يا جراح بتفيض محنّة
ويا سنين بالهم تعدّي

*******************

عبيت دواخلي من الأسى
وقسّيت كمان قلبك عليّ
مشروقة أفراح دنيتك
وريني كيف حتحس بي
أشواقي تتمدد حنان
ألقاك بتبعد مني لي
أهديك غيم الأمنيات
تهجرني كيف والدنيا صي
وداريت جفاك من العيون
لمّا الشجون شمتت عليّ
قصدك تصحّي جرح جديد
ولّا الجراح بتزيدا كي
أشواقي من شدة قساك
صبحت عديل ما حاسة بي
أبكيك يصحيني الصباح
ودموعي سايلة علي يدي
الحسرة والعمر اللراح
واللهفة تسأل في عيني
الحزن مشروق أمنيات
والدهشة حايرة وكايسة ضي

****************************

الأستاذ/ عمر محي الدين

بالله يا قمرة ...
وريني كيف الزول
لمّن تضيق بيهو
الشدّة كيف بتزول
وريني يا قمرة
وإنتي البعيدة هناك
بتضوّي كل الكون
لا راجية منّو جزا
لا عارفة قلب حنون
لا فارقة زول واعي
والقاسي والمجنون
تديهو إنتي الضو
وريني يا قمرة
كيف إنت عطّايا
حدّاثة بس سوّاية
ولمّن نساهر فيك
ونحكيلك إنتي حكاية
تدّينا إنتي الضو
وفسحة أمل في الليل
بالله يا قمرة
أوعك غيابك يطول
دايرك دوام طالعة
ما تبدي وجه خجول
ولمن توالفي الناس
ويبقى النوال مبهول
بتغيبي تمشي بعيد
وفكري يبدأ يجول
برجاكي يا قمرة
أوعك غيابك يطول

************************

الشاعرة/ غناوى الفضل

البتاكل لقمة ناشفة
والبتقهر لي صعابا
والبتدي كل حاجة
وما بتشيل غير عذابا
البتخدم في الهجير
والبتفرش ضل سحابة
والتصارع في هموما
والتغازل في الكآبة
البتزرع في المحنة
والبتكسر للرتابة
والتناغم في المشاعر
والتضاحك في الصبابة
هي البتاكل من سناما
وهي البتشرب من سرابا
التضحّي بدون مقابل
والتكاتل شان صحابا
ما سكت فيها الحنين
ولا فتر عمر الصلابة
ما إنكسر حزن السنين
ولا إندفق خاطر الكتابة
ما بتقابلك وجه كالح
ولا بتسمع إنتحابا
ما مرق زولاً حزين
إلاّ فرحان في رحابا
وما شكت حال الفقر
إلاّ وستر حالا في جوابا
لا بتمل من قولة أهلاً
لا بتقلل من حبابا
لا بتزعّل لي غريما
ولا بتفقد لي صوابا
لا بتعاتبك .. لا بتلومك
لا بتحاسبك فوق حسابا
لا بتجهجه يوم شعورا
مرّة ترضى ومرّة تابى
لا بتلعن في ظروفا
ولا بتسخط من خرابا
لا بتهرب من هموما
ولا بترفض فكرة دابا
ولا بتمد إيدينا تسأل
ولا بتنهب في جرابا
لا بتحوم في أرض غيرا
ولا بتعشق غير ترابا
لابسة توب الصدق عفة
وشايلة من زمن الصحابة


******************

عشان أريدك زي زمان
أديني إحساس بالأمان
أهديني ريد من غير دموع
بغمرك إلفة وحنان
لمّا جيت راجع وحاتك
ما عشان خاطر عيونك
ولا عشان الشوق غلبني
والحياة الصعبت بدونك
جيت عشان أنا قلبي طيّب
وخالي من أوهام ظنونك
حافظ الريد رغم ظلمك
وعمرو ما فكّر يخونك
لو تخون الريد وتغلط
تاني ما تستجدي عطفي
وتفتكر ممكن أسامحك
ولي لهيب نيراني تطفي
أوع ترجع لية باكي
عشان دموعك هي ضعفي
ومهما تبكي الدم عيونك
عشان أسامحك ما بتكفّي


ومن همس بوحي حضرني مقطع :
أديني الأمان .. ونسيني الزمان
يا أملي ومناي .. قرّب لي كمان (شجن)


************************

الشاعر الإعلامي/ بدر الدين بريمة

غني لينا الغنوة تاني
ولملمي حروف القوافي
رجّعي الفرح اللتاه
جوة أسوار المنافي
ضوي نورك للسفاين
أبني ليها الريد مرافي
ما السفاين فيها نحنا
سبنا أثواب التجافي
وإشترينا الريد عشان
هو كان جوانا مافي
من هجير الصحراء نحنا
ومن تعاريج الفيافي
جينا بنفتّش عليكي
يا حلمنا الكان خرافي
ونحنا أصلنا من بدينا
الأمل في قلوبنا خافي
إنو راح نلقاكي إنتي
وتصحي نجماتنا الغوافي
غني ما تخلّي الغنا
هو الدواء اللي عيالنا شافي
وغني ما تخلّي الغناء
أضربي الوتر الإضافي
ولقني للأطفال غناكي
يا حلمنا الكان خرافي

******************************

الأستاذ/ محمد الباشا

حجاك بي بكرة ملّيتو
كفاية الفيني بتكفّي
منو القال الأنين راحة
ومتين الحمى بتدفي
رجيك توفي بي وعدك
بنات فكرك تشيل جنّة
وحاتك مرّت السنوات
وعشتها أنّة في أنّة
ومشى العمر الوعدتو ربيع
ولي ماضي الزمان حنّ
ولسع ساقيتك بتنوح
وإنت تقول كمان يكفي
صباحك مدّ فيني الليل
وهدهد نفسي بالأحلام
مليت كل المنابر قول
غنى وأشعار كلام وأوهام
معاك قاسيتو مر الضيم
وشبعت كل سنيني ضلال
حصادي معاك كان آلام
وأملأ الموية في كفّي
أمش وما تبقى لي ذكرى
دواخلي تملّي حاشا
أمش ما تبقى لي ظلمات
أكون ما قادر أنساها
أكيد البسمة في الأيام
ومن عينيك داساها
وعدالة المولى يا ظالم
أكيد هي الواقفة في صفّي

************************

في غيابك ضقت مر
كل ساعة ويوم يمر
لي سنين بشقى وبقاسي
إلاّ فايتك بالصبر
سبت دنياي يا غالي
حالي بعدك ما بسر
والعوازل شالو حالي
وبرضي بديك العذر
ليه تطول لليالي
وشمسي بتغيب العصر
يلا أرجع يا مفارق
نار بعادك زي جمر
وقيفك القرّب يفارق
إنكتب ليهو العمر
شوقي لو زار كل عاشق
الله يديهو الصبر
وديمة الناس بتغلط
وفي النهاية الزول بسامح
مرّة نبكي ومرّة نضحك
إلاّ إنت القلتو جارح
عمري ما إتعودت أجرح
إلاّ مجبور ليك أصارح
يمكن للأحزان تبارح
ما كتير وقليلا رايح
بس تأكد إنت ظالم
وربي ما ممكن يسيبك
حبي إنت غدرت بيهو
وبعت ريداً كان نصيبك
لو بكيت العمر كلّو
تاني ما برجع حبيبك
بكرة تعرف معنى ريدي
ودعوة المظلوم تصيبك
وأفرض إني رجعت ليك
بلقى فيك تاني الخيانة
ما زمان أنا جيت إليك
وقلبي عندك كان أمانة
كنت بتقول لي بريدك
ونحنا ناس الريد برانا
ومن جديد عايزني أرجع
ونبدأ نفس الأسطوانة

[شجن البورت]

بصوت الأستاذ القامة/ صلاح حاج سعيد

قمر الزمان

http://www.2shared.com/audio/vStQ8uIo/07-_.html

كتبت ليك ...
لا بينى بينك ريدة ..
لا قصة غرام
إخترت ليك ....
أجمل حروف وأصدق فواصل
نادرة فى لغة الكلام..
لا قصدى ألهو معاكى
بى كلمات غنا
لا شعرى ليك مرجيحة
من شعر الغمام
كتبت ليك والله يا قمر الزمان
شان جيتى بى زمن المحنة
وشفت فى عينيكى ..
حس أهلى القُدام

كتبت ليك وأنا جايى
فى زمن الشقا
المرسوم على وش
الثوانى .. مظللا
تتمدد الساعات سنين
تتفتح الأحزان غريبة .. ومذهلة
وأشتاق أفتش نسمة ..
فى الزمن العذاب
وأيامى من كتر الأسى
وكتر العزوف .. والإغتراب
صارت حروف مترهلة
لحظات أسيفة .. ومهملة

كتبت ليك .. ووقفت ليك ..
لامن لقيتك جايه
من قلب الطريق
ولمحت فيك
راحة المشاوير البعيدة
ولفحة النسمة الحنينة
الجاية من جوف المضيق
حسيت عجايب الدنيا إتلمـت
بقت جايـّانى من عصراً سحيق
عينيكى حس أطفال بنادوا
القمرة لى الغايب .. يعود
وجبينك الضوّاى
حجا الحبـّوبة فى الزمن السعيد
يا قمرة اقلبى السنسنة الحمرة
وشوفى ليه ما جا

وأنا فى قساوة الموحش
الزمن المكهرب .. بى الحريق
أنا حيلتى أيه
قولي لى يا قمر الزمان
غير أتـّكى .. وأحلم معاك
وأحضن أماسى الصحو ..
والأمل البريق

http://www.youtube.com/watch?v=KhGMuQuT_BQ


******************************

قصة حكاية ملام
الجابري والصادق الياس

حكى الصادق الياس بأن أحمد الجابري وعانت والدته من المرض وهو كان ملازمها وأتوا جماعة متعلقين بأغنياته وهو كان رجل مجيد وطلبوا منه أن يغني لهم في حفلة ورفض الجابري الغناء لمرض أمه وملازمتها وأصروا عليه وذهب معهم الحفلة وغنى حتى رجع الخامسة صباحاً فوجد في حي العرب الصيوان مدقوق ووالدته إرتحلت إلى الرفيق الأعلى ، حزن أحمد الجابري حزن شديد وكسّر عوده وإعتزل الغناء وبقى في حالة من الإعتكاف وخلو النفس فقال الغناء الذي جعله لم يحضر وفاة أمه وفي بداية الثمانينات لا يوجدمن وسائل الإتصال التي تعلم بالخبر فبعد رجوعهمن الحفلة وجد الخبر فحزن حزن كبير وعميق وإعتزل الغناء والصادق الياس حزن نفس حزن الجابري وقال بأن فنان كبير مثل أحمد الجابري يملك ما يملك من الإمكانيات لازم يرجع إلى الغناء فكتب الصادق الياس على لسان حال أحمد الجابري "حكاية ملام التي يلوم فيها ويعاتب أحمد الجابري نفسه أنه لم يحضر وفاةوالدته وأنه كيف تعامل مع الحدث فذهب إليه في خلوته ووحدته وأصر عليه أن يخرج بهذه من الإعتكاف وحالة الوحدة والبقاء لله ، وبهذه الأغنية عاد الجابري لمواصلة مسيرته الغنائية إلى أن توفاه الله فحكاية ملام حزن عميق وقصة حقيقية وواقعية على لسان الصادق الياس .

http://www.youtube.com/watch?v=kGt_bM19hbI

أخت اللوم على نفسي
و لا إتحسر على عمري
و لآ أكوس مكانى الراح
مع الغايبين فضل يجرى


أخت اللوم على نفسي
و أرجع أقول أنا الغلطان
و ما شفنا الندامة تفيد
تفيد زولا رجع ندمان
رجعت أكوس مكانى الفات
لقيت جا عصار غشا البلدات
و عاد كيفن الاحق الفات
و الاحق الريح وقت يجري

حكايتى مع الملام طالت
أعيدا وديمة أتأسف
فقد محبوب على مكتوب
أقش فى دمعى ما إتجفف
متين يا غيمة ترمى الضل
تفر البسمة من الفل
تهل البهجة فوق الكل
و أكون نوال جزيل صبرى

يا ريت اللوم يرجعني
و يرجع حالى لى حالو
و الم الباقى من عمري
و اجيب البال من الشالو
و أخت أحزانى و اتريّح
ما اصلو البية ما ريّح
و أحوش مشوارى من بدري
و أقول لعمرى ما تجرى

[شجن البورت]

لو هاماك مشاعر الناس
ما بتنساني يا ظالم
وحاتك كنت بي إخلاص
بريدك وربي بيي عالم
زمان الناس بقولو عليك
مشاعرك صادقة بتريدا
إلاّ القسوة شفتها فيك
تقيد النار وبتزيدا
تقول لا يوم بكت عينيك
ولا خانت مواعيدا
بعد كل الغرور الفيك
أنا العلمّتك الريدة
وناس الريدة يا ظالم
بيوفوا وما بخونو عهود
بصونو العشرة مهما كان
عارفين العمر معدود
معاني الريدة في قلوبم
تفاني وما فراق وصدود
ومهما زادت الآلام
ليالي الفرحة يوم بتعود

***************************

ما بنجم علي ضلك مراح الهم
ولا القمر القطع جوّاك
حبل الليل بهاب الشم
ولا المجهول في يوم باكر
بفرتق عقدك المتلم
غيوم صمتك هوية وزاد
شروق فرحك هوية وزاد
سنين صبرك هوية وزاد
طوابي وخيل
سواقي ونيل
وإيد ممدودة للجايين
معاك نحنا
ما بتقيفي يا أنفاس أمانينا
معاك نحنا ...
وما بتجفّي يا واحة صحارينا
أنحنا معاك ....
وما بننجم علي ضلّك
بروح الهم
ولا القمر القطع جواك
حبل الليل بهاب الشم
ولا المجهول في يوم باكر
بفرتق عقدك المتلم
غيوم صمتك هوية وزاد
شروق فرحك هوية وزاد
سنين صبرك هوية وزاد
طوابي وخيل
سواقي ونيل
وإيد ممدودة للجايين
معاك نحنا

************************

علمتني الدنيا أقسى
ولونساني حبيبي أنسى
ما الدنيا زي حال المراكب
غير شراعا ما بتهدأ ترسى
وعلّمتني الدنيا إنو
المظاهر ديمة تخدع
والبفارق دنيا ريدك
تاني ما تخليهو يرجع
مهما أظهر ليك محنة
من جديد تاني بيخدع
التماسيح ما بتبكي
إلاّ ديمة عيونا تدمع

وتحضرني بعلمتني القوافي
علمتني الأنغام
و
علمتني الحب
للذرررررري

علمتني الحب وإختفت عني
أين ألقاها ملهمة فني
علمتني الحب وهو كالأحلام
يسري بالإنسان بين نور وظلام
راحة العشاق فيه كالآلام
حيرة العشاق فيه كاِلاحلام
حبها شعاري
خمري مزماري
طالما قلبي بيهو متهني
كيف لا أعزف عودي وأغني
علمتني الحب وهي لا تدري
معنى للأشواق والهوى العذري
طفلة في ريعان حسنها الفطري
الشباب ناضر والجمال مغري
مبعث الأسحار طرفها السحري
روضة العشاق خدها الزهري
كلما إستيقظ للقريض فكري
من معانيها السامية تلهمني
الجمال منها معرض ألوانو
والكمال منها يبدو عنوانو
زهرة في أكمام
الصبا البسام
فتحت والروض
جفنو غمّض نام
ليت شعري
كيف لا أراها
دوام طيلة الأيام
في إصطلاح وخصام
مرة تدنيني
تقترب مني
مرة تهجرني
تبتعد عني

http://www.youtube.com/watch?v=zl1Q9C6L1lk

********************

البخاصم ...
ما بشيل في دواخلو جميل أماني
والبحب لو كان بيكره
كان حبيب الروح جفاني
وكنت من دلّو وعذابو
أرسى في قيف المعاني
والبعاتب الناس في كلمة
ما بيسلم من ملامة
والبسامح الناس في غلطة
يمشي بينهم عالي هامة
ونحنا سامحنا وصفحنا
وقلنا تبراك السلامة
ننهزم في الريدة مرة
وفيك ما بجدي الملام
وفي الحنايا ندس هوانا
وفي العيون تقرأ الكلام
والبينعل شوقو بدري
يلقى عز الليل قيام

*********************************

الأستاذ/ عمر محي الدين

جديدك جابو جوابك
وصحى الجوة وجداني
جدد جاري جوايا
جمل مجمولة مجاني
جور الجافي بيجفف
جميل الجيرة من حاني
جَثَم جرم الجميل جوة
جلل جرح البحب عاني
وجريت جرّبت ألقاهو
يجانب لمّا يلقاني
يجيب جبل الجفا الجواه
أجالد جادي للجاني
ويجرب صدو يرجمني
أجيب حجر الرجم تاني
أجاوب في الجمال جمرو
يجدد فيني أحزاني
جفاهو وجورو والجيرة
جرايم جابا تحناني
جنيت من هجرو وأوجاعو
جحيم في جسمي بصلاني
وبجم من جفلو وأفعالو
بجوّد فيهو أوزاني
متين يجمعنا مجلسنا
جروحي تجف وأكون هاني

[شجن البورت]

http://i76.photobucket.com/albums/j13/ahmadziton/tajmeel/fawasl/fawasl22.gif


يا سفن القوافي
النايمة في الميناء
يلاكي سافري بعيد
وأرجوكي شيلينا
ونطوف مدن لحروف
وموانئ هي حنينة
أو لي بلاد أشجان
أمواجا تروينا
والنورس المشجون
بي صوتو بشجينا
نوصل نلاقي حبايب
الشوقا راجينا

شجن


http://i76.photobucket.com/albums/j13/ahmadziton/tajmeel/fawasl/fawasl22.gif
.
.
.

حلقة جميلة بكل ما حوت
من حروف قوافي وحروف أنغام
لأروع أصوات وأقلام
إرتحلنا عبر القوافي والخاطر
في
رحلة بين طيّات السحاب
أنا والنجم والمساء
والإبداع والروعة
وهم
وإجتمعنا علي المحبة وفي ثواني
في طريق مفروش بي حب وحنان
وضعنا
وكان الزاد هناك
وقلبي مفتوح للأحبة
للجمال الأشقى روحي
وفي شعووووري سحرو شب
فكانت
رسالة فن سامي
تدعو للخير والمحبة

سهر القوافي

الأربعاء : 05/12/2012م

القوافي :
- خربانة أم بناياً قش – غناوى الشيخ الفضل
- أنا غايتوأمنتك خطاي
- من ميادين ريدي ليكي
- بين ألقاكي وتاني تغيبي
- لو إنت بي ما مقتنع
- يا حليل لحظة غيابك – سلمى الصديق عبد القادر
- مهما سكت – سلمى الصديق عبد القادر
- بعدك في شوف بنشاف "ثلاثية القراءة" لأزهري ضياء الدين
- هدي حيل الخوف – خالد أحمد الحاج
- ماشة وين
- إشتقت ليك
- علمتني الريدة
- ما إتمنيتك – عمر محي الدين

http://i76.photobucket.com/albums/j13/ahmadziton/tajmeel/fawasl/fawasl22.gif


بأقلام الشعراء والشاعرات :
- أزهري ضياء الدين
- سلمى الصديق عبد القادر "لأول مرة"
- غناوى الشيخ الفضل المكاوي
- الإذاعي/ الشيخ السنوسي
- خالد أحمد الحاج
- الأستاذ/ عمر محي الدين


http://i76.photobucket.com/albums/j13/ahmadziton/tajmeel/fawasl/fawasl22.gif

الأغاني :
- أوع الغرور – مدحة للراحل الشيخ الهواري
- هدي بي يا شوقي – بن البادية
- عيش معاي الحب – صالح الضي
- رحلة في طيارة – الكاشف وسيد عبد العزيز
- أقدار – مجذوب أونسة
- القليب الراسمه حنة – عبد العظيم حركة مع حسن الزبير وبصوت رائد ميرغني
- في حضرة الشاعر/ عبيد عبد الرحمن
- ضاع صبري للشاعر عبيد عبد الرحمن – أحمد الطيب خلف الله وإبراهيم عبد الجليل وعماد أحمد الطيب
- لا تكتر غيابك - محمد النصري
- هسّة خايف – هاشم ميرغني مع عزمي أحمد خليل أجمل توقيع ختام



ومني خالص الود
مع كل الوعد
بقريب العود
بالقوافي
بإذن الواحد الأحد

http://i76.photobucket.com/albums/j13/ahmadziton/tajmeel/fawasl/fawasl22.gif

[شجن البورت]

مشاركة الأخ ضياء الحق التي فقدناها بسبب تهكير المنتدى

له أرق التحايا والإمتنا
.
.
.
.


سلامات لكل متابعي برنامج سهر القوافي ودي روابط حلقة البرنامج يوم الاربعاء الموافق 21.11.2012 واذكركم تاني انو التحميل متاح للناس الداخلة بالموبايل
للتحميـــل
.
.
.
....


قبل التذاكر والرحيل
http://www.2shared.com/audio/kN0xwvov/01-__.html
سهرت معاي كل النجوم
http://www.2shared.com/audio/svj5IQgO/02-___.html
محتفلة بيك روحي
http://www.2shared.com/audio/Q2Mn6XlE/03-__.html
فاتت
http://www.2shared.com/audio/wAihtkAK/04-.html
شيعت عيوني اسى ونحيب
http://www.2shared.com/audio/-0qWACeg/05-___.html
شديت رحال افيالي ليك
http://www.2shared.com/audio/HxzxIooO/06-___.html
البلوم
http://www.2shared.com/audio/aBGnsWle/07-.html
قصة الريد القديمة
http://www.2shared.com/audio/wEMcZbzC/08-__.html
سماحة اللقيا
http://www.2shared.com/audio/FkveEDjx/09-_.html
ضايع انا
http://www.2shared.com/audio/RPk226fT/10-_.html
زهرة الفل الجميلة
http://www.2shared.com/audio/tnLUFbux/11-__.html

[ضياء الحق]

سلامات لكل ناس منتدى عد الحاج ودي روابط حلقة برنامج سهر القوافي بتاريخ 5.12.2012



خربانة ام بنايا قش
http://www.2shared.com/audio/5sQNG-GN/01-___.html
امنت خطاي
http://www.2shared.com/audio/0M7L1IWS/02-_.html
بيني ما بين ريدي ليكي
http://www.2shared.com/audio/YfguDf8w/03-____.html
بين القاكي
http://www.2shared.com/audio/_Ji2eMKG/04-_.html
لو انت بي ما مقتنع
http://www.2shared.com/audio/sXmkiNPX/05-____.html
يا حليل لحظة غيابك
http://www.2shared.com/audio/sJtP0yHm/06-___.html
مهما شيلت عذابي فيك
http://www.2shared.com/audio/9GWdeaOa/07-___.html
ضاع صبري
http://www.2shared.com/audio/4NvYvPZu/08-_.html
بعدك في شوق بنشاف
http://www.2shared.com/audio/q0C3j70X/09-___.html
هدي حيل الخوف
http://www.2shared.com/audio/B2_z5J99/10-__.html
ماشة وين
http://www.2shared.com/audio/DKG5fC1a/11-_.html
اشتقت ليك
http://www.2shared.com/audio/zPjhw2iL/12-_.html
علمتيني الريدة
http://www.2shared.com/audio/VTpm3hA9/13-_.html
ما اتمنيتك
http://www.2shared.com/audio/bCqVd4sa/14-_.html

[فله ابراهيم]

مساء الخير محبي سهر القوافي إليكم بعض قصائد حلقة الاربعاء 5-12-2012

خربان أم بنايتاً قش
وخسران المأمل فيها
أوعك لا تميل تنقش
والنفس إن أبت لوليها
من فعلا حسن لا تكش
قدر السمحة فيك سويها
لا تبره الخلوق تنكش
الشينة فيك ضاريها
لا تزعل تهيج تنفش
صغار الأمور خليها
غرضا ليك لا تنبش
حراس العروض حاميها
كاتم السر وراك ينهش
فاقد الحاجة لا يعطيها
وعدمان الصبر بطفش
شقاق الدروب بمشيها
سقاى الرهاب بعطش
زراع طيبات بجنيها
وسماع الخيث بطرش
معتاد الظنون ساويها
ومارق الدنيا ما بنخش
وفاقد الزمة ما بديها
سخان الذنب بنقش
ونفسك للذنوب طريها
بريان كيه ما بنتش
وحرقان جمرة هو الواطيها
وشن فايدة غليظ هش
وشن طول البدور واطيها
وخربان أم بناية قش
وكضاب البقول ببنيها


والقصيدة دي ذكرتني قصيدة سعادة عبد الرحمن ربما نتفق أو نختلف


تنين ان ختنك في المحن ماتبالي
رفق الدون واطماع النفس في المال
ترديك في الهوان وان كان مقامك عالي
والاتنين خصم من صالح الاعمال

واتنين لا تصغر نفسك اتحاشاها
سيرة الناس وان كان الخشوم لايكاها
الموقدلو نار يوم بكره بتوطاها
والجابلك خبار الناس اكيد وداها

والجرح المنوسر ما بتطبو الكيه
وماببرد حشى المحروقه قولة احيه
الا القول بطيب خاطر المأذيه
باعك واشتراك زولا غفرلك سيئه

والتجى من بعيد قسمتنا نتلقاها
حار الشينه من الليك كان سواها
لابتقدر تصل حدا تلزمو ياها
ولا بداوي الزمن جرحك ولا بتنساها

والماساتروا الله كضبته ما بسترو
الزول ان ختيت فيهو المروه اخترو
الضفر ان نقح صح البدن في بترو
دربك اعوج ان قبلك كبارك عترو

واحذر وش منافق ببشاشه يقلدك
وحين تديو قفاك بسياط لسانو يجلدك
ماتأمن عدوك ما حك ضفرك جلدك
نسبك للوراك صحيح ابوك الولدك

والليك ان عدوك بتختو في ود عينك
الناس ما تياب كيفنها اصابعينك
مهما انت بازل ما بتسدد دينك
ترجع لمراحا العرجا والله يعينك

وزول ان ملكتو امرك كان غلط ما تلومو
وماتعشم صغير بيك يكبر كوموا
الزول الصميم بحكمه داوى همومو
ما تستنى لقسم البقوم من نومو

*************************

أنا غايتو أمنتك خطاي
والسكة والشوق والطريق
أمنتك الدم في العروق
وفرح الفراشات بالرحيق
فى كل خلية تموت فداك
كل الشراين البتنبض
لما يوم تسمع نداك
لو كان عزمت على السفر
وإستعجل السفر خطاك
أنا زاتي مليان بالصبر
بس هسع شاعر بإرتباك
يا وجعة الشوق الجواى
بانيلو بإسمك بيوت
فى كل حته بهاتى بيك
يا أعلى قدرة من السكوت
بنادي ليك أوعك تفوت
اوعك تبل ريق الفراق
وتخلي شوقي معاك يموت
وإنت بتأكد فى السفر
وتنفي للأشواق جواك
وبتعاند أحساس التراب
وكتين يعاين لي سماك
سافر ولا يهمك كتير
تلقاني فى المقعد حداك
نتقاسم احساس الرحيل
ونودع الحزن القبيل

[فله ابراهيم]

بيني ما بين ريدي ليكِ
قصة الوجد الخرافي
وأي مركب فى بحاري
جاية قاصداك يا مرافي
وجمرة الشوق المحرق
راسمة فى عينى إحترافي
بيني بينك وإنتِ عارفة
حاجة غيرك فيني مافي
قلبي طائف فى مدارك
ليلو بالأفراح موشه
ماشي زي عصفور بفتش
فى ظلام عينيك عشه
واي أحلام إنتِ فيها
وسكتك لي ريدنا ممشى
ودونك الأيام جديبه
يوم تطلي الغيم بيغشى
كنت بحلم ألقي واحة
قبل ما أقابل عيونك
سكت الأحزان طويلة
فيها كان مشواري دونك
لما جيتي ولي وصلتى
وحركت دنياي سكونك
منك إتعلمت أفرح
زي سعاتك وكيف أكونك


***********************


ومهما شلت عذابي فيك
قطرة فى بحر العدم
وإبتديت أكتب أغاني
سابحة فى ليل الألم
لا إنت عذابك أكبر
وأقوي من زيف الوهم
أذكي من كل الأماني
الشاربة من صدق العشم
وأغلي من نيل الخلود
وأشجى من شدو النغم
وفيك ترتاح القوافي
وفيل برتاح القلم
وفيك بستخلص حياتي
وما بشيل للدنيا هم
لما تدخل فى مساري
بنسي لحظات الألم

******************

هذة القصيدة من ثلاثة إتجهات لو قرأ صدر البيت قصيدة ولو قرأ عجز البيت قصيدة



بعدك فى شوق بنشاف
ولا السعادة تكون
يا دمعي يا شفاف
جفت معاك عيون
محلت أرضنا نشاف
رغم السما المسكون
بي توب سحاب نزاف
رحل الغمام محزون
وعارفك زمن غدار
أبعدت أحلي الناس
وإتفرقو السُمار
وإتبدل الإحساس
ما بين هم وأعذار
لا اُونس لا إيناس
صبح الورد صبار
وشربنا مر الكاس
من بعدك الأفراح
ضاعت مع الأيام
أهو جانا تاني صباح
لا غنية لا أنغام
فضل الدمع نضاح
وإتلاشت الأحلام
أمل السعادة وراح
لا الجنة لا النسام
ريحني مرة معاك
أنساني لو أنساك
ينساني يوم وجعي
يا عيني كُفى بكاك
جاوبيني وإستمعي
لو مرة فكر جاك
ليكم بقيد شمعي

كدا الشعر ولا بلاش

[شجن البورت]

فلتفرح صفحة قوافينا طرباً

ولنرقص مع حروفها تعبيراً عن سعادتنا الغامرة

بحضور من تجعل لهذه الحروف عبقاً يعتق لنا المكان

بعطر الفل و "عطر الصندل"


غاليتنا والحبيبة ** فلة إبراهيم

مرحبابك في هنا على شاطئ القوافي
ويحلو الإبحار معك

ومشكووووووووورة بلا حدود

على فيض القوافي

وسنكون دوماً في إنتظارك بإذن الله

أرق وعاطر وأندى التحايا والود ***


مساء الخير محبي سهر القوافي إليكم بعض قصائد حلقة الاربعاء 5-12-2012

خربان أم بنايتاً قش
وخسران المأمل فيها
أوعك لا تميل تنقش
والنفس إن أبت لوليها
من فعلا حسن لا تكش
قدر السمحة فيك سويها
لا تبره الخلوق تنكش
الشينة فيك ضاريها
لا تزعل تهيج تنفش
صغار الأمور خليها
غرضا ليك لا تنبش
حراس العروض حاميها
كاتم السر وراك ينهش
فاقد الحاجة لا يعطيها
وعدمان الصبر بطفش
شقاق الدروب بمشيها
سقاى الرهاب بعطش
زراع طيبات بجنيها
وسماع الخيث بطرش
معتاد الظنون ساويها
ومارق الدنيا ما بنخش
وفاقد الزمة ما بديها
سخان الذنب بنقش
ونفسك للذنوب طريها
بريان كيه ما بنتش
وحرقان جمرة هو الواطيها
وشن فايدة غليظ هش
وشن طول البدور واطيها
وخربان أم بناية قش
وكضاب البقول ببنيها


والقصيدة دي ذكرتني قصيدة سعادة عبد الرحمن ربما نتفق أو نختلف


تنين ان ختنك في المحن ماتبالي
رفق الدون واطماع النفس في المال
ترديك في الهوان وان كان مقامك عالي
والاتنين خصم من صالح الاعمال

واتنين لا تصغر نفسك اتحاشاها
سيرة الناس وان كان الخشوم لايكاها
الموقدلو نار يوم بكره بتوطاها
والجابلك خبار الناس اكيد وداها

والجرح المنوسر ما بتطبو الكيه
وماببرد حشى المحروقه قولة احيه
الا القول بطيب خاطر المأذيه
باعك واشتراك زولا غفرلك سيئه

والتجى من بعيد قسمتنا نتلقاها
حار الشينه من الليك كان سواها
لابتقدر تصل حدا تلزمو ياها
ولا بداوي الزمن جرحك ولا بتنساها

والماساتروا الله كضبته ما بسترو
الزول ان ختيت فيهو المروه اخترو
الضفر ان نقح صح البدن في بترو
دربك اعوج ان قبلك كبارك عترو

واحذر وش منافق ببشاشه يقلدك
وحين تديو قفاك بسياط لسانو يجلدك
ماتأمن عدوك ما حك ضفرك جلدك
نسبك للوراك صحيح ابوك الولدك

والليك ان عدوك بتختو في ود عينك
الناس ما تياب كيفنها اصابعينك
مهما انت بازل ما بتسدد دينك
ترجع لمراحا العرجا والله يعينك

وزول ان ملكتو امرك كان غلط ما تلومو
وماتعشم صغير بيك يكبر كوموا
الزول الصميم بحكمه داوى همومو
ما تستنى لقسم البقوم من نومو

*************************
[/color][/size]

والله يا فلة نفس الإحساس

فأثناء قراءة الأستاذ/ عمر لقصيدة الشاعرة غناوى "خربانة أم بناياً قش"
تذكرت رائعة الشاعرة سعادة عبد الرحمن الجرح المنوسر

يا زولة مختلفة:SugarwareZ-008::SugarwareZ-098:

:SugarwareZ-017:شنو تلاقي الخواطر دة:SugarwareZ-018:


عاطر تحياااااااااااااااااااااتي ***

[شجن البورت]

******************[center][b][size="6"][color="black"]

هذة القصيدة من ثلاثة إتجهات لو قرأ صدر البيت قصيدة ولو قرأ عجز البيت قصيدة



بعدك فى شوق بنشاف
ولا السعادة تكون
يا دمعي يا شفاف
جفت معاك عيون
محلت أرضنا نشاف
رغم السما المسكون
بي توب سحاب نزاف
رحل الغمام محزون
وعارفك زمن غدار
أبعدت أحلي الناس
وإتفرقو السُمار
وإتبدل الإحساس
ما بين هم وأعذار
لا اُونس لا إيناس
صبح الورد صبار
وشربنا مر الكاس
من بعدك الأفراح
ضاعت مع الأيام
أهو جانا تاني صباح
لا غنية لا أنغام
فضل الدمع نضاح
وإتلاشت الأحلام
أمل السعادة وراح
لا الجنة لا النسام
ريحني مرة معاك
أنساني لو أنساك
ينساني يوم وجعي
يا عيني كُفى بكاك
جاوبيني وإستمعي
لو مرة فكر جاك
ليكم بقيد شمعي

كدا الشعر ولا بلاش

************************************
الشاعر/ أزهري ضياء الدين

القصيدة الثلاثية أبعاد وطرق القراءة

الأولى :
صدر القصيدة طولي :

بعدك في شوق بنشاف
يا دمعي يا شفاف
نشّف أرضنا نشاف
بي توب سحاب نزاف
وعارفك زمن غدار
وإتفرقوا السمار
ما بين هموم وأعذار
صبح الورد صبار
من بعدك الأفراح
وهوجانا تاني صباح
فضل الدمع نضاح
أمل السعادة وراح
ريحني مرة معاك
أنساني لو أنساك
يا عيني كفي بكاك
لو مرة بس يرجاك


الثانية :
عجز القصيدة أفقي :

ولا السعادة تكون
جفت معاك عيون
رغم السما المسكون
رحل الغمام محزون
تابعت أحلى الناس
وإتبدل الإحساس
لا أنس لا ونّاس
وشربنا مر الكاس
ضاعت مع الأيام
لا غنية لا أنغام
وإتلاشت الأحلام
بالجنة من أنسام
ما تجري يا دمعي
بنساني يوم وجعي
جاوبيني وإستمعي
بيكم بقيف دمعي


الثالثة :
القصيدة بطريقة عادية :

بعدك في شوف بنشاف ** ولا السعادة تكون
يا دمعي يا شفاف ** جفت معاك عيون
وحلت أرضنا نشاف ** رغم السما المسكون
بي توب سحاب نزاف ** رحل الغمام محزون
عارفك زمن غدار ** أبعدت أحلى الناس
وإتفرقوا السمار ** وإتبدل الإحساس
ما بين هموم وأعذار ** لا أنس لا إيناس
صبح الورد صبار ** وشربنا مر الكاس
من بعدك الأفراح ** ضاعت مع الأيام
وهو جانا تاني صباح ** لا غنية لا أنغام
فضل الدمع نضاح ** وإتلاشت الأحلام
أمل السعادة وراح ** دة الجنن النسام
ريحني مرة معاك ** ما تجري يا دمعي
أنساني لوأنساك ** وينساني يوم وجعي
يا عيني كفي بكاك ** جاوبيني وإستمعي
لو مرة فكر جاك ** بيكم بقيف دمعي

[شجن البورت]

بين ألقاكي وتاني تغيبي
ألقى دموعي وحزني حبيبي
وإنتي الكان بتسيبي الريدة
وحبك مالي علية دروبي
وقلتي تعيشي فراشة ترفرف
بين شمعاتي وجوة لهيبي
لا فكرتي تهلي تطلي
لا بتردي نداي وتجيبي
بينّا رماد الذكرى الباقي
ونار الشوق الكانت واقدة
ياما مشيتي دروب أحزانك
وأنا من بعدك دمعي وسادة
ومستنيكي تعيدي الماضي
لي أحلامنا الكانت جادة
واللحظات الحلوة بتشرق
وآخر الصبر ملامح واعدة
وزي ما الزمن أدانا الوجعة
بكرة الفرحة بتبقى مرافي
لو إتعكر زمنك مرة
باكر يرجع ويصبح صافي
والأحزان السكنت فينا
والأفراح الصبحت مافي
وياما نعيد أيامنا الأولى
زاهية وباهية جمالا خرافي

***************************


لو إنت بي ما مقتنع
لو قلبك إتغير قنع
جاييني مالك معتذر
تتباكى بي مر الدمع
وزي ما بتقول للناس خلاص
البينّا ودع من زمن
وإرتحت من درب الشقى
خوف الليالي وشك وظن
وإنك خلاص لاقيت خلاص
لا بتطره لا قلبك بحن
إيه تاني جابك سكتي
وقلبي كايس ليك وطن
يوم إنت إخترت الشتات
بي إيدك أسدلت الستار
حبست صوت الأغنيات
عاد تاني كيف يصدح كنار
والبينّا عدى وقلت فات
زي نجمة في أبعد مدار
وين تاني همس الأمسيات
الرجعة للبيت والديار

************************

الشاعرة/ سلمى الصديق عبد القادر

يا حليل لحظات غيابك
وإنت بتفتش علية
وكل لحظة بعيدة عنّك
كانت أشواق نارا حية
وشلت ليك أنبل معزة
كل إحساسات شجية
وصنت حبك في عيوني
بالكتير ما بالشوية
وكانت الأحلام أزاهر
وكانت الآلام عصية
وكانت الأيام شواهد
في الصباحات والعشية
وإنو ريدك باني فيني
وباقي لي شتلات ندية
وليه نسيت كل البنيتو
معاك في لحظات هنية
وإنت ضامر في قليبك
أقسى فكرة وكل أسية
وحقو تعرف كل زول
يحصد زراعتو
هي لو سعيدة أو شقية
وإنو إنسانك مشاعرك
كلمة طيبة ضمير ونية
وكانت الأحلام أزاهر
وكانت الآلام عصية
وكانت الآلام شواهد
في الصباحات والعشية
وإنو حبك باني فيني
وباقي لي شتلات ندية

********************************

الشاعرة/ سلمى الصديق عبد القادر

مهما شلت عذابي فيكَ
قطرة في بحر العدم
وإبتديت أكتب أغاني
سابحة في ليل الألم
إلاّ إنت عذابك أكبر
وأقوى من زيف الوهم
أزكى من كل الأماني
الشاربة من صدق العشم
أغلى من نيل الخلود
وأشجى من شدو النغم
وفيك ترتاح القوافي
وفيك برتاح القلم
وفيك بستخلص حياتي
وما بشيل للدنيا هم
لما تدخل في مساري
بنسى لحظات الألم

**************************

الشاعر/ خالد أحمد الحاج

هدي حيل الخوف تعالي
في النهارات أو ليالي
والبفتش للحقيقة
وفيها ببذل كل غالي
كيف بتغريهو الأسافل
وقصدو يوصل للعوالي
في العذاب والناس مشاعري
والعيون فاضحاها حالي
رغم خوفي من النهاية
إلاّ بطرح ليك سؤالي
ليه تملي بننجرح
وما بنلقى حبيب مثالي
وكنا فاكرين لما نضحك
زي صباحك غنى سالي
في الدواخل العبرة تكبر
والنجوم مابيات تلالي
بي وجل أقصد يمينو
وألقاهو ماشي علي شمالي
لي سواي باسمات شفاهو
لا فرحت ولا صفالي
ياهو دة الندم البعيشو
وما بدس عن زول مآلي

**************************

ماشة وين بعدك مدنا
أي صخرة وأي غابة
باكية بي دمع اليتامة
وبعدك الإحساس خرابة
برضي شفتك وإنتي طالعة
من جراحاتي وعذابا
وفي غنايا وتاني شفتك
وفي مواويل الغلابة
في نفس مسدار حنيّن
وطفلة تضحك بين صحابا
في النسيم الشاري غيمو
وإنتي تتهادي في سحابة
وفيني حزن الفرقة فاضح
والدموع هطالة كابة
وأي يوم من عمري ضايع
في هوى الدنيا وسرابا
ردي لي أيام هنايا
وعيدي لي أحلام شبابا
زيي ما بتلقيهو تاني
إنتي عارفة الفرقة دابا
إبتديت أشكيها ليكي
وضقت من المر شرابا
نحنا منك ما مشينا
وريدة ما سدينا بابا

******************

إشتقت ليكـ ...
لا غربة تاني ولا سفر
لملمت أشرعة الرحيل
لا نيل بشقو ولا بحر
إشتقت ليك ضجة وسكون
وإشتقت ليك دمعة وسهر
إشتقت بس جمبك أكون
وغلبني صبري الكم صبر
أنا قلبي ألين من قساك
لو قلبك إتحول حجر
لو شوقي في كل السنين
إندق في خاطرك عبر
وبقينا واحد في الرؤى
وعزفنا بي نفس الوتر
كنّا إنتصرنا علي الصعاب
وزرعنا في الريح المطر
إشتقت ليكـ ...
إشتقت يلهمني القدر
بقدر أجيب ليكي الغنا
وبعدك يموت فيني الشعر
وإتمنى بي آخر نفس
أتنسمك ريحة وعطر
إشتقت ليكـ ...
إشتقت ليك والصبر مر

*************************

علمتني الريدة
أشفيني من ريدك
وغرقتني في بحرك
أنقذني مد إيدك
وأصبحت لية سراب
وبعدت مواعيدك
وخليتني في دمعي
وتعذيبي ما بفيدك
كانت قسم وأقدار
وخليتني حبيتك
شتتَ أفكاري
وما جيتني يوم جيتك
قلبك صبح نساي
ونسيتني ما نسيتك
شرّدت أحلامي
بي دمعتي بكيتك
وكتبت أشعاري
وعزفت غنيتك
نزفت دم جواي
وفتشت ما لقيتك
أنا زيي كم رياد
بشجيهو تغريدك
مرت علينا سنة
وما هل لي عيدك
خليتني للأحزان
وأنا دمعي ما بعيدك
وعرفت آخر الريد
ناسيني ما نسيتك

***************************

الأستاذ/ عمر محي الدين

ما إتمنيتكـ ...
تبقي حكاية الذكرى البدري
وما إتخليت عن عشماً فيني
وما ضيّعت الدهب التبري
أنا مستني صباحك يجيني
أنا خيرتك إنك شمسي
ولا ظلام الليل لافيني
وإنتي إخترتي تكوني العتمة
وبخلت شمسك نور تديني
أنا إخترت الموجة الماشة
محل ما ماشة توديني
وشفت الضفة مراسي القيفة
طوق لنجاتي ومرسى سنيني
وجات الموجة العالية العاتية
وغرق الحلم الكان كاسيني
ما ضيعتك فكرة وخاطر
وما بددت هوايا الطاهر
وما كتّمتَ السر في جوفي
وقلت بريدك وكنت بجاهر
ليه الحلم الكان بتدفق
ينضب سيلو ويبقى سواتر
وليه أحلامنا الكان تتمنى
تبقى مرارة الألم الكافر
وليه ركزّتك ساس ختيتو
وإنتي هدمتي بناي العامر



**************************************


خلوني أنقل ليكم إحساس متطور في مدرسة الغناء السوداني
لما يكون في شعر مولود في أمدرمان وعايش في ود مدني إتخيلوا الإحساس بيكون كيف الإحساس البمشي مع البحر بصورة عكسية النيل عودنا إنو يجي من فوق من الصعيد ويمشي على الساحل الغناء دة نحنا علمنا يجي من فوق ويمشي لكن الغناء دة لمن يجي من أمدرمان ويمشي لود مدني مرتد بيرتد بحاجات مختلفة
هذا كان حال
الشاعر الكبير عبيد عبد الرحمن
الذي ولد في أمدرمان عام 1905م والذي عاصر فترة الغناء الجميل في ود مدني السني والذي أرخج لحركة الأغنية السودانية الكثير من الإبداعات فحي السوق الكبير في أمدرمان شهد مولد عبيد عبد الرحمن وهو مثلهومثل شعراء الحقيبة الكبار دخل الخلوة ودرس فيها مبادئ القرآن الكريم مثله ومثل أبناء جيله قرأ في شارع أب روف مع سوق المراكب الطريق "الشاقي الطرام" الذي كتب فيه قديماً الشاعر خليل فرح وبدأ عبيد عبد الرحمن تاجر في دكان مثله ومثل الشعراء الذين كانوا يلتقون في "دكاكينهم" ويمكن منأشهر الدكاكين في أمدرمان التي نظمت فيها ألحان وصورت فيها ملامح لأغنيات سودانية هو دكان العدة للشاعر علي محمود التنقاري ، وإلتصق عبيد عبد الرحمن بعددمن الشعراء الكبار وعاش معهم مع سيد عبد العزيز ومصطفى بطران وأحمد عبد الرحيم العمري وود الرضي وغيرهم وود الرضي يذكر أنه كان يأتي إليهم "بالحمار" من أم ضواً بان ليشارك هؤلاء الشعراء الكبار الأحاسيس الجميلة . ويكتب عبيد عبد الرحمن رباعيات الدوبيت في 17 و18 سنة حتى دخلت فترة أواسط العشرينيات بدأ يكتب شكل يشبه أغنيات الطمبور وكان يقول هو غاية الإعجاب بإبراهيم العبادي . وبدأت صلة عبيد عبد الرحمن بالشعراء الغنائيين بأمدرمان وكان أول من غنى له عبد العزيز المامون وهو شقيق ميرغني المامون والذي شكل فيما بعد الثنائية مع أحمد حسن جمعة وغنوا أغنية الحقيبة بإحساس مختلف ، وعام 1924م بدأ الشاعر عبيد عبد الرحمن في كتابة الأغنية وكانت أشهر أغنياته طال هجري يا أمدر أمان ، وفي عام 1926م ذهب إلى الجزيرة ود مدني وعمل ترزياً هناك وكتب الأغنية "طال هجري" وسكن ود مدني ناثر أجمل القصائد وأجمل الدرر حتى كتب أغنيات جميلة وبود مدني إلتقى بإبراهيم الكاشف وأعطاه العدد الكبير من الأغنيات المهولة الكبيرة "أنا ما بقطف زهورك بس بعاين بعيوني" و "البرهة الجميلة" لعبد العزيز محمد داؤود وغيرها من الأغنيات الكبيرة والجميلة والراسخة في وجدان كل سوداني وبوفاة إبراهيم الكاشف سنة 1969م توقف عبيد عبد الرحمن عن كتابة الأغنيات ولزم داره إلى أن توفاه الله سنة 1986م بعد 81عام . ومن أجمل الأغنيات التي كتبها كانت الأغنية الجميلة والكبيرة والمعروفة "ضاع صبري" وسجلها للإذاعة إبراهيم عبد الجليل بصوته الجميل ونقل إحساسها الجميل بصورة جميلة الفنان أحمد الطيب خلف الله ومرت الأيام وظلت "ضاع صبري" كالذهب التبر لم تصدأ وتتداولها الأجيال وترددها فرددها الفنان عماد أحمد الطيب .

كان هذا على لسان الأستاذ/ عمر محي الدين

.